Ливерпул не планира да запре во актуелниот преоден рок. Откако клубот го урна трансфер рекордот за Флоријан Вирц, според медиумите „црвените“ се подготвени да потрошат уште 117 милиони евра.

Сагата околу Флоријан Вирц заврши со хепиенд за Ливерпул. Клубот со бонусите за германскиот репрезентативец на Баер Леверкузен ќе му плати 136,5 милиони евра. Ова е не само најголемиот трансфер во историјата на клубот, туку и најголемиот трансфер во Премиер лигата.

Инаку претходно во клубот за 40 милиони евра пристигна Џереми Фринпомг, а се очекува да потпише и левиот бек на Борнмут, Милош Керкез.

Следна цел на Ливерпул е фудбалерот на Њукасл, Ентони Гордон.

Како што тврдат новинарите на „Сан“, Арне Слот дал зелено светло и сака да види англискиот репрезентативец во својот тим.

Минатиот октомври, Гордон потпиша нов договор со Њукасл, а во овој клуб пристигна од Евертон во јануари 2024 година за околу 60 милиони евра.

Тој одигра клучна улога во тимот на Еди Хау минатата сезона, постигна шест гола и запиша пет асистенции, со што му помогна на клубот да се врати во Лигата на шампионите.

Наводно фудбалерот има голема желба да ја продолжи кариерата на „Енфилд“, и покрај фактот дека играше за лутиот ривал Евертон.

Чиро Имобиле му се понудил на фудбалскиот клуб Милан, објавува „Кориере дела Сера“.

Искусниот фудбалер, по сопствена иницијатива, стапил во контакт со новиот спортски директор на Милан, Игли Таре, кого го познава многу добро бидејќи работеа заедно во Лацио неколку години.

Имобиле играше за Бешикташ минатата сезона, но би сакал да се врати во родната Италија и веќе избрал клуб.

Бидејќи Лука Јовиќ ќе го напушти Милан,а исто така Тами Ејбрахам ќе се врати во Рома, Имобиле верува дека тој е идеален кандидат да биде ангажиран како резервен напаѓач.

Сиромашниот напаѓач, иако во доцните играчки години, зад себе имаше успешна сезона во турското првенство. Одигра 41 натпревар за Бешикташ и постигна 19 гола.

Поранешниот дефанзивец на Барселона, Жерар Пике, откри кому би ја дал „Златната топка“. Играв и со Усман Дембеле и со Ламин Јамал. Многу ги сакам. Усман ми беше како брат. Ламин исто така. Тој е многу, многу талентиран, посебен. Би го избрал Ламин затоа што сега е во Барселона, а игра и во Кралската лига. Но, ако Усман победи, ќе бидам среќен за него, изјави Пике за „Марка“.

Минатата сезона, 17-годишниот Јамал одигра 55 натпревари за Барселона во сите натпреварувања, постигнувајќи 18 гола и 25 асистенции.

28-годишниот Дембеле има 33 гола и 15 асистенции во 49 натпревари за ПСЖ

Напаѓачот на Интер, Мехди Тареми, не може да го напушти родниот Иран и малку е веројатно дека ќе може да игра на Светското клупско првенство во САД.

Поради конфликтот меѓу Иран и Израел и сè што се случува на Блискиот Исток, во овој момент тој нема начин како да го напушти Техеран.

Според информациите објавени од италијанскиот „Скај Спорт“, тој моментално е во Техеран, каде што сите авиони се приземјени и немаат дозвола за полетување.

Неговите соиграчи од Интер веќе се во Лос Анџелес каде се подготвуваат за почетокот на Светското клупско првенство на ФИФА. Сигурно е дека ќе мора да се справат без него.

Првиот натпревар на Интер под водство на новиот тренер Кристијан Киву е закажан за среда, 18 јуни во 3 часот наутро против Монтереј, а потоа следат натпреварите со Урава и Ривер Плата.

Тагови: Интер Милано

Португалскиот великан Бенфика ќе настапува на Светското клупско првенство, а еден од членовите во тимот ќе биде и Алваро Карерас.

Овој фудбалер одамна го привлече вниманието на Реал Мадрид и шпанскиот клуб направил конкретен чекор пред одреден период во оваа насока, но понудата била одбиена од страна на Бенфика.

Тоа го потврдил претседателот Руи Кошта, кој јасно ставил до знаење дека Реал ќе треба да ги исполни барањета на Бенфика ако сака да го добие Карерас во своите редови.

„Не постигнавме договор со Реал Мадрид. Карерас е фудбалер на Бенфика и ќе игра за нас на Светското клупско првенство. Имаше понуда, но таа не ги исполни нашите очекувања, останува да видиме што ќе се случува до крајот на преодниот рок“, рекол Руи Кошта.

Во својот договор, Карерас има откупна клаузула од 50 милиони евра.

Лучијано Спалети се повлече од селекторската функција во италијанската репрезентација и повторно може да ги разгледува опциите кои ги има за наредната етапа во тренерската кариера.

Италијанските медиуми тврдат дека Спалети добил понуда од Ал Наср и истата подразбира годишна плата од 18 милиони евра, сума до која искусниот стручњак сигурно не може да се надева во Европа.

Клубот од Саудиска Арабија стапил во контакт со агентот на Спалети веднаш по прес-конференцијата на која најави заминување, па сега тој треба да одлучи дали сака да се пресели во Ријад и да соработува со Кристијано Роналдо и другите ѕвезди на Ал Наср.

Дефанзивецот на Емполи, Лука Маријанучи, е нов играч на италијанскиот шампион Наполи, објави клубот од Неапол, потпишувајќи петгодишен договор со 20-годишниот Италијанец.

Според информациите во италијанскиот печат, зделката е вредна 9 милиони евра.

Во сезоната 2024/25, Маријанучи одигра 24 натпревари во сите натпреварувања, имаше 2 асистенции и доби 2 жолти картони и 1 црвен картон.

Пол Погба, чија суспензија поради допинг неодамна истече, е блиску до потпишување договор со тимот на Монако, објави Би-Би-Си.

32-годишниот играч од средниот ред преговара за двегодишен договор со Монако, а потврдата се очекува во наредните денови.

Погба, поранешен играч на Јувентус, беше привремено суспендиран откако беше позитивен на допинг тест во септември 2023 година.

Поранешниот играч од средниот ред на Манчестер Јунајтед подоцна доби забрана за играње четири години, но таа казна подоцна беше намалена на 18 месеци.

Одлуката за намалување на казната ја донесе Арбитражниот суд за спорт (CAS), кој утврди дека Погба намерно не користел дехидроепиандростерон и дека забранетиот тестостерон ги подобрува само перформансите кај жените.

Џенаро Гатузо наскоро ќе биде именуван за селектор на италијанската репрезентација, објавува најпознатиот инсајдер, Фабрицио Романо. Тој тврди дека до неодамна тренерот на Хајдук ги договорил условите со Фудбалскиот сојуз на Италија. Сè уште има мали детали што треба да се разработат, а во следните неколку дена Сојузот ќе објави дека Гатузо потпишал договор.

На чело на италијанската репрезентација, Гатузо ќе го наследи Лучано Спалети, кој беше отпуштен минатата недела. Гатузо минатата сезона со Хајдук го освои третото место во Хрватска, а претходно во кариерата ги водеше Милан, Наполи, Валенсија и Марсеј. Единствениот трофеј во неговата кариера е купот со Наполи во 2020 година.

Гатузо ќе собере јадро од поранешни светски и европски шампиони како асистенти и ќе изгради нова репрезентација заснована на чувство на припадност и искуство, пишуваат италијанските медиуми. Го убедил Леонардо Бонучи, кој моментално е во тренерскиот штаб на италијанската репрезентација до 20 години. Негов втор помошник ќе биде Андреа Барзаљи.

Барзаљи, Бонучи и Гатузо играа заедно во репрезентацијата кај Марчело Липи и во 2006 година станаа светски шампиони..

Стручниот штаб треба да го пополни и Џанлука Замброта, уште еден поранешен италијански ас. Тој е без договор седум години, а неговиот последен ангажман беше во кинескиот Сунинг, каде што беше помошник тренер.

Александар Митровиќ, најдобриот стрелец во историјата на српската фудбалска репрезентација, наскоро би можел да се врати на европската сцена, во за многумина изненадувачки трансфер.

Според сознанијата на турскиот портал „НТВ Спор“, напаѓачот на Ал Хилал е блиску до договор со екипата на Фенербахче.

Тој наводно разговарал со својот сонародник Душан Тадиќ, но и со Един Џеко. Искусните фудбалери го напуштија клубот од „Шукру Сараѓоглу“ ова лето. Од нив Митровиќ добил одлични повратни информации за клубот.

Истиот извор наведува и дека преговорите меѓу поранешниот напаѓач на Партизан, Андерлехт, Њукасл и Фулам и клубот на чија клупа седи Жозе Мурињо сега се во завршна фаза, па затоа епилогот треба да се очекува во блиска иднина.

Во првите денови од јуни, Фенер се обиде да ги договори трансферите на Џонатан Давид и Душан Влаховиќ, но безуспешно.

Напаѓачот на Лил бараше 12.000.000 евра како бонус за потпишување, додека играчот на Јувентус не беше заинтересиран за трансфер во Турција.