22-годишниот напаѓач на Ипсвич, Лиам Делап, официјално се приклучи на Челзи во трансфер вреден околу 30 милиони фунти. Англискиот репрезентативец потпиша шестгодишен договор со клубот од Стамфорд Бриџ, што ќе го задржи таму до 2031 година. 

По испаѓањето на Ипсвич од Премиер Лигата, во договорот на Делап се активираше откупна клаузула што јго овозможи неговота заминување. Делап постигна 12 голови и 2 асистенции на 40 настапи минатата сезона, оставајќи силен впечаток и покрај тешкотиите на тимот. Неговите настапи привлекоа интерес од неколку премиерлигаши, вклучително и Манчестер Јунајтед и Њукасл, но на крајот Челзи успеа да го обезбеди неговиот потпис. 

По потпишувањето на договорот, Делап изјави: „Растејќи гледајќи го овој клуб, ја разбирам неговата големина и исто така колку неверојатен бил низ годините.“ 

„Сакав да дојдам во Челзи за да освојувам трофеи… кога разговарав со клубот, сите имаа желба да се вратат на самиот врв, со амбиција да продолжат да освојуваат трофеи и да го вратат клубот таму каде што му е местото – тоа е главната цел.“ 

Овој трансфер претставува и повторно здружување со неговите поранешни соиграчи од младинската академија на Манчестер Сити – Кол Палмер и Ромео Лавија – како и со тренерот Ензо Мареска, кој соработуваше со Делап во младинскиот состав на Сити. Одлуката на играчот, според извори блиски до него, била силно влијаена од запознаеноста со стручниот штаб и долгорочната визија на Челзи. 

Со доаѓањето на Делап, Челзи ќе добие дополнителна сила во нападот, подготвувајќи се за напорната сезона 2025/26, која вклучува и учество на ФИФА Светското Клупско Првенство. Овој трансфер ја нагласува посветеноста на клубот на младите играчи и долгорочниот развој, што е клучна стратегија на сегашното раководство на клубот. 

Челниците на Баер Леверкузен се помирија со фактот дека најдобриот играч, Флоријан Вирц ќе го напушти клубот. Прашање на денот е кога Баер ќе го договори трансферот на Вирц во Ливерпул. Во Леверкузен се сигурни дека најдоа играч кој ќе го замени Вирц.

Додека работат на трансферот на Вирц, челниците на Баер водат и операција за трансфер на Нико Паз (20). Младиот Аргентинец воодушеви сезонава во Серија А, во дресот на Комо.

Паз се пресели од Реал во Комо минатата година за шест милиони евра, но во тој договор Реал го задржа правото на да го врати фудбалерот за осум милиони евра. Перез наводно планира да ја активира таа клаузула и да го врати во клубот.

Реал ќе му плати на Комо осом милиони евра, но не планира да го задржи Паз. Намерата им е да го продадат во Леверкузен за 30 милиони.

Челниците Баер ги започнале преговорите и подговтвени се да ја платата бараната сума.

Младиот играч од средниот ред се истакна минатата сезона под водство на Сеск Фабрегас во Комо, забележа шест гола и девет асистенции во 35 настапи.

Според „ Mundo Deportivo“ Барселона брзо се движи да го обезбеди Алехандро Грималдо од Баер Леверкузен во намален трансфер од 18 милиони евра, зајакнувајќи ја својата конкуренција со Реал Мадрид за посакуваниот лев бек. Како шампион на Ла Лига, Барселона е решена да ја добие битката во овој важен трансфер. 

Грималдо, на 29 години, кој ја започна кариерата во познатата академија на Барселона, Ла Масија, наводно е заинтересиран да се врати во Шпанија. И покрај тоа што има договор со Леверкузен до 2027 година, желбата да игра повторно во Ла Лига предизвика натпревар меѓу двата големи шпански гиганти.  

Реал Мадрид исто така покажува силен интерес, што ја прави конкуренцијата за Грималдо жестока. Сепак, тренерот на Барселона, Ханси Флик, го гледа искусниот лев бек како совршен за неговиот тим.

Барселона работи напорно за брзо финализирање на договорот, искористувајќи ја релативно ниската откупна клаузула на Грималдо. Овој потег може да им даде стратешка предност пред Реал Мадрид, кои ова лето бараат неколку врвни играчи. Деталите за договорот укажуваат на можен четиригодишен договор за Грималдо на Камп Ноу, со плата во согласност со моменталната структура на Барселона.

Според „ UOL Esporte“ Јувентус размислува да го ангажира крилниот играч на Манчестер Јунајтед, Антони, поради неговите одлични настапи за време на позајмицата во Реал Бетис. 

Бразилецот се приклучи на шпанскиот клуб во јануари 2025 година и веднаш се истакна, постигнувајќи три гола и две асистенции во своите први шест натпревари. Неговата возобновена форма во Шпанија не остана незабележана, а Јувентус внимателно ја следи неговата ситуација со цел евентуален трансфер ова лето. 

Иднината на Антони на „Олд Трафорд“ останува неизвесна по разочарувачкиот период од неговото доаѓање од Ајакс.  

Сепак, според извештаите, Манчестер Јунајтед очекува повисока сума – помеѓу 40 и 50 милиони евра – имајќи ги предвид подобрените настапи на Антони и неговата можна пазарна вредност. Интересот за крилниот напаѓач расте како што се приближува летниот преоден рок, а Јувентус е само еден од неколкуте европски гиганти кои се во трка за неговиот потпис. 

Креативецот на Баер Леверкузен, Флоријан Вирц, јавно се огласи на Инстаграм, реагирајќи на гласините кои тврдеа дека барал дрес со број 10 како услов за трансфер во Ливерпул. 

Во порака до своите следбеници, Вирц изјави: „Кој вели дека сакам дрес со број 10? Ѓи почитувам играчите,“ советувајќи ги навивачите да не веруваат на се што се пишува во медиумите. 

Спорот започна неколку врвни новинари изјавија дека Вирц барал да го носи реномираниот дрес со број 10, кој во моментов го има Алексис Мак Алистер. Од неговото доаѓање во Ливерпул во 2023 година, аргентинскиот среден играч одржува блиска лична врска со тој број. 

Ливерпул сè уште е заинтересиран да го доведе Вирц. Според Фабрицио Романо, играчот и клубот постигнале договор за лични услови. Меѓутоа, Баер Леверкузен одбил понуда од 130 милиони фунти, инсистирајќи на проценка од 150 милиони. Таа сума би била нов трансфер рекорд во Премиер Лигата доколку се оствари. 

Иднината на Вирц останува неизвесна, Реал Мадрид исто така покажува интерес за талентираниот плејмејкер. Баер Леверкузен ја држи цврсто својата цена, што претстава дека немаат итност да го продадат, туку ќе почекаат најповолна понуда. 

Македонската репрезентација ги продолжува подготовките за квалификациските натпревари за пласман на СП 2026 против Белгија (6 јуни, Скопје) и Казахстан (9 јуни, Астана).

Дебитантот во нашата репрезентација, Стефан Деспотовски смета дека против Белгија мора да бидеме перфектни доколку сакаме да оствариме позитивен резултат.

„Секако дека е убаво чувството првпат да си тука, одлично сум прифатен од тимот. Белгија е еден силен тим, но ние ако не дозволиме на ривалот да ја игра неговата игра, имаме шанси. Мора да ги испочитуваме сите работи кои селекторот ќе ни ги каже и мислам дека сме спремни за првиот меч. Со секоја репрезентација има доза на притисок, но ние се подготвуваме за тоа и сметам дека се ќе биде во ред. Најпретпазливи мора да сме во одбраната и блокот. Тој сегмент на играта мора да е перфектен“, изјави Деспотовски.

Фудбалската федерација на Македонија (ФФМ) ќе овозможи бесплатен влез на источната трибина на Националната арена “Тодор Проески” за сите деца кои учествуваа на финалниот турнир во Детска лига и во проектот за училишен фудбал „Ајде на фудбал“, на престојниот натпревар меѓу Македонија и Белгија.

Одлуката, на иницијатива на претседателот на ФФМ, Масар Омерагиќ доаѓа како признание за трудот и ентузијазмот на повеќе од 2000 деца од 96 екипи што беа дел од финалниот турнир во Детска лига и близу 1000 деца од основните училишта, дел од проектот “Ајде на фудбал”.

Преку оваа иницијатива, испраќаме порака за поддршка на младите таленти и уште повеќе да ја поттикнеме љубовта кон фудбалот и ентузијазмот на најмладите за македонските национални селекции.

Источната трибина ќе биде резервирана за сите млади фудбалери, не само како публика, туку како иднината на македонскиот фудбал.

Манчестер сити постигна договор со Милан за трансфер на холандскиот играч од средниот ред Тижани Рејндерс за сума од 55 милиони евра, објавија британските медиуми. Трансферот со бонусите би можел да се зголеми на 70.000.000 евра.

Рејндерс ќе потпише петгодишен договор со англискиот шампион, под услов да ги помине медицинските прегледи. Договорот, исто така, вклучува дополнителни бонуси во зависност од исполнувањето на одредени клаузули, објави Би-Би-Си.

Сити се надева дека ќе го заврши трансферот на време за Рејндерс да биде регистриран за претстојното Светско клупско првенство, кое започнува на 14 јуни во САД.

Доаѓањето на холандскиот репрезентативец треба да го зајакне средниот ред на Пеп Гвардиола, кој е ослабен поради повредата на Матео Ковачиќ. Хрватскиот репрезентативец нема да биде дел од тимот за турнирот, откако неодамна беше опериран на Ахиловата тетива.

Марио Ковачевиќ е новиот тренер на Динамо, објавија челниците на клубот од Загреб.

Поранешниот стратег на Славен Белупо формално го презеде кормилото на тимот со кој ќе ги започне подготовките за новата натпреварувачка сезона на 18 јуни.

Ковачевиќ доаѓа по забележителна сезона во која неговиот Славен Белупо стигна до финалето во Купот и го освои петтото место во првенството.

Ковачевиќ кариера како фудбалер ја изградил како играч од средниот ред во Сараево, а поради војната дошол во Хрватска и играл за Вартекс, Белишќе, Славен Белупо, Меѓумурје, потоа за словенечката Нафта од Лендава и за албанскиот Динамо од Тирана.

Тој е тренер од 2014 година, кога седна на клупата на неговиот поранешен клуб, Меѓумурје. Потоа го водеше Вараждин, каде што го презеде сениорскиот тим, а работеше и со помладите категории.

Исто така, беше тренер на Полет од Свети Мартин, Мура, Подравина од Лудбрег, повторно Меѓумурје, а остави значаен тренерски белег во хрватската лига на клупата на Вараждин и Славен Белупо.

Франсеск Сеск Фабрегас ќе биде новиот тренер на Интер.

Според новинарот Санти Ауна, Шпанецот ги договорил условите под кои ќе го преземе европскиот вицепрвак. Интер сега треба да се договори со Кома во врска со трансферот на младиот стручњак.

Фабрегас (38) беше првиот пик на Интер за наследник на Симоне Инзаги, кој го напушти „Џузепе Меца“ по дебаклот во финалето на Лигата на шампионите.

За Шпанецот, работата во Комо беше првиот тренерски ангажман во неговата кариера, а минатата сезона го освои десетто место во Серија А со амбиции да се бори за место во Европа.

Фабрегас во последните недели ги одби понудите да ги преземе Рома, односно Баер Леверкузен.

Фудбалските фанови особено го паметат Фабрегас како најмладиот капитен во историјата на Арсенал, во кариерата играше и за Барселона, Челзи и Монако.