Лаутаро Мартинез не бираше зборови кога зборуваше за довчерашниот соиграч од Интер Ромелу Лукаку.

Белгиецот го напушти Интер, за кого до летово настапуваше како позајмен од Челзи, а се уште не е познато каде ќе ја продолжи кариерата.

Италијанските медиуми објавија дека Лукаку бил во преговори со Јувентус, што го изнервирало неговиот поранешен соиграч Лаутаро Мартинез.

„Ромелу ме разочара. Му се јавив неколку пати од моментот кога се дозна за Јувентус, но тој не ми одговори. Слушам дека не контактира ниту со другите играчи на Интер, а до вчера беше дел од нас. Разочаран сум по толку многу ситуации низ кои поминавме заедно. Сепак, тоа е негов избор. Му посакувам се најдобро, иако не очекував вакво однесување“, изјави Мартинез за „Газето дело спорт“.

Чави Хернандес ги повика на американската турнеја сите играчи на кои ќе смета за новата натпреварувачка сезона, а еден од нив не беше продуктот од младинската школа на каталонскиот гигант, Нико Гонзалес.

Нико беше споменуван како можен идеален наследник на Бускетс од самиот Чави во моментите кога тренерот го презема првиот тим пред речиси две години, но со текот на времето стана јасно дека не верува доволно во квалитетите на талентираниот играч за врска.

Поради тоа што западна во втор и трет план, Нико изминатава сезона ја мина на позајмица во Валенсија, но откако Барселона инсистираше да се направи перманентен трансфер и да заработи од продажба, овие услови ги исполни Порто.

Великанот од „Драгао“ ги договорил сите детали со Барселона за трансферот на Нико, кој ќе стане член на „сино-белото“ семејство за сума од 11 милиони евра.

Бразилското крило од екипата на Зенит, Малком сега е фудбалер на Ал-Хилал од Саудиска Арабија. Финансиските детали од трансферот не беа соопштени, но пред една недела извршниот директор на Зенит, Александар Медведев изјави дека Ал-Хилал е подготвен да плати 60 милиони евра за голгетерот на тимот.

26-годишниот крилен напаѓач е четвртото ново засилување на Ал-Хилал ова лето. Претходно беа донесени сенегалскиот дефанзивец Калиду Кулибали, српскиот играч за врска Сергеј Милинковиќ-Савиќ и Португалецот Рубен Невес.

Малком, кој е поранешен играч на Барселона, стана најдобар стрелец во руската Премиер лига со 23 гола кога Зенит ја освои титулата.

Бразилецот е уште едно ѕвездено име кое дојде во саудиската лига. Ал-Хилал е од Ријад, еден од историски најсилните клубови во земјата, но минатата сезона ги загуби и титулата и националниот Куп.

Иско Аларкон чекаше вистинска понуда за да го одгатне прашањето за својата фудбалска иднина, која беше и тоа како неизвесна во изминатите шест месеци откако раскина со Севилја.

Поранешната ѕвезда на Реал Мадрид на крајот на минатата седмица сериозно се поврза со Реал Сосиедад како замена за тешко повредениот Давид Силва, но во изминатите 48 часа дошло до голем пресврт и Иско сега е пред промоција во Бетис.

Иско дал зелено светло за трансфер во лутиот градски ривал на Севилја и сигурно ќе го навлече гневот меѓу фановите на поранешниот клуб, а доказ за тоа се сликите кои пристигнуваат од медицинските тестови.

Најугледните медиуми како „Марка“ и „АС“ тврдат дека Аларкон ги минал лекарските прегледи и како слободен агент ќе потпише за Бетис, што значи дека клубот експресно најде замена за ѕвездата која си замина пред два дена.

Пауло Дибала на крајот најверојатно ќе остане член на Рома.

Калчомеркато тврди дека Дибала ќе ја продолжи соработката со Рома до 2025 година и дека одбил неколку понуди. Дибала беше поврзуван со клубови од Саудиска Арабија, но и со Челзи, но тој останува во Рим.

Минатата сезона на 38 натпревари постигна 18 гола и додаде осум асистенции.

Сопственикот на Тотенхем, Џо Луис, им се предаде на властите во Њујорк по наводите за трговија со влијание и тргување со инсајдерски информации. Нему му се заканува затворска казна од 25 години.

Американскиот обвинител Демијан Вилијамс го обвини 86-годишниот милијардер дека ги користел неговите инсајдерски информации и ги споделувал со своите пријатели и вработени, како и дека незаконски тргувал со хартии од вредност без да ги пријави на властите.

Поради целиот случај се огласи и Тотенхем, кој е во сопственост на Луис од 2001 година.

Џо го купи Тотенхем во 2001 година и таму стекна огромен престиж.

Во 2019 година изгради нов стадион вреден 1,3 милијарди, но не успеа да освои трофеи со лондонскиот клуб.

Педро Родригез го продолжи договорот со Лацио и збогуваше за клубот како идеално место за завршување на играчката кариера, бидејќи во Рим препознал вредности кои прават на секој тренинг да замине со максимална мотивација.

Шпанскиот фудбалски ветеран ќе остане најмалку уште една сезона во синиот дрес и стави потпис на договорот три дена пред да наполни 36 години, што прави овој договор да биде уште поспецијален за него.

Педро ужива голема доверба од Маурицио Сари и тимот ќе има големи искушенија со оглед на тоа што ќе игра во Лигата на шампионите, натпреварување за кое се потребни и засилувања.

Лацио сигурно ќе се обиде да го збогати ростерот до крајот на летниот преоден рок, а едно од имиња кои се посериозно се поврзуваа е Хадсон Одои од Челси, играч кој Педро го познава од времето во Лондон.

„Подготвен сум да го споделам своето искуство како и досега, сакам да бидам важен на теренот и во соблекувалната. Сега ќе играме во Лигата на шампиони, тоа е најтешкото натпреварување и тоа за нас ќе биде награда за она што го направивме минатата сезона. Ја посакувам Барселона во групната фаза, иако знам дека ќе биде тешко против нив. Сепак, сакам да играм против нив, ќе биде специјално да се вратам на „Камп Ноу“. изјави Педро.

Тренерот на Рома, Жозе Мурињо е заинтересиран да го доведе играчот на Евертон, Доминик Калверт-Луин, објавија денеска италијанските медиуми.

Англискиот напаѓач последните две сезони имаше проблеми со повреди и не пружи импресивни партии. Ова би било седмо засилување за Мурињо од Премиер лигата откако ја презеде Рома, објави „Коријере дело Спорт“.

Португалскиот тренер на тој начин би добил играч кој би можел да го замени Тами Абрахам кој се уште се опоравува од повредата.

„Кориере дело спорт“ изјави дека Рома наскоро ќе испрати понуда до 26-годишниот англиски фудбалер.

Рома веќе е во сериозно турбулентен период поврзан со заминувањата на играчите и нивните адекватни замени.

Тренерот на Интер, Симоне Инзаги, верува дека неговиот тим може да го освои Скудетото следната сезона. Инзаги, кој се подготвува со тимот во Јапонија, вели дека е свесен колку тешко ќе биде да се стигне до целта и следната сезона.

„Сакаме да се наметнеме во Европа, знаеме дека ќе биде тешко, но ќе се обидеме. Потоа, тука е големата цел, освојување на Скудетото, тоа е нашата желба. Добро се подготвуваме во Јапонија и се надевам дека добро ќе ја отвориме сезоната“, вели Инзаги.

Интер минатата сезона ја заврши играјќи во финалето на Лигата на шампионите, а во Серија А заврши на третото место зад шампионот Наполи и екипата на Лацио.

Германски „Билд“ денеска пишува дека Баерн Минхен наскоро ќе почне преговори со поранешниот голман на Манчестер Ј., Давид де Хеа. Според весникот, по гласините за можното заминување на Јан Зомер и повредата на Мануел Нојер, Томас Тухел бара нов голман и Де хеа е едно од трите имиња на списокот на потенцијални засилувања.

Покрај Де Хеа, Баерн разговара и со голманот на Брентфорд, Давид Раја како и со Санчез од Брајтон.