Антоан Гризман ќе остане во Атлетико Мадрид барем уште во наредните две сезони, објави шпанскиот „Релево“.

Се најавуваше дека Гризман би можел да ја продолжи кариерата во МЛС лигата, меѓутоа последните информации говорат дека тој ќе остане на „Ванда Метрополитано“ до 2027 годна.

Неговиот актуелен договор истекува летото 2026 година и со одредена оштета можеше да замине, меѓутоа тоа нема да се случи.

Најчесто со името на Гризман се поврзуваше Лос Анџелес кој сакаше Гризман да игра во тандем со Жиру.

Тренерот на ПСЖ, Луис Енрике вели е задоволен што неговиот тим помина во полуфиналето и покрај тешкиот меч на Вила Парк.

ПСЖ добро се испоти за да ја задржи позитивата од Париз. На почетокот дадоа два гола и се чинеше дека лесно ќе го заверат местото меѓу четирите најдобри, но потоа Вила погоди трипати и го доведе францускиот тим во опасност.

„Горд сум на мојот тим. Мислам дека го имам најдобриот тим во светот“, рече Луис Енрике по мечот.

ПСЖ во полуфиналето ќе игра со победникот од двомечот меѓу Реал Мадрид и Арсенал. Енрике не преферира одреден противник, вели дека вечерва ќе ужива во натпреварите.

„Немам преференции за полуфиналето. Вечерва ќе уживам во двата натпревари со вечера и пиво. Кој и да ни се падне во полуфиналето, тоа ќе бидат посебни мечеви“.

Натпреварите од висок ризик во италијанското првенство следната сезона веќе нема да се играат во вечерните часови, одлучи италијанското Министерство за внатрешни работи како одговор на насилството што му претходеше на неделното дерби во Рим.

„Во текот на сезоната 2025/26, веќе нема да биде дозволено натпреварите од висок ризик да започнат во вечерните часови, како што се случи со натпреварот помеѓу Лацио и Рома“, се вели во дописот на Министерството за внатрешни работи до Италијанската фудбалска федерација (ФИГЦ).

Според италијанските медиуми, Министерството за внатрешни работи, исто така, им забранило на навивачите на Лацио и Рома да присуствуваат да присуствуваат на гостинските натпревари на следните три дуели.

Овие најави уследија по жестоките судири меѓу „ултрасите“ на римските клубови и полицијата во пресрет на римското дерби кое заврши нерешено (1-1).

Пред почетокот на натпреварот во 20 часот и 45 минути, околу 500 ултраси на Лацио и Рома се обидоа да ги пробијат полициските бариери поставени околу Олимпискиот стадион за да спречат судири меѓу навивачите на двата тима.

Полицијата го одби налетот на хулиганите, од кои некои беа вооружени со железни шипки и чекани, користејќи водени топови.

Во судирите се повредени 24 лица, а полицијата уапси тројца навивачи на Лацио и тројца навивачи на Рома.

Ангелос Постекоглу ќе го напушти Тотенхем на крајот на оваа сезона. Прашање е само како, има договор до јуни 2027 година, но челниците на клубот не се задовлни како тимот изгледа оваа сезона.

Ниту освојувањето на Лига Европа не може да го спаси бидејќи досега во Премиер лигата Тотенхем на Постекоглу загуби 17 натпревари.

Англиските медиуми додека лицитираат со името на потенцијалниот наследник, објавија имиња на двајца тренери кои го одбиле Тотенхем. Андони Ираола објави дека нема намера да го напушти Борнмут. Слична е ситуацијата и со Марко Силва од Фулам, кој исто така не е расположен да го преземе Тотенхем. Сопственикот на Фулам, Тони Кан, сака Силва засекогаш да биде менаџер на Фулам.

Инаку, и Фулам и Бурнмат имаат по 11 бода повеќе од Тотенхем во моментов.

По осум години Кајл Вокер го напушти Манчестер Сити и замина на позајмица во Милан, меѓутоа прашање е дали ќе остане во Италија.

Вокер во последната година имаше многу проблеми со повредите, поради што го загуби местото во составот на Манчестер Сити. Поради тоа реши да го напушти „Етихад“.

Милан го донесе на позајмица до крајот на сезоната, сепак како што сега стојат работите нема да го задржат за следната сезона.

Причината повторно се честите повреди. Репрезентативецот на Англија поради повреда го пропушти дуелот со Удинезе во претходното коло, а претходно пропушти два меча на крајот на февруари исто така поради повреди.

Вокер сигурно нема да се врати во Манчестер Сити. Неговиот договор истекува на крајот од сезоната, а „граѓаните“ не планираат да му понудат нов. Сега се поставува прашањето каде десниот бек ќе ја продолжи кариерата на лето доколку Милан реши да не го задржи.

Карлос Тевез пред три години стави крај на фудбалската кариера, а сега најави дека ќе приреди спектакуларен проштален натпревар. Ќе настапат легендите со кои Тевез настапуваше во Бока Јуниорс, Коринтијанс, Манчестер Јунајтед, Манчестер Сити, Јувентус и репрезентацијата на Аргентина.

„Ќе ги донесам Лео Меси и Кристијано Роналдо. Доколку треба лично ќе одам да ги земам, нивните броеви ги имам на WhatsApp“, најави Тевез кој играше со Роналдо во Јунајтед, а со Меси во репрезентацијата.

Аргентинските медиуми шпекулираат дека Роналдо и Меси би можеле за прв пат да играат заедно.

Тевез ги откри и останатите учесници во спектаклот:

„Ван дер Сар на едниот гол, Буфон на другиот. Стопери: Фердинанд, Видиќ, Кјелини, Бонучи. Мора да биде и мојот брат Евра. Што се однесува до играчите од средниот ред – Пирло, Сколс, Рикелме дефинитивно ќе бидат таму, Руни исто така. Треба само да најдеме термин кој им одговара на сите”.

Пред седум години, Тевез одговори на барањето на ESPN да го искаже своето мислење во вечната дебата кој е подобра Роналдо и Меси.

„Кристијано е сосема поинаков во споредба со Меси. Кога Лео почна да игра, тој не доаѓаше ни во теретана, а Роналдо цело време беше таму. Роналдо работеше напорно, а на Меси сето тоа му дојде природно. Мислам дека тоа е главна разлика меѓу двајцата најдобри фудбалери во светот“.

Најважното нешто по завршувањето на двата четвртфинални дуели во Лигата на шампионите против Борусија Дортмунд е конечниот збирен резултат и пласманот во топ 4 на најсилниот турнир во светот, смета првиот човек на Барселона, Ханзи Флик, откако ги елиминираше Германците. Барселона го загуби реваншот со 1-3, но тоа не беше важно поради нивната убедлива победа од 4-0 во првиот натпревар, со што вкупниот резултат беше 5-3.

„Ние сме во полуфинале. Пласманот го обезбедивме по подобриот резултат од двата натпревари, така што тоа го заслуживме. Борусија е прекрасен тим, не натераа да поминеме низ многу тешки моменти. Но, ние сме во следната фаза и тоа е фактот што е важен”, изјави поранешниот тренер на Баерн (Минхен).

Потоа се фокусираше на нивото на фудбал што го демонстрираше неговиот тим:

„Денес Барселона не го одигра својот најдобар натпревар, не го покажа својот најдобар фудбал. Но, ова е заслуга и на Борусија, која беше многу силна. Достигнувањата на нашиот тим во последната недела се навистина феноменални. Навистина сме на чекор до шампионската титула во Примера, но се уште сме далеку од конечната победа во Лигата на шампионите“ рече Флик.

Артем Довбик и Лоренцо Пелегрини најверојатно ќе си заминат од Рома на крајот на сезоната. Високите плати на двајцата се една од причините поради која управата на Рома се подготвува за нивна продажба.

Украинскиот голгетер забележа пристојни бројки, но никогаш не беше влијателен во клучните натпревари на тимот. Раководството очекуваше малку повеќе со оглед на инвестицијата од 35 милиони евра.

Довбик и може да остане во Рома поради економски причини и немање алтернативи, но тоа ќе зависи од нивниот следен тренер, додека заминувањето на Пелегрини е далеку поизвесно. Пелегрини последен пат постигна гол на почетокот на јануари и тоа го направи само трипати во тековната сезона, а имаше и само две асистенции.

Серу Гираси синоќа го собори рекордот на Халанд и Левандовски по бројот на постигнати голови за Борусија во Лигата на шампионите.

Репрезентативецот на Гвинеја вчера направи хет-трик на мечот со Барселона и дојде до бројката од 13 постигнати гола во ЛШ оваа сезона. Со тоа, голгетерот го собори клупскиот рекордот на Борусија Дортмунд.

Претходно, Роберт Левандовски во сезона 2012/13 и Ерлинг Халанд во сезоната 2020/21 постигнаа по 10 гола за клубот во една сезона од Лигата на шампионите.

Дисциплинската комисија на Шпанскиот фудбалски сојуз донесе одлука за казната за Килијан Мбапе, кој доби директен црвен картон за груб фаул на натпреварот против Алавес.

Се шпекулираше дека ќе биде суспендиран на најмалку два натпревари, а некои медиуми во Шпанија дури прогнозираа дека може да добие три или четири меча. Но… Мбапе ќе пропушти само еден натпревар.

Мбапе беше исклучен поради стартот врз Антонио Бланко. Според извештајот од натпреварот, употребил „прекумерна сила“.

Судијата во првиот момент му покажа жолт картон на Мбапе, но кога ја прегледа снимката, го исклучи.