Тренерот на фудбалерите на Јувентус, Игор Тудор, инсистира клубот да донесе одлука за неговата иднина пред Светското клупско првенство.

„Наскоро ќе дознаеме, не по Светското клупско првенство, туку пред тоа. Среќен сум. Постигнавме нешто.

Jувентус може да биде конкурентен за титулата со две или три нови засилувања. Не можам ништо да кажам, наскоро ќе разговараме и ќе одлучиме“, рече Тудор.

Ерик тен Хаг е сè поблиску до враќање на тренерската сцена – холандскиот стратег, кој од октомври е без ангажман по отказот од Манчестер Јунајтед, е во напредни преговори со Баер Леверкузен, јавуваат британските медиуми.

Иако имал неколку понуди по заминувањето од „Олд Трафорд“, 55-годишниот тренер решил да направи пауза до лето. Извор близок до него за BBC потврдил дека Тен Хаг планира камбек во јули и внимателно ја избира следната дестинација.

Заминувањето на Ќаби Алонсо на крајот на сезоната (со големи шанси да седне на клупата на Реал Мадрид) отвори простор во Леверкузен, а Тен Хаг е водечки кандидат за да го наследи.

Холанѓанецот не е странец во германскиот фудбал – од 2013 година работеше во вториот тим на Баерн Минхен. Во Англија мина две сезони како предводник на Јунајтед, со кого освои ФА Куп, Лига Куп и заврши трет во Премиер лигата во сезоната 2022/23.

По речиси четири децении, семејството Поцо ја заврши својата ера во Удинезе – клубот е продаден на инвестициски фонд од САД за околу 150 милиони евра, пренесуваат италијанските медиуми.

Тимот од Удине беше во сопственост на семејството Поцо уште од 1986 година, кога Џанпаоло Поцо го презеде клубот од Ламберто Маца во време кога Удинезе се соочуваше со сериозни тешкотии.

Веста ја објави TGR Rai FVG, а ја потврдија и извори блиски до клубот. Од раководството на Удинезе засега нема официјален коментар, а идентитетот на американскиот фонд кој го презема клубот треба да биде објавен во наредните часови.

Баерн Минхен не успеа да го убеди Флоријан Вирц да се пресели во Минхен и германскиот репрезентативец ја одбра понудата од Ливерпул, па баварскиот гигант веднаш активираше „план Б“.

Според најавите од Германија, Баерн ќе се обиде да го ангажира Каору Митома од Брајтон. Јапонскиот офанзивец е играч кој има силна поддршка од новиот тренер Винсент Компани, а претставува и многу поекономична опција – трансферот би се движел до 50 милиони евра, а платата му би била три пати пониска од понудата за Вирц.

Митома утре ќе го одигра последниот натпревар сезонава со Брајтон, по што се очекува Баерн да ги засили преговорите. Целта е јапонскиот репрезентативец да биде ставен на располагање за клупскиот Мундијал кој почнува во јуни.

Реал Мадрид доби нов тренер, Чаби Алонсо се враќа на „Сантијаго Бернабеу“, овојпат како стратег на кралскиот клуб.

Шпанскиот тренер официјално е именуван за наследник на Карло Анчелоти, откако со Баер Леверкузен имаше блескава сезона и ги освои титулите во Бундеслигата, Купот и Суперкупот на Германија.

Алонсо и минатото лето беше мета на големи клубови Ливерпул и Баерн силно го посакуваа, но тој реши да остане уште една сезона со Леверкузен. Сега, кога Спортинг го презеде Слот, а Баерн му верува на Компани, Реал ги заврши преговорите и го донесе Алонсо пред Мундијалот за клубови.

„Чаби Алонсо ќе биде тренер на Реал Мадрид во следните три сезони – од 1 јуни 2025 до 30 јуни 2028“, соопшти клубот. Презентацијата е закажана за утре во 12:30 часот по средноевропско време во „Сиудад Реал Мадрид“.

Оваа сезона на “Олд Трафорд” ќе се памети како една од најнесреќните во историјата на клубот, и покрај финалето на Лига Европа. Има многу незадоволни, а прв на таа листа изгледа е Алехандро Гарначо.

Аргентинскиот напаѓач беше исклучително гневен по поразот на Јунајтед од Тотенхем во финалето на Лига Европа кога доби само 20 минути на терен. Токму тоа е причината зошто Гарначо сака да ја смени средината.

Гарначо и пред овој меч имаше одредена доза незадоволство, а одлуката на Аморим да го вклучи Маунт во стартната постава наместо него само дополнително го налути. Сега Аргентинецот бара излез од клубот.

Гарначо одигра 36 натпревари во Премиер лигата, постигна шест гола и додаде две асистенции, но често започнуваше на клупата или беше заменуван како стартер. Тоа е најголемиот проблем за него, бидејќи сака сигурно место во стартниот состав.

Веќе во претходната зима се зборуваше дека Гарначо може да го напушти „Олд Трафорд“, се споменуваше Челси, но тогаш тој трансфер не се реализираше. Можеби овој пат…

Искусниот хрватски фудбалер Марсело Брозовиќ најверојатно ова лето ќе ги напушти редовите на Ал Наср и по две сезони во шампионатот на Саудиска Арабија ќе се врати во Европа.

Оваа вест ја објави италијанскиот новинар Николо Шира, истакнувајќи дека Ал Наср нема да му пречи во враќањето на стариот континент, и покрај тоа што има важечки договор до летото 2026 година.

Поранешниот репрезентативец на Хрватска, кој во ноември ќе наполни 33 години, би можел да изведе својот последна танц во европскиот фудбал, а некои фанови на Интер веќе сонуваат за негово враќање на „Џузепе Меаца“.

Брозовиќ помина речиси една деценија во редовите на миланскиот гигант, напуштајќи го клубот по поразот во финалето на Лигата на шампионите од Манчестер Сити во јуни 2023 година.

„Марка“ објави дека раководството на Реал (М) дало зелено светло за ангажирање на Жулио Баптиста како тренер и тој ќе работи во некоја од категориите во младинската академија на шпанскиот клуб.

Популарниот „Ѕвер“ своевремено дојде во Реал како напаѓач во 2005 година и за него на Севилја и беа платени 20 милиони евра, a остана на „Бернабеу“ до 2008 година.

Според „Марка“, иако не помина многу години во Реал, тој со својот однос и начинот на кој се раздели со мадридскиот состав си оставил отворена врата и останал во одлични односи со менаџментот.

Кевин Де Брујне, попладнево ќе го одигра последниот натпревар за Манчестер сити, а потоа ќе го напушти клубот чии дрес го носеше цела деценија. Сити гостува кај Фулам, со победа ќе заврши на третото место со пласман во Лигата на шампионите.

Светските медиуми објавија дека Де Брујне, кариерата ќе ја продолжи во Наполи. Клубот од југот на Италија, во петокот ја освои четвртата титула во клупската историја.

Фабрицио Романо, објави дека преговорите меѓу Де Брујне и претставниците на Наполи траеле цела ноќ.

Нивната последна понуда за Де Брујне е тригодишен договор, а дури е познато и колку ќе заработува Белгиецот во новиот клуб.

Во првите две сезони, Де Брујне ќе има плата од шест евра годишно, а во третата сезона ќе има пет евра, а ќе добие и бонус за потпис на договорот.

Екипата на Сандерленд денес на „Вембли“ успеа да стигне до пласман во Премиер лигата следната сезона, откако славеше со пресврат од 2-1 против екипата на Шефилд Јунајтед.

Големиот камбек на „црните мачки“ дојде во второто полувреме. Шефилд денес беше подобриот противник, имаше неколку шанси, постигнаа втор гол (кој беше дискутабилно поништен), беа на дофат на 2-0 во неколку ситуации, и на крајот – загубија!

Кембел ги донесе фудбалерите на Шефилд до водство од 1-0, а пресвртот на Сандерленд го најави во 76. минута со голот на Мајенда.

Длабоко во судиското продолжение една голема грешка на средината направија фудбалерите на Шефилд Јунајтед, а тоа го искористи младиот Вотсон кој погоди за 1-2.