Баерн Минхен доживеа непријатен пораз од Интер на Алијанц Арената и за седум дена ќе мора да победи во Милано за да се пласира во полуфиналето од Лигата на шампионите.

Баварците искористија само една од своите шанси, Интер постигна два гола и италијанскиот тим има предност по првиот четвртфинален меч.

„Добро го почнавме мечот, доминиравме во првите 30 минути и можевме да постигнаме еден или два гола, можеби и повеќе.

Доминиравме и во второто полувреме, креиравме шанси, влезе Милер и постигнавме гол. Бевме подготвени на најдобар начин за овој меч и сите одлуки беа од фудбалски причини. Интер беше многу силен вечерва, нам ни недостасуваше Мусиала. Не сакам да зборувам за повреди, но ги имаме пет-шест. Загубивме со 2-1 и не можам да го променам резултатот. Резултатот вели Интер, но ќе видиме следната недела“.

Милан соопшти дека Кајл Вокер беше подложен на операција.

Англискиот десен бек заработи фактура на десниот лакт, а со цел побргу да се залечи проблемот тој мораше „под нож“. Не се објавени информациите и начинот на кој Вокер се здоби со повредата, меѓутоа познато е дека операцијата минала успешно.

Вокер веднаш ќе започне со рехабилитацијата, се очекува да паузира најмалку еден месец, а потоа ако сè биде во ред ќе се врати на терените.

Инаку, Кајл Вокер е позајмен во Милан од редовите на Манчестер Сити. „Росонерите“ налето планираа да го откупат неговиот договор.

Можеби ќе ве интересира

Весли Снајдер процени дека Реал Мадрид направил грешка со поставувањето на ѕидот кога Деклан Рајс успеа да погоди во два наврата од слободен удар и да ја најави победата на Арсенал.

„Ѕидот беше погрешно поставен при првиот гол. На играч со десна нога никогаш не треба да му се дозволи да шутира под таков агол. Ако имате добар шут, тоа е многу лесен гол. Ѕидот беше преместен премногу лево“ – вели Снајдер.

„Сакам да дадам и мал коментар за вториот гол. Растојанието беше големо. Репризата покажува дека Куртоа прави чекор надесно. Да стоеше во неговиот агол ќе успееше“ – изјави поранешниот холандски репрезентативец.

Фабио Канаваро повеќе не е тренер на Динамо Загреб. Не е познато кој ќе го води Динамо против Осиек во 29. коло од хрватскиот шампионат, во сабота.

Канаверо доби отказ по неполни три и пол месеци. Динамо му врачи отказ на третиот тренер сезонава. Сезона 2024/25. започна со Сергеј Јакировиќ, а потоа во септември беше заменет со Ненад Бјелица. Канаваро во Загреб пристигна на 29 декември минатата година. Потпиша договор со Динамо до летото 2026. Се претпоставува дека Канаваро во Динамо имал годишна плата од 1,5 милиони евра, а неговиот персонал 500 илјади евра годишно.

Италијанецот загуби со 3-0 од Истра во 28. коло, со што актуелниот шампион заостана осум бода зад лидерот Хајдук и седум бода зад Риека на осум кола до крајот.

Доколку не ја одбрани титулата, Динамо следната година нема да може да игра во Лигата на шампионите, што ќе претставува голем удар за буџетот на клубот.

Официјално буџетот на Динамо за оваа година е 67 милиони евра, а приходите од натпреварувањата на УЕФА требало да бидат околу 24 милиони евра. Без Лигата на шампионите таа сума ќе биде значително помала.

Во 14 натпревари со Динамо, Канаваро победи седум пати и имаше дури пет порази.

Тренерот на Реал Мадрид, Карло Анчелоти, ги оцени шансите на неговиот тим во реваншот со Арсенал по тешкиот пораз (0:3) синоќа на првиот осминафинален натпревар од Лигата на шампионите.
Анчелоти по поразот од Арсенал: Мора да веруваме, бидејќи тоа се случи многу пати на „Бернабеу“

„Мора да бидеме искрени во сопствената критичка самооценка. Не бевме лоши во долгите делови од играта – имаше некои работи што ги направивме добро во првото полувреме. Имавме можност да го подигнеме нашето ниво повисоко, но целосно пропаднавме во вториот дел.

За реваншот треба да веруваме, да го задржиме тоа верување, бидејќи ова се случило многу пати на „Бернабеу“, изјави Анчелоти.

Реваншот ќе се игра во Мадрид на 16 април.

Победата на Арсенал над Реал Мадрид (3-0) во првиот четвртфинален натпревар во Лигата на шампионите на Англија и обезбеди уште еден тим во елитното натпреварување за следната сезона.

На англиските клубови им беше потребна само една победа во кое било од трите меѓународни клупски натпреварувања под покровителство на Европската фудбалска унија (УЕФА) за да го обезбедат петтиот претставник во Лигата на шампионите за следната сезона преку коефициентот на УЕФА, објави Би-Би-Си.

Англија следната сезона би можела да има дури седум претставници во Лигата на шампионите.

Ова би се случило доколку Астон Вила ја освои Лигата на шампионите оваа сезона, а не успее да обезбеди пласман преку Премиер лигата и доколку Манчестер Јунајтед или Тотенхем ја освојат Лига Европа.

Астон Вила е седма на табелата во Премиер лигата, а во четвртфиналето од Лигата на шампионите игра против Пари Сен Жермен.

Манчестер Јунајтед игра против Лион во двомечот од четвртфиналето на Лига Европа, додека ривал на Тотенхем е Ајнтрахт Франкфурт.

Ливерпул, Арсенал, Нотингем Форест, Челзи и Њукасл моментално се на првите пет места на табелата во Премиер лигата.

Играчот од средниот ред на Реал Мадрид, Џуд Белингам, смета дека победата на Арсенал е целосно заслужена, па дури и призна дека неговиот тим се спасил од потежок пораз на „Емирати“. Реал Мадрид загуби со 0:3 во првиот четвртфинален натпревар од Лигата на шампионите и е на прагот на елиминација од турнирот.

„Факт е дека не бевме блиску до позитивен резултат. Домаќините, пак, беа многу добри. Јасно е дека два гола беа постигнати од слободни удари и се резултат на висока индивидуална мајсторија, но искрено, можеа да постигнат и повеќе. Имавме среќа што примивме само три гола. Сепак, претстои реванш и веќе размислуваме за тоа. Свесни сме дека ќе треба да направиме нешто неверојатно, нешто лудо. Но, ако тоа може да се случи некаде, тоа би било само на нашиот стадион „Сантијаго Бернабеу“, рече Белингам.

Да потсетиме, реваншот ќе се одигра во Мадрид на стадионот „Бернабеу“ на 16 април.

Арсенал и Интер полека можат да размислуваат за полуфиналните натпревари во Лигата на шампионите. Вечерва, Арсенал го прегази Реал со 3-0, а Интер во Минхен го победи Баерн со 1-2.

Микел Артета му одржа час по фудбал на еден од најдобрите тренери во историјата, Карло Анчелоти. Арсенал буквално го прегази Реал, кој може да биде задволен што Лондон го нашушти со три примени гола.

Апсолутен херој е Деклан Рајс, чии две торпеда од слободни удари, во 58. и 70.минута го потопија „краслскиот клуб“. Точка на мечот во 74.минута стави Микел Мерино.

Можеше Арсенал да постигне уште некој гол, но во периодот од 60. до 64.минута Куртоа имаше две брилијантни интервенции, а Алаба и Белнгем интервенираа од гол-линијата.

Реал во текот на целиот меч имаше само една шанса, преку Мбапе, чии удар успеа да го скроти Давид Раја.

Интер во Минхен ги искористи сите проблеми кои Баерн ги има со повредите во дефанзивниот дел од тимот.

Италијанскиот првак поведе со брилијантниот гол на Лаутаро Мартинез во 38.минута.

Баерн се врати во мечот во 85. минута кога Томас Милер изедначи, но само три минути подоцна Фратези погоди за победа на Интер.

Екипата на Брера го именуваше Панче Стојанов за нов тренер на местото на Тони Атанасов кој се повлече по поразот од Вардар за викендот.

Стојанов досега ја извршуваше улогата на помшник на Атанасов, а сега ќе го предводи тимот како главен тренер.

49 годишниот Панче Стојанов е добро познат на фудбалската јавност во земјава. Беше фудбалер во повеќе мак клубови. Настапуваше за Силекс, Беласица, Ренова, Хоризонт Турново, Работнички. Исто така работеше и во младинските категории на струмичкиот клуб.

Брера утре ја очекува нов натпревар против Вардар, сега во полуфиналето од Купот на Македонија.

Милан може малку да здувне, откако тестовите не покажале сериозна повреда на Сантијаго Хименез. Новиот напаѓач на „росонерите“ би требало дури и да биде подготвен за петочниот натпревар против Удинезе.

Репрезентативецот на Мексико влезе од клупата за време на ремито 2-2 со Фиорентина на Сан Сиро во саботата навечер, но остана само 25 минути на терен, бидејќи по незгоден пад при судир со голманот Давид Де Хеа беше принуден да го напушти теренот со тешкотии со дишењето.

Тестови не покажале лезии или скршеници, така што се работи само за модринка на градниот кош и стомачните мускули.