Роберто Фирмињо е слободен агент и ја започна потрагата по нов клуб, а интерес за него покажува Интер.

Интерес за него покажуваат неколку клубови ширум Европа, а сега во трката се приклучи и Интер.

Интер ова лето ќе се раздели со Џеко и бара негова замена, а Фирмињо може да пристигне без обештетување. „Нероаѕурите“ стапиле во контакт со агентот на Бразилецот и му нудат 3-годишен договор.

Фирмињо сака да остане во Европа и е спремен да се пресели во Серија А, а Интер сака што побрзо да ја победи конкуренцијата.

Дефанзивецот на Виљареал, Пау Торес е голема трансфер желба на Баерн Минхен, пренесуваат германските медиуми.

Баварците се во потрага по дефанзивец, па поради големата кокуренција за Ким Мин од Наполи, сега се насочуваат кон Пау Торес. Торес се етаблираше во еден од најперспективните дефанзивци во Европа и го привлече вниманието на многу европски гиганти.

Виљареал има финансиски проблеми е спремен да слушне понуди за своите ѕвезди.

Притоа, самиот Торес сака да направи чекор напред во кариерата и е спремен да ја прифати понудата од Баерн Минхен.

Јувентус е силно заинтересиран за италијанскиот репрезентативец Николо Заниоло и сака да го врати во Серија А.

 Заниоло во зимскиот преоден рок се пресели во Галатасарај, откако влезе во расправија со Мурињо и самиот побара трансфер.„Старата дама“ има финансиски проблеми, но ќе се обиде да ги намали трошоците за трансферот со тоа што во својата понуда ќе ги вклучи Вестон Меккени или Моизе Кин.

Самиот Заниоло инсистира да се врати во Серија А и го притиска раководството на турскиот клуб да го пушти.

Интерес за Заниоло постои и од страна на Наполи, Милан и Тотенхем, но Јувентус е спремен да ја победи конкуренцијата.

Маркус Турам е многу блиску до трансфер во Милан, потврдија италијанските медиуми.

24-годишниот Французин е слободен агент откако му истече договорот со Борусија Мехенгладбах. Тој со одличните игри во Бундеслигата го привлече вниманието на многу европски гиганти и имаше понуди од ПСЖ и Лајпциг.

Сепак, последните информации се дека ја избрал понудата на Милан, кој му нуди место во стартниот тим

Турам ќе потпише 5-годишен договор со „росонерите“ и годишно ќе заработува 5 милиони евра.

Рафаел Гереиро најдоцна утре ќе ги потпише документите за трансфер во Баерн Минхен.

Фудбалерот кој си замина од Борусија Дортмунд како слободен играч ќе оди на лекарски прегледи во текот на денешниот ден, по што треба да го потпише договор со германскиот шампион до 2026 година.

Португалскиот дефанзивец забележа 27 настапи во Бундеслигата минатата сезона и имаше 12 асистенции.

Сандро Тонали се сели во Премиер лигата и следната сезона ќе игра за екипата на Њукасл. Трансферот на младиот фудбалер на Милан треба да биде завршен наскоро, откако тој ја прифатил понудата на Англичаните за плата од 10 милиони евра годишно, па сега се очекува само клубовите да се договорат меѓусебно.

Според инсајдерот Фабрицио Романо, англискиот клуб и играчот од средниот ред се блиску до договор кој ќе има важност до 2029 година. Италијанецот ќе заработува во Англија 8 милиони евра годишно, со можни дополнителни два милиони како бонуси.

Њукасл продолжува да разговара за трансфер обештетувањето со Милан. Последната понуда на Њукасл се свижи околу 70 милиони евра, но Милан и натаму инсистира на сума од 80 милиони евра.

Њукасл кој во наредната сезона ќе настапува во Лигата на шампионите, сака да го ангажира играчот на Милан, Сандро Тонaли.

Првата понуда за трансфер на Италијанецот е 50 милиони евра. Тонали во изминатата сезона одигра 48 натпревари во сите конкуренцци. Тој даде два гола и направи 10 асистенции.

Играчот од средниот ред беше купен од Бреша во 2021 година откако една сезона помина како позајмен на – „Сан Сиро“.

Луис Суарез би можел да замине во фудбалска пензија, пренесуваат бразилските медиуми, наводно Уругваецот веќе го известил раководството на Гремио.

Суарез има договор на уште една сезона, но причината поради која предвреме се одлучува за крај е повредата на десното колено која му прави проблеми во играта. Суарез во Гремио дојде пред шест месеци и потпиша до крајот на 2024 година. Во клубот работат на негов раскин на договорот, но со клазула за казна ако се реактивира во некој друг клуб.

Претходно се шпекулираше дека може да се пресели во Интер Мајами за повторно да заигра со Меси, како некогаш во Барселона.

За Гремио Суарез одигра 25 натпревари, постигна 11 и асистираше за осум голови. Во кариерата настапуваше уште за Национал, Гронинген, Ајакс, Ливерпул, Барселона и Атлетико Мадрид.

Од трофеите во Европа петпати беше шампион на Шпанија, а еднаш ја освои Лигата на шампионите.

Младата ѕвезда на Фенербахче и турската репрезентација, Арда Гулер е голема желба на многу европски гиганти.

18-годишниот офанзивен играч за врска со своите партии го привлече вниманието на многу европски клубови. Тој оваа сезона постигна 6 гола и 7 асистенции, а скаутите веруваат дека е новата ѕвезда на европскиот фудбал.

Тој во договорот со Фенербахче има откупна клаузула од 17 милиони евра, сума која неколку клубови се спремни да ја платат.

Турските медиуми пренесуваат дека главната битка за неговиот потпис ќе ја водат Њукасл и Милан.

Реал Мадрид ја објави долгоочекуваната вест поврзана со еден од симболите во актуелниот состав на оваа екипа. Кралскиот клуб потврди дека Тони Крос потпишал договор до летото 2024 година.

Договорот меѓу двете страни, кој требаше да истече на крајот на овој месец, се очекуваше да биде обновен уште во март, но дури сега е официјализиран. Така, во август 33-годишниот Крос ќе ја започне својата десетта сезона на „Сантијаго Бернабеу“. Неговото останување го посакуваа и претседателот Флорентино Перез и тренерот Карло Анчелоти.

Поранешниот германски репрезентативец досега за Реал Мадрид одигра 417 натпревари, постигна 27 голови и 89 асистенции. Шампионот на Светското првенство во 2014 година може да се пофали со импресивни 20 трофеи со Реал Мадрид, вклучувајќи четири титули во Лигата на шампионите и три титули во Ла Лига.