Ансу Фати повторно е во фокусот, овој пат во Лига 1 со Монако. По тежок период со повреди, 22-годишното крило изгледа како да ја враќа формата, брзо се прилагоди и веќе има 6 гол-учества во првите 5   натпревари за францускиот клуб. 

Фати погоди против Бруж, Мец, Лоријан и Ница, покажувајќи дека повторно има чувство за гол и самодоверба. И покрај головите и асистенциите, неговото влијание на теренот е очигледно. 

Импресионира не само со головите, туку и со подвижноста, позиционирањето и играта во поврзување со соиграчите. Ова е оној Фати кој еднаш ја воодушеви Европа. Монако презеде ризик со неговиот трансфер, но досега изгледа како добар потег. 

Овој нов почеток во Франција може да биде токму тоа што му е потребно за да ја врати репутацијата и да потсети зошто еднаш важеше за иднината на Барселона. Ако продолжи со ваква форма, Монако можеби најде вистински лидер за својата офанзива во наредните сезони. 

Маркус Рашфорд се повреди кон крајот на тешкиот пораз на Барселона од 4-1 против Севиља. Иако се виде како се мачи од болка на теренот по натпреварот, првичните информации велат дека повредата е мала и не се очекува да го оддалечи долго време од теренот.  

Рашфорд е еден од најважните играчи на Барселона оваа сезона, а неговиот гол против Севилја им даде кратка надеж на каталонците. Но со поразот и повредата на Рашфорд, клубот се соочува со дополнителни проблеми додека се обидува да најде стабилност во услови на повеќе повреди. 

Репрезентативната пауза може да му помогне на Рашфорд да се опорави без да пропушти клучни натпревари за Барса. Клубот ќе ја следи неговата состојба внимателно додека се подготвува за важните следни натпревари, вклучувајќи го и Ел Класико. 

Родри го напушти теренот со болка во мускулот на задниот дел од бутот, што предизвика нови грижи за неговата форма. Ова се случи кратко по неговото враќање на тренинзи по претходната повреда. 

Медицинскиот тим на Манчестер Сити ја испитува сериозноста на повредата, а првичните информации сугерираат дека Родри би можел да биде надвор од игра неколку недели. Неговото отсуство ќе претставува сериозен удар за средниот ред на тимот. 

Родри игра клучна улога во тактичките планови на Сити. Клубот ќе го следи закрепнувањето на Родри внимателно, со цел да ја избегне повторната повреда и да го врати во форма за важните предизвици по интернационалната пауза. 

На само 18 години, Естевaо направи храбар чекор од Бразил кон Англија, напуштајќи го Палмеирас за да се приклучи на Челси. Промената не беше лесна: нов град, нова култура и нов јазик бараат брзо прилагодување. Но, и покрај притисокот да заигра во еден од најголемите клубови во Премиер Лигата, талентот и решителноста на Естевaо му овозможија брзо да се вклопи и да го импресионира тренерскиот штаб. 

Неговиот момент на слава дојде на Стемфорд Бриџ во возбудлив натпревар против Ливерпул. Влегувајќи од клупата во 75-та минута, Естевaо постигна драматичен погодок во додаденото време, обезбедувајќи победа од 2-1 над актуелните шампиони, Ливерпул.  

Покрај победничкиот гол, придонесот на Естевaо му даде на Челси потребно подигнување, и го искачи тимот на 7-то место на табелата.  

Со целосната поддршка на тренерот, Естевaо изгледа подготвен да го надгради овој пробив и да стане клучна фигура за Челси. Неговиот пат од Бразил до Англија е вистинска инспирација за младите фудбалери насекаде во светот. 

Капитенот на Арсенал, Мартин Одегард, не мкже да фати континуитет поради повредите од почетокот на сезоната. Норвежанецот беше заменет во првото полувреме, во победата на Арсенал над Вест Хем со 2-0.

Мартин Одегард нема да биде со својата репрезентација, во квалификациите за пласман на Светското првенство.

„Мартин Одегор се повлече од норвешката репрезентација откако претрпе повреда на медијалниот колатерален лигамент на левото колено“, се вели во соопштението на клубот.

„Мартин ќе продолжи со лекувањето и проценките во нашиот медицински центар во Лондон Колни за време на репрезентативната пауза, со цел што поскоро да се врати на теренот.“

Оваа повреда дополнително ја искомплицира ситуацијата за Микел Артета, кој веќе се соочува со низа проблеми во тимот.

Каи Хаверц, Габриел Жезус и Пјеро Хинкапие се исто така на списокот на повредени.

Одегард мораше да го напушти натпреварот во 30-тата минута од натпреварот против Вест Хем по судирот со Крисенсио Самервил.

Легендата на Милан и на италијанскиот фудбал,Алесандро Неста е воодушевен од игрите на трофејниот Хрват, Лука Модриќ последното засилување на гигантот од Сан Сиро, кој е само девет години помлад од него.

Неста е симбол на Милан, кој освои две Скудета и Лигата на шампионите во првата деценија од овој милениум. Со оглед на тоа колку е фасциниран од Модриќ, во интервју за „Газета дело Спорт“ беше прашан дали хрватскиот великан го потсетува на времето на Неста во Милан, кога таму беа Сидорф, Пирло, Кака.

„Го гледам на теренот со задоволство, ме воодушеви. Од времето на Пирло, Сан Сиро немал некој како него. Со него, Милан е сигурно посилен. Тимот го загуби Тео, но се поконкурентни на многу други позиции. Со уште две или три вистински засилувања, станува уште поинтересно: се надевам дека ова е почетна точка. Морам да додадам за Лука дека не мислев дека ќе трча толку многу. Против Наполи постојано излегуваше и се враќаше, ги затвораше линииите за додавање и се враќаше на позиција. Тој има интелигенција каква што малкумина ја имаат, фудбалот е во неговата глава, тоа е она што го издвојува. Додека може да ја шутира топката, може да игра до 70 години“, истакнал Неста.

Вечерва во дербито Јувентус – Милан се очекува уште една феноменална партија на 40 годишниот Лука Модриќ.

Повторно актуелна е информацијата дека шпанскиот гигант Реал (М) сака барем привремено да се ослободи од услугите на бразилскиот интернационалец Ендрик кој моментално се опоравува од последната повреда.

Се очекува младиот напаѓач и годинава да има скромна минутажа и затоа „кралскиот клуб“ ја разгледува и опцијата да го позајми за време на зимскиот преоден рок.

Неколку тима се заинтересирани меѓу кои и Јувентус.

Ерлинг Халанд отворено призна дека се наоѓа во најдобрата форма во својата кариера, откако со деветтиот гол сезонава во Премиерлигата му донесе победа на Манчестер Сити со 1-0 на гостувањето кај Брентфорд.

Норвежанецот погоди уште во деветтата минута, користејќи ја својата моќ и брзина за да го надмудри Сеп ван ден Берг и да ја затресе мрежата. Тој веќе има постигнато гол на 22 од 23 стадиони во Премиер лигата и се наоѓа во неверојатна серија – девет натпревари по ред со гол за клубот и репрезентацијата, што е најдолгата голгетерска низа во неговата кариера.

“Може да се каже така, никогаш не сум се чувствувал подобро. Така што да, ова е формата на мојот живот”, изјави Халанд по натпреварот. “Сè е во подготовката, физички и ментално. И морам да признаам, откако станав татко, уште повеќе се исклучувам од фудбалот дома и се релаксирам. Тоа ми помага да бидам уште подобар”.

Халанд целиот натпревар имаше жесток дуел со Ван ден Берг, во кој, како што самиот вели, ја пронашол дополнителната мотивација. “Првите пет минути само ме туркаше. Му реков – добро, ајде тогаш. Почнав и јас да враќам и тоа ме разбуди. Тој гол за мене е посебен, еден од подобрите во кариерата”.

Со овој триумф, Сити останува во чекор со лидерите, а Халанд уште еднаш докажа дека е кошмар за секоја одбрана, без разлика дали игра против ниски блокови или физички доминантни дефанзивци.

Македонскиот репрезентативец Бојан Миовски го постигна попладнево премиерниот гол за Ренџерс во шкотската Премиерлига, во ремито 1-1 на гостувањето против Фалкирк.

Миовски му донесе водство на Ренџерс во 41 минута, а на теренот остана до 61 минута кога беше заменет со Чермити.

Фалкирк дојде до израмнување на резултатот во 73 минута со голот на Картрајт.

Ренџерс со освоениот бод го продолжи очајниот старт во новата сезона и со една победа во воведните седум кола е осмопласиран со осум бодови.

За Миовски ова беше вкупно втор гол во дресот на Ренџерс, откако на крајот од септември беше прецизен во победата од 2-1 над Хибернијан во Лига купот.

Еден од најбогатите фудбалски клубови на Блискиот Исток наводно е подготвен да понуди огромна сума пари за да го доведе англискиот напаѓач Хари Кејн од Баерн Минхен.

Кејн одлично се снајде оваа сезона, постигнувајќи дури 17 гола во само девет натпревари, водејќи ги Баварците до врвот на Бундеслигата и успешен настап во Лигата на шампионите.

Неговата форма го привлече вниманието на многумина, и иако неговиот договор со Баерн истекува во 2027 година, шпекулациите за евентуален трансфер се се погласни.

Минатиот месец беше објавено дека Кејн има откупна клаузула од 65,5 милиони евра под услов да изрази желба да замине во зимскиот преоден рок.