Стефан де Врај стави потпис на нов договор со „нероаѕурите“ до 2025 година.

Договорот на Де Вриј со Интер истекуваше овој месец, па иако се очекуваше да си замине како слободен агент, сепак одлучи да остане на „Џузепе Меаца“. После сигурното заминување на Скриниар, Интер не сакаше да остане без уште еден стандарден дефанзивец, па почна преговори со Де Врај.

Двете страни брзо постигнаа договор, па Холанѓанецот и во наредните две години ќе остане во клубот.

Милан е силно заинтересиран за 19-годишниот талент на Челзи, Карни Чуквуемека.

Станува збор за млад англиски репрезентативец со нигериско потекло, кој важи за најголем талент на Островот во моментов. Тој минатото лето пристигна во Челзи од Астон Вила за 18 милиони фунти, но не доби вистинска шанса на „Стенфорд Бриџ“.

Чуквуемека сака да ја промени средината, а Милан и минатото лето беше силно заинтересиран за неговиот потпис.

„Росонерите“ сега гледаат одлична шанса да го агажираат, а „Калчомеркато“ тврди дека Англичанецот може да се пресели на „Сан Сиро“ на позајмица со право на откуп.

Барселона одлучи да ангажира ново засилување за нападот, млад напаѓач кој ќе биде алтернатива за Левандовски.

Каталонските медуми пренесуваат дека Барселона е пред комплетирање на трансферот на големиот бразилски талент Витор Роке. Станува збор за 18-годишен напаѓач на Атлетико Параненсе, кој веќе дебитираше за бразилската репрезентација.

Роке беше на мета на многу европски гиганти, но Барселона ја победи конкуренцијата благодарение на Деко, кој е последник при трансферот.

Според информациите каталонскиот гигант за неговиот потпис ќе плати 40 милиони евра на три рати.

Масимилијано Алегри нема да го напушти Јувентус ниту за милионите од Саудиска Арабија.

Навивачите на „старата дама“ подолг период не се задоволни од работата на Алегри, посебно поради неговиот дефанзивен стил на игра и голем дел од нив бараа негово заминување. Шанса за промена на клупата се појави со понуда од Саудиска Арабија.

Ал-Хилал се обидел со плата четири пати од онаа што ја заработува во Торино да го убеди Алегри да ја напушти Европа, но одоговорот на Италијанецот бил негативен.

Алегри во Јувентус заработува седум милиони евра и имал прилика за многу поголема заработка, меѓутоа одлучил да каже „не“.

Овој втор мандат во Јувентус, Алегри го започна во 2021 година, а сезонава поради казната со одземени 10 бода тимот заврши на седмата позиција и наредната сезона ќе игра во Конференциската лига.

Лионел Меси објави дека нема да игра за Аргентина на следниот Мундијал во 2026 година, ваквата одлука Аргентинецот ја најави и по освоената титула во Катар, а сега само потврди.

На следниот Мундијал Меси ќе има 39 години и смета дека нема да биде подготвен да и помогне на неговата репрезентација.

„Нема да играм на следниот Мундија. Ова беше моето последно Светско првенство, ќе видима каква ќе биде ситуацијата, но не верувам дека нешто ќе се промени“, изјави Меси.

Навивачите на Аргентина сепак и понатаму ќе се надеваат дека Меси може да настапи на турнирот на кој Аргентинците ќе ја бранат титулата освоена во Катар.

Винициус Жуниор, е на врвот на десетте најскапи играчи во Ла Лига, според податоците на веб-страницата Трансфермаркт. Вредноста на 22-годишниот напаѓач веќе изнесува 150 милиони евра. Цената на играчот се зголеми за 30 милиони евра во текот на сезоната, што го направи најскапиот играч во шпанското првенство.

Следни во рангирањето се играчите на Реал Мадрид, Родриго и Федерико Валверде, кои се проценети на 100 милиони евра. Иста е вредноста на Шпанецот Педри, кој настапува за вечниот ривал Барселона.

Веднаш по него е уште еден играч на Барса, а тоа е Гави чија трансфер сума е 90 милиони евра. Шести и седми се играчите на Реал Мадрид – Едуардо Камавинга и Аурелиен Чуамени кои се проценети на 85 милиони евра.

На осмата позиција е Френки де Јонг од Барселона, кој во моментов би можел да биде продаден за 75 милиони евра. Десетте најплатени играчи во Ла Лига повторно ги комплетираат играчи на Каталонците и на „кралевите“, како Едер Милитао од „кралевите“ и Роналд Араухо од Барселона чија цена моментално е 70 милиони евра.

Реал Мадрид го официјализира потписот со досегашниот играч на Борусија Дортмунд, Џуд Белингем, кој во кралскиот клуб ќе остане во наредните шест години.

Според објавите од Реал Мадрид, 19-годишниот Англичанец, пред фудбалската јавност ќе биде претставен во текот на утрешниот ден. Белингем ќе биде еден од најскапо платените фудбалери во мадридскиот клуб. Целосната сума која Реал како обештетување ќе му ја плати на Борусија Дортмунд ќе достигне 130 милиони евра.

Белингем за англиската репрезентација има одиграно 24 натпревари и постигнат еден гол.

Енис Барди летово ќе ја промени средината и ќе го напушти турски Трабзонспор.

Подолг период се шпекулира каде Барди ќе игра наредната сезона, а според последните информации во игра влегла шпанска Џирона. Трабзон за Барди на Леванте му плати три милиони евра и сега сака за истата сума и да го продаде. Сепак, иако желбите се такви се најавува дека клубот поради економската ситуација ќе го продаде Барди и за половина од таа сума со цел да заштеди на неговата плата која изнесува 1.5 милиони евра по сезона.

Претходно Барди се поврзуваше со трансфер во МЛС лигата, па и Италија, но засега нема ништо сериозно.

Пари Сен Жермен ова лето ќе започне нов проект во кој ќе назначи нов тренер и би требало да пристигнат нови имиња, а едно од првите засилувања кое може да пристигне е изненадување.

Шпанските медиуми пренесуваат дека ПСЖ би можел да плати 22 милиони евра за фудбалер кој го носи дресот на Мајорка. Станува збор за Канг-Ин-Ли кој подолго време важи за поголемите фудбалски таленти и беше вистински бисер на Валенсија, но откако не доби вистинска шанса на „Местаља“ си замина во Мајоркја.

Изборот да премине во Мајорка беше вистински погодок за него и почна да го покажува својот талент. Јужнокореецот зад себе има одлична сезона со која го свртел вниманието и на ПСЖ.

„Марка“ и „АС“ тврдат дека во ПСЖ веќе дале зелено светло за трансферот.

Стивен Жерард ќе ја продолжи кариерата во Саудиска Арабија.

Според новинарот Николо Шира, Жерард би го водел Ал-Итифак од Саудиска Арабија. Претходно беше објавено за интерес за англискиот стручњак од грчки Олимпијакос и турски Трабзонспор.

Од Астон Вила, англискиот тренер доби отказ во октомври минатата година и во моментов е без ангажман. Ал-Итифак минатата сезона ја заврши на седмото место на табелата во првенството на Саудиска Арабија. Астон Вила, предводена од Унаи Емери по Жерард, заврши како седма во Премиер лигата.

Стивен претходно го водеше шкотскиот Ренџерс, а пред тоа работеше во младинскиот тим на Ливерпул.