Најдобриот стрелец во Бундеслигата, Хари Кејн сонува да ја освои Лигата на шампионите со Баерн (М). Во очекување на четвртфиналните дуели, Англичанецот не крие дека силно посакува на крајот на сезоната да го крене победничкиот пехар во своите раце.

„Освојувањето на Лигата на шампионите е сон. Сонот на целиот мој живот. И оваа година имаме можност да го направиме тоа, дома, пред нашите навивачи. Мислам дека таква победа би била уште поспецијална. Ни претстои голем двомеч, тежок натпревар во четвртфиналето против Интер, затоа треба да бидеме подготвени. Знаеме дека ако е наш ден, можеме да победиме секого. Имаме доволно силен тим за да го направиме тоа, но главната работа е да бидеме константни во двата меча, а потоа ќе видиме до каде ќе стигнеме.

Но секако, знаејќи колку е важно за нашите навивачи финалето кое ќе се одржи во Минхен, тоа на сите ни дава дополнителна мотивација“, изјави напаѓачот на Баерн.

Членот на третиот ранг на германскиот фудбал Арминија од Билефелд избори пласман во финалето на купот. Во полуфиналниот натпревар, Арминија го победи бранителот на трофејот Баер Леверкузен со 2-1.

На патото до финалето Арминија ги победи Хановер (0-2), а потоа членовите на Бундес лигата: Унион Берлин (0-2), Фрајбург (1-3) и Вердер (1-2).

Домашната екипа по пресврт го елиминира бранителот на трофејот.

Џонатан Та ги доведе „фармацевтите“ во водство во 17. минута, но Мариус Вор одговори само три минути подоцна.

Тимот од Билефелд не застана тука, а до одморот, во третата минута од судиското надополнување, преку Максимилијан Грозер го комплетираа пресвртот против шампионот на Германија.

Во продолжение Арминија можеше да го удвои водството преку Џоел Гродовски. Во финишот Јонас Керскен најпрвин брилијантно го одбрани ударот на Виктор Бонифас, а набрзо Патрик Шик со глава ја погоди стативата.

Бранителот на титулата во Купот не можеше да избегне пораз до крајот на мечот, па Арминија во финалето на 23 мај во Берлин ќе игра со подобриот од дуелот Штутгарт-Лајпциг.

Фудбалерите на Болоња го совладаа Емполи како гости во првиот натпревар од полуфиналето на Купот на Италија со резултат 0-3.

Јасно е дека реваншот ќе биде само формалност по ваквата демонстрација на силата на тимот на Виченцо Италијано. Болоња игра феноменално во последно време, ова за нив беше шеста последовна победа во сите натпрварувања.

Двоен стрелец за гостите на стадионот „Карло Кастелани“ беше Холанѓанецот Тијс Далинга во 29. и 51. минута.

Претходно, уште еден гол сезонава постигна и најдобриот стрелец на тимот Рикардо Орсолини.

Многу поголема неизвесност се очекува во второто полуфинале, в среда градските ривали Интер и Милан го играат првиот натпревар.

Болоња го освои Купот двапати во својата историја, вториот пат во 1974 година.

Прес-службата на англиската Премиер лига на социјалната мрежа Х објави дека од 12 април ќе биде воведен полуавтоматски систем за откривање офсајд. Нагласено е дека овој систем ќе започне да се применува во 32. коло од натпреварувањето.

Претходно медиумите објавија дека ваквата иновација би требало да помогне да се намали времето за проверка на офсајд позициите со помош на ВАР системот на 31 секунда.

Да потсетиме дека полуавтоматскиот систем за откривање офсајд моментално се користи во италијанското првенство и Лигата на шампионите. За прв пат беше тестиран за време на натпреварите на Светското првенство во 2022 година во Катар.

Поранешниот директор на фудбалскиот состав Рома, Валтер Сабатини, откри дека на времето Французинот, Адриен Рабиот, не и се приклучил на „волчицата“ само поради неговата мајка.

„Единствено жалам за неуспешниот трансфер на Рабиот. Неговата мајка е виновна за тоа. ПСЖ плати 30 милиони евра и таа сакаше да ги добие парите“ – рече Сабатини.

Ќе потсетиме дека Рабиот играше за францускиот состав од 2012 до 2019 година. По завршувањето на договорот замина како слободен во Јувентус.

Манчестер Јунајтед е уверен дека може да го продаде 25-годишниот крилен напаѓач Ентони за 40 милиони фунти (47,6 милиони евра) по неговите успешни настапи во Реал Бетис, каде што игра како позајмен играч.

Оваа информација ја објавија медиумите во Манчестер, а според истите, за бразилскиот фудбалер интерес пројавуваат мадридски Атлетико, како и неколку клубови од италијанскиот шампионат. Бетис сака да ја продолжи позајмицата на Ентони на подолг период, но шпанскиот клуб е свесен дека тешко ќе ги исполни условите на „црвените ѓаволи“.

Ентони му се приклучи на Бетис на позајмица минатиот јануари. Во овој период учествуваше на 12 натпревари на сите турнири, постигнувајќи четири гола и четири асистенции. Актуелниот договор на играчот со англискиот клуб е до летото 2027 година. Според информациите објавени на порталот Трансфермаркт, пазарната вредност на фудбалерот е 20 милиони евра.

Вулверхемптон стапиле во контакт со италијанскиот тренер Даниеле де Роси за можноста да го преземе тимот следната сезона.

Како што пренесува „Газета дело Спорт“, Де Роси имал повеќе од една средба со клупските челници.

Инаку, Вулверхемптон веќе го смени тренерот оваа сезона. Во моментов на клупата е Португалецот Витор Переира, кој во декември го замени Гери О’Нил.

Де Роси досега во кариерата ги водеше СПАЛ и Рома, каде што ја мина својата професионална фудбалска кариера. На клупата на „Волчицата“ мина осум месеци, од 16 јануари до 18 септември 2024 година.

Доколку двте страни постигнат договор, Де Роси ќе стане вториот италијански тренер во Вулверхемптон.

Легандарниот голман Валтер Зенга го водеше клубот помалку од три месеци од 1 август до 25 октомври 2016 година.

Вулверхемптон моментално е 17-ти на табелата во Премиер лигата, прв над зоната за испаѓање, со девет бода повеќе од Ипсвич.

Бразилската фудбалска репрезентација е во потрага по нов селектор откако се разделија со Доривал Жуниор поради резултатската криза.

Потрагата не оди баш лесно, Бразилците имаа високи амбиции и сакаа да ги доведат Карло Анчелоти и Пеп Гвардиола на клупата, ама тоа се нереални желби.

Сега се споменува дека нов селектор би можел да биде Жорж Жезус. Искусниот стратег е актуелен тренер на Ал Хилал и работеше со Нејмар за време на неговиот престој во Саудиска Арабија. Односот на двајцата не беше најдобар, па поради тоа искусниот фудбалер не е најзадоволен со последните шпекулации.

Во својата тренерска кариера Жорж Жезус ги водеше Бенфика, Спортинг, Брага, Фламенго и Фенербахче.

Фудбалерот на Олимпик Марсеј, Луис Енрике Лима, влегува на радарот на Интер. Според новинарот, Џанлука Ди Марцио, скаутите на миланскиот клуб имале одлични оценки за 23-годишниот крилен напаѓач.

Главниот тренер на италијанците, Симоне Инзаги, сака да го ангажира Лима кој има трансферна вредност од 30 милиони евра.

Бразилецот во сезонава одигра 27 натпревари во францускиот шампионат на кои постигна 7 голови и направи 5 асистенции.

Ракометниот репрезентативец на Холандија, Лук Стеинс го продолжи догоорот со ПСЖ.

Средниот бек и раководството на ПСЖ се договорија на нова соработка, па така искусниот ракометар во дресот на „светците“ ќе остане најмалку до летото, 2029 година.

Холанѓанецот со ПСЖ имаше договор до 2026, а двете страни одлучија дека продолжувањето на соработката е најдобра опција, па новиот договор ќе го задржи во Париз уште три дополнителни сезони.

Стеинс во ПСЖ пристигна во текот на 2020 година како „медицински џокер“ за Никола Карабатиќ и веднаш ги задоволи критериумите на раководството на клубот.