Иран е шестиот учесник на Светското првенство во фудбал во 2026 година.

По организаторите: САД; Канада и Мексико, низ квалификациите пласман изборија Јапонија, Нов Зеланд и Иран. Во осмото коло од квалификациите во Азија, Иранците пред своите гледачи ремизираа со Узбекистан 2-2.

Двоен стрелец за Иран беше напаѓачот на Интер, Мехди Тареми.

Со ова реми, на две кола пред крајот, селекцијата на Иран и теоретски обезбеди едно од првите две места кои водат директно на Мундијалот.

По натпреварот славеа домашните фудбалери, а наскоро историски пласман на Мундијалот би можеле да слават и во Узбекистан. Узбекистанците имаат четири бода повеќе од Обединетите Арапски Емирати.

Фудбалската репрезентација на Македонија, во дрматична завршница не успеа да го победи Велс, во квалификациите за пласман на Светското првенство. Во Ј групата натпреварот во Скопје заврши 1-1 (0:0).

Македонија во овој прозорец освои четири бода, по очекуваната победа над Лихтеншѕајн (3-0) во саботата, вечерва во Скопје одигра нерешено со Велс.

Бојан Миовски во 91.минута во екстаза ги фрли навивачите на Националната арена „Тодор Проески“. Напаѓачот на Џирона го искористи подарокот на искусниот Џо Ален кој лошо одигра една повратна топка, а Миовски реагираше на прва и низ нозете на Дарлоу ја испрати топката во голот.

Сепак, избраниицте на Благоја Милевски не успеаја да ја задржат предноста. На истекот на 96.минута, Брукс ја искристи лошата поставеност во одбраната и неколкуте грешки на нашите фудбалери и го совлада Димитиревски.

Столе Димитиревски прими гол по 711 минути, откако претходно шест натпревари остана несовлдан.

Што се однесува до самиот натпревар, Велс ја контролираше играта. Имаа играчите на Крег Белами неколку обиди, но без сериозна закана по голот на Димитиревски.

Македонија првиот шут во рамките на голот го имаше во 65.минута, кога Дарлоубрилијантно го одбрани ударот на Чурлинов. Неколку минути подоцна по центаршутот на Томас, Џонсон шутираше, а Муслиу интервенираше од гол линијата.

Македонија квалификациите ќе ги продолжи во јуни, со дуелите против Белгија во Скопје и Казахстан во Астана.

Англија ја забележа втората победа во квалификациите за Светското првенство. На „Вембли“, Англија ја победи Летонија со 3-0, а селекторот Томас Тухел особено го истакна Рис Џејмс.

Десниот бек на Челзи по две и пол години се врати во стартниот состав на „Гордиот Албион“ и го постигна својот прв гол за националниот тим. Тоа го направи на феноменален начин од слободен удар.

„Знам колку добар играч е Рис. Тој е неверојатен. Тој има право да биде горд и среќен за она што го одигра. Тој е во одлична форма, а неговиот квалитет никогаш не е доведен во прашање“, изјави Тухел.

Фудбалерот на Ливерпул, Трент Александер-Арнолд ги договорил условите со Реал Мадрид и на лето ќе му се приклучи на шпанскиот клуб како слободен играч, дознава „Скај Спортс Швајцарија“.

Договорот на Трент со Ливерпул истекува на лето, а од јануари тој има право да преговара и да потпише договор со кој било друг тим. „Скај Спортс Швајцарија“ тврди дека ТАА ќе потпише петгодишен договор.

Англичанецот ќе заработува 15 милиони евра годишно во Мадрид, со значителни бонуси. За споредба, овој 26-годишен играч заработува речиси 11 милиони евра по сезона во Ливерпул.

Александер-Арнолд е член на сениорскиот тим на Ливерпул од 2016 година, а за англискиот клуб досега одигра 349 натпревари, постигна 22 гола и 87 асистенции.

Во текот на кариерата на „Енфилд“, Трент има освоено по еден трофеј за победникот на Лигата на шампионите, Премиер лигата, ФА Купот, Суперкупот на УЕФА и Светското клупско првенство.

Францускиот играч за врска Пол Погба, моментално слободен играч и се подготвува да се врати на теренот.

Како што пренесуваат медиумите од Франција, фудбалерот одлучи да премине во Интер Мајами. Преговорите на Французинот со американскиот клуб се во напредна фаза. Договорот би можел да се случи во блиска иднина. Се истакнува дека на одлуката на Погба влијаело присуството на Лионел Меси во Интер Мајами.

Последен клуб на Погба беше торинскиот Јувентус, со кој играчот го раскина договорот во октомври минатата година. Фудбалерот претходно играше и за Манчестер Јунајтед.

Селекторот на фудбалерите на Велс, Крег Белами, на денешната средба со новинарите проговори за трагедијата во Кочани.

„Пред се, би сакал да изразам сочувство на семејствата на жртвите на трагедијата во Македонија. Знаеме низ што поминува земјата и целиот народ, ние во Велс се имаме соочено со многу трагедии, па сакам во името на целиот Велс да кажам дека жалиме со вас заради трагедијата“ – рече меѓу другото Белами.

Ќе потсетиме дека ФФМ претходно донесе одлука целиот приход од квалификацискиот меч меѓу Македонија и Велс на Арената во Скопје да биде дониран за семејствата погодени од трагедијата во Кочани.

Македонија во Скопје во рамките на вториот квалификациски меч за Светското првенство (СП) го пречекува Велс, а македонскиот голман Столе Димитриевски изјави дека пред нив е тежок противник.

Димитриевски зборуваше за кобната ноќ во дискотеката во Кочани, каде што 59 лица го загубија животот и посочи дека сè уште се чувствува тага по трагедијата.

„Целиот македонски народ во овој момент е повреден, мене ми беше тешко да заспијам наредниот ден кога видов што се случи. Единствено нешто што му треба на македонскиот народ во овој момент е љубов и сплотеност“, вели Димитриевски.

Чуварот на мрежата на Македонија кажа и дека се надева дека ќе ја продолжи традицијата, односно нема да прими гол против Велс.

„Сакав да присуствувам на прес-конференцијата затоа што тоа е како некоја традиција. Секогаш кога сум тука, не примаме голови. Се надевам дека така ќе биде и сега, ако не примиме гол, имаме најмалку реми, а зошто не и победа“, додаде првиот голман на македонската фудбалска репрезентација.

Селекторот Благоја Милевски по дуелот во Лихтенштајн рече дека со оглед на ситуацијата во нашата земја, воопшто не го интересира како и на кој начин дојдовме до победата во Вадуц, туку најбитни се трите бода. Сега, против Велс ситуацијата е сосема поинаква. Противникот е силен, Велс доаѓа во Скопје по победа.

„Секако дека е Велс и тоа како анализиран. На повеќе мечеви. Мислам дека сме подготвени, треба да бидеме совршени на тактички план, во дисциплина, во тркачкиот дел, и максимален фокус, ако сакаме да дојдеме до поволен резултат. И пред мечот во Вадуц, а и сега мора да кажам дека емоциите не може да се скријат, тука се. Тешка е ситуацијата за сите, и за мене и за фудбалерите. Од тој аспект реков не очекува најтешкиот меч. Околностите се тие. Не можеме да ги смениме. Не сме фаворити, апсолутно не. Ранкингот нивен кажува многу. Тоа се играчи кои играат во Премиер лига, Француска Лига 1. Но во фудбалот не секогаш победуваат фаворитите. Реков и претходно дека утре мора да бидеме совршени, и на максимален фокус. Концентрација во сите делови од теренот, ако сакаме да бидеме на потребното ниво. Велс е многу веројатно најсериозниот противник одкако јас сум селектор. Тактички, тркачки совршена. Технички имаат голем напредок во последните години. Како ќе одговориме ќе видиме“ – рече селекторот Милевски на пресот пред утрешниот дуел во Скопје.

Тренерот на Милан, Серхио Консеиао изјави дека ги избрал „росонерите“ со идеја да ја освои Лигата на шампионите со нив. Сепак, Португалецот се пожали дека секој ден во клубот се поврзува различен тренер како можна замена. Консеисао пристигна на крајот на минатата година на местото на Пауло Фонсека, кој остана само пет месеци. Започна на најдобар можен начин и Милан во вториот меч под негово водство го освои италијанскиот Суперкуп.

-Сакав да дојдам во едно од најсилните првенства во светот. Имам сон и цел да ја освојам Лигата на шампионите. Затоа го избрав овој клуб. Знаев дека ќе има потешкотии, но не ги избрав играчите во тимот, немав време да ги тренирам и јас бев должен да победам, истакна Португалецот.

По одличниот старт, Милан забележа лоши резултати. Тимот беше елиминиран од Феенорд во Лигата на шампионите, а во првенството падна на деветтото место. Тренерот има објаснување за тоа што се случи.

„Одигравме девет натпревари за 30 дена. Немавме време за тренинзи, што е исклучително тешко,а тоа значи дека не можам да ја наметнам мојата визија во составот. По освојувањето на Суперкупот ремизиравме со Каљари поради индивидуална грешка, што се случува. Оттогаш секој ден се поврзуваат нови тренери со клубот“, се пожали тој.

Консеисао истакна дека составот кој го наследил од Фонсека не одговара на стилот кој сакал да го наметне. Португалецот сепак го пофали голманот Мајк Мењан.

„Во денешно време сите сакаат да градат од назад, но ви требаат играчи за да го направите тоа. Во Порто имав фантастичен голман кој го овозможи тоа, а и во Милан го имам“, изјави тренерот.

Војчех Шчесни минатата есен излезе од пензија за да и помогне на Барселона во преостанатиот дел од сезоната, откако тешка повреда доживеа Марк-Андре тер Штеген. Полскиот голман веројатно и самиот не веруваше дека доживее ренесанса и ќе му биде понуден нов договор.

Шчесни настапи на 16 натпревари во сите натпреварувања, оставајќи одличен впечаток кај сите во клубот, кои решија да му понудат нов двегодишен договор.

Се очекува да го прифати тоа и да заборави на претстојното пензионирање бидејќи е јасно дека има уште многу да му понуди на фудбалот, но и на Барселона.

Шчечин се раздели со Јувентус во август минатата година, замина во пензија, од која се врати на 2.октомври кога Барселона му понуди договор.