Дефанзивецот на Реал Мадрид, Антонио Рудигер, се извини за своето однесување на крајот од синоќешниот натпреварот против Барселона во финалето на Купот на кралот. Германецот, кој веќе беше заменет, доби црвен картон откако фрли кесички мраз кон судијата Рикардо де Бургос, а неговите соиграчи од клупата го спречија физички да се пресмета со арбитерот.

Рудигер реагираше незадоволен од одлуката на судијата да го запре ветувачки напад на Реал во самиот финиш, кога Барселона водеше со 3-2. Со овој резултат натпреварот заврши, а каталонскиот клуб на крајот ја освои својата 32 титула во Кралскиот куп.

„Нема оправдување за моето однесување синоќа. Многу ми е жал за тоа“, објави Рудигер на социјалните мрежи.

„Мислам дека одигравме многу добар натпревар, особено во второто полувреме. По 111-тата минута повеќе немав можност да им помогнам на соиграчите и пред последниот свиреж направив грешка. Се извинувам на судијата и на сите што ги разочарав синоќа“, додаде Рудигер.

Шпанските медиуми наведуваат дека Рудигер го очекува казна од четири до 12 натпревари.

Букајо Сака ќе ја продолжи соработката со Арсенал во следните неколку дена.

Најголемата ѕвезда на тимот од Лондон се согласи да потпише нов договор со тимот за кој игра практично целиот свој живот.

Се очекува веста наскоро да биде официјализирана, како и финансиските детали и време траењето на новиот договор.

Сака е во Арсенал од 2008 година, а потпиша професионален договор во 2018 година. Досега има одиграно 257 натпревари за „топџиите“.

Оваа сезона, тој има можност да го одведе Арсенал до финалето на Лигата на шампионите за прв пат од 2006 година.

Фудбалерот на Интер, Бенжаман Павард, ќе го пропушти првиот полуфинален натпревар од Лигата на шампионите против Барселона поради повреда на левиот глужд, објавија италијанските медиуми.

Павар се повреди во неделата за време на првенствениот натпревар против Рома (0-1) и нема да патува за Шпанија, објавија „Газета дело Спорт“ и „Скај Италија“.

Францускиот фудбалер се повреди при дуел со противнички играч. Откако доби помош, тој се обиде да ја продолжи играта, но набрзо мораше да го напушти теренот.

Италијанските медиуми објавија дека Маркус Турам, кој ги пропушти последните три натпревари поради повреда на мускулот, би можел да се врати во тимот на Интер.

Тренерот на фудбалерите на Манчестер Сити, Пеп Гвардиола, му честиташе на Ливерпул за освоената титулата во Англија.

„Во мое име и во име на целиот клуб, сакам да му честитам на Ливерпул за титулата во Премиер лигата. Заслужено, тоа е фантастичен тим. Се надеваме дека догодина ќе бидеме подобри а сега честитките се за Ливерпул“, рече Гвардиола.

Неговиот тим колку-толку ќе може да ја спаси сезоната со евентуално освојување на пехарот во ФА Купот на Англија.

„Естадио Депортиво“ објави дека се во тек разговори помеѓу Астон Вила и Пари Сен Жермен во врска со трансферот на Марко Асенсио во летниот преоден рок.

Шпанскиот репрезентативец пристигна на „Вила Парк“ оваа зима, со опција Вила да го откупи неговиот договор. Асенсио ги оправда очекувањата, па Вила ќе ги плати бараните 15 милиони евра. колку што бара ПСЖ.

Поранешниот шпански репрезентативец во јули 2023 година без обесштетување од Реал се пресели во Париз. Не се снајде на „Паркот на принцовите“, одигра само 31 натпревар, постигна шест гола.

Кариерата ја започна во Реал во 2014, а првите две сезони ги мина на позајмици во Мајорка и Еспањол. За реал одигра 191 натпревар, постигна 37 голови.

Тренерот на фудбалерите на Рома, Клаудио Раниери, рече дека големата победа на теренот на Интер ја посветува на фановите на „римската волчица“ кои не можеа да присуствуваат на натпреварот во Милано.

„Дојдовме со решеност да ги направиме горди и да победиме. Интер е многу силен тим а ние се обидовме да поставиме добра одбрана.

Навистина сум среќен за навивачите и играчите, за сите жртви што ги направија. Дојдовме тука и го победивме лидерот“, потенцираше тренерот на Римјаните.

Легендата на европскиот и светскиот фудбал Луис Фиго има фаворит во Лигата на шампионите. Интересно, Фиго кој во кариерата настапуваше за Барселона и Интер, не смета дека тие се фаворити за титулата.

„Мислам дека тоа ќе биде ПСЖ. Тимот е многу конзистентен во однос на резултатите и моментално е во одлична физичка форма“, рече Фиго.

Откако тренерот Луис Енрике го презеде тимот во 2023 година, многу работи се сменија во ПСЖ. Францускиот шампион, некогаш познат по своето големо его и гигантските трансфери, сега многу повеќе се потпира на функционална тимска структура.

Франко Мастантуоно, 17-годишен талентиран напаѓач на Ривер Плејт, постигна неверојатен гол од слободен удар и му донесе победа на својот тим со 2-1 против Бока Јуниорс во Суперкласико!

Мастантуоно го отвори натпреварот со спектакуларен гол, испраќајќи ја топката во горниот агол на голот на Бока. Со 17 години и 257 дена, Мастантуоно стана најмладиот играч во историјата на Суперкласико кој постигнал гол.

Голот е уште еден момент на магија на младиот крилен напаѓач, кој веќе го привлекол вниманието на многу големи европски клубови, меѓу кои најозбилни се Реал и Манчестер јунајтед.

Фудбалот е спорт кој секогаш обединува и носи насмевки на лицата на огромен број фанови ширум светот, па дури и во моменти на голема тага поради трагедијата која се случи во Кочани, легендите на Македонија и Бугарија (шампионскиот тим од СП во 1994. година) покажаа дека спортот знае да преовлада и за хуманитарни цели.

Натпреварот кој беше од хуманитарен карактер се одигра ова попладне во Варна, а легендарните играчи на двете земји се погрижија за извонредна фудбалска претстава во која видовме пет погодоци.

Христо Стоичков како капитен на домашниот тим доби дрес од македонската фудбалска репрезентација пред стартот на натпреварот, а потоа доби и громогласни аплаузи од публиката кога излезе од игра во 8-та минута.

Во услови на фудбалска ревија, резултатот беше во втор план, но сепак вреди да се одбележи дека избраниците на Ѓоко Хаџиевски кој денеска беше селелктор, на крајот извојуваа победа од 2-3.

Божинов, Пандев и Тасевски беа стрелци на погодоците за нашиот тим, додека Бугарија во два наврати израмнуваше на 1-1 и 2-2 преку Камбуров и Михтарски.

Собирот на легендите и на сите присутни фудбалски навивачи во Варна беше организиран со една јасна цел, а тоа е да се соберат финансиски средства за семејствата кои ги загубија најблиските во трагедијата во Кочани.

Лидерот Шкендија и второпласираниот Силекс не ја искористија предноста од домашниот терен и освоија по бод во денешното 29. коло во Првата македонска фудбалска лига (ПМФЛ), во рамки на кое не се доигра дуелот меѓу Гостивар и Работнички, откако домашниот тим го напушти теренот.

ПМФЛ: 29 коло

Шкендија – Шкупи 3-3

Пелистер – Тиквеш 1-0

Силекс – Струга 0-0

Гостивар – Работнички 1-2 (прекинат натпревар)

Вардар – Беса 3-1 (одиграно в сабота)

Табела: Шкендија 63, Силекс 59, Работнички 52 (-1), Гостивар 48 (-1), Струга 47, Вардар 35, Шкупи 34, Пелистер 32, Брера 27 (-1), Тиквеш 26, Беса 24, Воска 13 (-1).