Ниту тоа што ја освои титулата и ги врати насмевките во неапол, можеби нема да бидат доволни за Лучијано Спалети да остане на кормилото на Наполи. Во клубот се уште не одлучиле дали договорот ќе му биде продолжен бидејќи има многу отворени прашања меѓу него и претседателството, па првиот човек на клубот Де Лаурентис не сака да избрзува.

Спалети поставил некои суштински услови за да се остане во клубот и следната сезона, а еден од нив е прашањето за продажбата на фудбалерите бидејќи не сака да загуби важен дел од актуелната група иако понудите се можеби неодоливи.

Градските ривали од Манчестер, Сити и Јунајтед, ќе се обидат да дојдат до потписот на дефанзивецот на Баерн Минхен, Алфонсо Дејвис, објавија денеска дел од медиумите во Германија.  

22-годишниот лев бек има трансферна цена од околу 70 милиони евра што не претставува проблем за фудбалските гиганти од Англија.  

Канаѓанецот кој може одлично да игра и во фазата на напад има договор со Баварците до 2025 година.

Барселона размислува за нови засилувања во средниот ред, а една од опциите според последните информации е играчот за врска на Палмеирас, Рафаел Веига.

27-годишниот Бразилец неодамна доби повик во репрезентацијата и настапи во пријателскиот натпревар против Мароко. Наводно во Барселона би можел да се пресели за 15 милиони евра.

За Палмеирас оваа сезона постигна осум гола и додаде 10 асистенции на 23 натпревари. Колку добро се чувствува пред противничкиот гол покажува и податокот дека во последните три сезони во ниту една не постигна помалку од 16 голови, вкупно постигна 67. За Палмеирас Веига игра од 2017 година со исклучок на една сезона која ја помина на позајмица. Со овој клуб освои девет трофеи и има договор до крајот на 2026 година.

Марко Верати донел одлука да го напушти францускиот шампион ПСЖ на крајот на сезоната, бидејќи е незадоволен од ситуацијата во клубот.

Верати е незадоволен од ситуацијата во клубот и смета дека сега е вистински момент за трансфер, а ПСЖ нема да му стои на патот.

Верати е еден од најплатените фудбалери во тимот, па „светците“ се спремни да го продадат на лето. ПСЖ не е задоволен и од неговата дисциплина како и од перформансите на теренот, па е спремен да слушне понуди.

Верати има богата понуда од Саудиска Арабија, но сака да остане во Европа, а се поизвесно е негово враќање во Италија, каде интерес за него покажуваат Јувентус и Интер.

Жоао Кансело нема јасна слика за својата иднина бидјеќи ниту Томас Тухел, ниту Пеп Гвардиола не го сакаат во својот тим.

Баерн Минхен нема да ја активира клазулата за да го откупи од 70 милиони евра по истекот на позајмицата. Португалецот е прескап и не ги исполни очекувањата на „Алијанц Арената“. Уште помалку веројатно е дека ќе продолжи на „Итихад“, Пеп не го сака во својот тим. Се споменуваше Барселона, но Каталонците немаат пари, па сега во прв план скокна Арсенал.

Британски „Телеграф“ пишува дека Арсенал е опција за Кансело, „топџиите“ знаат дека не е евтин. Но, сигурно дека Кансело би бил големо засилување за следната сезоана, Бен Вајт така би можел конечно да се врати во срцето на одбраната и да води битка со Габриел и Салиба.

Арсенал веќе сериозно размислува за тимот за следната сезона бидејќи веќе се најавува доаѓање на Даклан Рајс кој би бил замена за Гранит Џака кој како што стојат работите се договори со Баер Леверкузен.

Со овие нови имиња, можеби и еден нов напаѓач Арсенал навистина би изгледал посилно.

ПСЖ го одреди Хари Кејн како примарна трансфер цел ова лето и веќе почна да работи на трансферот.

Ѕвездата на „Спарси“ одби да го продолжи договорот и на лето најверојатно ќе ја промени средината бидејќи влегува во последната година од договорот.

Интерес за Англичанецот покажува Манчестер Јунајтед, но сега во трката за неговиот потпис се приклучи и ПСЖ. Спортскиот директор на „светците“ Луис Кампос веќе имал состанок со претставниците на напаѓачот, пренесува „Паризиен“.

Тотенхем за неговата слобода бара 110 милиони евра, а ПСЖ е спремен да ја плати таа сума и да го направи Кејн наскапиот англиски фудбалер во историјата.

Реал Мадрид сака ова лето да се ослободи од Еден Азар, но Белгиецот категорично одбива да го напушти клубот, пренесува „Марка“.

Белгиецот не е во плановите на Карло Анчелоти и во интерес на сите е да си замине, бидејќи се покажа како најголемо промашување во историјата.

Меѓутоа, фудбалерот нема немера да замине од Мадрид и планира во целост да го одработи договорот со трајност од јуни 2024. Неодамна пристигнала понуда за него од Монтреал Инпакт, но Азар категорично ја одбил и му потврдил на клубот дека сака да остане.

Реал му понудил и слободен раскин на договорот, но Белгиецот сака да остане бидејќи е еден од најплатените фудбалери во тимот.

Арсенал сака да го обнови договорот со еден од главните мотори во тимот на Микел Артета – Мартин Одегард. Актуелниот договор на Норвежанецот истекува за две години, но според медиумите во Лондон, клубот планира да го продолжи договорот за дополнителни 12 месеци – до летото 2026 година.

Планот на управата на Арсенал е повторно ангажирање на играчите од јадрото на овој состав, што ќе го донесе потребниот душевен мир дека Арсенал ќе има борбен тим во наредните години. Многу брзо нови договори ќе парафираат Букајо Сака и Арон Рамсдејл, кои веќе ги договориле условите. Клубот преговара и со Вилијам Салиба. Габриел Мартинели и Габриел Магаланес веќе се обврзаа со клубот долгорочно во текот на сезонава.

Одегард од почетокот на оваа сезона постигна 15 гола и имаше седум асистенции. Во последните денови се шпекулира дека интерес за него покажуваат Баерн и Пари Сен Жермен.

Играчот од средниот ред на Баерн, Џошуа Кимих може да ја продолжи кариерата во шпанското првенство. Барселона е заинтересирана за неговите услуги, информира „Мундо Депортиво“.

Според изворот, самиот играч е расположен за преселба во Шпанија, бидејќи ситуацијата во Баерн Минхен сега не е најдобра – соблекувалната е поделена на неколку „табори“, а играта на тимот е далеку од посакувана.

Барселона веќе почна да презема активности за потпис на Кимих, но тоа нема да биде лесно, бидејќи каталонскиот клуб има одредени финансиски проблеми. Сепак, токму во Кимих раководството на Барселона гледа замена за Серхио Бускетс, кој ќе го напушти тимот на крајот од сезоната.

Здружението на фудбалери од американската МСЛ лига објави дека играчот на Чикаго Фајр, Џердан Шаќири, и понатаму е најплатениот играч во таа лига.

Шаќири во Чикаго пристигна на почетокот од сезоната 2022 и има основна плата од 7,35 милиони долари, а вкупно добива 8.153.000 долари. На второ место по висина на платата е напаѓачот на Торонто, Лоренцо Инсиње со 7,5 милиони долари, додека трет е Хавиер Ернандез од ЛА Галакси со 7,4 милиони долари.

Според податоците на здружението на фудбалери, Торонто е клубот со највисок платен список кој издвојува 25,7 милиони долари.