Радамел Фалкао, некогаш еден од најдобрите напаѓачи во светот, нема намера да се пензионира.

Брилијантниот централен напаѓач е слободен агент откако се раздели со Милионарис, клубот од неговата татковина. Колумбискиот напаѓач добил интерсна понуда од третата дивизија на Шпанија. Интерес за него покажа Мурсија.

На Фалкао му беше претставен амбициозен проект, а планот е клубот веднаш да стигне до втората лига, а главната улога би ја играл поранешен член на Атлетико Мадрид.

Искусниот централен напаѓач сериозно ја разгледува оваа опција, а претседателот на Мурсија, Фелипе Морено, верува дека двете страни ќе се согласат на соработка.

Новото ѕвездено засилување за Ливерпул, Флоријан Вирц е прогласен за играч на сезоната во Германија. Според резултатите од анкетата спроведена од магазинот „Кикер“ меѓу членовите на Здружението на германски спортски новинари, играчот од средниот ред кој го носеше дресот на Баер (Л) добил 191 глас.

Второто место му припадна на играчот од средниот ред на Баерн, Михаел Олисе, со 81 глас. Третото место му припадна на напаѓачот на Штутгарт, Ник Волтемаде, кој доби 71 глас.

Италијански Комо покажува дека е амбициозен проект, предводен од шпанската легенда Сеск Фабрегас. Клубот кој доста вложува во составот, на пат е да тргне по уште едно засилување од Барселона.

„Не сакам да зборувам за пазарот, но ако има можност, ќе ја видиме, ќе ја анализираме. Се надевам дека сите нови големи играчи ќе можат да се вклопат во нашата динамика, да бидат конкурентни во тимот“, вели Фабрегас.

Се зборува дека на мета на Комо е Ињаки Пења, кој во моментов не е во плановите на Ханси Флик. Тој сега е дури четврти голман, меѓутоа Барса се уште го има во тимот затоа што е регистриран и има право на настап за разлика од Жоан Гарсија и Војчех Шчесни.

Хрватскиот фудбалер Лука Модриќ го одигра својот прв натпревар за Милан откако пристигна како слободен агент.

„Росонерите“ дожевеаја дебакл на „Стемфорд Бриџ“, на генералната проба пред почетокот на новата сезона.

„Сините“ ги декласираа со резултат од 4-1, а Модриќ го одигра целото второ полувреме за гостите од Милано.

Во моментот на влегување во играта, Челзи водеше со автогол на Андреј Кубиш во петтата минута, и голот на Жоао Педро во осмата минута. Романскиот дефанзивец дефинитивно беше трагичара, бидејќи заработи директен црвен картон во 18-та минута.

Лиам Делап го зголеми резултатот од пенал во 67-та минута, а Јусуф Фофана го постигна почесниот гол за Милан во 70-та минута.

Делап ги постави конечните 4-1 во 90-та минута и ја запечати победата на Челзи, кој следната недела ќе го пречека Кристал Палас.

Фудбалерот на Бетис, искусниот шпански репрезентативец Иско ќе отсуствува од терените околу три месеци поради повреда.

Во саботата, Бетис загуби од Малага во тес меч со 1-3, а играчот од средниот ред претрпе силен удар во левата нога, по што го напушти стадионот на патерици и со нога во лонгета.

Во официјалниот медицински извештај на Бетис е наведено дека 34-годишниот играч имал „нова фрактура без поместување на средната третина од левата фибула“.

„Ова е нова повреда, не е поврзана со претходната, која веќе е залечена. Фудбалерот ќе биде подложен на конзервативен третман во наредните недели, а неговото враќање ќе зависи од напредокот на третманот“, се вели во соопштението на Бетис.

Тиквеш и Работнички ремизираа без голови во единствениот натпревар од денешната програма во ПМФЛ. Кавадаречкиот состав имаше поголем посед на топката, но Работнички ги имаше колосалните шанси за да стигне до триумф.

Тиквеш имаше иницијативата од стартот, бараше решение како да го загрози голот на Васко Василев, но првата шанса ја имаше Работнички во 30.минута.

Далеј изведе слободен удар, нафрли директно кон голот, а голманот Стевковски со одлична интервенција спаси во последен момент.

Две минути подоцна возврати Вареловски со удар од 15 метри, но Василев беше добро поставен и одбрани.

Пред крајот на првиот дел, во 43.минута, уште една шанса за гостите. Калани нафрли од левата страна, Дашмир Елези се обиде со волеј удар, но шутираше над голот.

Во второто полувреме речиси идентична поставеност. Тиквеш офанзивен, со желба да постигне погодок, а Работнички добро организиран во одбраната и опасен од противнапади.

Иван Ивановски доби шанса од почетокот на второто полувреме, создаде неколку добри шанси, но повторно без ефект за Тиквеш.

Работнички имаше колосална шанса за триумф во финишот. Јован Бошнаков во 84.минута по еден противнапад излезе сам пред Стевковски, но голманот на Тиквеш одлично интервенираше и спаси сигурен гол.

Коло Муани е голема желба на Јувентус, каде ја помина втората половина од минатата сезона.

Иако Јувентус беше заинтересиран за позајмица со обврска за откуп, францускиот клуб инсистира на целосен трансфер.

Кој е фаворит за трофејот во Првата лига!? | Overtime with TJ

Сега во трката се вклучи Њукасл кој сака да го „украде“ францускиот напаѓач пред носот на Јувентус.

Француските медиуми тврдат дека се разгледуваат и други имиња, но 26-годишниот Французин е приоритет.

Со летните трансфери на голем број играчи, Барселона успеа да ослободи значајни средства во платниот фонд, овозможувајќи регистрација на нови играчи, објавува Ас. Иниго Мартинез, петтиот човек што ги напушта редовите на Барса, потпиша со Ал-Наср од Саудиска Арабија. Ова значи и негова помош во регистрацијата на новите летни засилувања. Одбранбениот играч заминува без обештетување, но се откажа од плата и отпремнина.

Иако клубот сè уште не е во состојба „1:1“ – каде секој штеден трошок може да се прикаже како дел од буџетот, Барселона нема да може целосно да го вклопи неговиот доход од 14 милиони евра во „фер-плејот“, но може да ослободи 60 проценти од тој однос или околу 8,4 милиони евра./p>

Пау Виктор донесе речиси 3 милиони евра со својот трансфер во Брага, Пабло Торре околу 3,5 милиони преку продажбата во Мајорка, Ансу Фати со заминувањето во Монако околу 8 милиони евра, плус заштеди во платата на Клеман Ленгле по неговото заминување во Атлетико Мадрид. Ас истакнува дека Барселона е многу задоволна од оствареното ова лето и смета дека ги исполни целите – финансиски да му помогне на клубот без да се наруши конкуренцијата на тимот.

“Последните чекори за регистрација на нови играчи сега зависат од работи на повисоко ниво на клубот, како што се одобрувањата од ревизорите за вклучување на 100 милиони евра од ВИП седиштата или некои договори во последен момент. Многу помогна и спонзорството од Демократската Република Конго, кое ќе му носи на клубот десет милиони евра годишно во следните четири години,” заклучува Ас.

Екипата на ПСЖ го претстави новото засилување на голманската позиција, Лукас Чевалие, кој денеска стави потпис на петгодишен договор со парискиот клуб.

„ПСЖ може да потврди дека потпиша со Лукас Чевалие. 23-годишниот Французин ќе го носи дресот со број 30 и ќе остане дел од европскиот шампион до 2030 година“, се наведува во клупското соопштение.

За неговите услуги, ПСЖ на Лил му исплати 40 милиони евра, а овој трансфер практично го отвора патот за заминување на Џанлуиџи Донарума. Италијанскиот чувар на мрежата е на излезна врата, а најсериозен кандидат за неговиот потпис е Манчестер јунајтед.

Менаџерот на Ливерпул, Арне Слот, потврди дека новото засилување Џереми Фримпонг, потпишано за 29,5 милиони фунти од Баер Леверкузен, е меѓу главните опции за замена на египетскиот репрезентативец Мохамед Салах за време на неговото отсуство на Африканскиот куп на нации.

Салах ќе пропушти клучен период од сезоната 2025/2026, пропуштајќи го крајот на декември и почетокот на јануари.

Првично доведен за да ја засили позицијата десен бек по заминувањето на Трент Александар-Арнолд, Фримпонг би можел да се користи и како десно крило. Слот призна дека идното отсуство на Салах имало влијание врз стратегијата за трансфери на клубот:

„Да, дефинитивно размислувавме за тоа. Го зедовме Фримпонг затоа што мислиме дека може да игра како десен бек, но мислам и чувствувам дека може да игра и како десно крило“, рече Холанѓанецот.

„Ќе биде надвор од игра максимум шест натпревари – но тоа е многу во Премиер лигата, особено откако видовме колку добро се покажа минатата сезона. Го потпишавме Џереми од повеќе причини, но една од нив е што тој може да го замени Мо ако е надвор од комбинација за настап“ додаде Слот.

Доколку Египет стигне далеку на турнирот, Салах би можел да ги пропушти дерби натпреварите против Тотенхем и Арсенал, како и натпреварите против Вулверхемптон, Лидс и Фулам.