Бенфика работи на враќање на Жоао Феликс во Лисабон, надевајќи се дека ќе му помогне да ја оживее кариерата која загуби сјај по неговото заминување во 2019 година. Португалскиот напаѓач се мачеше со формата во разочарувачките периоди во Челзи и Милан, што ги натера сите страни да размислат за нов почеток. 

Феликс никогаш не се вклопи во Челзи. По доаѓањето на позајмица, постигна само еден гол во 12 настапи и не успеа да се наметне во тимот на тренерот Ензо Мареска. Неговото изоставување од списокот за Клупското Светско Првенство беше јасен сигнал за неговата неизвесна иднина на „Стемфорд Бриџ“. 

Следеше позајмица во Милан, но и таму не успеа да се истакне. Слабиот голгетерски учинок и непостојаните настапи ги намалија шансите за траен договор со италијанскиот клуб. Без јасна перспектива ниту во Лондон, ниту во Милано, Феликс сега бара следен чекор. 

Бенфика гледа шанса да го врати играчот кој го изгради токму на „Да Луж“. Сепак, преговорите се сложени. Челзи бара околу 30 милиони евра, додека понудата на Бенфика е 25 милиони—сума која би била една од најголемите во историјата на клубот. 

Поголемата пречка е платата на Феликс, која значително го надминува платниот праг на Бенфика. Доколку не се согласи на големо намалување на примањата, договорот останува тешко остварлив. 

Раководството на Олимпик Лион ја означи условот при кој клубот ќе може да учествува во следната сезона на Лига Европа.

Се забележува дека ова ќе биде возможно, ако Националната дирекција за контрола и управување (DNCG) ја прифати жалбата за испаѓањето на тимот во Втора лига.

„По процедурата за проверка на економската одржливост, Лион потпиша договор со органот на УЕФА за финансиска контрола на клубовите. На овој начин клубот ќе може да учествува во следната сезона на Лига Европа, под услов жалбата против одлуката за испаѓање на клубот да биде позитивна“, се наведува во изјавата на клубот.

Во сезоната 2024/25, Лион го зазеде шестото место во француското првенство и доби право да игра во Лига Европа. На 24 јуни стана познато дека DNCG одлучи да го извади клубот во втората дивизија поради нарушувања во финансиското извршување.

Шпанскиот репрезентативец Ламин Јамал, кој во јули ќе го прослави својот 18 роденден, ќе го носи легендарниот дрес на Барселона со број 10, со кој во минатото настапуваше Аргентинецот Лионел Меси.

Раководството на Барселона одлучи да му го даде култниот дрес на Јамал пред сезоната 2025/2026, објави денеска шпанскиот весник „Мундо Депортиво“., додавајќи дека овој потег доаѓа по трансферот на Ансу Фати како позајмен играч во Монако, со што култната „десетка“ остана слободна.

Дресот со број 10 во Барселона не е само бројка, туку симбол. Од Ривалдо и Роналдињо до Лионел Меси, „десетката“ симболизира креативност, генијалност и лидерство.

Весникот посочува дека одлуката на клубот да му го додели дресот со бројот 10 на Јамал ја одразува вербата во неговиот долгорочен потенцијал и глобална привлечност.

Англискиот фудбалскиот клуб Лестер и холандскиот тренер Руд ван Нистелрој денес заемно се договорија да стават крај на соработката.

„Руд мина во клубот низ период исполнет со предизвици. Од неговото назначување во ноември 2024 година, тој пристапи кон улогата со професионализам, интегритет и јасна посветеност кон нашите цели, вклучително и интеграцијата на неколку талентирани играчи од клупската академија во нашиот прв тим. Руд продолжува натаму со својата кариера, со почит и благодарност од сите во клубот за неговата посветеност и напорна работа, и со наши најдобри желби за иднината“, се вели во соопштението на Лестер.

Пред да дојде во Лестер, Ван Нистелрој беше помошник тренер на Ерик тен Хаг во Манчестер Јунајтед. Откако Тен Хаг беше отпуштен, поранешниот легендарен напаѓач на Јунајтед, Ван Нистелрој, стана вршител на должноста тренер до доаѓањето на Рубен Аморим, по што го напушти клубот.

Холандскиот стратег го предводеше Лестер на вкупно 31 натпревари, во кои забележа осум победи, четири нерешени резултати и 19 порази.

Лестер испадна од Премиер лигата во сезоната 2024/25 и следната сезона ќе игра во англискиот Чемпионшип.

Оливие Жиру ја заврши својата авантура во Лос Анџелес и се враќа во Европа, конкретно во неговата татковина Франција.

Последниве денови овие шпекулации беа сè поинтензивни, а сега ги потврди познатиот трансфер експерт Фабрицио Романо.

Според неговите информации, Жиру ја прифати едногодишната понуда од Лил.

Лекарските прегледи се веќе закажани и се очекува трансферот наскоро да биде официјализиран.

Лил најверојатно ќе остане без канадскиот напаѓач Џонатан Дејвид, кој ќе замине како слободен играч, така што клубот има намера да го засили нападот со поискусен фудбалер, а изборот падна на Жиру.

Жиру се приклучи на LAFC како слободен агент од Милан минатото лето. За време на неговиот престој во клубот, постигна пет гола и четири асистенции во 37 натпревари.

Неговото време во САД беше обележано и со учеството на LAFC на Светското клупско првенство на ФИФА. Клубот од MLS испадна по групната фаза, а Жиру не покажа значителна ефикасност во натпреварите против Челси, Есперанс и Фламенго, каде што одигра 161 минута.

Голманот Алисон Бекер нема намера да го напути „Енфилд“. Бразилецот повторно одбил профитабилен трансфер, тврди италијанскиот новинар и инсајдер Николас Шира.

Овој пат понудата дошла од клуб од Саудиска Арабија, но како и со претходниот интерес на Галатасарај, Бразилецот одлучил да остане во Ливерпул. Тој има намера да го одработи договорот што важи до летото 2027 година.

Во сезоната 2024/25, тој одигра 35 натпревари во сите натпреварувања, на 13 од нив не прими гол. Со Ливерпул ја освои титулата во Премиер лигата.

Давид Алаба, вториот најплатен играч на Реал Мадрид, повторно е надвор од терените. Клубот објави дека австрискиот репрезентативец претрпел повреда на мускулот на левата нога и ќе биде надвор од терените три недели, односно до крајот на Светското клупско првенство.

Алаба имаше операција на менискусот во април, а новата повреда доаѓа веднаш по неговото закрепнување од сериозната повреда на лигаментите на коленото минатата сезона.

Ова е неговиот 118-ми натпревар што ќе го пропушти за Реал Мадрид поради здравствени проблеми, што е блиску до бројот на пропуштени натпревари во текот на неговите 11 години во Баерн (122 натпревари).

Тој одигра само 14 натпревари (599 минути) оваа сезона, а пред неговата последна повреда веќе имаше проблеми со тетивата и го пропушти почетокот на сезоната во 2023 година.

Алаба заработува 22,5 милиони евра годишно, веднаш зад Мбапе (31,25 милиони). Долго време беше најплатен дефанзивец во Европа, неодмна неговиот рекорд го надмина Вирџил Ван Дајк, кога потпиша нов договор со Ливерпул.

Миле Свилар кој беше прогласен за најдобар голман во Серија „А“ за претходната фудбалска сезона, ќе го продолжи договорот со Рома, објавија медиумите во Италија.

Србинот кој има активен договор до 30 јуни во 2027, сега ќе потпише нова соработка за вкупно осум години.

Свилар во 51 натпревар во сите конкуренции прими 51 гол а на 19 мечеви ја зачува мрежата недопрена.

Македонскиот фудбалски интернационалец, Никола Ѓорѓев има нов клуб и во иднина ќе настапува во Португалија.

Офанзивецот скоро низ целата своја кариера настапува во Швајцарија или поточно мал исклучок беше кратката епизода во холандски Твенте.

Сега тој ќе го носи „црно-белиот“ на Фаренсе, клуб кој е формиран 1910 година.

-Португалскиот фудбал отсекогаш бил атрактивен за мене и сега сакам да се покажам. Горд сум и благодарен што ќе носам дрес на ваков историски клуб, -порача Ѓорѓев кој во последната кампања за Арау постигна 7 гола и запиша 12 асистенции.

Лил е на чекор до враќање на Оливие Жиру во Лига 1, повеќе од една деценија откако замина од Франција. Искусниот напаѓач, кој моментално игра за Лос Анџелес, се согласил на трансфер што ќе го врати назад во Европа на 38-годишна возраст. 

Преговорите меѓу двата клуба се во завршна фаза, а личните услови се веќе договорени. Се очекува Жиру да потпише договор до јуни 2026 година, со можност за продолжување уште една сезона. Францускиот клуб го гледа како идеален лидер за младиот тим, особено ако замине ѕвездата Џонатан Дејвид. 

По тивок период во МЛС — каде што постигна пет голови на 37 натпревари — Жиру сака да ја заврши кариерата на домашен терен. И покрај последните предизвици, поранешниот побеник на Светското Првенство останува најдобриот стрелец во историјата на француската репрезентација и носи огромно искуство од Арсенал, Челси и Милан. 

Ако не се случи ништо неочекувано, Жиру ќе го одигра својот последен натпревар во америка пред да отпатува во Франција за да го финализира трансферот. Официјалната објава се очекува веднаш по отворањето на летниот трансфер прозорец во јули.