Откако стана јасно дека Бускетс сигурно заминува на крајот на сезоната, Барселона ја интензивира потрагата по негов наследник.

Каталонските медиуми пренесуваат дека прва мета е играчот за врска на Фиорентина, Софијан Амрабат. Барселона се обиде да го доведе 26-годишниот Мароканец уште во јануари, но Фиорентина не го пушти, па сега ќе биде примарна трансфер цел на лето.

Амрабат одигра фантастично на Мундијалот и го привлече вниманието на многу европски гиганти, но тој преферира преселба во Барселона.

Неговиот договор со „виолетовите“ истекува во 2024 година, а Фиорентина за неговата слобода бара најмалку 20 милиони евра.

Фудбалерот на Милан, Исмаил Бенасер на патерици го напушти стадионот „Сан Сиро“ откако заработи повреда на вчерашниот меч со Интер на стартот на полуфиналето во Лигата на шампионите.

Тоа е голем удар за тренерот, Стефано Пиоли, кој од претходно остана без услугите и на напаѓачот Леао.

Според медиумите во Италија, играчот на „росонерите“ има тешка повреда и веројатно за него е завршена сезоната.

Челниците на Астон Вила сакаат да го купат фудбалерот на Реал Мадрид, Марко Асенсио, објавија дел од медиумите во Англија.

Првата понуда на „кралевите“  била пониска од очекувањата  но, двете страни остануваат во интензивни преговори. Тимот од Островот му нуди на младиот Шпанец плата од осум милиони евра по сезона што е двојно од неговите сегашни примања на „Сантијаго Бернабе“.

27-годишниот играч во сезонава има постигнато осум голови и направено шест асистенции во домашниот шампионат.

Според пишувањата во англискиот весник Телеграф, раководството на Реал има план на крајот од сезоната освен Џуд Белингем, да го доведе и напаѓачот на ПСЖ Килијан Мбапе.

Францускиот фудбалер и минатата година водеше преговори со Реал, меѓутоа на крајот тој одлучи да остане во Париз Сен Жермен.

Информациите од англискиот медиум велат дека Реал сака да ја искористи ситуацијата со Мбапе и неговото незадоволство во ПСЖ и да го убеди да прејде во „кралскиот клуб“.

Додека договорот со Белингем е при самиот крај, за евентуалното ангажирање на Мбапе допрва треба да се почекаат официјалните понуди од Реал Мадрид.

Напаѓачот на Милан Рафаел Леао, ќе го продолжи договорот со клубот до 2028.година.

Според објавата во “Газето Дело Спорт“, португалскиот напаѓач со новиот договор ќе заработува седум милиони евра по сезона, плус два милиони како евентуални бонуси. Клаузулата за заминување од Милан, се очекува да биде значително повисока о досегашните 50 милиони евра.  

Леао е член на популарните росонери од 2019.година каде пристигна од Спортинг Лисабон. Оваа сезона има тој има одиграно 44 натпревари и постигнато 13 голови.

Дека многу работи не се како што треба во Баерн оваа сезона најдобро говорат информациите на новинарите на „Билд“ за Томас Милер. Иако има 33 години, Милер игра одлично, што навистина не може да се каже за Баерн, а размислува да го напушти клубот на крајот од сезоната.

Милер е несреќен во тимот на Баерн бидејќи не добива премногу можности за игра, но и поради елиминацијата од Лигата на шампионите и домашниот Куп. Ситуацијата во соблекувалната воопшто не е добра, особено откако Мане пред еден месец го удри Лерој Сане.

Иако многумина очекуваа дека Милер попрво ќе се пензионира отколку да игра за друг клуб, јасно е дека згрешиле.

Имено, Милер сака да се пресели во клуб со кој ќе се бори за сите трофеи, а наводно во оптек се само два тима. Станува збор за Борусија Дортмунд и Лајпциг кои оваа сезона се борат за најважните трофеи во Германија.

Милер е во Баерн од 2000 година и освои се што можеше да се освои со овој тим, но се чини дека дојде време да се збогуваме.

Сезонава одигра 37 натпревари во дресот на Баерн и постигна седум гола, а забележа и единаесет асистенции.

Напаѓачот на Челзи, Пјер-Емерик Обамејанг е блиску до враќање во репрезентацијата на Габон.

Тој и неговиот татко во вторникот се сретнаа со претседателот на оваа африканска земја, Али Бонго Ондимба, кој е голем фан на Oбамејанг и кој го убеди повторно да го облече репрезентативниот дрес.

Oбамејанг јуниор го објави крајот на својата репрезентативна кариера во јуни минатата година. За 14 години играње, првата ѕвезда на популарните „пантери“, постигна 30 гола на 72 натпревари. Во 2022 година ја зеде капитенската лента, а остана запаметен како стрелец на првиот гол за Габон на Олимписките игри во Лондон во 2012 година.

Како што сега стојат работите, на 33-годишна возраст, Пјер-Емерик ќе ги предводи своите репрезентативци на натпреварот против ДР Конго во јуни, во квалификациите за Африканскиот куп на нации. Габон е лидер на табелата во групата I со седум бодови од четири натпревари и е на прагот да се пласира на завршниот турнир на 34. Куп на нации, кој ќе се одржи од 13 јануари до 11 февруари 2024 година во Брегот на Слоновата Коска.

Фудбалерот од средниот ред на лондонски Челзи, Кристијан Пулишиќ може да ја продолжи кариерата во шампионатот на Италија, објави „Дејли мејл“.

Пулишиќ е на списокот на играчи кои Челзи ќе се обиде да ги продаде летово за да ги надомести парите потрошени во текот на сезоната за нови играчи. Самиот американски играч за врска исто така има за цел да го напушти клубот, бидејќи е незадоволен од минутажа во лондонскиот тим. Гигантите од италијанскиот шампионат Наполи и Јувентус го следат развојот на ситуацијата и се подготвени да дадат понуда за трансфер на 24-годишниот Американец.

Пулишиќ оваа сезона во англиската Премиер лига одигра 21 натпревар за Челзи, постигнувајќи еден гол и асистенција.

Според последните информации, Челзи заврши работа околу ангажманот на Маурицио Покетино и наводно веќе кројат трансфер планови пред Аргентинецот да пристигне на „Стемфорд Бриџ“.

Почетино одработил веќе неколку рунди преговори со Челси, со приоритет на трансферите и наводно новиот сопственик на клубот, Тод Боли, му дал цврсто уверување дека ќе ги обезбеди првите 3-4 посакувани трансфери до средината на летото.

Како што брифираат медиумите на островот, Почетино од Боли го побарал Садио Мане од Баерн Минхен, кој во Германија не е задоволен и скоро извесно ја напушта Бундеслигата.

Сане е на добар пат да се врати во Премиерлигата, а освен во Челси, интерес за овој фудбалер има и од неговиот поранешен клуб Ливерпул. На крајот веројатно подобрата понуда ќе победи.

Освен Садио Мане, Почетино од сопственикот на Челзи побарал да ангажираат до средината од летото нов голмнан и централен дефанзивец.

Реал Мадрид сериозно се приклучи во трката за потписот на шпанскиот репрезентативец Дани Олмо, пренесуваат шпанските медиуми.

Олмо е дете на „Ла Масија“ од каде замина во Динамо Загреб, а веќе неколку сезони игра одлично во Лајпциг. Олмо има договор со Лајпциг до 2024 година, па Барселона го советува да не ја продолжува соработката и да пристигне на „Камп Ноу“ како слободен агент.

Меѓутоа, Лајпциг сака да избегне такво сценарио и ќе го стави Олмо на трансфер пазарот, а таквата ситуација сака да ја искористи Реал Мадрид.

„Кралевите“ сметаат дека Олмо ќе биде идеална замена за Асенсио и немаат проблем да платат 40 милиони евра, колку што бара Лајпциг за неговата слобода.