Навивачите на Милан сигурно имаат причина за загриженост.

Во 11. минута од дуелот против Лацио еден од најважните играчи на Милан, Рафаел Леао го напушти теренот поради повреда.

На местото на одличниот Португалец во игра влезе Салемакерс. Засега нема информации дали Пиоли не сакаше да ризикува и поради претпазливост го замени Леао или станува збор за повреда повреда поради која напаѓачот ќе мора да паузира одредено време.

Повеќе информации за неговата повреда сигурно ќе има по завршувањето на средбата, а Милан веќе во среда го очекува првиот натпревар од полуфиналето во Лигата на шампионите против градскиот ривал Интер.

Тотенхем е силно заинтересиран за голманот  на Интер, Андре Онана, пренесуваат англиските медиуми.

„Спарси“ бараат замена за Уго Лорис, кој е во тимот од 2012 година, но во последно време често се повредува и може да го напушти клубот на лето.

Лорис има договор на уште една година, но наводно допшло до расправија со раководството и на крајот на сезоната ќе го напушти клубот.

Интер има финансиски проблеми и на лето ќе мора да продаде некоја од своите ѕвезди.

Поради тоа „нероаѕурите“ се спремни да го продадат Онана бидејќи тоа ќе биде чиста заработка на клубот со оглед на фактот дека голманот пристигна без обештетување.

Андрес Иниеста ја завршува својата етапа во Јапонија. Според последните информации шпанскиот ветеран ќе го напушти Висел Кобе каде што настапува од 2018 година. Иниеста сепак нема намера да стави крај на кариерата и веќе добил понуди од МЛС лигата и Блискиот Исток.

Во својата кариера Иниеста покрај Кобе настапуваше само уште за Барселона каде што остави длабока трага и ги освои сите можни трофеи.

Претходно се споменуваше дека Барселона има намера да му понуди функција во раководната структура на клубот, но веројатно таа опција ќе почека.

Наполи по 33 години сезонава го освои Скуетото во Италија, а сега Јувентус ќе се обиде да ги доведе творците на тимот од Неапол.

Според информациите од Италија, Јувентус ќе се обиде да го доведе спортскиот директор на Наполи, Кристијано Џунтоли и шефот на скаут службата Маурицио Микели. Со ова „старата дама“ би успеала да ги доведе клучните луѓе од еден од најголемите ривали надевајќи се дека со одличната работа ќе продолжат и во Торино.

Наполи изгуби неколку клучни фудбалери како Инсиње и Кулибали, меѓутоа тимот успеа да најде адекватни замени кои брзо се вклопија. Доведени беа Кварцхелија и Ким Мин-Јае, од претходно тука беа Осимен и Ангиса.

Италијанците шпекулираат и дека евентуално доаѓање на Џунтоли во Јувентус ќе значи и отказ за Алегри.

Англискиот премиерлигаш Брајтон објави дека постигнале договор со Бразилецот Жоао Педро кој според информациите од Островот пристигнува за сума од 30 милиони фунти.

Станува збор за напаѓач кој има 21 година и потекнува од школата на Флуминенсе, а во Англија дојде во 2020 година кога потпиша за Вотфорд. За овој тим постигна 23 гола на 104 натпревари.

„Со задоволство можеме да објавиме дека го договоривме трансферот на напаѓачот Жоао Педро од Ватфорд“, потврди премиерлигашот. Покрај Жоао Педро, на големо се шпекулира дека следно засилување за Брајтон ќе биде Џејмс Милнер на кого му истекува договорот со Ливерпул.

Доаѓањето на Вут Вегхорст во Манчестер Јунајтед не промени многу работи во нападот.

„Црвените ѓаволи“ иако го обезбедија фудбалерот на Барнли на позајмица, тој не успеа да се наметне во тимот, напротив, предизвика лавина негативни реакции кај навивачите поради неговата инфериорност пред голот на противниците.

Тој беше во ситуација да постигне и десетина голови, но постигна еден, кој оставаше надеж дека можеби ќе му биде дадена шанса, односно откупен договорот од Барнли.

Доколку ги прашате повеќето фанови на Јунајтед, ќе ви кажат дека местото на Вегхорст сепак не му е во составот на Јунајтед, а слична одлука донел и тренерот на клубот, Ерик Тен Хаг.

Холанѓанецот нема да му понуди уште една сезона на Олд Трафорд, односно нема да ја продолжат неговата позајмица и тој на крајот од сезоната се враќа во Барнли.

Навивачите на Наполи во голем број до доцна во ноќта ја славеа низ улиците во Неапол првата шампионската титула на италијанскиот клуб по пауза од 33 години.

Луѓето пееја и играа на улиците, дел од нив од среќа скокаа во градските фонтани, додека многумина отпоздравуваа со развиорени клупски знамиња возејќи се со скутери низ улиците во Неапол. Наполи синоќа ја завери титулата со Серија А, прва по пауза од 33 години, откако го освои потребниот бод на гостувањето против Удинезе (1-1).

„Во нашите срца живееше еден сон, Наполи повторно да биде шампион“, пееја насобраните навивачи на Наполи на градските улици.

„Плачам. Ова е историски момент“, изјави за Би-Би-Си, 13-годишниот навивач на Наполи, Едоардо Напа. 

Тој е дел од младата генерација навивачи на Наполи, кој не бил роден кога клубот предводен од Диего Марадона, последен пат ја освои шампионската титула во 1987 и 1990 година. За шампионската прослава на локалните жители во Неапол им се приклучија и навивачи од другите делови на Италија, како и од Франција, Шпанија и Велика Британија, прославувајќи го успехот со торти, сладоледи и пијалаци.

Се чини дека светот овде застанал. Оваа прослава ќе трае најмалку еден месец. Ќе трае до лето. Чувствито е неверојатно. Наполитанците внесуваат љубов во сè што прават, вклучувајќи го и фудбалот, изјави студентката Амелија Бафи, која од Рим допатува на шампионското славје во Неапол.

Компанијата „Сити Фудбал Груп“ купи уште еден клуб, овојпат станува збор за бразилскиот прволигаш Бахиа за кога платија 180 милиони евра.

Компанијата која е предводена од шеикот Менсур Бин Зајед Ал Нахијан и Калум Ал Мубаарек сега во своја сопственост поседува 13 клубови. Во своја сопственост тие покрај Манчестер Сити ги имаат, Мелбурн Сити, Монтевидео Троја, Палермо, Њујорк Сити, Мумбај Џирона, Шичуин, Јокохама и Боливар.

Кај дел од клубовите имаат 100% од акциите, а кај дел помалку.

Џејмс Милнер од јули оваа година ќе стане нов фудбалер на Брајтон.

Според најголем број медиуми се е готово, договорот со Ливерпул му истече, а клубот сметаше дека нема потреба од него во наредната сезона.

Брајтон, пак во него гледа искусен играч кој може многу да им помогне. Тимот сезонава се бори за излез во Европа и сака да има респектабилен тим за новите предизвици.

Со Брајтон Милнер би требало да потпише договор на една година.

Актуелниот спортски директор на Барселона, Матео Алемани, ќе го напушти клубот на крајот од сезоната и ќе замине во Астон Вила.

Тој во Англија ќе добие многу поголема плата. Алемани заработува 1,4 милиони евра од каталонскиот гигант но, се очекува Астон Вила да ги зголеми неговите примања на 5-6 милиони евра. 

60-годишниот Шпанец како причина за разделбата со Барселона го наведе „новиот професионален проект“.