Екипата на Јанг Бојс е нов шампион на Швајцарија. Тимот од Берн и покрај поразот од Грасхоперерс, успеа на шест кола пред крајот на првенството да стигне до шампионскиот трофеј.

Ова е 16-та титула во историјата на Јанг Бојс, кој во наредната година ќе игра во квалификациите за Лигата на шампиони од првото коло.

Екипата ќе има можност до крајот на сезоната да освои уште еден трофеј, бидејќи во финалето на купот кој се одржува на 4.јуни ќе игра против Лугано.

Фудбалерот на Интер, Николо Барела ќе биде трансферна цел на Ливерпул во текот на летото, најавија дел од медиумите во Италија.

Во исто време и 26-годишниот фудбалер вели дека би сакал да замине на стадионот – „Енфилд“. Неговата цена на трансфер – пазарот е околу 70 милиони евра.

Барела во дресот на „нероаѕурите“ има одиграно 42 меча со ефект од осум голови и седум асистенции.

Емерик Лапорт вели е подготвен да го напушти составот на Манчестер Сити бидејќи не е задоволен од минутажата што ја добива од тренерот, Пеп Гвардиола.

Фудбалерот сака во текот на летото да се пресели во редовите на Барселона и за тоа е подготвен да прифати и намалување на платата.

28-годишниот централен дефанзивец на „граѓаните“ сега заработува по 6,5 милиони евра по сезона.

Фудбалерот на Лестер, Чаглар Сојунчу, кој има договор до крајот на сезоната може да добие понуда да се пресели во редовите на Атлетико Мадрид, открива весникот „Атлетик“.

26-годишниот централен бек беше клучен играч на „лисиците“ во претходната сезона но, во тековнава има само седум настапи во сите натпреварувања.

Турскиот интернационалец изјави дека нема да прифати понуда за нов договор и дека сака да го напушти стадионот „Кинг Пауер“.

Италијанските медиуми пренесуваат дека Интер на лето е спремен да го продаде Марсело Брозовиќ.

Хрватот оваа сезона не е во добра форма и поради повреда често е надвор од терените. Тренерот Инзаги на неговата позиција го стави Чалханоглу, кој одлично го замени Брозовиќ. Хрватот е еден од најплатените фудбалери во тимот, има договор до 2026 година, па Интер е спремен да го продаде на лето.

Најсилен интерес за Брозовиќ покажува Њукасл, кој игра одлично во Премиер лигата и е на добар пат да избори пласман во Лигата на шамиони.

Њукасл е спремен да понуди 30 милиони евра, но треба да ја победи конкуренцијата бидејќи за Хрватот интерес покажува и ПСЖ, кој исто така спрема понуда.

Николо Заниоло во зимскиот преоден рок се пресели во Галатасарај, откако влезе во расправија со Мурињо и самиот побара трансфер.

Меѓутоа, Заниоло во својот договор има откупна клазула од 35 милиони евра, која може да биде активирана уште во летниот преоден рок. Тој сака да се врати во Италија, а Милан и Јувентус покажуваат силен интерес и се во постојан контакт со неговиот агент.

Наводно двата клуба ќе водат голема битка за неговиот потпис на лето, но ќе се обидат да ја намалат сумата од откупната клаузула.

Заниоло сака да се врати во Серија А и притиска Галатасарај да го пушти после само шест месеци.

Доминик Ливаковиќ блескаше на Светското првенство во Катар и за очекување е ова лето да направи трансфер. Последните информации од Островот се дека Манчестер Јунајтед е силно заинтересиран за голманот на Динамо Загреб.

„Црвените ѓаволи“ се во потрага по нов голман бидејќи иднината на Де Геа на „Олд Трафорд“ не е сигурна, а прв избор е токму Ливаковиќ.

Динамо Загреб за неговата слобода бара 10 милиони евра, сума која нема да биде проблем за англискиот гигант.

Александар Чеферин потврди дека наскоро би можело натпревари од Лигата на шампиони да се играат во САД.

„Да, можно е, почнавме да разговараме за тоа. Финалето во 2025 година ќе се игра во Минхен, а потоа ќе видиме“, потврди Чеферин.

„Фудбалот е исклучително популарен во САД. Американците се подготвени да платат големи суми за најдоброто од фудбалот. Ќе го следат европскиот фудбал како што европските љубители на кошарката ја следат НБА“, додаде Чеферин, кој истакна дека САД се „перспективен пазар на иднината“.

Финалето во ЛШ за 2024 година го доби лондонски „Вембли“, а во 2025 година ќе се игра во Минхен.

Тотенхем доживеа тежок дебакл на гостувањето на „Ст. Џејмс парк“ и загуби од Њукасл со неверојатни 6-1, пораз кој резултираше со отказ на привремениот наследник на Антонио Конте.

Кристијан Стелини беше посочен како најодговорен за срамниот резултат и веќе наредниот ден доби „шут-карта“ од Даниел Леви, но одговорност чувствуваат играчите кои сега се обидоа барем малку да го намалат гневот кај навивачите.

Добар дел од гостинтските фанови го напуштија стадионот после само 20 минути игра, па сите кои заминаа на гостувањето во Њукасл, сега ќе бидат обесштетени од играчите од првиот тим.

@Како тим, ја разбираме вашата фрустрација и вашиот гнев. Не беше доволно добри. Знаеме дека зборовите не се доволни во вакви ситуации, но верувајте дека ваквиот пораз не боли и нас. Ја цениме вашата поддршка, на домашен и гостински терен, и поради тоа, би сакале да надоместиме и да им ги платиме билетите на навивачите за натпреварот на Сент Џејмс Парк. Знаеме дека ова не го менува она што се случи во неделата и ќе направиме се што можеме за да ги поправиме работите против Манчестер Јунајтед во четврток попладне кога, уште еднаш, вашата поддршка ќе ни значи многу. Заедно – и само заедно – можеме да ги придвижиме работите напред“, се вели во обраќањето на играчите.

Барселона објави дека обезбеди 1.6 милијарди евра за реконструкција на својот стадион „Камп Ноу“ која ќе почне на 1 јуни.

Парите се обезбедени од 20 инвеститори и дел од нив се „главни престижни финансиски ентитети во светот“, а управата соопшти и дека имотот на Барселона не е користен како гаранција за обезбедување на парите.

Со реконструкцијата капацитетот на стадионот ќе се зголеми од 99.300 на 105.000 седишта.

Во клубот очекуваат градежните работи да завршат до 2026 година, а првиот тим на Барселона додека трае реновирањето своите натпревари ќе ги игра на Олимпискиот стадион.

По завршувањето на реконструкцијата Барселона очекува да заработува 247 милиони евра годишно само од стадионот.