Њукасл е силно заинтересиран за крилниот напаѓач на Барселона, Рафиња и спрема богата понуда.

Бразилецот минатото лето дојде како големо засилување во Барселона за 65 милиони евра.

Меѓутоа, шпанските медиуми информираат дека Каталонците не се задоволни од неговиот допринос и како се вклопи во тимот, па се спремни да го стават на трансфер листа.

Таквата ситуација сака да ја искористи Њукасл, кој е заинтересиран за Бразилецот и веќе спремил понуда од 50 милиони фунти.

Њукасл има прилично добра сезона, има реални шанси да заврши во Топ 4 и да обезбеди пласман во ЛШ, па спрема големи засилувања на лето.

Баерн Минхен е во доста голема криза откако замина Јулиан Нагелсман, па под водство на Томас Тухел, бележат доста променливи резултати.

Вчера беа поразени на гостувањето кај Мајнц, со што им ја препуштија првата позиција на Борусија Дортмунд.

Раководството на Баерн Минхен по натпреварот, се симнале во соблекувалната на клубот, но не е познато за што разговарале со играчите, но Оливер Кан по натпреварот за медиумите ги појасни работите околу тренерот.

„Главната цел ни е да ја освоиме титулата во домашното првенство, тоа е тоа. Тренерот нема да сноси никакви последици за овој резултат, тој е последниот што треба да одговара за овој пораз“, порача Оливер Кан.

Поранешниот македонски селектор, Игор Ангеловски имаше успешно деби во првенството на Казахстан откако со својот Каспи Актау одигра 1-1 на гостувањето кај лидерот Кизилжар. Новиот клуб на Ангеловски беше на последното место на табелата кога тој го презема, а сега со овој освоен бод напредуваа за две позиции.

Каспи Актау направи големо изненадување откако одигра 1-1 на гостувањето кај Кизилжар кој е лидер на табелата во Казахстан.

Домаќините поведоа уште во третата минута и се чинеше дека лесно ќе дојдат до бодовите, на Каспи во 19. минута со гол од пенал дојде до 1-1, што беше и конечен резултат.

Тимот на Ангеловски беше сосема рамноправен противник на овој меч, дури имаше и повеќе посед од домаќинот, со ист број на шутеви.

Ова беше втор меч за Мрме на клупата на Каспи, но прв во првенството. Претходно загуби во Купот на Казахстан со 1-0 од Туран.

Во денешниот фудбал често пати можеме да прочитаме приказни за можните поинакви кариера на фудбалерите кои прераснале во светски ѕвезди.

Сега една таква приказна се појави за Нејмар. Имено, Нејмар на 13-годишна возраст можел да остане во Реал Мадрид каде што бил на проба. Ваквата информација ја потврди, Рамон Мартинез кој во тој период ја извршувал функцијата спортски директор во Мадрид.

„Нејмар на 13 години беше дел од нашиот клуб. Помина десетина дена во нашиот тренинг центар, беше феноменален. Секако, веднаш се обидовме да го убедиме да остане, постигнавме договор со неговиот татко кој одлучуваше. Но, имаше и еден проблем. Бабата и дедото на Нејмар требаше да останат во Бразил и тие побараа за нив куќа која Реал Мадрид ќе го чинеше 60.000 долари, клубот не се согласи и затоа се врати во Бразил“, раскажа Мартинез.

За Сантос, Нејмар настапуваше од 2009 до 2013 година, а потоа направи трансфер во Барселона каде што го носеше дресот до 2017 за тогаш, за се уште рекордни 222 милиони евра премине во ПСЖ.

Големото фудбалско дерби во Србија меѓу екипите на Партизан и Црвена звезда ќе се игра пред празни трибини. Ова го одлучи Дисциплинската комисија на Српскиот фудбалски сојуз.

Партизан и Звезда се среќаваат во второто коло од плејофот за првенството на Србија во среда од 18:30 часот.

Поради инцидентите со навивачите на натпреварот на Партизан против Чукарички, домаќините беа казнети следниот меч да го одиграат на домашен терен без публика, а следниот домашен меч на „црно-белите“ е токму овој против Црвена Звезда.

Арсенал забележа три реми средби на последните три кола во Премиер лигата и загуби драгоцени шест бода во битката за титулата, која сега станува се пожестока како што се ближи самиот крај.

По нерешените средби со Ливерпул и Вест Хем, Арсенал вчера не успеа да го скрши ниту „фенерџијата“ Саутемптон и се спасуваше од пораз во самата завршница, па сега со три бода на последните три меча ќе се подготвува за дербито кое ќе решава за титулата.

„Топчиите“ ќе му гостуваат на Манчестер Сити наредната среда на „Итихад“, дуел на кој ќе влезат со пет бода предност, но и со два меча повеќе од директниот ривал за титулата.

„Многу работи ни се случија на последните три меча, но нема да дојдам тука и да зборувам за негативни работи. Ние мора да останеме позитивни, тоа што го правиме цела сезона е неверојатно. Премиер лигата е многу тешка и ништо нема да биде лесно до крајот. Доаѓаат најтешките моменти, мора да останеме сплотени и да се држиме заедно.

Имаме уште многу пред нас, имаме пет бода повеќе од Сити и се уште сме пред нив. Тие имаат два меча во рака, но ако сакаме да бидеме шампиони, мора да победиме против нив. Тоа е тоа, се е јасно и ќе заминеме таму со таа помисла. Ние сме најмладиот тим во лигата, понекогаш правиме добри работи, понекогаш правиме грешки, но мора да останеме сплотени. Се уште сме во игра и ќе се бориме до самиот крај“, порача Габриел Жезус.

Тренерот на Реал Мадрид, Карло Анчелоти се осврна на синоќашниот натпревар со Селта (2-0) во 30. коло на Ла Лига.

„Мислам дека атмосферата околу нас многу ни помага и ни овозможува да го дадеме максимумот, па дури и повеќе. Затоа мислам дека сите играчи им се благодарни на нашите навивачи кои секогаш ни даваат многу љубов. Има проблем со теренот, се работи на него и се надеваме дека ќе најдат решение. Јасно е дека тековната работа влијае на квалитетот на тревата и тоа не е чудно. Мораме да издржиме. Но, ситуацијата ќе се промени пред натпреварот со Манчестер сити во Лигата на шампионите“, изјави Анчелоти.

Реал Мадрид е на второто место во Ла Лига со 65 бодови, но главните шанси за трофеј сезонава ги гледа во Купот на Кралот и Лигата на шампионите.

Доминик Ливаковиќ кој блескаше на Светското првенство во Катар одиграл најмногу минути од сите фудбалери во светот.

Според податоците на „Трансфермаркт“, голманот на Динамо и хрватската репрезентацијата во сезоната 2022/2023 на теренот помина 5.010 минути. Втор на оваа листа е Бруно Фернандеш од Манчестер Јунајтед со 4.996, а трет голманот на Нов Зеланд Макс Крокомбе кој брани во англискиот четвртолигаш Гримсби Таун.

Ливаковиќ во актуелната сезона има 43 натпревари за клубот од Загреб и 12 за репрезентацијата. Во двата состави е незамнелив првотимец. Фернандеш има 49 клупски и девет репрезентативни натпревари, додека Крокомба сите 55 натпревари ги забележа во клубот.

Во Челзи на лето ќе следуваат големи промени откако и по потрошени над 600 милиони евра клубот не успева да има резултати какви што се очекува.

Секако дека и дел од ривалите ќе се обидат да ја искористат таа ситуација за да доведат некое засилување. Медиумите на Островот најавуваат дека одново би можеле да видиме трансфер од Челзи во Арсенал.

Претходно Жоргињо направи ваков трансфер, а сега следен би можел да биде Мејсон Маунт. Наводно, Челзи за услугите на Маунт ќе бара најмалку 60 милиони евра.

Покрај Маунт Челзи би можел да се ослободи и од неколку други играчи како: Зијеш, Кулибали, Лукаку, Галагер, Лофтус-Чик…

Дивок Ориги минатото лето го напушти Ливерпул и се пресели во Милан, но не се снајде баш најдобро во Серија А.

Ориги беше слободе агент и имаше многу понуди, а тој избра да се пресели во Милан, каде требаше да биде големо засилување. Меѓутоа, Ориги главно ја грее клупата за резерви и оваа сезона постигна само два гола, па Милан е спремен да се ослободи од него. Најсилен интерес за Белгиецот покажуваат Астон Вила и Вест Хем, кои веќе стапиле во контакт со неговиот агент.

Ориги сака да се врати во Премемиер лигата, па ќе треба да избере помеѓу двата споменати клуба.