Маурицио Сканавино, кој е извршен директор на Јувентус, ја потврди разделбата со Франческо Калво кој ќе го напушти клубот бидејќи треба да биде назначен за извршен директор на Астон Вила.

„Тој изрази желба да се соочи со нови професионални предизвици. Закажавме состанок за да му овозможиме да заврши значајни комерцијални и институционални обврски“, изјави Сканавино.

Тој исто така увери дека клубот продолжува да има доверба во спортскиот директор, Кристијано Џунтоли, иако „старата дама“ има лоша сезона.

Пеп Гардиола е голем обожавател на холанѓанецот и сака да работи со него од следната сезона. Тој го смета Рајндерс за една од главните цели на клубот во претстојниот летен трансфер период. 

Милан веќе ја има дефинирано својата позиција во врска со потенцијалниот трансфер, инсистирајќи дека секоја понуда мора да ја надмине нивната рекордна продажба. 

Тој рекорд беше поставен со трансферот на Сандро Тонали во Њукасл Јунајтед за 70 милиони евра – најскапата продажба во историјата на клубот. Оваа позиција на италијанскиот клуб ја потврдува важноста на Рајндерс за тимот и неговиот извонреден пораст на вредност откако пристигна од АЗ Алкмар. 

Интересот на Манчестер Сити за Рајндерс доаѓа во период кога клубот се подготвува за значителни промени во средниот ред. Заминувањето на Кевин де Брујне создава јасна потреба за креативно засилување. 

Извештаите укажуваат дека Сити е подготвен да понуди меѓу 50 и 60 милиони евра за Рајндерс, иако тоа не ги исполнува очекувањата на Милан. 

Останува да се види дали италијанскиот клуб ќе се согласи на трансфер, но по разочарувањето во Купот на Италија и со оглед на веројатноста дека следната сезона нема да играат во европски натпреварувања, Росонерите би можеле да ја ублажат својата цена. 

Дејан Кулушевски беше опериран на коленото и ќе го пропушти финалето во Лига Европа против Манчестер Јунајтед следната среда. Тотенхем ја потврди невкусната вест. 

Кулушевски беше заменет во 19-тата минута од поразот на домашен терен во Премиер Лигата против Кристал Палас, откако се судри со Марк Гуехи.   

Отсуството на 25-годишниот играч е значаен  удар со оглед на неговата добра форма во поголемиот дел од сезоната и како Постекоглу е без друга главна опција за креативен играч.  

„Можеме да потврдиме дека Дејан Кулушевски се здоби со повреда на десната патела на натпреварот против Кристал Палас минатиот викенд“, пишуваше во соопштението на Тотенхем кое беше објавено на социјалните мрежи. „По дополнителни специјалистички консултации, играчот од средниот ред беше опериран во средата и веднаш ќе започне со рехабилитација со нашиот медицински персонал“. 

Отсуството на Дејан Кулушевски не е единствениот проблем за Спурс,  тие имаат други повредени играчи кои ќе го пропуштат натпреварот, како Џејмс Медисон и Лукас Бергвал. Ќе биде тешко за менаџерот на Тотенхем да се справи со овие загуби. 

Француската фудбалска федерација сериозно размислува за промена на форматот на натпреварувањето во Лига 1, пишува „Лекип“.

Според познатиот весник, се разгледува можноста да воведе завршен турнир за титулата во првенството. На завршниот турнир би учествувале четирите најдобри екипи од регуларната сезона.

Во полуфиналето, првиот тим ќе игра против четвртиот тим, а вториот тим ќе игра против третиот тим. Победниците во завршниот меч би решавале за титулата.

Причината за ваквото размислување е фактот што ПСЖ доминира во Франција со години и е практично недопирлив за другите тимови. Новото правило можеби нема да ја прекине доминацијата на ПСЖ, но би го направил многу поинтересен финишот на сезоната.

Поранешниот играч на Манчестер Јунајтед и француската репрезентација, Патрис Евра, се изјасни против заминувањето на играчот од средниот ред на „црвените ѓаволи“, Бруно Фернандеш.

Португалскиот интернационалец, околу кого се гради играта на 20-кратните шампиони на Англија, е трансфер цел на Ал-Хилал.

„Менаџерот сака да има конкурентен тим следната сезона. Ни требаат повеќе дефанзивци, добар напаѓач, можеби неколку играчи од средниот ред за да го поддржат Бруно. Слушнав дека Саудиска Арабија понудила навистина голема сума пари за Бруно и би било грешка Јунајтед да го пушти. Луѓето зборуваат за неговите 30 години, но тој е најважниот играч во тимот. Да не беше Бруно, можеби немаше да стигнеме толку далеку во Лигата на Европа“, изјави Патрис Евра за „Скај Спортс“.

Манчестер Јунајтед се квалификуваше за финалето на вториот најсилен европски турнир, каде што противник ќе им биде Тотенхем. Решавачкиот натпревар меѓу двата тима ќе се одржи на 21 мај во Билбао.

Фудбалерите на Барселона беа на помалку од една минута од тоа да станат нови шампиони на Шпанија веќе во среда навечер, иако не излегоа на теренот.

Откако славеа во „Ел Класико“, Каталонците беа на прагот да ја прослават 28-та шампионска титула, но благодарение на голот на Јакоб Рамон во 90+5. минута, сепак, ќе мора да почекаат до четврток и дуелот со градскиот ривал Еспањол за промоција.

Тимот на Карло Анчелоти ја победи Мајорка со 2:1 во 36-то коло на „Сантијаго Бернабеу“ и сега има четири бода помалку од Барселона.

Реал имаше 26 корнери, гостите ниту еден, но победија само во последните моменти од натпреварот… голманот на Мајорка Лео Роман блескаше со 11 одбрани.

Во 11.минута гостите од островот ги шокираа навивачите и играчите на Реал кога Валјент го совлада Куртоа.

Реал во „шарен“ состав доминираше, создаваше шанси, но и промашуваше. Сепак, во 68. минута, Килијан Мбапе со соло акција успеа да го најде пат до противничката мрежа. Тоа беше неговиот шести гол во последните четири натпревари во првенството, 28 во Ла Лига и односно 40. во неговата дебитантска сезона во дресот на Реал.

Прославата во Барселона беше во полн ек и се чекаше последниот свиреж на судијата Алберола на „Бернабеу“, но… 20-годишниот Рамон го постигна првиот гол во сезоната во својот втор натпревар во Реал.

Иако Евертон се сели на нов стадион изграден со инвестиција од 800 милиони евра, денес беше потврдено дека фудбалски натпревари сепак ќе се играат на „Гудисон Парк“, бидејќи женскиот тим на Евертон ќе биде домаќин на натпревар следната сезона.

Проектот „Гудисон Легаси“, започнат во 2020 година, имаше за цел да најде решение за стадионот по преселбата на машкиот тим во нов спортски комплекс. Одлуката стадионот да остане во функција беше донесена со согласност на новите сопственици на клубот, групацијата „Фридкин“.

Претходно, поранешните сопственици на клубот планираа да го срушат „Гудисон Парк“ и да изградат станови, дом за стари лица, помошни единици и парк, со буџет од 90 милиони евра, но сега е одлучено дека овој иконски стадион ќе продолжи да живее како домаќин на женскиот фудбал.

„Гудисон Парк“ првпат беше отворен во 1892 година и ќе остане значаен дел од историјата на Евертон.

Фудбалерот на Нотингем Форест, Таиво Авонији е ставен во медицински индуцирана кома.

Авонији заработи повреда на стомакот откако удри во стативата за време на ремито 2-2 со Лестер во 36-тото коло од Премиер лигата. Напаѓачот се обиде да го блокира центаршутот од Итон Еланг на крајот од натпреварот и се повреди сериозно.

27-годишниот фудбалер се врати на теренот, но набрзо беше принуден да го напушти. Нотингем Форест денес соопшти дека Авонији бил подложен на итна операција и дека „добро се опоравува“. Според „Дејли меил“, Нигериецот е во индуцирана кома. Лекарите велат дека во најлошите случаи, ваквите повреди можат да бидат и фатални.

Извршниот директор на Баер Леверкузен, Фернандо Каро, ги негираше информациите дека плејмејкерот на екипата, Флоријан Вирц, се согласил да се приклучи на шампионот на Бундеслигата, Баерн Минхен.

„Знам дека ова не е вистина и досадно е да се читаат статии што не се вистинити“, изјави Каро за „РТЛ“.

Тој исто така рече дека клубот има добри односи со Вирц и неговите родители, а неговиот татко е и негов агент.

„Секако, Флоријан мора да размисли за својата иднина, но во моментов не знаеме за никаква негова одлука. Тоа е вистината“, рече и Фернандо Каро.

Весникот „Билд“ веќе објави дека 22-годишниот германски репрезентативец Вирц се согласил да се приклучи на Баерн ова или следното лето за 100 милиони евра.

Играчот од средниот ред има договор со „Фармацевтите“ до летото 2027 година, а за него е заинтересиран и Манчестер Сити. Пеп Гвардиола, го сака Вирц како замена за Кевин де Бруин, кој го напушта Сити.

Семејството на Флоријан Вирц отпатува во Манчестер во вторникот, но сè уште нема коментари за тоа што се случило на англиска почва.

Неверојатна завршница има сезоната 2024/2025 во Холандија. Фудбалерите на Ајакс го загубија првото место во Ередивизие откако испуштија победа во Гронинген во претпоследното 33. коло со 99.минута со играч повеќе.

Двапати славниот клуб од Амстердам водеше на стадионот „Еуроборг“ со головите на Антон Гои во 27. минута и Ваут Вегорст во 68.минута, но домашните не се предадоа.

Првиот пат израмнија во 52. минута преку Том ван Берген, а потоа во деветтата минута од судиското продолжение со гол на 20-годишниот Тијмен Блокзијл.

За да биде сè уште пошокантно, Ајакс е од 90+3.минута, имаше играч повеќе на теренот откако фудбалерот на Гронинген, Лучијано Валенте доби црвен картон.

ПСВ знаеше како да ги искористи киксот на големиот ривал и со убедлива победа на стадионот „Филипс“ против Хераклес од 4-1 ја презеде челната позиција на табелата во пресрет на последното коло.

Сè беше решено веќе во првото полувреме: Малик Тилман (18, 40) и Исмаел Салибари (21, 35) постигнаа по два гола за клубот од Ајндховен.

Нереално е како Ајакс испушти голема предност во финишот од првенството. Во последните четири кола од можни 12 освои само – два бода (Утрехт 0-4, Спарта 1-1, НЕЦ 0-3, Гронинген 2-2).