Џуд Белингем без сомнение ќе биде едно од најзборуваните имиња во летниот преоден рок. Неговите одлични настапи привлекоа многу гиганти кои го сакаат неговиот потпис, но за да го добијат очигледно ќе мора да инвестираат голема сума на пари.

Борусија постави цена од околу 140 милиони евра за својот играч. Покрај тоа, самиот играч сака плата од 15 милиони евра по сезона, што дополнително ги кочи сите клубови кои го посакуваат.

Во редот за англискиот репрезентативец беа Реал Мадрид, Ливерпул, Манчестер Сити и Пари Сен Жермен. Први што ја напуштија конкуренцијата беа „црвените“ од Ливерпул, кои не можат да си дозволат да инвестираат толку многу пари за само еден играч.

Реал Мадрид не сака да плати повеќе од 100 милиони за Белингем, што Борусија Дортмунд нема да го прифати, бидејќи играчот од средниот ред има договор до летото 2025 година.

Тренерот на Барселона, Чави Хернандез, не сака да го споредуваат со Пеп Гвардиола кој на времето нижеше успеси со шпанскиот гигант.

Иако напаѓачкиот фудбал кој го форсира Чави наликува на филозофијата на Пеп, тој вели дека Гвардиола останува број еден или најдобар тренер во светот.

„Секој ден измислува нешто ново, тој е иноватор. Не можам да се споредувам со него, изјави Чави.

Хорхе Сампаоли кој пред извесно време беше отпуштен од Севиља е новиот тренер на бразилски Фламенго. Аргентинскиот стручњак доаѓа на местото на Португалецот Витор Переира, кој доби отказ по сензационалниот пораз од Маринга со 2-0 во Купот на Бразил.

Договорот на Сампаоли со Фламенго е до крајот на 2024 година. Аргентинецот има искуство во бразилската Серија А каде ги водеше Сантос и Атлетико МГ.

Викендов започнува новата сезона во Бразил, а првиот натпревар на Фламенго е на домашен терен со Коритиба.

Легендата на Реал Мадрид, Гути смета дека Винициус Жуниор во овој момент е најдобар играч во светот.

Бразилецот игра одлично и оваа сезона, беше асистент за Бензема и вчера против Челзи. Бројките зад Бразилецот се импресивни постигна 21 гол и забележа 16 асистенции на 45 натпревари.

„Винициус е најдобар играч на светот. Зошто? Затоа што во тој е најлошиот можен офанзивец со кој дефанзивците можат да се соочат. Секогаш се обидува да помине, никогаш не се откажува. Останатите ѕвезди имаат некогаш лош натпревар и ги нема во натпреварите, а Винициус секогаш е тука, тој секогаш прави се и е опасен 90 минути“, изјави Гути.

Топ тема во германската спортска јавност веќе неколку дена е инцидентот меѓу Садио Мане и Лерој Сане, во кој Сенегалецот физички го нападнал својот колега и му нанел расекотина на усната по поразот од Манчестер Сити во Лигата на шампионите.

Оваа есклузива ја пренесоа угледните германски медиуми и на Баерн како клуб му беа потребни речиси 48 часа за да се огласи, при што соопшти дека Мане заработува суспензија од еден меч и дополнителна парична казна.

„Овој случај е решен. Мане заработи еден меч суспензија и парична казна за тоа што го предизвика. Јас не видов што се случи бидејќи бев во собата со моите помошници. После тоа, веднаш зборував со двајцата инволвирани, со сите останати играчи и со стручниот штаб. Секако дека бевме загрижени, тоа беше неочекуван инцидент и најважно беше да го решиме пред првиот тренинг. Тоа го направивме вчера, го решивме проблемот и имавме добри тренинзи вчера и денес“; заврши Тухел.

Рома беше поразена од Феенорд во првиот натпревар од четвртфиналето во Лигата на Европа.

Фудбалерите на римскиот клуб имаа проблеми со реализацијата затоа што упатија дури 17 удари кон противничкиот гол, но само два од нив беа прецизни. Исто така, Лоренцо Пелегрини промаши и пенал.

Новинарите по натпреварот го запрашаа Португалецот за слабата реализација.

„Го немам јас Халанд во нападот. Тажни сме и секогаш се трудиме да дадеме се од себе, момците играа одлично. Можевме да постигнеме и подобар резултат, но не успеавме во тоа“.

Рома го победи Феенорд минатата сезона во финалето од Конференциската лига.

„Домаќините беа мотивирани да се одмаздат за поразот во Конференциската лига. Сепак, не можете да промените резултат на натпревар кој сте го изгубиле. Феенорд дури и да победеше со 10:0, таа победа на Рома во финалето ќе останеше“, изјави Мурињо.

Јирген Клоп ги потврди последните информации дека Ливерпул се откажал од битката за ангажман на Џуд Белингем.

Менаџерот јасно стави до знаење дека клубот нема финансиски потенцијал да реализира договор со Борусија Дортмунд. Цената на англискиот интернационалец  ќе биде повеќе од 100 милиони евра.

„Морате да процените што можете да направите. Мора да видите колку пари имате. На пример, нема шанси да земеме шест фудбалери и секој од нив да чини 100 милиони фунти“, вели Клоп.

Реал Мадрид планира да си купи нов десен бек, иако Дани Карвахал беше одличен на теренот против Челси во Лигата на шампиони.

Медиумите шпекулираат дека „кралевите“ планираат да испратат понуда за Рис Џејмс од Челзи, кој се измачи против Винисиус Жуниор во средата.

„Марка“ пишува дека цената на Џејмс е 50 милиони евра, а Челси може да има проблеми со финансискиот фер-плеј и да мора да продава фудбалери.

Џејмс би бил одлично засилување за шпанскиот шампион затоа што е добар и во напад и во одбрана.

Јувентус и Милан покажуваат сериозен интерес за напаѓачот на Манчестер Јунајтед, Антони Марсијал.

Французинот ова лето се врати на „Олд Трафорд“ после позајмицата во Севиља, но не добива голема минутажа. „Црвените ѓаволи“ се спремни да го продадат на лето, а најсилен интерес за Французинот покажуваат италијанските гиганти Јувентус и Милан.

Манчестер Јунајтед сака со неговата продажба да финансира дел од трансферот на нов напаѓач, а најголема желба е најголема желба е Хари Кејн.

Марсијал на лето влегува во последната година од договорот, па „црвените ѓаволи“ за неговата слобода бараат 20 милиони евра.

Арсенал има одлична сезона која може да биде крунисана со лигашка титула, но дури и тоа да не се случи клубот од Лондон дефинитивно ќе ја оствари главната цел, пласман во Лигата на шампионите за натпреварувачката 2023/2024.

„Топчиите“ паметно ја градеа екипата во изминатите преодни рокови и дефинитивно ќе повлечат уште некој потег на лето, а еден пред.лог за нив стигна од поранешниот француски репрезентативец, Емануел Пети. Пети е екс играч на Арсенал и како таков се радува на успесите на клубот, па според него Микел Артета и директорот Еду треба да донесат најмалку две нови имиња од кои едниот да биде Луис Данк од Брајтон.

„Според мене на Арсенал му е потребен уште најмалку еден централен дефанзивец и најмалку еден страничен фудбалери кој идеално некој што може да игра на двете страни. Бидејќи Арсенал ќе игра ЛШ наредната година потребна им е длабочина во одбраната“, рече Пети.