Ансу Фати би можел на крајот на сезоната да го напушти „Камп Ноу“.

Фати важеше за најголем талент на „Ла Масија“, но оваа сезона ретко добива шанса кај тренерот Чави, па јавно го искажа своето незадоволство.

Барселона не е задоволна од тоа како се развива неговата кариера, па е спремна да го продаде на лето, бидејќи има и финансиски проблеми.

Најсилен интерес за Фати покажува Јувентус, кој веќе стапил во контакт со неговиот агент и е спремен да понуди 50 милиони евра плус бонуси.

Реал Мадрид се вклучи во трката за потписот на францускиот репрезентативец и ѕвезда на Ајнтрахт, Коло Муани.

Коло Муани игра фантастична сезона во Бундеслигата, а се покажа во одлично светло и на Мундијалот, па го привлече вниманието на многу европски гиганти. Експертите му предвидуваат блескава кариера, а од поодамна интерес за него покажуваат Манчестер Јунајтед и Баерн Минхен.

Сега во трката за неговиот потпис се приклучи и Реал Мадрид, кој е во потрага по засилување во нападот.

„Кралевите“ сметаат дека Коло Муани ќе биде идеално решение бидејќи може да игра како замена за Бензема, но и како крилен напаѓач.

Ајнтрахт сигурно нема лесно да се откаже од Французинот и за неговата слобода бара 100 милиони евра.

Дисциплинската комисија на Серија А ги објави казните за тројцата исклучени играчи во првото полуфинале од Купот на Италија помеѓу Јувентус и Интер, кое заврши 1-1. Станува збор за Хуан Куадрадо од тимот на Јувентус, како и Ромелу Лукаку и Самир Хандановиќ од тимот на Интер.

Очекувано најголемата санкција е за Куадрадо, која изнесува суспензија за настап на три натпревари, како и парична казна од 10 000 евра. Тој ќе пропушти два натпревари поради директниот црвен картон што го доби по расправијата со Хандановиќ и ударот што му го нанесе на противничкиот голман, а третиот меч од суспензијата е поради акумулираните жолти картони. Хандановиќ исто така беше исклучен со директен црвен картон поради ударот против Куадрадо, но доби казна од еден натпревар и парична казна од 10.000 евра.

Од друга страна, Лукаку е суспендиран само за реваншот против Јувентус бидејќи неговиот црвен картон беше резултат на две жолти. Како што е познато, вториот жолт картон дојде по провокативен гест на напаѓачот кон противничките навивачи. Во меѓувреме, Јувентус беше казнет и со делумно затворен јужен сектор за еден натпревар. Сепак, оваа санкција ќе важи во Серија А лигата за домашниот натпревар против Наполи на 23 април. Првото ниво на јужната трибина на стадионот Алијанц потоа ќе биде затворено поради навивачите кои расистички скандирале кон Лукаку што ја поттикна реакцијата на играчот.

Италијанската финансиска полиција изврши претрес во просториите на Рома, Лацио и Салернитана, како дел од истрагата за сомневања за нереално високи суми на трансфери на играчи.

Истрагата против Рома се однесува на трансфери помеѓу 2017 и 2021 година, додека истрагата за Лацио и Салернитана се занимава со продажба на играчи меѓу овие два клуба, кои до неодамна имаа ист сопственик – Клаудио Лотито. Тоа мораше да биде променето поради прописите на Серија А според кои еден човек не смее да има два клуба во ист ранг на натпреварување.

Прелиминарната истрага за Лацио и неговиот прв човек Лотито се заснова на сомневања за издавање „фактури за непостоечки трансакции“, според агенциите АГИ и Анса.

Трансферите на играчи и вештачки претставените капитални добивки се во центарот на вниманието во ситуацијата со Јувентус кој веќе беше казнет со одземање на 15 бодови.

Сопственикот на фудбалскиот клуб Наполи, Аурелио де Лаурентис, во интервју за весникот „Ил Матино“ откри дека минатата година одбил сериозна понуда да го продаде клубот.

Тој изјави дека се работело за понуда во висина од 2,5 милијарди евра, но тоа воопшто не го заинтересирало.

“Не ме интересира ни колку вреди Наполи во моментот, тој е наша семејна играчка и не размислувам да го продадам. Тоа е така и поради фактот што не би знаел што да правам ако не сум во клубот. Дали би требало да купам клуб од Премиер лигата? јас сум Наполитанец и сум среќен тука. не дозволувам никој да ме вознемирува со вакви понуди. Арапски фонд минатата година ми понуди 2,5 милиони евра но ги одбив“.

Наполи е на пат да ја освои својата трета титула во Серија А, прва после 1990.година и ерата на Диего Марадона.

Младиот фудбалер на Аталанта, Расмус Хојлунд, влегува во плановите на Баерн Минхен објавија денеска медиумите во Италија и Германија.  

20-годишниот Данец има одлична сезона во Серија А со што го привлече вниманието на фудбалските гиганти. Според наведеното, за неговите услуги се заинтересирани и Манчестер Јунајтед, Јувентус, Арсенал и Реал Мадрид.

Напаѓачот има одиграно 34 мечеви за екипата од Бергамо. Тој 14-ет пати се запиша во листата на стрелците.

Дефанзивецот на фудбалскиот состав Ливерпул, Енди Робертсон, проценува дека лошите партии на гостински терен се главната причина за малиот број на освоени бодови и загубената трка за титулата.

Неговиот тим има одличен eфект на домашен терен додека на гостувањата главно остана со празни раце.

„Го знаеме проблемот и треба да го кореиграме. Мора да се поправиме до крајот на сезоната. Ако сакаме да се бориме за висок пласман мора мора да освоиме бодови и надвор од дома“ – потенцираше левиот бек на „црвените“.

Напаѓачот на Наполи, Виктор Осимен, кој ја загуби маската за лицето што ја носеше од безбедносни причини по тешката повреда на мечот со Милан, сега ќе добие нова.

Имено, Руџеро, која ја направи изгубената маска, на Инстаграм се пофали дека сега подготвил нова  која набрзо ќе ја испорача до ѕвездата на Наполи. На маската се испишани иницијалите на напаѓачот и неговиот број 09.

Претходно навивачите на лидерот почнаа да веруваат дека маската му носи среќа на голгетерот и почнале нашироко да ја практикуваат.

ПСЖ и Манчестер Јунајтед покажуваат сериозен инетерес за шпанскиот репрезентативец и дефанзивец на Виљареал, Пау Торес.

ПСЖ сака да ја засили одбраната, а Торес е прв на листата желба бидејќи клубот во него гледа идеален наследник на Серхио Рамос. 25-годишниот Шпанец се етаблираше во еден од најдобрите дефанзивци во Примера и го привлече вниманието на многу европски гиганти.

Манчестер Јунајтед пак бара замена за Мегваер и веќе подолго време ги следи настапите на Пау Торес, па сака да го доведе на „Олд Трафорд“.

Виљареал за неговата слобода бара 50 милиони евра, сума која споменатите клубови нема да имаат проблем да ја платат.

Шпанската Севиља ја разгледува можноста да го придобие аргентинскиот напаѓач од италијанскиот Наполи, Џовани Симеоне. 

Според изворот, спортскиот директор на Севиља, Мончи, бара опции за засилување на тимот во претстојниот летен преоден рок поради незадоволителните резултати на клубот оваа сезона. Посебно внимание е посветено на Симеоне, кој е син на тренерот на Атлетико Мадрид, Диего Симеоне.

Џовани Симеоне (27) оваа сезона има 26 настапи за Наполи, играјќи само 669 минути на теренот. Аргентинскиот напаѓач постигна осум гола. Договорот на Симеоне со Верона од коде е позајмен во Наполи е до 2026 година.