ПСЖ е сериозно заинтересиран за ѕвездата на Милан, Рафаел Леао, пренесуваат италијанските медиуми.

Португалецот се етаблираше во еден од најдобрите млади фудбалери во Европа и беше избран за МВП минатата сезона во Серија А.

Неговиот договор со Милан е до 2024 година во кој има откупна клаузула од 150 милиони евра. „Росонерите“ во летниот преоден рок одбија понуди од 100 милиони евра бидејќи сакаат да го задржат на „Сан Сиро“.

Спортскиот директор на ПСЖ, Луис Кампос е голем симпатизер на играта на Португалецот и сака да го донесе во Париз, бидејќи иднината на Меси е неизвесна.

Леао се уште нема потпишано нов договор, па Милан е спремен да разгледува понуди на лето, а ПСЖ е спремен да понуди 100 милиони евра.

Раководството на Челзи е силно заинтересирана за аргентинскиот репрезентативец и член  на Брајтон, Алексис Мекалистер.

Мекалисер, кој има ирски корени се промобираше во еден од најважните играчи на Аргентина на Мундијалот.

24-годишиот играч за врска пристигна во Брајтон од Бока Јуниорс за 12 милиони евра и неодамна го продолжи договорот со англискиот клуб до 2025 година.

Неговата цела после Мундијалот значително порасна, бидејќи го привлече вниманието на многу клубови ширум Европа.

Сепак, Челзи сака да ја победи конкуренцијата и спрема понуда од 40 милиони фунти за да го доведе на „Стенфорд Бриџ“.

Продажбата на англиските фдубалски клубови продолжува со несмален интензитет. Второлигашот Хадерсфилд од вчера е сопственост на американска компанија, објави клубот.

Во изминатите 14 години, Хадерсфилд беше во сопственост на Дин Хојл, кој имаше 75% од акциите, пред да го продаде клубот на американската компанија. Комплетирањето на зделката е прашање на правни и менаџерски процедури, по што зделката треба да биде официјализирана. Хадерсфилд се чини беше приморан на ваков потег, откако клубот се соочи со забрана за трансфери овој месец поради доцнење во обезбедувањето на нивните годишни сметки.

Хадерсфилд моментално е на 22. место во Чемпионшип со 36 бодови.

Серхио Бускетс продолжува да размислува за својата иднина, бидејќи договорот со каталонскиот гигант му истекува на лето.

Меѓутоа, неговата одлука многу ќе влијае од еден фактор – каде ќе ја продолжи кариерата неговиот добар пријател Лионел Меси, пренесува „Мундо Депортиво“.

Опциите се тој да остане во Барселона, да се пресели во Интер Мајами или пак да се пресели во Саудиска Арабија каде има понуди од Ал-Наср и Ал-Нилал.

Неговата одлука најмногу ќе зависи од Меси, ако Аргентинецот остане да игра во Европа, тогаш Бускетс готово сигурно ќе остане уште една сезона во Барселона.

Сопственикот на Челзи, Тод Боели размислува да му го раскине договорот на Пјер Емерик Обамејанг откако напаѓачот изминатиов викенд на Камп Ноу го следеше „Ел Класико“, па дури и се симнал во соблекувалната на Барса и ја славел победата над Реал Мадрид.

Пјер Емерик Обамејанг во последните денови од летниот преоден рок направи трансфер во Челси откако Томас Тухел инсистираше на негов ангажман. Сепак, кратко потоа германскиот стратег заработи отказ и напаѓачот полека почна да паѓа во втор план. Габонецот е обврзан кон „сините“ до јуни 2024 година, но се шпекулира дека Тод Боли размислува да му удри клоца и да му го раскине договорот.

На сопственикот на Челси не му се допаднал последниот излет на Пјер Емерик Обамејанг, кој изминатиов викенд беше на Камп Ноу и го следеше „Ел Класико“.

И не само тоа, напаѓачот по крајот на натпреварот се симнал во соблекувалната на Барса и ја славел драматичната победа над Реал Мадрид.

Се шпекулира дека Пјер Емерик Обамејанг сака да се врати во Барселона и дури е подготвен да прифати помала плата за одново да го облече дресот на „каталонците“.

Реал Мадрид со оглед дека скоро и да ја загуби трката за шампионската титула во Ла Лига, како најважни за италијанскиот стратег во периодот кој следи се реваншот во „Копа Дел Реј“ против Барселона и четвртфиналниот двомеч со Челзи во ЛШ.

Без оглед каков исход ќе има на крајот од сезоната, иднината на Анчелоти е крајно неизвесна и се погласно се зборува дека тој ќе биде новиот селектор на Бразилската репрезентација. Голманот Едерсон на прес-конференцијата на бразилската репрезентација изјави дека има големи шанси Анчелоти да стане селектор на „Кариоките“, а сега на оваа тема зборуваше и Родриго.

„Би било чест за мене да го имам како селектор во Бразил и се шегуваме на таа тема. Ние Бразилците му велиме дека го чекаме со раширени раце, тој ни возвраќа дека ќе го одредува тимот заедно со нас. Сега зборуваме на шега, но во секоја шега има и по нешто вистина.

Ситуацијата не е лесна за него, ако стане селектор на Бразил, мора да го остави Бразил. Не знам што ќе се случи и како ситуацијата ќе се развива, ќе видиме“, изјави Родриго.

Патрик Клајверт како поранешен напаѓач на Барселона ги следи сите случувања на „Камп Ноу“ и не може да го игнорира напредокот кој го направи тимот под водство на Чави, но легендарниот Холанѓанец добро знае дека во фудбалот не може да се остане мирен и секоја сезона е предизвик сама за себе.

Поранешниот голгетер смета дека Барса мора да го засили тимот за наредната сезона доколку сака да направи исчекор, односно потенцира дека Чави мора да има замена за Роберт Левандовски.

Полјакот го донесе квалитетот кој сите го очекуваа по трансферот кој го направи од Барселона, но реалност е дека Чави нема класична деветка како замена во отсуство на Леви.

Клајверт си даде за право да именува двајца играчи кои можат да бидат интересни опции на трансфер пазарот, од кои едниот е талентираниот Гонсало Рамос, а вториот Роберто Фирмино.

„После Левандовски, потребно е да имате уште еден централен напаѓач. Мора да се има замена за Левандовски. Мене лично, многу ми се допаѓа Гонсало Рамос од Португалија. Фантастичен е во Португалија и во Бенфика. Интересен играч би бил и Фирмино кој би стигнал како слободен агент. Останатите позиции се добро покриени во Барселона“, смета Клајверт.

Милан и премиерлигашите Тотенхем и Вест Хем ја следат ситуацијата со тренерот на Лацио, Маурицио Сари. Според „Il Messaggero“, 64-годишниот фудбалски стручњак сака да добие гаранции од римјаните за засилување следната сезона за да може тимот да конкурира за шампионската титула. Доколку Сари не ги добие гаранциите, тогаш е подготвен да го напушти клубот, бидејќи неговата врска со управата на Лацио се залади оваа сезона.

Интерес за неговата кандидатура покажуваат Тотенхем, Вест Хем, Милан и Фиорентина. Сари е на чело на Лацио од летото 2021 година. Пред тоа, Италијанецот беше тренер на Јувентус, Челзи, Наполи и Емполи.

По 27 кола во Серија А, Лацио е втор на табелата со 52 бода, 19 помалку од лидерот Наполи.

Жозе Мурињо сака што поскоро да одржи состанок со сопствениците на Рома за да се реши неговата иднина, пишува „Кориере дело Спорт“.

Актуелниот договор на Мурињо со Рома е до јуни 2024 година, но Португалецот не сака да почне сезона со договор кој истекува на крајот на сезоната.

Мурињо сака што поскоро да го реши прашањето за својата иднина и тоа ќе зависи од амбициите на Рома. „Специјалниот“ преферира да остане во Рома, но сака и клубот да покаже поголема амбиција кога се во прашање трансферите.

Ултиматумот на Мурињо е да се донесат три засилувања. Дефанзивец, играч за врска и напаѓач на местото на Абрахам, кој најверојатно ќе си замине во летниот преоден рок.

Неговото име често се поврзува со други клубови како и со бразилската репрезентација, па на лето ќе донесе одлука.

Иднината на Адриен Рабио во Јувентус е неизвесна бидејќи неговиот договор со „старата дама“ истекува на крајот на сезоната.

Французинот има договор со Јувентус до крајот на сезоната, па многу е веројатно дека ќе замине како слободен агент. Со оглед на фактот дека Французинот игра одлична сезона, за него постои интерес од многу клубови ширум Европа.

Најсилен интерес за него покажува Ливерпул, бидејќи Клоп бара квалитетно засилување за средниот ред.

„Црвените“ се во потрага по квалитетен играч за врска и сакаат да ја искористат ситуацијата да го доведат Рабио без обештетување, а и самиот играч преферира трансфер во Премиер лигата.