Статуа на Кристијано Роналдо е поставена во центарот на Њујорк по повод неговиот 40-ти роденден.

На 5 февруари, напаѓачот на Ал-Наср и репрезентацијата на Португалија прослави роденден.

По тој повод, на „Тајмс Сквер“, плоштад во центарот на Менхетен, беше поставена бронзена скулптура на Роналдо висока 12 метри, стоејќи на камион и обоена во зелена, црвена и златна боја.

Автор на уметничкото дело е скулпторот Серџо Фурнари, кој се прослави со неговиот споменик „Ручек на врвот на облакодер“, кој е интерпретација на познатата фотографија од 1932 година на која работниците ручаат на една од челичните греди на 69-тиот кат на „Центарот Рокфелер“ во изградба на висина од повеќе од 200 метри.

Скулптурата е создадена за да ја „овековечи суштината на Роналдо не само како спортист, туку и како културна икона која инспирирала милијарди луѓе ширум светот“.

Откако Фурнари ја откри статуата, присутните почнаа да скандираат „Сиу“, начинот на кој Португалецот ги прославува головите.

Тренерот на Пари Сен Жермен, Луис Енрике изјави дека не жали по Килијан Мбапе, кој минатото лето како слободен играч се пресели во Реал Мадрид.

Мбапе не му помогна на ПСЖ да ја освои Лигата на шампионите, ќе видиме дали ќе го направи тоа во „кралскиот клуб“, но факт е дека не се раздели со „светците“ во најдобри односи.

Ниту со тренерот Луис Енрике, инаку легенда на Барселона.

„Бев многу храбар минатата сезона кога ви кажав дека ќе бидеме подобри во нападот и одбраната. Тоа постојано го кажувам и бројките го потврдуваат тоа. Сите го сакаа Килијан, но тимот реагира позитивно. Сакав повеќе играчи да постигнуваат голови. Зрелоста е многу важна работа”, изјави Енрике.

Затоа, од друга страна, тој е презадоволен од настапите на Усман Дембеле оваа сезона.

„Го познавам од Барселона, тој е многу отворен тип. Тој игра спектакуларно, статистиката покажува дека „експлодира“ оваа сеозна. Не го ограничуваме, тој мора да биде важен за тимот, да носи одлуки. Тој треба да биде лидер и мислам дека може да го направи тоа“, подвлече Луис Енрике.

Лондонски Арсенал веќе знае кој ќе биде приоритетна цел на тимот во летниот трансфер период. Арсенал го идентификуваше Бенџамин Шешко како нивна трансфер цел број 1. Се претпоставуваше дека „топчиите“ ќе тргнат по Александар Исак, но по се изгледа Њукасл тешко дека ќе дозволи Швеѓанецот да си замине.

За Исак Њукасл најверојатно ќе остане цврст на астрономската цена за шведскиот репрезентативец. На клубовите, вклучително и Арсенал, им е кажано дека ќе бидат потребни 150 милиони фунти за да го добијат голгетерот ова лето, па оттука Арсенал ќе се обиде со репрезентативецот на Словенија.

Манчестер Јунајтед потврди дека централниот бек Лисандро Мартинез „заработил повреда на вкрстените лигаменти“. Во тек е проценката колку време аргентинскиот дефанзивец ќе помине надвор од теренот.

Иако не е дадена временска рамка за неговото враќање, тој се очекува да биде надвор од терените најмалку шест месеци, врз основа на природата на повредата. Мартинез ја заработи повредата при поразот со 2-0 од Кристал Палас на Олд Трафорд минатиот викенд.

Неговата историја на повреди откако му се приклучи на Јунајтед не е добра. Тој има пропуштено 56 натпревари поради различни повреди. 27-годишниот фудбалер беше редовен во стартниот тим под водство на менаџерот Рубен Аморим.

Младата репрезентација на Македонија до 21 година на вчерашната ждрепка во Нион за противници ги доби Италија, Полска, Шведска, Црна Гора и Ерменија во рамките на квалификациите за пласман на ЕП кое 2027 година ќе се одржи во Албанија и Србија.

Познат е распоредот според кој ќе се играат натпреварите од групата Е, избраниците на селекторот Горан Станиќ, во првото коло на гостински терен силите ќе ги одмерат со селекцијата на Полска. Во второто коло, на домашен терен не очекува дуел со фаворитот во групата, Италија.

Во продолжение, можете да го погледнете комплетниот распоред на натпревари на нашата селекција, во групата Е од квалификациите.

1.коло Полска – Македонија 5.септември
2.коло Македонија – Италија 9.септември
3.коло Македонија – Ерменија 10. октомври
4.коло Црна Гора – Македонија 14. октомври
5.коло Македонија – Шведска 13.ноември
6.коло Македонија – Полска 18. ноември
7.коло Италија – Македонија 26.март 2026
8.коло Ерменија – Македонија 31. март 2026
9.коло Македонија – Црна Гора 1.октомври 2026
10.коло Шведска – Македонија 5.октомври 2026

Серхио Рамос и официјално има нов тим. Дефанзивецот, кој следниот месец ќе наполни 39 години, потпиша со мексиканскиот Монтереј.

Дефанзивецот е без тим од летото кога му истече договорот со Севиља.

„Добредојдовте, Серхио Рамос! Повеќекратен шампион со Реал Мадрид и ПСЖ. Светски шампион и европски првак со Шпанија. Вашите лидерски квалитети, технички вештини и желба за победа ќе ги однесат „сино-белите“ многу високо“, напиша новиот клуб на дефанзивецот.

Серхио Рамос избра да го носи дресот со број 93 поради неговиот гол за Реал Мадрид во финалето на Лигата на шампионите против Атлетико Мадрид, кој го израмни резултатот и го доведе неговиот тим до победа од 4:1 во продолженијата. Голот на Рамос беше постигнат во 93. минута.

Тренерот на Реал Мадрид, Карло Анчелоти ги пофали младите играчи за изданието во четвртфиналниот натпревар од Купот на Шпанија со Леганес (3-2).

„Тоа беше изедначен натпревар. Не почнавме баш најдобро, но успеавме да поведеме и да ја искористиме предноста. Тимот играше многу добро во нападот, со голема ефикасност. Иако е точно дека моравме да работиме напорно во одбраната. Треба да бидеме задоволни од она што го направија младите играчи. Мора да сметаме на нив. Ова е тешко и предизвикувачко време. Одиме напред со игри како денешните. Реал Мадрид е во полуфиналето и младите придонесоа за ова. Можеме да бидеме задоволни од овој натпревар“, изјави Анчелоти.

Противникот на Реал Мадрид во полуфиналето ќе биде одреден со ждрепката.

Поранешниот фудбалер на Реал Мадрид одлучи да се пензионира. Тој објави видео во кое зборува за својот пат во фудбалот и се присети на важни моменти од неговата кариера.

„Мојата љубов кон фудбалот ми беше пренесена од татко ми. Тој сакаше да станам професионален фудбалер и направи се што може за да го оствари тоа. На 18 години Реал Мадрид ме повика и така завршив овде. Сега можам со гордост да кажам дека сум вистински Мадридиста. Ова е местото каде што мојата сопруга и јас основавме семејство. 16 сезони, 25 трофеи, 5 титули во Лигата на шампионите, една од нив како капитен… И многу магични вечери на Бернабеу. Каква авантура. Реал Мадрид – единствен пат. Мадридизам е неописливо чувство. Да се ​​игра за својата земја од многу рана возраст е исто така голема чест. Секогаш ќе ги негувам двата олимписки медали и Купот на конфедерации. Враќањето во Флуминензе значеше дека сакам да му се оддолжам на клубот за она што ми го дадоа на почетокот, да им помогнам да освојат три трофеи, вклучувајќи го и Копа Либертадорес и да оставам наследство за идните генерации во форма на стадионот Марсело Виеира. Мојот пат како фудбалер заврши тука, но имам уште што да му дадам на фудбалот.
Ви благодариме за сè“, рече Марсело во видеото.

Покрај Флуминезе и Реал, 36-годишниот бразилски фудбалер има играно и за Олимпијакос.

Англиски Ливерпул размислува за можноста да потпише со 27-годишниот играч за врска на Барселона, Френки де Јонг, во летниот преоден рок.

Од Барселона се подготвени за го продадат за 35 милиони евра. Покрај Де Јонг, Ливерпул го следи и 23-годишниот играч на Штутгарт, Анџело Стилер.

Оваа сезона, Френки де Јонг учествуваше во 21 натпревар во сите конкуренции, постигна два гола и имаше една асистенција. Неговиот актуелен договор е важечки до летото на 2026 година.

Фудбалерите на Фиорентина убедливо го совладаа Интер со 3-0 (0-0) во натпреварот од 14. коло од италијанската Серија А.

Фиорентина и Интер играа на 1 декември минатата година, но натпореварот беше прекинат во 15.минута кога Едуардо Бове колабираше на теренот.

Нов датум се најде дури два месеци подоцна и Фиорентина одигра многу подобро особено во последните 30 минути.

„Виолетовите“ успеаја да постигнат три гола од 60. до 89.минута против бранителот на титулата.

Стрелец на првиот гол беше Лука Раниери во 60. минута, а осум минути подоцна Мојс Кен го удвои водството на домашните.

Точка на натпреварот во 89. минута стави Кен и само потврди дека ја игра најдобрата сезона во кариерата.

Фиорентина скокна на четвртото место со 42 освоени бода, додека Интер има 51 на втората позиција, три помалку од водечкиот Наполи.

Овие две екипи повторно ќе се сретнат веќе во понеделник, кога Интер ќе биде домаќин во 24. коло од Серија А.