Резултатите на Торино одат во позитивна насока откако на клупата седна Иван Јуриќ, но тој има одредени несогласувања со раководството на клубот.

Преговорите за продолжување на договорот до 2026 година запнале поради одредени услови, па Јуриќ добил ултиматум за во одреден период да се изјасни дали ќе ја прифати понудата.

Главните недоразбирања се поврзани и со проектот на клубот, односно желбата на Јуриќ да се зголемат амбициите и да бидат доведени нови квалитетни засилувања.

Доколку исходот на преговорите е негативен, хрватскиот стручњак ќе го напушти Торино по крајот на сезоната, а раководството на „биковите“ веќе има фаворит за негов наследник.

Се работи за Алесио Дионизи кој во моментов е тренер на Сасуоло и чиј стил на работа очигледно оди во прилог на приоритетите на Торино.

Бојан Миовски игра одлично за Абердин, па поради тоа се повеќе клубови покажуваат интерес за неговите услуги.

Од турските медиуми се појави информација дека од Трабзонспор каде што во овој момент е Енис Барди стапиле во контакт со шкотскиот клуб. Во само неколку дена ова е трет клуб кој се поврзува со македонскиот напаѓач. Шкотските медиуми објавија дека Саутемптон од Премиер лигата го гледа Миовски како идеално засилување, а пред два дена се пишуваше и за интерес на ривалот на Трабзонспор, Бешикташ.

Миовски игра одлична сеозна во Шкотска каде што е трет стрелец во првенството со 18 постигнати голови.

Во досегашната кариера македонскиот голгетер настапуваше за Брегалница, Работнички, Ренова и МТК од каде што за 600.000 евра дојде во Абердин минатото лето.

Легендарниот капитен на Манчестер Јунајтед, Рој Кин, даде коментар за најтешкиот пораз на клубот во својата историја.

Популарните „црвени ѓаволи“ доживеаја дебакл во дербито со Ливерпул на „Енфилд“, каде беа поразени со резултат 7:0. Ова е највисок пораз на Јунајтед дури од 1931.година.

„Шокиран сум. Натпреварот беше загубен уште на стартот од второто полувреме. Поискусните играчи на тимот не покажаа никакви лидерски спсобности. Тежок ден за Јунајтед, за среќа во мојата кариера никогаш не сум доживеал толку висок пораз играјќи за овај клуб. Да ме победат со 6 или 7:0 би заминал дома со криење, и би исчезнал неколку месеци“, порача Кин.

Англиските медиуми пренесуваат дека претседателот на Тотенхем, Даниел Леви, одредил обешететување од 110 милиони евра за капитенот на тимот и репрезентативец на Англија, Хари Кејн.

Кејн има договор со со Тотенхем до 30.јуни 2024.година. Според некои информации капитенот на тимот минатата година имал понуда за трансфер во Манчестер Сити, но на крајот англискиот шампион се одлучи за купување на Норвежанецот Ерлинг Халанд од Борусија Дортмунд.

Најголема заинтересираност за ангажман на 29-годишниот Кејн во моментов покажува Манчестер Јунајтед. Тренерот на клубот од Олд Трафорд, Ерик тен Хаг, во повеќе наврати напоменува дека приритет за екипата е доведување на врвен голгетер кој ќе го надополни тоа место после заминувањето на Кристијано Роналдо во Саудиска Арабија.

Хари Кејн е член на Тотенхем од 2004.година. За клубот има постигнато 268 гола на 422 натпревари.

Килијан Мбапе стана најдобар стрелец во историјата на ПСЖ откако
вечерва погоди против Нант и стигна до погодокот број 201 во дресот
на „светците“.
Падна рекордот на Единсон Кавани, Килијан Мбапе вечерва испиша
нова историја, Французинот со само 24 години стана најдобриот
стрелец на ПСЖ.
Во самиот финиш од натпреварот против Нант, Килијан Мбапе доби
топка на пет метри, се сврте и биеше прецизно за 4-2.
Со овој погодок, Килијан Мбапе стигна до бројката од 201 во дресот
на „светците“ и стана прв стрелец во историјата на клубот од „Паркот
на принцовите“.

Бернардо Силва не е задоволен на „Етихад“ и сака на лето да ја
промени средината. Португалскиот фудбалер летово беше блиску до
преселба во Барселона, но каталонскиот клуб се откажа од
трансферот поради преголемата сума на пари што Сити ја бараше за
обештетување.
Сега и Манчестер Сити е расположен да го продаде Силва за сума од
околу 65 милиони евра, а Барселона не се откажува од Португалецот.
Проблем е финансиската ситуација на Каталонците, кои ќе мора да
продаваат фудбалери за околу 200 милиони евра за да можат да прават
трансфери.
Наводно за да ја собере таа сума Барселона е спремна на трансфер
листа да ги стави Френки де Јонг, Ансу Фати и Рафиња, а прва желба
е токму Бернардо Силва.

Предраг Мијатовиќ откри дека се обидел да го ангажира Андрес
Иниеста. Мијатовиќ во 2006 година ја презема улогата на спортски
директор во Мадрид, по што имал преговори со многу фудбалери.
„Сакав да го донесам Иниеста во Реал Мадрид. Бевме блиску до
потпис на договор, а разговаравме и со татко му. Иниеста беше
неверојатен фудбалер“, кажа Мијатовиќ.
Иниеста изгради легедарен статус на „Камп Ноу“ и стана еден од
најтрофејните фудбалери во историјата на Барселона.
Мијатовиќ, исто така, ги пофали Педри и Гави од Барселона за кои
смета дека се наследници на Иниеста и Чави.

Луис Суарез зборуваше за моментот кога Нејмар одлучи да се пресели
во Пари Сент Жермен.

Во јуни 2017 година Бразилецот се пресели во ПСЖ за рекорден
трансфер, а тоа беше крај на триото „МСН“, кое и донесе големи
успеси на Барселона.
Суарез сега тврди дека ако Нејмар останел на „Камп Ноу“ сигурно ќе
ја освоел „Златната топка“.
„Пред да замине во ПСЖ, му реков на Нејмар „ако сакаш да
освојуваш повеќе трофеи, остани со мене и со Лео“ Во тој момент
Меси беше најдобар на светот, а Нејмар беше втор најдобар веднаш
зад него. Беше подготвен да ме слуша мене и Меси и сакаше да
остане. Ние како пријатели го советувавме да остане, но неговото
семејство реши да ја напушти Барселона “, изјави Суарез.
„Ако Нејмар останеше во Барселона тој сигуно ќе ја освоеше
„Златната топка“. Едноставно сум сигурен во тоа“, додаде Уругваецот.

Примарна цел на Интер во летниот преоден рок ќе биде доведување
на дефанзивец, пренесуваат италијанските медиуми.
Интер на лето ќе остане без Скриниар, кој заминува во ПСЖ како
слободен агент, а најверојатно ќе замине и Де Врај. Поради тоа Интер
сака да доведе најмалку еден дефанзивец, а примарна цел е
Миленковиќ од Фиорентина.
Србинот веќе неколку сезони игра одлично во Серија А и смета дека е
вистински момент за чекор напред во кариерата.
Интер веќе стапил во контакт со неговиот агент и спрема понуда од 15
милиони евра, додека

Финансиското тело на УЕФА ги суспендира : Арис (Грција), Астана
(Казахстан), Борац Бања Лука (БиХ), Клуж (Романија), Флоријана
(Малта), Коњаспор (Турција), Жар (Казахстан), Олимпија Љубљана
(Словенија), Осијек и Ријека (Хрватска) и Валмира (Летонија).
Одлуката е донесена по детална анализа и поради непочитување на
финансиските регулативи пропишани за сезоната 2022/23. Станува
збор за долгови за плати и за направени трансфери.
Сите ќе добијат дополнителна казна од 10.000 евра доколку не ги
исплатат долговите до крајот на месецов.