Јувентус и Интер се заинтересирани за дефанзивецот на Салцбург и српски репрезентативец, Страхиња Павловиќ.

21-годишниот дефанзивец игра одличо во Салцбург, а на Мундијалот ја доживеа својата целосна афирмација со добрите партии. Примарна цел на Јувентус на лето ќе биде доведување на дефанзивец, а Павловиќ е на врвот на листата желби.

„Старата дама“ веќе работи на трансферот и сака да ја победи конкуренцијата, бидејќи Интер исто така го сака српскиот дефанзивец.

„Нероаѕурите“ бараат замена за Скриниар и веруваат дека Павловиќ ќе биде идеално решение, а Салцбург за неговата слобода бара намалку 25 милиони евра.

По поразот од Баерн во осминафиналето од Лигата на шампионите посебно во центарот на вниманието се најде Бразилецот Нејмар.

Имено, Нејмар истата вечер по поразот отиде да игра покер и според многумина тоа е потег каков што не смеел да си дозволи по еден пораз во така важен натпревар. Освен тоа тој се критикуваше и за јадењето во Мекдоналдс.

Посебено потезите се истакнуваа поради изјавата на Мбапе по натпреварот.

„Мислам дека пред се мораме да бидеме здрави. Сите би требало добро да јадеме, добро да спиеме и да се припремиме најдобро што можеме. Видовте дека кога игравме напаѓачки им создававме проблеми. Одиме да победиме и да се пласираме во четвртфиналето“, изјави тогаш Мбапе.

За оваа ситуација денес прашање доби тренерот Галтие.

„Тоа што Килијан го кажа во микс-зоната, го кажа и во соблекувалната и јас стојам зад тоа затоа што мислам дека е навистина добро“.

Сепак, не сакаше да го поврзува со Нејмар.

„Нема да ги поврзувам Нејмар со неговите зборови. Разговарав со Нејмар и му кажав што мислам. Нема да ви откривам што разговаравме и тоа ќе остане меѓу нас. Што се однесува до покерот, тој има право на тоа кога има слободен ден. Чувствува голема страст кон покерот и тоа си е негова лична работа“, изјави Галтие.

Барселона е водечка екипа во Примера во оваа сезона и во моментов има пет бода повеќе во однос на второпласираниот Реал Мадрид, но и натпревар кој треба да го одигра во оваа рунда и тоа вечерва против Кадиз на „Камп Ноу“.

Каталонците беа најсконстантни во досегашниот тек, а тоа го признаваат и ривалите како што е Атлетико Мадрид кој преку тренерот Диего Симеоне објасни зошто избраниците на Чави Ернандез се број еден во Ла Лига.

„Барселона е најдобриот тим во Ла Лига во моментот. Чави пренесува многу јасна порака. Тој започна со чисти крила, а сега игра со офанзивни играчи од средината на теренот како Гави или Педри наместо со тројца напаѓачи и одлично му оди.

Стилот на Барса не е променет, но со доаѓањето на Чави, тие ја обновија суштината на клубот.Тие многу се подобрија во одбраната, Араухо и Кристенсен играат добро“, порача Чоло.

Играчот на Реал Мадрид и капитен на Хрватска, Лука Модриќ изјави дека „Кралскиот клуб“ е фаворит на дуелот со Ливерпул во осминафиналето од Лигата на шампионите.

Првиот натпревар помеѓу овие два европски фудбалски гиганти се игра во вторник, а домаќин е Ливерпул на „Енфилд“.

„Изненаден сум што Ливерпул се наоѓа на осмото место во Премиер лигата, но убеден сум дека екипата ќе ја подигне својата форма. Се надевам дека тоа нема да се случи на натпреварот против нас. Штета е што играме еден против друг веќе во осминафиналето од турнирот. Мислам дека сме фаворити, и ми е драго што реваншот ќе го играме во Мадрид“, изјави Модриќ.

Ли Мејсон во 2021 година се повлече од професионалното судење натпревари во Премиер лигата, но после тоа беше дел од ВАР собите и беше главен судија во видео надзорот.

Тоа беше така се до изминатиот викенд, кога искусниот англиски арбитар направи страшен кикс при ВАР прегледот на „Емирејтс“, поради што сега реши и комплетно да се повлече и веќе да нема никаква врска со судењето.

51-годишниот Мејсон денеска ја известил комисијата за професионални англиски судии дека се повлекува од своите активности во ВАР, а сето тоа е резултат на неподвлечената линија поради која беше признат гол на Брентфорд против Арсенал кој значеше израмнување од 1-1.

Жестоките изјави на Микел Артета и сериозниот притисок кој се создаде во јавноста направи Ли Мејсон да биде суспендиран за новото коло во Премиер лигата претстојниов викенд, но вечерва пристигна информација дека веќе тој никогаш повеќе нема да биде дел од ВАР собата.

Асоцијацијата на професионални судии излезе со соопштение и го објави повлекувањето на Ли Мејсон, човек кој цели 15 години ја делеше правдата на фудбалските терени во Премиер лигата.

Барселона објави ново соопштение во врска со повредата на младиот Педри кој доби удар во натпреварот против Манчестер Јунајтед во Лигата на Европа.

Офанзивниот фудбалер за врска е еден од најважните во системот на Чави и тој го повредил квадрицепсот и ќе мора да паузира околу еден месец. Барселона нагласи дека неговото враќање ќе зависи од напредокот во опоравувањето. Каталонските медиуми пренесуваат дека Педри ќе пропушти најмалку шест, а најмногу осум натпревари.

Ова значи дека Педри нема да биде на располагање на Чави против Кадиз во ЛА Лига, потоа против Јунајтед во реванпот, па Алмерија и Валенсија и Билбао во Примера, како о полуфиналето од Копа Дел Реј против Реал Мадрид.

Тука треба да се додаде и дека Педри ќе ги пропушти двата натпревари од осминафиналето во Лигата на Европа ако Барселона го помине Манчестер Јунајтед.

На Грем Потер не му оди во Челси и тимот никако не успева да дојде до добри резултати, па поради тоа се погласно се шпекулира за негово заминување од клупата на „сините“.

Голем дел од навивачите сакаат промена и се во право затоа што бројките покажуваат дека Потер е најлошиот менаџер кој го имал Челси во последните 30 години. Со поразот од Борусија Дортмунд во Лигата на шампионите тој е дното по процентот на остварени победи.

Неговата епизода во Челси не започна лошо, го победи Милан со 2:0 и Потер беше пофален за петте воведни натпревари во кои „сините“ имаа четири победи и едно реми. Тогаш само Сари, Анчелоти и Гус Хидинк имаа подобар почеток. Сега четири месеци подоцна бројките се поинакви.

Потер го водел Челси на 24 натпревари и сега може на поизбалансиран начин да се споредува со другите. Во овој момент тој има девет победи и проценетот на добиени натпревари му е само на 38%.

Со тој процент подобри од Потер се Клаудио Раниери кој го водеше тимот од 2000 до 2004, потоа Џанлука Вијали (1998-2000), Руд Гулит (1995-1998). Во овој момент Потер е подобар само од Глен Ходл забележа пет победи на првите 24 натпревари.

Ливерпул победи против Њукасл во натпревар кој може да има сериозно значење во битката за излез во Европа, но „црвените“ и овој пат мораа да се соочат со еден негативен момент.

Стрелецот на првиот гол, Дарвин Нуњез заработи повреда за време на гостувањето кај Њукасл и сега е неизвесен за настап во Лигата на шампионите.

Уругваецот доживеа незгоден пад по кој се пожали на болка во рамото, а Јирген Клоп потврдил дека ситуацијта не е најдобра.

„Дарвин има некој проблем со рамото и затоа го повлеков од игра. Не знам дали ќе може да игра против Реал Мадрид. Засега е сигурна неговата болка од повредата, но прегледите ќе потврдат што се случило“, изјавил менаџерот на Ливерпул.

Садио Мане започна групни тренинзи со тимот три месеци откако се здоби со повреда на фибулата.

„Враќањето на тренинг во екипата е нешто фантастично“, изјави Мане на официјалниот Твитер на клубот.

Доколку распоредот за опоравување на Мане оди според планот, тој ќе може да учествува на реваншот од Лигата на шампионите против ПСЖ на 8 март.

Да потсетиме дека првиот натпревар, одржан во Париз, заврши со минимална победа на клубот од Минхен со 1-0.

Садио Мане се повреди во средината на ноември на мечот од Бундеслигата со Вердер Бремен, по што беше опериран и го пропушти настапот на Сенегал на Светското првенство во Катар. Играчот се пресели во Баерн од Ливерпул во летото 2022 година како слободен играч.

Наполи ја одреди цената за грузискиот напаѓач Хвича Кварацхелија, кој е интересен за Реал Мадрид. Италијанскиот клуб ќе се раздели со 22-годишниот играч доколку добие понуди над 100 милиони евра, пренесува „АС“.

Хвича Кварацхелија му се приклучи на Наполи во летото 2022 година, откако се пресели од Динамо Батуми за 10 милиони евра. Оваа сезона напаѓачот има 12 гола и 14 асистенции на 24 натпревари во сите натпреварувања.

Договорот меѓу Кварацхелија и Наполи истекува во летото 2027 година.

Наполи на 23 натпревари во италијанскиот шампионат освои 62 бода и го зазема првото место на табелата пред второпласираниот Интер кој заостанува 15 бода.