Лионел Меси, првата ѕвезда на МЛС лигата и според многумина еден од најдобрите играчи во историјата, кариерата ќе ја продолжи во дресот на Интер Мајами.

Како што пренесува порталот „Атлетик“, Меси наводно се договорил за продолжување на соработката со тимот од Флорида.

Легендарниот Аргентинец, кој има 37 години, ќе остане во клубот и по истекот на актуелниот договор, според кој е врзан за Интер до летото 2025 година.

Не е познато до кога Меси ќе продолжи да настапува за овој тим, но јасна е позадината на одлуката.

Имено, тимот во сопственост на Дејвид Бекам во 2026 година ќе се пресели на нов стадион чија вредност е над милијарда долари, а поранешниот капитен на репрезентацијата на Англија сака Меси да биде предводник на тимот кој таму ќе започне нова ера.

Во овој тим покрај Меси се и Џорди Алба, Серхио Бускетс и Луис Суарез од поранешните фудбалери на Барселона, а на Флорида би можел да се ресели и ѕвездата на Манчестер Сити и еден од најдобрите светски играчи од средниот ред во последните десет години, Кевин де Брујне.

Валенсија продолжи со спектакуларното бегство од опасната зона на табелата во Ла Лига. По поразот од Атлетико Мадрид, Валенсија во следните шест кола, од 2 март досега, освоија 14 бода (четири победи, две нерешени).

Вечерва, во првиот натпревар од 31.коло, Валенсија ја победи Севилја со 1-0 и ја „скокна“ на табелата.

ВАР беше против Севилја, судијата Хозе Санчез досуди пенал, но по сугестијата од ВАР собата ја прегледа снимката и ја поништи својата одлука.

Во третата минута од судиското надополнување, Валенсија успеа да постигне гол преку 20-годишниот Хави Гера.

Во вториот дел имаше прилики на двете страни, но не и вистински реализатор.

Навивачите на Валенсија можат да здивнат, „лилјаците“ се на девет бода од зоната за испаѓање.

Валенсија сега се наоѓа на 11.место со 37 бодови, Севилја по третиот пораз во низа е на 12.позиција со бод помалку.

Конечната одлука во случајот со обвинувањата за англискиот фудбалски шампион Манчестер Сити нема да биде објавена пред летото, тврди „Дејли Телеграф“. Повторно се одложува долгоочекуваната одлука за големиот случај против Манчестер Сити. Рочиштата завршија во декември, а пресудата се очекуваше да биде објавена околу март-април. Комплексноста на случајот, вклучително и количината на докази што се слушнаа, оспорени и проверени, го направија случајот уште потежок.

Обвиненијата првично беа 115, но потоа се зголемија на околу 130 поради конфузија околу некои од правилата за одредени сезони.

Премиер лигата покрена обвиненија во февруари 2023 година, но истрагата датира скоро шест и пол години.

Доколку „граѓаните“ бидат прогласени за виновни, се соочуваат со строги санкции, од одземање бодови до исфрлање од елитата. Од „Етихад“ тврдат дека се невини и дека не се загрижени за конечниот исход на случајот.

Откако Ерлинг Халанд и Пеп Гвардиола потпишаа нови договори пред неколку месеци, се појавија шпекулации дека клубот веќе знаел дека нема да има строги санкции.

И останатите клубови од Премиер лигата со нетрпение го очекуваат конечниот исход и се подготвени да поднесат тужби за изгубени добивки.

Ливерпул и официјално објави продолжување на договорот со Мохамед Салах.

32-годишниот крилен напаѓач потпиша нов договор со клубот во период од две години.

Мохамед Салах игра за Ливерпул од 2017 година, освојувајќи седум титули во ова време, вклучувајќи ги Премиер лигата и Лигата на шампионите. Во англискиот клуб се пресели од Рома. Мохамед Салах во новиот договор со Ливерпул ќе заработи 20 милиони фунти.

Салах оваа сезона на 31 натпревар во Премиер лигата постигна 27 гола и направи 17 асистенции.

Претседателот на Јужноамериканската фудбалска конфедерација (КОНМЕБОЛ), Алехандро Домингез денеска предложи Светското првенство во 2030 година да се прошири на 64 репрезентации.

Предлогот првпат беше претставен минатиот месец од делегат од Уругвај, за време на онлајн состанокот на Меѓународната фудбалска федерација (ФИФА).

„Уверени сме дека прославата на стогодишнината ќе биде единствена, бидејќи 100 години се слават само еднаш“, рече Домингез за време на неговиот говор на отворањето на 80-тиот редовен конгрес на КОНМЕБОЛ.

Светското првенство во 2030 година ќе го организираат шест земји на три континенти.

Уругвај беше првиот домаќин во 1930 година и ќе организира еден натпревар, а домаќини ќе бидат и Парагвај, Аргентина, Шпанија, Португалија и Мароко.

„Затоа предлагаме да ја одбележиме оваа годишнина со 64 екипи, истовремено на три континенти“, додаде Домингез.

На Светското првенство во Катар во 2022 година настапија 32 селекции, а на претстојното Светско првенство во САД, Мексико и Канада следното лето ќе играат 48 репрезентации.

Со евентуалното проширување на форматот на 64 тимови, сите 10 членки на КОНМЕБОЛ ќе се квалификуваат за турнирот. Само Венецуела никогаш не се пласирала на Светското првенство.

„Ова ќе им овозможи на сите земји да имаат можност да го искусат СП и никој на планетата нема да биде изоставен од забавата“, рече Домингез.

Доколку ФИФА го одобри предлогот, на турнирот ќе се одиграат 128 натпревари.

Претседателот на Европската фудбалска унија (УЕФА) Александар Чеферин изјави дека Светското првенство со 64 репрезентации е лоша идеја.

Критичарите на форматот со 64 тима тврдат дека тоа ќе го ослаби квалитетот на играта и квалификациската програма на повеќето континенти.

Фудбалерот на Манчестер јунајтед, Расмус Хајлунд е заинтересиран за преселба во Јувентус.

Италијанскиот клуб сака да го засили нападот за претстојното Светско клупско првенство, кое е закажано за претстојното лето во САД.

Јувентус воспоставил контакт со претставници на данскиот фудбалер, објави „Тутоспорт“.

Црно-белите немаат доволно напаѓачи и мора да донесат засилувања во пресрет на Светското клупско првенство кое започнува на 14. јуни во САД.

Се очекува Јувентус да ја прекине соработката со Аркадиуш Милик, кој цела сезона има проблеми со повреди и не одигра ниту еден натпревар. Исто така, на крајот од сезоната му истекува позајмицата на Рандал Коло Муани, кој треба да се врати во Пари Сен Жермен, додека договорот на српскиот напаѓач Душан Влаховиќ истекува во 2026 година и се очекува летово да биде продаден бидејќи не сака да остане во Торино.

Во меѓувреме, со месеци се шпекулира за голем број клубови кои се заинтересирани за него, а еден од нив наводно е Манчестер јунајтед.

Затоа, два клуба многу лесно би можеле да направат размена. .

Покрај Хејлунд, Јувентус е заинтересиран и за Адемола Лукман од Аталанта и Виктор Осимен, играчот на Наполи кој е позајмен во Галатасарај.

Три месеци по неговото назначување за технички директор во ФФМ за развој на младинскиот фудбал, Ѓорги Христов на брифинг со претставници на медиумите даде видување за досегашната своја работа.

„Оваа функција носи голема одговорност, но и привилегија. Од првиот ден сум присутен на терен, заедно со колегите, постојано следејќи ги натпреварите и развојот на младите фудбалери ширум државата.“ – изјави Христов.

Во изминатиот период, воспоставена е стабилна структура со назначување на координатори по генерации.

Артим Шаќири и Сашо Милошевски се назначени како координатори за категориите од 2007 до 2012 година. Тие го следат секое дете, ќе бидат директна поддршка за селекторите и ќе обезбедат квалитетна анализа за секоја генерација.

Новитет во системот е и воведувањето на видео анализа – област што досега воопшто не беше дел од младинските селекции.

Ангажирани се поранешните репрезентативци Никола Глигоров и Филип Ивановски, кои ќе го подигнат нивото на подготовка и детална анализа на играта.

Челниците на фудбалскиот состав, Манчестер Сити, донеле одлука да се разделат со бекот, Кајл Вокер.

Дефанзивецот во претходното лето замина во италијанскиот гигант Mилан кој има опција да го купи за 5 милиони евра.

Вокер кој освои шест пехари во Премиер-лигата и еден во Лигата на шампионите, има актуелен договор со „граѓаните“ до јуни во 2026 година.

Англискиот фудбалски состав Евертон ќе направи напор во текот на летото да го обезбеди дефанзивецот на Феенорд, Давид Ханцко.

Според дел од локалните медиуми, скаутите на „карамелите“ во континуитет ги следеле настапите на 27-годишниот интернационалец од Словачка.

Се претпоставува дека за потписот на фудбалерот се заинтересирани уште неколку екипи од Англија.

Наполи започна преговори за потписот на крилниот фудбалер на Тотенхем, Дејан Кулушевски.

„Спарси“ сепак не се расположени да се разделат со Швеѓанецот кој има потекло од нашава земја. 24-годишниот играч има 138 настапи, 25 голови и 29 асистенции за англискиот состав.

Кулушевски има искуство од Серија „А“ бидејќи играше за Јувентус до летото во 2023.