Шпанска Марка пренесува дека клубот од Саудиска Арабија, Ал Наср, очекува дека Кристијано Роналдо до крајот на 2022.година ќе потпише две и пол годишен договор со екипата.

Роналдо се наоѓа во Дубаи и е подготвен да отпатува за Ријад, каде до крајот на декември би можел да потпише договор вреден 200 милиони евра по сезона.

Преговорите помеѓу Роналдо и Ал Наср започнаа после заминувањето на Португалецот од Манчестер Јунајтед, но истите беа прекинати поради одржувањето на СП во Катар каде Роналдо настапуваше за Португалија.

Во Саудиска Арабија доаѓањето на Роналдо се смета за државен проект, кој се очекува да ја стави оваа земја на светската фудбалска мапа.

До Лајпциг стигнаа две понуди за Јошко Гвардиол

Младиот и суперталентиран стопер од Хрватска беше еден од најзаслужните за освојувањето на бронзениот медал на Светското првенство, па не е ни чудо што многу клубови се сериозно заинтересирани да го доведат. Лајпциг ќе се мачи да го задржи по серијата добри игри.

Како што од утрово пренесуваат островските медиуми, Челзи е тој што сака да го доведе. „Сан“ пренесува дека двократниот шампион на Европа е подготвен да плати 51,5 милиони евра за неговото доаѓање.

Клубот од Лондон го следи од ова лето, но ќе има силна конкуренција од Шпанија, бидејќи го посакува и актуелниот европски првак Реал Мадрид. Шпанците оваа есен неколку пати испраќаа скаути на натпреварите на Лајпциг. Сепак, понудата на Челзи е далеку под бараните 80 милиони евра, додека сеуште не е познато колку се подготвени да понудат челниците на „кралскиот клуб“ од Мадрид.

Англиските медиуми пренесуваат дека фудбалскиот клуб Манчестер Јунајтед го продолжи договорот со четворица фудбалери на првиот тим.

Своите договори со клубот од Олд Трафорд ги продолжија Маркус Рашфорд, Лук Шо, Диего Дало и Фред.

Договорите на овие фудбалери им истекуваа во јуни 2023 година. Договорот на крајот од сезоната му истекува и на голманот Давид де Хеа, меѓутоа преговорите за негово продолжување се во тек, бидејќи двете страни се договараат за висината на неговата плата. Голманот во моментот заработува 375 илјади фунти неделно.

Лионел Меси најверојатно нема да игра за ПСЖ до средината на јануари.

Според весникот „Ле Паризиен“, по победата на Аргентина на Светското првенство во 2022 година, напаѓачот добил 10 дена за одмор.

Меси ќе тренира на индивидуална основа и најверојатно нема да игра за ПСЖ до средината на јануари. Се чека и клупска потврда.

Шпанскиот фудбалер, Иско, ќе си замине од Севилја и тоа по само неколку месеци откако двете страни потпишаа договор до 2024 година.

Медиумите на Пиринеите објавија дека Иско неодамна имал расправија со спортскиот директор, Мончи и дека по само 10 минути го напуштил тренингот.

Играчот дојде во Севилја како слободен агент од Реал Мадрид.  Тој со „белите“ за девет години освои се што можеше. Според одредени шпекулации, за неговиот потпис се заинтеерсирани Бетис и Рома.

Голманот на репрезентацијата на Аргентина, Емилијано Мартинез, продолжува со неспортското однесување при прославата на титулата на својата земја на Мундијалот во Катар.

После контроверзниот гест при добивањето на трофејот за најдобар голман, како и после барањето на минута молчење за Мбапе во соблекувалната на Аргетнина, голманот Мартинез после враќањето во Буенос Аирес, продолжи со провокациите кон Мбапе.

На 24.роденден на француската звезда, Мартинез беше забележан од камерите како држи кукла-бебе со ликот на Мбапе.

Мартинез му ја замери на Мбапе изјавата дека Бразил и Аргентина не го имаат подигнато нивото на играта на големите натпреварувања.

Англискиот фудбалски клуб Манчестер Јунајтед се вклучува во трката за купување на Французинот Маркус Турам од Борусија Менхенгладбах.

Договорот на Турам со тимот од Менхенгладбах истекува во летото 2023 година, и според некои информации германскиот клуб може да прифати понуда за продажба на играчот во висина од 10 милиони евра. Турам во последните шест месеци од договорот ќе има можност да преговара со други клубови и да го напушти бундеслигашот како слободен играч.

Освен Манчестер Јунајтед, за услугите на Маркус Турам се заинтересирани и Баерн Минхен, Интер и Њукасл.

Фудбалерот на Челзи, Нголо Канте, посакува да потпише преддоговор со Барселона во јануари, и да му се приклучи на екипата од Камп Ноу како слободен играч следното лето.

Барселона е во потрага по засилување од средината на теренот, но под услов играчот да биде доведен без обештетување. Како кандидати за преселба во Барса се споменуваат и Жоргињо од Челзи, Тилеманс од Лестер, како и Мартин Субименди од Реал Сосиедад.

Според некои информации, управата на Барселона веќе имала разговори со претставниците на 31-годишниот Канте, со цел финализирање на овај трансфер. За францускиот фудбалер интерес покажуваат и италијанските клубови Јувентус и Интер.

Сергеј Милинковиќ-Савиќ повторно е главна тема на Апенините бидејќи игра уште една одлична сезона.

Медиумите тврдат дека донел одлука да ја одбие понудата на Лацио за продолжување на договорот и одлучил да ја промени средината. Со оглед на фактот дека Милинковиќ-Савиќ на лето влегува во последната година од договорот Лацио ќе биде приморан да го продаде.

Јувентус и Арсенал веќе подолго време го сакаат Србинот, но сега во трката за неговиот потпис се приклучи и Милан.

Трнерот Пиоли одлично го познава СМС од времето кога работеше во Лацио и сака да го убеди да му се придружи на „Сан Сиро“.

Бидејќи на лето Сергеј ќе влезе во последната година од договорот се верува дека Лацио ќе мора да се задоволи со 50 милиони евра, сума која „росонерите“се спремни да ја платат.

Бенџамин Павард е спремен да ја промени средината, а најсилен интерес за него покажува Барселона.

Иднината на 26-годишниот Французин е прилично неизвесна во Баерн и тој уште во летниот преоден рок сакаше да ја промени средината. Каталонците будно ја следат ситуацијата околу дефанзивецот и се спремни да испратат понуда во зимскиот преоден рок.

Барселона не е задоволна од Белерин и бара нов десен бек, а Павард е на врвот на листата желби на Чави.

Меѓутоа, Барселона  нема буџет за јануарски трансфери, па ќе се обиде да го донесе на позајмица со право на откуп на лето за 30 милиони евра.