Репрезентативецот на Англија, Букајо Сака, во изјава за медиумите вели дека цел на екипата не е само победа над Франција во четвртфиналето на Мундијалот, туку и освојување на шампионската титула. Споре Сака, Англија ќе проба да направи чекор подалеку и ќе се приближи до својата цел.

„Мораме да веруваме во тоа. Мора да влеземе во натпреварувањето со мисла дека можеме да победиме. Сега сме фокусирани на натпреварот од четвртфиналето против Франција, кој ќе биде доста тежок меч. Франција има првокласни фудбалери меѓу кои се истакнува Килијан Мбапе, и ќе мора добро да се подготвиме ако сакаме да го сопреме“, изјавува Сака.

Англија и Франција дуелот од четвртфиналето на СП ќе го одиграат во сабота од 20.00 часот.

Вчера од Фудбалскиот сојуз на Косово најавија дека е поднесена жалба до ФИФА, а денес од Светската куќа на фудбалот потврдија дека е отворена постапка против Србија. Против Србија е отворена постапка поради недолично однесување за учесниците во тој натпревар, но и поради дискриминација.

Фудбалскиот сојуз на Србија е обвинет од страна на Дисциплинската комисија за прекршување на неколку точки. Допрва ќе се знае дали и ако има каква ќе биде тоа казна за Србија. Србија со поразот од Швајцарија го заврши настапот во групата како последна зад Камерун, Швајцарија и Бразил.

Медиумите после тој натпревар посебно ги истакнуваа пцовките на Пикси на национална основа после голот на Влаховиќ кога Србија поведе со 2-1.

Џуд Белингем ги собра речиси сите пофалби од англиската спортска јавност по пласманот на репрезентацијата во четвртфиналето на Светското првенство, а покрај новинарите, доста позитивно настроени беа и поранешните фудбалери кои сега имаат улоги на стручни коментатори.

Младиот 19-годишен играч за врска се претвора во вистинска сензација на мундијалот во Катар и се истакнува како лидер во играта на својата селекција, бидејќи вчера беше клучен за два од трите гола кои ги постигна Англија против Сенегал.

Фудбалерот на Борусија Дортмунд се претвори во топ тема на Островот, но во моменти кога добива големо внимание од новинарите, тој реши да застане во одбрана на Џордан Хендерсон кој вчера одговори со гол по низата критики за неговата игра.

„Голот кој го постигнавме за водство во мечот беше навистина добро одработен. Сметам дека Џордан имашеш навистина брилијантно издание. Во изминатиот период читав лоши коментари за него и тоа е вистинско ѓубре. Смешно е да се зборува тоа за него. Тој е толку потценет на техничко ниво, а секогаш дава најдобро на големата сцена. Постигна важен гол и време е да се покаже малку почит“, изјавил Белингем.

Бразилскиот фудбалски репрезентативец Нејмар повторно се врати на теренот и беше стрелец на гол за својата екипа во победата над Јужна Кореја со 4:1 во осминафиналето од СП во Катар.

Нејмар после натпреварот изјави дека плачел цела ноќ после повредата на скочниот зглоб поради која мораше да пропушти два натпревари во групната фаза на Мундијалот во Катар.

„Бев доста уплашен бидејќи имав голема верба во себе после добриот старт на сезоната. Кога ќе се повредите на таков начин тоа е многу болно. После повредата плачев цела ноќ, но на крајот се испадна добро. Сонуваме за титулата но за таа цел остануваат уште три натпревари кои мора да ги добиеме“, изјави Нејмар.

Капитенот на фудбалската репрезентација на Хрватска, Лука Модриќ, во изјава после натпреварот од осминафиналето со Јапонија, вели дека екипата не беше на своето ниво, но дека покажа карактер и е пресереќен од пласманот во четвртфиналето.

Хрватска во четвртфиналето се пласира после победата над Јапонија по изведувањето на пенали откако во регуларниот дел и во продолжението резултатот беше 1:1.

„Изгледа дека ние не можеме без драма. Пресреќни сме со пласманот во четвртфиналето. Ова беше тежок натпревар против доста незгодна екипа, која претходно ги совлада Германија и Шпанија. Ние не игравме на нашето познато ниво, но имавме неколку добри шанси кои не ги искористивме“, изјави Модриќ.

Херој на натпреварот беше хрватскиот голман Доминик Ливаковиќ кој одбрани три пенали и ја одведе својата селекција во четвртфиналето каде ќе се сретне со селекцијата на Бразил.