Дани Алвеш напиша емотивна порака на социјалните мрежи откако стана јасно дека неговиот договор со Барселона нема да биде продолжен. По 30 јуни, Алвеш ќе биде слободен агент. Неговата желба беше да остане во Барса, но клубот донесе поинаква одлука.

„Време е да се збогуваме. Му посветив осум години на овој клуб, но нашите патишта се разминуваат. Се обидоа да се ослободат од мене, но не можеа. Бев толку тврдоглав и силен. Не можам да заминам без да им се заблагодарам на сите што остануваат во сенка, но ги прават нашите животи совршени: Ви благодарам.

Голема благодарност до раководството на клубот за можноста да се вратам и повторно да го облечам дресот на овој голем тим. Не можете да замислите колку сум среќен. Се надевам дека нема да ви недостасува моето лудило и постојана среќа. 23 трофеи, 2 требли – ова е крај на една прекрасна приказна и почеток на друга. Да живее Барса“, напиша Алвеш на Инстаграм.

Медиумите од Англија пренесуваат дека Ливерпул се согласи да ги плати бараните 4 милиони фунти на Абердин за десниот бек Калвин Ремзи.

Се очекува следниот викенд шкотскиот интернационалец да ги мине лекарските прегледи, по што ќе потпише петгодишен договор со тимот од Енфилд.

Ремзи ќе биде третото летно засилување на Јирген Клоп, откако клубот го купи Дарвин Нуњес од Бенфика, како и 19-годишниот играч од средниот ред на Фулам, Фабио Карваљо.

Денес се одржа ждрепката за новата сезона во Премиер лигата. Шампионот на Англија, Манчестер Сити ќе ја започне одбраната на титулата со гостување кај Вест Хем на 7 август.

Најголемиот конкурент на „граѓаните“, Ливерпул сезоната ќе ја започне против новиот Премиерлигаш, Фулам и тоа на „Кревин Котиџ“ на 6 август.

Челзи ерата со новиот сопственик ќе ја започне со гостување кај Евертон. Тотенхем го пречекува Саутемптон, додека Арсенал му гостува на Кристал Палад.

Ерик Тен Хаг ќе дебитира на клупата на Манчестер Јунајтед на „Олд Трафорд“ против Брајтон.

Новата сезона ќе започне порано поради Мундијалот во Катар, на 6-7 август и ќе биде прекината на 13 ноември откако ќе се одиграат 16 кола. Сезоната ќе продолжи на „Боксинг деј“, само осум дена по завршувањето на Мундијалот.

Раководството на Манчестер Јунајтед ја разгледува можноста да му даде уште една шанса на Ентони Марсијал во следната кампања, пренесе „Атлетик“. Првично, „црвените ѓаволи“ планираа да се разделат со Французинот и да направат напор да го привлечат Дарвин Нуњез, но Уругваецот го одбри Ливерпул.

Недостигот на друга алтернатива со добар квалитет по прифатлива цена, како и недостатокот на сериозен интерес за Марсијал на крајот доведоа до оваа одлука. Новиот менаџер на тимот Ерик тен Хаг го гледа Марсијал како играч со добри квалитети, иако во последно време не покажува добро ниво и верува дека може добро да ја заврши работата како резерва на Кристијано Роналдо.

Парите за офанзивен играч ќе бидат пренасочени за привлекување на крилен напаѓач. Со денови се споменуваше на играчот на Ајакс, Бразилецот Ентони, кој до неодамна работеше со Тен Хаг и беше ѕвезда на холандскиот гигант во последната кампања.

Двократниот освојувач на Лигата на шампионите и повратник во англиската Премиер лига, Нотингем Форест, почнал преговори со Манчестер Јунајтед за голманот Дин Хендерсон.

„Шумарите“ се надеваат дека ќе можат да го позајмат Хендерсон со опција за откуп за 20 милиони фунти (околу 23 милиони евра).

Англичанецот е дете на Манчестер. Во август 2015 година, Хендерсон го потпиша својот прв професионален договор, а по враќањето од позајмицата во Шефилд Ј., повторно не успеа да се наметне во првиот тим на „ѓаволите“.

Фудбалскиот гигант Милан после 11 години повторно стана шампион на Серија А, па сега желба на раководството е да обезбеди појачувања за наредната сезона. Планот е освен доведување на нови имиња, да се задржат играчите кои што имаа одлична шампионска сезона.

Милан веќе го обезбеди доаѓањето на Дивок Ориги, а пред трансфер е и Ренато Санчез. Имаше шпекулации дека фудбалерите Брахим Диаз и Жуниор Месијас кои настапуваат на Сан Сиро како позајмени играчи ќе бидат вратени во своите клубови, но спортскиот директор Малдини одлучи дека двајцата играчи ќе останат во тимот и наредната сезона.

Договорот на Месијас ќе биде откупен од Кротоне за сума од 5,4 милиони евра, додека Диаз ќе  одработи уште една година од позајмицата на Реал, а на крајот од сезоната ќе се одлучи дали Милан ќе го плати откупот од 22 милони евра на клубот од Мадрид.

Медиумите во Шпанија и Англија пренесуваат дека искусниот аргентински тренер Марсело Биелса е блиску до враќање во Атлетико Билбао.

Познатиот тренер го предводеше тимот од Билбао од 2011 до 2013 година, и беше еден од најзаслужните за едни од најдобрите сезони во историјата на клубот.

Атлетико Билбао со Биелса на клупата во 2012 година стигна до финалето на Лига Европа каде беше поразен од Атлетико Мадрид, а изгуби и од Барселона во финалето од Купот на кралот.

Марсело Биелса е без ангажман од февруари кога доби отказ во Лидс Јунајтед после серијата на лоши резултати.

Германскиот весник Билд ја пренесува веста дека Барселона планира нова повисока понуда до Баерн Минхен за напаѓачот Роберт Левандовски.

Новата понуда за полскиот напаѓач би можела да се очекува до крајот на викендов. Првата понуда која Барселона ја испрати до клубот од Минхен изнесуваше 32 милиони евра, но челниците на Баварците истата ја одбија. 

Иако во Баерн Минхен немаше расположение за да дозволат заминување на Левандовски од клубот, изгледа дека сега за вистинската сума трансферот ќе биде реализиран.

Англискиот премиерлигаш Манчестер Јунајтед започна преговори со данскиот репрезентативец Кристијан Ериксен за негов трансфер на „Олд Трафорд“.

Официјалниот договор на Ериксен и екипата на Брентфорд истекува на 30 јуни, и доколку се одлучи за премин во Јунајтед, тој би пристигнал како слободен играч.

„Имам различни понуди и опции кои ги разгледувам, и потоа ќе донесам конечна одлука. Би сакал повторно да настапувам во Лигата на шампиони, знам колку е возбудливо тоа натпреварување, но истото не е пресудно за мојот избор“, изјавува Ериксен.

Тренерот на фудбалерите на Тотенхем, Антонио Конте, сака да го ангажира младинскиот репрезентативец на Англија, Џед Спенс.

Десниот бек беше меѓу најдобрите играчи на Нотингем Форест кој успеа да ја оствари долгогодишната цел и да се врати во Премиер лигата.

Спенс кој има 21 година е во сопственост на Мидлсброу и настапуваше како позајмен. Се претпоставува дека „спарси“ на инсистирање на Конте ќе испратат понуда за него.