Во квалификациите во Конференциската лига Шкендија и А. Пандев почнуваат од првото квалификациско коло, додека Македонија ЃП од второто.

Денешната ждрепка во Нион сакаше Академија Пандев да добие исклучителнос илен ривал во екипата на Лехија Гдањск од Полска. Првиот меч струмичани ќе го играат на гости.

Шкендија, пак, ќе биде домаќин во првиот меч пречекувајќи го тимот на Арарат од Ерменија. Првите мечевитод првото квалификациско коло во Конференциската лига се закажани за 7, додека реваншите за 14 јули, додека втората рунда ќе се игра на 21 и 28 јули.

Фудбалерите на Шкупи ќе играат против Линколн Ред од Гибралтар во првото квалификациско коло за новото издание во Лигата на шампионите.

Тоа е состав кој во изминатата сезона играше во Конференциската лига со што стана првиот клуб од Гибралтар кој настапил во групна фаза во натпреварување под капата на УЕФА. 

Шкупи на првиот меч на 5 или 6 јули ќе ја има улогата на домаќин додека реваншот ќе биде одигран на 12 или 13 јули.

Италијанските медиуми пренесуваат дека Интер постигна договор со аргентинскиот фудбалер Пауло Дибала.

На овај начин доскорешниот играч на Јувентус, ги разби сите шпекулации околу изборот на неговиот нов клуб.

Иако Дибала имаше бројни понуди за транфер во неколку европски екипи, сепак 28-годишниот Аргентинец останува во Серија А и ќе потпише договор со Интер. Според достапните информации се очекува тој да потпише договор со важност до 2026 година, за што ќе заработува годишна плата од шест милиони евра.

Рубен Лофтус-Чик би можел да биде вклучен во понудата на Челси за дефанзивецот на Интер, Милан Шкрињар, тврди Газета дело Спорт. 27-годишниот Словак е една од главните трансфер цели на Томас Тухел, кој мора сериозно да го засили својот тим на овие позиции по разделбата со Андреас Кристенсен и Антонио Рудигер.

Сепак, Интер сака околу 70 милиони евра за Шкрињар. За да се намали оваа сума, лондончани планираат да го понудат и Лофтус-Чик. Сепак, италијанското издание сугерира дека „нероазурите“ нема да ја прифатат оваа понуда бидејќи сакаат целосна парична понуда.

Челси и Интер преговараат и за друг трансфер. „Нероазурите“ сакаат да го вратат Ромелу Лукаку, но лондончани се подготвени да го изнајмат за многу сериозна сума од околу 20 милиони фунти.

За Шкрињар е заинтересиран и Тотенхем.

Бразилскиот фудбалски ветеран, Марсело, во понеделникот ја одржа својата конференција за медиумите на која се збогува од Реал Мадрид, клубот за кој настапуваше полни 15 години и стана најтрофејниот играч во историјата на клубот.

Некогашниот негов соиграч и поранешен капитен на Реал Мадрид, Серхио Рамос, не може да ги заборави успесите кои Бразилецот ги постигна во дресот на „кралскиот клуб“.

„Брате, денес се простуваш од клубот, но твоето наследство во Реал е вечно. Ти честитам на постигнувањето на невозможното“, напиша Рамос на социјалните мрежи.

Марсело порача дека не размислува да стави крај на играчката кариера. Наводно, интерес за него веќе покажува Фенербахче кој ќе се обиде да го доведе во Истанбул.

Фулам, кој избори промоција во Премиер лигата, е во преговори со Арсенал за трансфер на голманот Бернд Лено, тврди „Скај Спортс“.

30-годишниот Германец беше стартер во Арсенал, но откако го ангажираа Арон Рамсдејл, стана втор избор за Микел Артета и имаше само осум натпревари минатата сезона. Американецот Мет Тарнер, кој ќе биде резерва на Рамсдејл, од 1 јули и официјално ќе стане играч на Арсенал. Тоа значи дека лондончани лесно можат да се разделат со Лено, кој има договор со клубот на уште 12 месеци.

Марек Родак и Пауло Газанига беа голмани на Фулам минатата сезона. Сега, сепак, Марко Силва сигурно ќе сака да го засили својот тим за Премиер лигата. Бернд Лено може да стане првото ново засилување ова лето за Фулам.

Англискиот премиерлигаш Арсенал, објави дека ја засили екипата со доведување на бразилскиот напаѓач Маркињос.

Младиот Бразилец кој има 18 години во Арсенал пристигнува од екипата на Сао Паоло. Во клубот од Лондон се задоволни од реализираниот трансфер, и се надеваат дека со Маркињос ќе обезбедат долгорочно засилување за нападот на екипата.

Рајан Гравенберх и официјално е нов играч на Баерн Минхен. Доскорешниот играч од средниот ред на Ајакс потпиша договор со Баварците до 2027 година. Неговиот трансфер во Баерн изнесуваше 18,5 милиони евра. 

„Горд сум што станав дел од семејството на Баерн. Подготвен сум за сите предизвици кои следуваат“, напиша на Твитер 20-годишниот Гравенберх.

Пари Сен Жермен е подготвен да ја зголеми понудата до Интер за трансфер на дефанзивецот Милан Шкрињар, објави „Фудбал Италија“.

Откако Интер ја одби првичната понуда на ПСЖ од 50 милиони евра за дефанзивецот, парискиот клуб е подготвен да ја зголеми таа сума. Италијанскиот тим сака да добие 70-80 милиони евра за својот играч.

Изворот вели и дека Шкрињар сака да остане во Интер, но тој е свесен за финансиските потреби на клубот и нема да има ништо против да се пресели во Париз доколку се договорат сите услови од договорот меѓу двата клуба.

Шкрињар дојде во Интер во 2017 година. Минатата сезона на 47 натпревари во сите натпреварувања, словачкиот играч стана автор на четири гола. Договорот на Шкрињар со Интер е до крајот на следната сезона.

Фудбалската репрезентацијата на Австралија успеа да се пласира на Светското првенство во Катар. Популарните „Сокероси“, во баражот за пласман на СП ја победија селекцијата на Перу и петти пат по ред успеаја да се пласираат на фудбалски мундијал.

Натпреварот после регуларниот дел и продолженијата заврши без голови, па патникот за Катар беше одлучен после изведувањето на пеналите. Херој во селекцијата на Австралија беше голманот Редмејн кој успешно одбрани пенал во шестата серија.

Австралија во Катар ќе игра во групата Д, каде се наоѓаат селекциите на Франција, Данска и Тунис.