Новинарот Фабрицио Романо пренесува дека Интер од Милано е сериозно заинтересиран за дефанзивецот на Фиорентина Никола Миленковиќ.

24-годишниот централен дефанзивец и во претходните сезони беше трансфер мета на голем број клубови од Италија и Англија, но Миленковиќ одлучи да остане во Фиорентина каде пристигна од Партизан во 2017 година.

Моменталната пазарна вредност на фудбалерот е 20 милиони евра. Неговиот договор со Фиорентина истекува во јуни 2023 година.

Францускиот претседател, Емануел Макрон изрази желба легендата Зинедин Зидан да стане тренер на „голем француски клуб“. Зизу моментално е без работа како тренер, а Пари Сен Жермен најверојатно наскоро ќе има нов тренер. Во моментов тренер на ПСЖ и официјално е Аргентинецот Маурисио Почетино, кој има договор со клубот до 2023 година, но се чини дека Французите не сметаат дека тој е вистинската личност за тимот.

„Не, не сум разговарал со него (Зидан), но многу му се восхитувам како играч и тренер“, изјави Макрон за RMC Sport. „Тој ја освои Лигата на шампионите три пати, а тоа е нешто што го сакаме за нашите клубови. Сакам да се врати и да ја промовира Франција. Се надевам дека Зидан ќе се врати и ќе стане тренер на голем француски клуб. Тоа би било прекрасно и би имало голем позитивен ефект врз француското првенство и Франција“, продолжи Макрон.

„Мојата улога е да кажам дека Франција е голема спортска и фудбалска нација, дека тука има прекрасни луѓе кои го сакаат овој спорт. За нас е важно да се вратат добрите играчи што ги трениравме овде и кои потоа блескаат на меѓународната сцена“, рече Макрон.

Фудбалските фанови од Израел ќе можат да заминат на Мундијалот во Катар иако двете земји немаат дипломатски односи, соопшти израелското Министерство за надворешни работи.

Министерот, Жаир Лапид, зборуваше за „дипломатски успех кој ќе ги израдува навивачите“ откако објави дека добил потврда за случајот од Меѓународниот фудбалски центар (ФИФА).

Израел не се квалификува за интерконтинеталниот собир но, Светското првенство „ни отвора уште една врата за топла, нова врска“, рече Лапид.

Македонската фудбалска репрезентација доживеа убедлив пораз од Грузија во Скопје со резултат 0:3 во Лигата на нации. Овај пораз ја намали шансата Македонија да го освои првото место во групата, и повторно преку бараж да се бара пласман на ЕП 2024 година.

Селекторот на репрезентацијата Благоја Милевски, после натпреварот изјави дека ова е максимумот на селекцијата во моментов.

„Сакам да им честитам на Грузија на победата кој е сосема заслужена. Македонија имаше контрола до 50.минута од натпреварот но потоа се случи голем пад пред се на физички план. Ова е нашиот максимум во овој момент. Жалам што не успеавме да постигнеме гол во периодот кога имавме доминација на теренот. Денеска сите противници играат добар фудбал и мора да се респектираат“, изјави Милевски.

Репрезентативецот на Македонија, Дарко Чурлинов даде свои мислење за поразот во натпреварот со Грузија од 0:3 во Скопје. 

Според Чурлинов, Грузијците успешно ги искористиле грешките на Македонија. 

„Ние имавме две или три грешки кои Грузија одлично ги искористи во вториот дел од натпреварот. Сега е потребно да ги средиме главите и да издвојуваме победа над Гибралтар. Тоа ќе ни биде последен натпревар овај месец и мора да славиме. Ни недостигаше подобра завршница на нашите акции со Грузија. На вакви натпревари треба да сме подобро фокусирани“, потенцира Чурлинов. 

Голгетерот на Ливепул доби најмногу гласови од колегите од најсилниот фудбалски ранг на натпреварување во Англија.

Во изборот на Професионалната асоцијација на играчи (ПФА), Мохамед Салах е избран за најдобар играч на сезоната во Премиер лигата. Ова е второ вакво признание за репрезентативецот на Египет, откако го заслужи за игрите во сезоната 2017-2018.

Одличниот напаѓач на актуелниот вицешампион на Европа, овојпат го освои за 25 гола и 13 асистенции во загубената трка со Манчестер Сити за титулата островски шампион.

Тој заедно со Сон од Тотенхем ја подели Златната копачка, односно наградата за најдобар стрелец.

Салах е вкупно деветти играч во историјата на Премиер лигата кој двапати добил најмногу гласови од колегите.

Во анкетата на ПФА за најдобар млад играч е прогласен Фил Фоден од Манчестер Сити.

Езџан Алиоски е блиску до договор со турскиот шампион Трабзонспор, објави турскиот новинар Халук Ајилдиз.

Трабзонспор по пауза од 38 години стигна до трофејот во турската Суперлига, а сега повторно ќе тргне по услугите на Алиоски, кого сакаше да го купи и минатото лето.

Алиоски треба да биде добро засилување за турскиот гигант, кој следната сезона ќе игра во Лигата на шампиони (ЛШ), па мора да ја засили екипата. Засега преговорите се во почетна фаза, а се очекуваат дополнителни разговори во текот на следната недела, по што ќе биде појасно дали Алиоски ќе остане во Ал-Ахли или ќе замине во Турција.

Буџетот на ПСЖ за летниот преоден рок ќе биде во висина од 80 милиони евра.

Парижаните сега можат да потрошат 80 милиони евра за новајлии, но буџетот за трансфери може да се зголеми доколку клубот продаде еден од постоечките играчи.

35 милиони евра од овие 80 милиони ПСЖ веќе потроши за откуп на дефанзивецот, Нуно Мендеш од Спортинг.

Манчестер Сити им соопшти на заинтересираните клубови по која цена е подготвен да се раздели со напаѓачот Габриел Жесус. „Граѓаните“ се подготвени да го ослободат Бразилецот доколку добијат понуда вредна 50 милиони евра.

Фудбалерот речиси сигурно ќе го напушти „Етихад“ ова лето. Манчестер Сити веќе ангажираше двајца играчи Ерлинг Халанд и Јулијан Алварез, па Хесус ќе има многу помали шанси да игра доколку остане во клубот. На крајот и двете страни решија дека е најдобро да се разделат, па Сити веќе бараат купувач за овој играч. Згора на тоа, неговиот договор истекува за една година, па сега е најдобро време да го продаде за да може клубот да ја земе максималната сума. Неодамна се појавија информации дека Жесус им бил понуден на шпанските гиганти Реал Мадрид и Барселона, а интерес за него покажал Реал Мадрид.

Пред извесно време Бразилецот се поврзуваше и со Јувентус, но се чини дека „Старата дама“ се откажа од идејата за неговото привлекување. Во моментов најсериозен кандидат за 25-годишниот напаѓач е Арсенал. „Топчиите“ дури почнаа и разговори за негово привлекување. Сепак, Манчестер Сити се надева на друг кандидат од странство бидејќи не сака да го продаде Жесус на директен конкурент во Англија.

ФИФА објави дека стадионите на кои ќе се играат натпреварите на Светското првенство во Северна Америка во 2026 година ќе бидат објавени на 16 јуни. Новиот формат на првенството во 2026 година ќе вклучува 48 екипи, а првенството ќе има 80 натпревари – 60 во САД и десет во Канада и Мексико.

Соопштението на градовите ќе се пренесува во живо од Њујорк. Само три града во Канада – Торонто, Едмонтон и Ванкувер и во Мексико (Мексико Сити, Гвадалахара и Монтереј) се уште се на листата.

Во последната фаза во игра се 17 стадиони во САД, од кои ќе бидат избрани 11. Листата на американски кандидати ги вклучува Атланта, Бостон, Синсинати, Далас, Денвер, Хјустон, Канзас Сити, Лос Анџелес, Нешвил, Њујорк / Њу Џерси Орландо, Филаделфија, Сан Франциско, Сиетл, Вашингтон и Балтимор.