Капитенот на Пари Сен Жермен, Маркињос има повреда на тетивата,
потврди тој по натпреварот помеѓу Бразил и Аргентина.
Ова е причината поради која дефанзивецот беше заменет на паузата.
По средбата самиот фудбалер призна дека е под сериозен знак
прашалник за претстојниот натпревар против Монако во петок
навечер.
„Ќе биде тешко да играм против Монако. Се надевам дека ќе се
вратам што е можно побрзо“, изјави самиот тој по средбата за
„Л‘Екип“.
Надежите на тренерскиот тим на ПСЖ е дека повредата на играчот
нема да биде сериозна и тој ќе биде во ред за дуелот со Њукасл во
вторник навечер. Се очекува Данило Переира ќе го заземе местото на
Маркињос додека тој е отсутен од екипата.

ПСЖ ќе треба да уплати во касата на УЕФА 98.000 евра поради инцидентите на мечот со Милан во Лигата на шампионите одигран на 25 октомври на „Паркот на принцовите“.

Од нив, 75.000 евра за чадни бомби, 18.000 евра за блокирање патеки на трибините и 5.000 евра поради влегувањето на навивачи на теренот. Згора на тоа стадионот на парискиот клуб ќе биде делумно затворен за европските натпреварувања.

Казна од 23.000 евра е одредена и за тимот од Италија откако неговите фанови користеа чадни бомби а беа инволвирани и во инцидентите пред мечот.

Англиските фудбалски состави Арсенал и Њукасл, имаат намера да го вратат Рубен Невеш во Премиер Лигата.

Поранешниот играч од средниот ред на Вулверхемптон во текот на летото се пресели во Саудиска Арабија во Ал Хилал заедно со Нејмар, Калиду Кулибали и Александар Митровиќ. Неговиот тим е на врвот на табелата по 13 натпревари со четири бодови повеќе од Ал Наср за кого играат Садио Мане и Кристијано Роналдо.

Португалскиот играч од средниот ред има 253 мечеви за Вулверхемптон со ефект од 30 погодоци и 13 асистенции.

Фудбалерот на Манчестер Јунајтед,  Лук Шо, по три месеци пауза поради повреда, конечно се врати во тренинг процес.

Левиот бек гледано од месец август, мораше да пропушти 16 мечеви на „црвените ѓаволи“ во сите натпреварувања како и шест средби за селекцијата на Англија. Иако се очекуваше Шо да биде надвор од терените краток период, сепак, неговата повреда се покажа како многу посериозна.

Во негово отсуство, бековската позиција ја покриваа: Серхио Регијон, Диого Далот и Софијан Амрабат.

По натпреварот кој го одбележаа инциденти и победата на Аргентина над Бразил, Лионел Скалони ги изненади Аргентинците најавувајќи заминување од клупата.

Скалони одлично ја води Аргентина, им го донесе мундијалскиот трофеј во Катар, а селекцијата игра одлично и во квалфиикациите за наредното Светско првенство (2026). Сепак, како што вели Скалони притисокот врз него да продолжи да го одржи тимот на вакво високо ниво е преголем. За својата иднина тој веќе разговарал со фудбалерите и претседателот.

„Во оваа прилика би сакал да кажам една важна работа. Морам многу да размислам во овој момент, треба да одлучам што ќе правам и каков ќе биде мојот следен потег. Не е мое заминување, меѓутоа морам да размислам на иднината.

Границата е поставена многу високои и тешко е да продолжите да победувате. Нашите играчи заслужуваат селектор кој секогаш ќе носи со себе максимална енергија. Ова им го кажав на фудбалерите и претседателот“, изјави Скалони.

Интересно е што по ваквото обраќање Скалони не дозволи новинарите да му поставуваат прашања, туку стана и си з

Поранешниот турски репрезентативец Арда Туран откри во медиумите дека останал без пари откако бил измамен од банкарка.

Поранешната ѕвезда на Атлетико Мадрид и Барселона раскажа за измамничка шема која ја водела извесна Сеџил Ерзан.

„Ме измами. Таа ме намами со зборовите дека кој и да инвестира во фондот што таа го управува ќе заработи добри пари. И дадов повеќе од 13.000.000 евра“. Сфатил дека е измамен кога веќе било доцна.

„Таа ги зеде сите пари што ги заработив и ме измами. Сe што заработив во текот на мојата кариера исчезна“, додаде Туран.

Истрагата на турската полиција открила дека Туран не е единствениот фудбалер кој останал без милиони. \Жртви биле и Фернандо Муслера, Емре Белозоглу, Емре Чолак како и тренерот Фатих Терим.

Џејдон Санчо е во потрага по нов клуб откако влезе во конфликт со тренерот Тен Хаг и сака да го напушти Манчестер Јунајтед.

Англичанецот влезе во расправија со тренерот Тен Хаг па дури и не тренира со првиит тим и јасно е дека во јануари ќе ја промени средината. Јунајтед сака по секоја цена да се ослободи од Санчо и е спремен да го пушти на позајмица плајќајќи дел од неговата плата.

Најсилен интерес за него покажува Јувентус, кој веќе стапил во контакт со Манчестер Јунајтед и започнал преговори со англискиот клуб.

„Бјанконерите“ го сакаат Санчо во јануари на позајмица со право на откуп на крајот на сезоната.

Рафаел Варан во последно време се помалку добива шанса за игра за
кај Ерик Тен Хаг и во главно е на клупата за резерви.
Французинот веќе донел одлука да го напушти „Олд Трафорд“ во
јануари, а Јунајтед е спремен да го пушти доколку пристигне понуда
од 20 милиони евра. Варан има богати понуди од Саудиска Арабија,
но сака да остане во Европа и да игра врвен фудбал.
Последните информации се дека силен интерес за него покажува
Баерн Минхен, кој бара засилување во одбраната.
Баерн нема да има проблем да ја плати бараната сума и наскоро ќе
почне преговори со агентот.

Комплетот од шест дресови кои ги носеше Лионел Меси на Светското фудбалско првенство 2022 во Катар ќе биде продаден на аукција идниот месец, објави аукциската куќа „Сотби“, проценувајќи ја нивната вредност на повеќе од десет милиони долари.

На аукција ќе биде ставен и дресот со кој Меси ја подигна светската титула, единствениот трофеј кој му недостасуваше во неговата блескава кариера, откако Аргентина во мундијалското финале ја совлада Франција.

На патот до титулата во Катар, аргентинскиот капитен го носеше сино – белиот дрес во групната фаза против Саудиска Арабија и Мексико, во осминафиналето против Австралија, во четвртфиналето против Холандија и во полуфиналето против Хрватска.

„Сотби“ соопшти дека станува збор за непроценлива збирка која очекува на интернет аукцијата од 30 ноември до 14 декември да достигне цена повисока од десет милиони долари што бил рекорден износ платен за спортски сувенир.

Најскапо продадениот дрес на аукција досега е дресот кој легендарниот американски кошаркар Мајкл Џордан го носеше во финалето против Чикаго во 1998 година. Дресот во септември лани беше продаден за 10.1 милиони долари.

Аукциската куќа „Сотби“ прецизираше дека дел од приходот од продажбата на колекцијата дресови на Меси ќе биде дониран за проектот UNICAS кој го води детската болница „СЈД“ во Барселона со поддршка на „Фондацијата Лео Меси“ за потребите за деца заболени од ретки болести.

Роналдињо должи многу пари на државата, па властите наредија да се проценат два негови имоти во Рио де Жанеиро и Гранде до Сул, се со цел да му се наплатат долговите.

На крајот од својата играчка кариера, играчите често не успеваат да најдат нов начин на живот. Влегуваат во бројни проблеми, трошат пари и многу брзо прогласуваат банкрот. За жал, истата судбина го снајде и Роналдињо, а работите да бидат уште полоши за легендарниот Бразилец, тој влезе и во судир со законот.

Уште во ноември 2018 година, Роналдињо за прв пат се појави на суд во Бразил. Потоа му бил одземен пасошот, а заедно со неговиот брат морал да плати голема казна за контроверзните афери на неговата хуманитарна организација. Бидејќи неговите сметки биле замрзнати, властите му го заплениле луксузниот автомобил и неколку уметнички дела.

Роналдињо должи многу пари на државата, па властите наредија да се проценат два негови имоти во Рио де Жанеиро и Гранде до Сул, се со цел да му се наплатат долговите.

Неодамна беше покрената уште една истрага против Роналдињо поради малверзациите околу компанијата „18K Ronaldinho“, која се занимаваше со криптовалути. Наводно, легендарниот фудбалер на тој начин заработил над 60.000.000 долари.