Саудиска Арабија продолжува со агресивно влегување во сите пори на врвниот спорт. Откако летово почна да станува важен играч на светската фудбалска карта, сега Саудиска Арабија се обидува да пушти „корења“ и во професионалниот тенис.

Како што објавија неколку шпански весници, Саудијците оваа година ќе го организираат финалето на турнирот за млади надежи „Next Gen“ (28 ноември до 2 декември), кој ги собира осумте најдобри тенисери до 21 година, но отпочна проект и за купување на лиценците на неколку Мастерс турнири.

Според информациите, Арапите се во прва фаза на преговори за купување на лиценците за организацијата на АТП Мастерс турнирите од серијата 1000 во Мадрид и Мајами. И двете лиценци се во рацете на компанијата ИМГ, која може да се одлучи за продажба.

Саудиските власти повеќе од една година водат разговори со преставници на високи тениски позиции за можни инвестиции. На влегувањето на Саудиска Арабија во тенисот се гледа позитивно, бидејќи на овој начин и АТП и ВТА би избегнале создавање на паралелно натпреварување, како што се случи во голфот.

Екипата на Мајнц и официјално му го раскина договорот на холандскиот интернационалец, Анвар Ел Гази, поради неговите јавно искажани ставови со поддршка за Палестина.

Откако фудбалерот првиот пат напиша објава на социјалните мрежи со осуда за Израел и поддршка за Палестина, тој беше суспендиран, но веднаш го избриша напишаното, а после една недела беше вратен во екипата.

Сепак, тој повторно се јави на социјалните мрежи и напиша дека не се кае за напишаното и останува неговата отворена поддршка за палестинскиот народ. После ова следуваше експресна реакција на Мајнц, од каде му го раскинаа договорот и сега тој е слободен фудбалер.

„Мајнц го раскинува договорот со Ел Гази и одлуката стапува на сила веднаш. Клубот ја презеде оваа мерка како одговор на изјавите на фудбалерот на социјалните мрежи“, стои во соопштението на бундеслигашот.

Фудбалската асоцијација на Англија започна своја истрага против играчот на Њукасл, Сандро Тонали.

Италијанецот неодамна доби суспенција од 10 месеци поради нелегално обложување, кое го правел додека го носеше дресот на Милан. Сега раководните луѓе на Англија сакаат да дознаат дали Тонали продолжил да се обложува после трансферот во Њукасл кој се случи во јули.

Ако се обложувал, 23-годишниот фудбалер може да добие дополнителна казна и Њукасл подолго време нема да може да смета на засилувањето од 70 милиони евра.

Самиот Тонали и неговиот агент признаа дека играчот е зависен од коцкање и веќе започна процесот на лечење и одвикнување.

Италијанските медиуми пренесуваат дека два клуба од Саудиска Арабија се силно заинтересирани за Пауло Дибала.

Дибала има договор со Рома до 2025 година, но би можел уште во јануари да го напушти клубот. Клубовите од Саудиска Арабија нема да жалаат пари за да го доведат во своите редови и му нудат астрономска плата.

Двата клуба се спремни да понуда 35 милиони евра за да го добијат потписот на Дибала, па оостануав да се види како ќе реагира Рома.

„Волчицата“ ќе се обиде да го задржи Аргентинецот на средина од сезоната, но е спремна да го продаде на лето.

ПСЖ е сериозно заинтересиран за ѕвездата на Милан, Рафаел Леао, пренесуваат италијанските медиуми.

Португалецот се етаблираше во еден од најдобрите млади фудбалери во Европа и го привлече вниманието на многу европски гиганти. Откако стана јасно дека Мбапе нема да го продолжи договорот и на лето заминува како слободен агент, ПСЖ бара замена за прв избор е Рафа Леао.

Португалецот пред неколку месеци стави потпис на нов договор, но ПСЖ е спремен да испрати понуда која не се одбива.

Имено, „светците“ се спремни да понудат 120 милиони евра за потписот на Португалецот, сума која Милан нема да може да ја одбие.

Хакан Чалханоглу неодамна стави потпис на нов договор со Интер, но на лето би можел да го напушти клубот.

Имено, Тотенхем покажува силен интерес за турскиот репрезентативец и е спремен да понуди 50 милиони евра за неговиот потпис. Интер не сака да се раздели со Чалханоглу, но нема да може да ја одби оваа понуда бидејќи е чиста заработка со оглед на фактот дека играчот пристигна без обештетување.

„Нероаѕурите“ имаат финансиски проблеми, па ова лето го продадоа Андре Онана за истата сума, што исто така беше чиста заработка.

Чалханоглу е отворен за преселба во Премиер лигата, а Тотенхем му нуди многу повисока плата од актуелната.

Според последните информации од српските медиуми, Александар Митровиќ нема да настапи на натпреварот против Бугарија во квалификациите за пласман на ЕП.

Натпреварот против Бугарија е последен за Србија во квалификациите и тие не смеат загубат ако сакаат да не се најдат во проблеми, па затоа можеби е и најважен.

Евентуалното отсуство на Митровиќ секако би било проблем за селекторот Пикси. Митровиќ почувствувал болка на еден од тренинзите и ќе го пропушти следниот натпревар на Ал Хилал.

Исто така во натпреварот против Бугарија Србија ќе биде и без поддршка од домашната публика поради казната која ја доби од УЕФА.

Спортскиот директор на Интер, Пјеро Аусилио потврди дека Самир Хандановиќ ќе се врати во клубот, но сега се уште не е јасно каква ќе биде неговатау лога.

Словенецот помина 11 години во Интер пред да стави крај на кариерата. Сега Хандановиќ ќе се врати во клубот и ќе работи во нова улога, но допрва ќе треба да се одлучи во каква улога ќе биде. Според „ТМВ“, Хандановиќ има неколку опции, едната е да биде тренер на младите голмани, другата да работи како скаут и да му помага на тимот.

Истовремено тој ќе учи и да биде директор за во иднина да преземе некоја функција во клубот.

Јувентус постигна договор со Мануел Локатели за продолжување на соработката и плејмејкерот наскоро ќе стави потпис.

Локатели во 2021 година пристигна во Јувентус од Сасуоло за 45 милиони евра, но во првите две сезони играше просечно. Оваа сезона Локатели се етаблираше во лидер на средниот ред и е незаменлив во тимот на Алегри.

Јувентус е задоволен од игрите на 25-годишниот Италијанец и понуди нов договор до јуни 2028 година.

Последните информации се дека е постигат начелен договор и Локатели наскоро ќе стави потпис а нов договор со повисока плата.

Тренерот на фудбалерите на ПСЖ, Луис Енрике, објасни што му треба на Килијан Мбапе за да ја освои наградата  „Златна топка“.

„Покрај неговите одлични индивидуални настапи, мора да освојува трофеи на клупско и национално ниво. Сигурен сум дека ќе освои многу Златни топки“, изјави Енрике.

Мбапе во годинешново рангирање на Франс Фудбал го освои третото место. Наградата заврши по рекорден осми пат во рацете на Лео Меси.