Напаѓачот на Милан, Лука Јовиќ наскоро би можел да потпише договор со Галтасарај.

Пред неколку дена започнаа шпекулациите дека актуелниот шампион на Турција сака Јовиќ да го замени повредениот Маури Икарди. Аргентибецот заработи тешка повреда, поради која ја заврши сезоната, против Тотенхем во Лига Европа.

Наводно, Галата сака да го доведе Јовиќ на позајмица со можност за откуп на крајот од сезоната.

Србинот не е во преден план кај Пауло Фонсека, што потврдува податокот дека од почетокот на сезоната на теренот минал само 78 минути.

Јовиќ е свесен дека нема да игра во Милано, а во Галатасарај би можел да игра во тандем со Виктор Осимен.

Тој наводно е отворен за заминување во Истанбул, па се очекува наскоро клубовите да постигнат договор, а фудбалерот официјално од 1.јануари 2025 година да стане играч на Галатасарај.

Начо Фернандез помина 23 години во Реал Мадрид. Летово, на 34 години рече дека му е доста и се пресели во Саудиска Арабија, во Ал Кадиси.

Начо нема намера да се врати во Реал. Приказната е актуелна деновива откако Реал остана без тројца играчи од одбраната поради тешки повреди.

„Нека му дадат шанса на дете од клупската академија, сега е шансата. Мора да ги проверите тие момци од академијата во одреден момент, да им дадете шанса. Ако тренерот и клубот се храбри, тогаш сега е вистинската можност за нив “, вели Начо Фернандез.

„Никој од Реал не ми се јавил. Што ако ми се јават? Не ни размислувам за тоа. Кога си заминав знаев дека повторно ќе одиграм 30-40 натпревари во мојот нов клуб, но тоа не ме предомисли. Среќен сум овде“, изјави Начо за KOPE.

Тој нема проблем да каже зошто отишол во Саудиска Арабија.

„Нема да лажам, овде заработувам многу повеќе пари отколку во Реал Мадрид. Не дојдов само за тоа, сакав да доживеам ново искуство во мојот живот. Но, немам намера да се расправам со некој што вели дека сум дошол за пари“.

Кога станува збор за Реал и засилувањата во одбраната, Начо има уште еден предлог за челниците на клубот.

Напаѓачот на Барселона, Ансу Фати доживеа нова повреда.

Момчето кое го нарекуваа „новиот Меси“, Барселона дури и му ја даде „десетката“ кога Аргентинецот замина во ПСЖ, нема среќа со повредите. Шпанските медиуми објавија дека на денешниот тренинг, Ансу Фати ја повредил тетивата. Прогнозите се дека ќе паузира еден месец.

Од друга страна, ова не е изненадување со оглед на тоа што минатата година лекарскиот тим на Барселона се обиде да го убеди Фати да оди на операцијаж за да го реши проблемот, Фати одби и реши да се лекува со алтернативни методи, токму таа повреда ја обнови на денешниот тренинг.

Се чини дека можеби на овој начин се збогуваше од Барселона, бидејќи планот на клубот е да го продаде или да го испрати на позајмица во зимскиот преоден рок.

Фати е дете на Барселона, тој експлодираше под водство на Ернесто Валверде, но сето тоа тргна во надолна линија откако тој доживеа сериозна повреда на лигаментите во ноември 2019 година.

Тој направи три операции, паузираше повеќе од една година, а кога се врати не успеа да дојде и блиску до формата во која беше.

Во пресрет на утрешниот натпревар против Летонија од 5. коло во групата од Лига на нации, прес-конференција одржаа селекторот на македонската репрезентација, Благоја Милевски и голманот Столе Димитриевски.

Благоја Милевски, селекторот на репрезентацијата на Македонија на прес-конференцијата рече:

„Максимален респект за Летонија. Воопшто не треба да не залажува резултатот од првиот меч, одиме максимално, одговорно кон нов добар резултат. Имам потенцирано многу пати дека овие момци, без разлика што им се случува во клубовите, повреди, натпреварувачка форма која е лоша, кога доаѓаат за репрезентација даваат 100%. Нивниот карактер како играчи, но и како личности се перфектни и тоа им помага кога доаѓаат на собир на репрезентација да бидат на највисоко ниво. Тоа што им се случува во клубовите не е во наша моќ, но по она што го покажуваат во репрезентацијата јас имам само пофални зборови. Секој си има план и подготовка. Спремни сме на се она што не очекува околу утрешниот противник. На нас самите е да одиграме. Ме радува што за нештата сами одлучуваме.

Морам да го истакнам задоволството од она што го видов како информација на терен што се однесува до новите фудбалери во тимот. Имаат потенцијал за да бидат дел од овој тим“.

Поранешниот тренер на Манчестер јунајтед, Оле Гунар Солскјер, призна дека враќањето на португалскиот напаѓач Кристијано Роналдо во тимот било грешка.

Можеби тоа беше погрешен избор за сите нас. Но, во тоа време почувствувавме дека тоа е вистинската одлука. Првото нешто што Киеран Мекена (асистент на Солскјер во Манчестер јунајтед) го кажа: „Како ќе се браниме?“, рече Солскјаер.

Роналдо се врати во Манчестер јунајтед од Јувентус во летото 2021 година и играше до ноември 2022 година.

Во текот на сезона и половина, Португалецот одигра 54 натпревари, постигна 27 гола и направи пет асистенции.

Во јануари 2023 година, Роналдо потпиша договор со Ал-Наср од Саудиска Арабија.

Фудбалерот на Тотенхем, Родриго Бентанкур ќе биде казнет од ФА поради расистички коментари.

Во јуни, во една ТВ-емисија во неговата татковина, Бентанкур беше запрашан дали има дрес од неговиот соиграч Сон, тој одговори: „На Сони? Тоа може да е и на неговиот братучед затоа што сите Корејци се горе-долу исти“.

Набргу потоа, уругвајскиот играч од средниот ред се извини на социјалните мрежи на Сон, признавајќи дека тоа било „несмасна шега“ и дека „никогаш не сакал да го навреди или повреди“.

ФА е блиску до одлука за случајот, бидејќи забраната на Бентанкур се уште не е официјализирана, но според „Дејли Мејл“ тоа ќе биде седум или повеќе натпревари.

Ова секако ќе биде сериозен удар и за играчот и за Тотенхем и за тренерот Анже Постекоглу.

Селекторот на Летонија, Паоло Николато, пред утрешниот дуел со Македонија во Скопје најави агресивно ниво на игра на својата репрезентација и обид да се направи изненадување.

„Македонија е одличен тим, но ние мора да ја играме нашата игра, да се потрудиме да ја наметнеме нашата филозофија, и секако да се обидеме да извлечеме максимум. Барам од моите играчи агресивност на високо ниво, барам правилен пристап. Ние сме пласирани 80% но сепак, сеуште не е готово. Македонија е добар тим, но ние сме задоволни како одигравме на тие дуели иако загубивме. Сакаме да се натпреваруваме, немаме намера да се оптеретуваме со еден или два меча. Се фокусираме исклучиво на нашата игра. Не се оптеретуваме премногу со противникот. Сакаме да играме фудбал, тоа е нашиот пристап. Работам со овој тим од март, нормално дека ќе смениме нешто, ќе направиме некакви измени, и ќе го направиме најдоброто за Летонија како тим во моментов“ рече селекторот на Летонија.

Барселона продолжува напорно да бара замена за Роберт Левандовски. Каталонскиот клуб бара замена за напаѓачот кој следното лето ќе наполни 37 години, пишува „Диарио Спорт“.

Приоритетна опција е трансферот на Ерлинг Халанд од Манчестер Сити, но тоа е малку веројатно поради тешката финансиска ситуација во клубот. Токму поради оваа причина, тимот размислува за други опции, далеку поевтини играчи.

Како алтернативни кандидати се сметаат Виктор Ѓокереш од Спортинг Лисабон и Омар Мармуш од Ајнтрахт Франкфурт.

Во последниот споменат играч, скаутите на Барса гледаат сестран играч способен да игра на три напаѓачки позиции. Во тековната сезона во Бундеслигата, 25-годишниот играч од Египет одигра 10 натпревари на кои постигна 11 голови и 7 асистенции.

Напаѓачот на Интер Мајами, Лионел Меси, се очекува да остане во МЛС тимот до крајот на неговиот договор во 2026 година поради претстојното Светско првенство во 2026 година, кое ќе се одржи во САД, Канада и Мексико, објави „Талкспорт“.

Според изворот, и покрај елиминацијата на тимот од Флорида од плеј-офот на американската МЛС лига оваа сезона, Меси сака да продолжи да учествува во успешниот проект на сопственикот на клубот Дејвид Бекам. Самиот светски шампион од СП 2022 во Катар најави дека тимот има амбиции да се претстави подобро следната сезона, што само по себе значи дека и самиот се подготвува за нови успеси со „чапјите“.

Меси му се приклучи на Интер Мајами во летото 2023 година како слободен играч откако го напушти Пари Сен Жермен како слободен играч. За тоа време, Аргентинецот одигра 39 натпревари за тимот од Флорида, во кои постигна 34 гола и 19 асистенции и освои два трофеи – Лига купот, како и „Сапортерс Шилд“, кој се доделува на победниците на конференциите по завршувањето на регуларниот дел од сезоната.

Македонската женска А репрезентација на извлекување во УЕФА за новото издание на Лигата на нации за противници ги доби селекциите на Летонија и Косово во рамките на групата 6 од Ц сегментот.

УЕФА дополнително ги утврди термините за одигрување на натпреварите од Лигата на Нации.

Во продолжението можете да го погледнете распоредот на натпреварите од групата 6 од Ц лигата во рамките на Лигата на нации.

Македонија – Косово 21.02.2025
Косово – Летонија 25.02.2025
Македонија – Летонија 04.04.2025
Косово – Македонија 08.04.2025
Летонија – Македонија 30.05.2025
Летонија – Косово 03.06.2025