Почесниот претседател на Баерн Минхен, Ули Хенес не може да поверува како Барселона сака да го купи Роберт Левандовски кога тоне во долгови.

Хенес тврди дека со такви долгови Барселона одамна ќе банкротирала ако била во Германија.

„Барселона сака да го привлече Левандовски во ситуација кога има долгови од 1,3 милијарди евра. Ако беа во Германија ќе банкротираа одамна. Каматите само им се натрупуваат, тонат во долгови, а испраќаат понуда за Левандовски“, изјави Хенес.

Хенес потоа додаде дека Левандовски има договор со Баерн на уште една година и клубот нема да дозволи тој да замине и нема да прифати никаква понуда.

Претседателот на Реал Мадрид, Флорентино Перез, изрази големо разочарување од неуспехот со доведувањето на Мбапе, но клубот од „Сантијаго Бернабеу“ продолжува со потрагата по нови засилувања.

Според информациите од Англија, „кралскиот клуб“, тргнал по ангажман на Рахим Стерлинг од Манчестер Сити и за него се спремни да издвојат 50 милиони евра.

Англискиот репрезентативец влегува во последната година од договорот со Сити, и нема очигледни назнаки дека клубот ќе му предложи нов договор. Ова лето ќе биде последна шанса за клубот да добие заработка од Стерлинг, пред тој да стане слободен играч.

Шпанскиот весник „Мундо Депортиво“ повикувајќи се на на свои извори, пренесува дека постојат големи шанси Усман Дембеле да ја напушти Барселона на крајот од летово.

Информациите велат дека менаџерот на 24-годишниот Французин оваа недела ќе направи уште една средба со челниците на Барселона околу евентуален нов договор, но по се изгледа каталонците нема да ги прифатат високите финансиски барања на играчот.

Наводно, Дембеле имал богата понуда од ПСЖ, и во него гледаат вистинска замена за Анхел Ди Марија кој го напушти клубот од Париз.

ПСЖ сериозно се вклучи во трката за играчот од средниот ред на Барселона, Френки де Јонг, пренесуваат шпанските медиуми.

Барселона е во финансиски проблеми, па е спремна да го продаде 24-годишниот плејмејкер ова лето доколку пристигне понуда од 75 милиони евра.

Како фаворит за неговиот потпис важеше Манчестер Јунајтед, бидејќи Де Јонг е најголема желба на Тен Хаг.

Холанѓанецот одлично го познава Де Јонг бидејќи заедно работеа во Ајакс и плејмејкерот својата фудбалска афирмација ја доживеа токму под негово раководство.

Меѓутоа, сега ПСЖ се вклучи во трката и сака да го „укаре“ играчот пред носот на Јунајтед бидејќи „светците“ се спремни да понудат 75 милиони евра во кеш.

Според објавата во германските медиуми, германскиот клуб Штутгарт, за евентуална продажба на Дарко Чурлинов ќе бара три милиони евра. 

Македонскиот репрезентативец игра како позајмен играч во Шалке 04, кој изрази желба да го задржи во своите редови и по завршетокот на сезоната. Одличните игри на Чурлинов ја зголемија неговата пазарна вредност, и сега останува да се види дали Шалке ќе се одлучи да ги исплати потребните средства на Штутгарт кој има договор со фудбалерот до 2024 година.

Дефанзивецот на Наполи, Калиду Кулибали е на радарот на Јувентус, пренесe „Тутоспорт“. „Старата дама“ бара замена за Џорџо Киелини, кој се разделува со „бјанконерите“ по 17 години верна служба во клубот.

Кулибали веќе стекна доволно искуство со дресот на Наполи во Серија „А“, со тоа што договорот на Сенегалецот со „небесно сините“ истекува во летото 2023 година. Кулибали е трансфер цел и на шпанскиот гигант Барселона.

Сенегалецот настапува за Наполи од 2014 година, кога италијанскиот клуб го купи од белгиски Генк. Кулибали моментално е проценет на 45 милиони евра. 30-годишниот централен дефанзивец има три гола и три асистенции на 34 натпревари на сите турнири во сезоната 2021/22.

Ерик тен Хаг ја одржа првата прес-конференција како менаџер на Манчестер Јунајтед.

Во неa, Холанѓанецот зборуваше за мотивите за прифаќање на овој предизвик, потенцијалот на играчите кои моментално се во составот, а конкретно за улогата на големата ѕвезда Кристијано Роналдо и капитенот Хари Мегваер.

Поранешниот тренер на Ајакс вчера го гледаше поразот на Кристал Палас во последното коло во Премиер лигата, а од денеска и официјално почнува да ги извршува своите обврски.

Клубот потврди дека негови помошници ќе бидат Мичел ван дер Хаг и Стив Мекларен.

„Денес сум многу среќен што ве запознав и што сум овде. Бев пречекан многу топло од сите во клубот. Едвај чекам да се фатам за работа. Ова е веќе мојот дом и сакам да успеам овде. Имам добро чувство поради луѓето околу мене и средбите што ги имав со нив. Имаме план и целта е да го оствариме. Дали ни требаат нови играчи? Сè уште сум во процес на анализа. Сакам да работам со овие играчи. Минатата сезона овој тим заврши на второто место во Премиер лигата, па потенцијалот е огромен“, истакна тој.

Рафаел Леао одигра фантастична сезона со Милан и вчера беше избран за МВП на сезоната во Серија А.

Португалецот се етаблираше во еден од најдобрите млади фудбалери во Европа, па неколку европски гиганти веќе покажуваат силен интерес за неговиот потпис.

Сега во траката за неговиот потпис се вклучи и Реал Мадрид, откако стана јасно дека нема да успее да го донесе Мбапе.

Милан сака да го „блиндира“ со нов договор и му понудил тројно зголемување, па е спремен да ја одбие секоја понуда која ќе пристигне за Португалецот.

Сепак, италијанските медиуми пренесуваат дека Реал ќе се обиде да ги искористи добрите односи со Милан и спрема понуда која со бонуси може да достигне до 90 милиони евра.

После објавувањето на новиот договор на Килијан Мбапе се очекуваат многу промени во клубот кој ќе започнат веќе од утре.

Француските медиуми пренесуваат дека во понеделник ќе бидат објавени отказите на Маурицио Почетино и спортскиот директор Леонардо.

„Леонардо ќе биде прв кој ќе го напушти ПСЖ и веќе се бара негова замена, а следен е Почетино“, објави познатиот новинар Фабрицио Романо.

Мбапе добил ветување од раководството на клубот дека ќе решава за важни прашања на клубот, па така ќе има главна улога и при ангажирање на фудбалери, но и тренер.

Најголема желба на раководството, но и на Мбапе е ангажман на Зинедин Зидан, а за нов спортски директор најверојатно ќе биде назначен Луис Кампос.

Екипата на Милан заслужено го прославува освојувањето на Скудетото иако на почетокот од сезоната не им се даваа големи шанси. Меѓутоа, росонерите ги демантираа прогнозите и на крајот заслужено се радуваат на титулата које е прва после 11 години.

Главниот оперативец на клубот, легендарниот Паоло Малдини успеа да направи вистинско чудо со ограничен финансиски буџет. Сега нова цел ќе биде одбрана на титулата и играње значајна улога во Лигата на шампионите.

Клубот во наредните месеци ќе биде купен од инвестицискиот фонд Ред Бирд Капитал за сума од 1,3 милијарди евра.

Приоритетни трансфери за следната сезона се тандемот на Лил, дефанзивецогт Свен Ботман како и Португалецот Ренато Санчез, кој е замената на Кеси. Во нападот на тимот најверојатно ќе се приклучи и Дивок Ориги од Ливерпул.

„Ова е само почеток на нашиот пат“, изјави Малдини за време на големата прослава со навивачите на клубот.