Тами Абрахам стана Англичанецот со најмногу голови во една сезона во историјата на Серија „А“. Во последниот натпревар на Рома за сезоната во италијанскиот шампионат – против Торино, англиската „деветка“ на „волците“ постигна два гола за победа против „биковите“ од 3-0.

Така Абрахам ја заврши својата прва сезона во Серија „А“ со 17 гола – еден повеќе од Гери Хиченс, кој постави рекорд од 16 гола со дресот на Интер во сезоната 1961/62. На сите турнири Абрахам има 26 гола на 51 натпревар.

По победата над Торино, која на „џалоросите“ им обезбеди пласман во Лига Европа следната сезона, „детето“ на Челси изјави дека се заљубил во клубот уште од првиот ден и се надева дека тој и неговите соиграчи ќе имаат причина да слават по финалето на Лигата на Конференциите во среда, кога Рома ќе се соочи со Феенорд.

Килијан Мбапе вчера потпиша нов договор со ПСЖ и така стана најплатен фудбалер во светот.

Мбапе се согласи да остане во ПСЖ до 2025 година, а покрај богатството што ќе го добие, тој ќе има централна улога во клубот и ќе може да одлучува за трансфери и избор на тренер.

Како што пренесува еминентниот новинар Серхио Сантос, Мбапе веќе ги дал првите инструкции. Имено, тој побарал ПСЖ да го продаде Нејмар и на негово место да го донесе Осман Дембеле.

Дембеле е голем пријател со Мбапе, а неговиот договор со Барселона истекува на лето и тој е слободен агент.

„Светците“ ќе му ја исполнат желбата и наскоро ќе започнат преговори со Дембеле, но  не е познато дали ќе се согласат за продажба на Нејмар.

Легендата на Рома, Франческо Тоти си поставил амбициозна задача да го убеди Пауло Дибала да потпише со „волчицата“.

„Во понеделник ќе имам состанок со Пауло. Ние двајца ќе играме заедно на хуманитарен натпревар во Милано, организиран од Самуел Ето. Ќе разговараме и ќе се обидам да го убедам да дојде во Рома. Ќе видиме дали ќе успеам“, изјави Тоти.

Дибала веќе се збогува со навивачите на Јувентус по мечот со Лацио (2-2).

Аргентинскиот репрезентативец по завршувањето на сезоната ќе стане слободен играч, а кандидати за неговиот потпис не недостасуваат.

Се верува дека Интер има најголеми шанси да го привлече 28-годишниот напаѓач. За него се заинтересирани и Тотенхем и Атлетико Мадрид.

Килијан Мбапе го остави во шок Реал Мадрид, откако реши да остане во ПСЖ и потпиша нов тригодишен договор.

Реал имаше вербален договор со Французинот и беше убеден дека ќе го доведе на „Сантиаго Бернабеу“, но сега остана со празни раце и мора да бара алтернатива.

Шпанските медиуми откриваат дека „кралевите“ сега ќе се насочат кон ѕвездата на Манчестер Сити, Ријад Марез.

Марез игра одлична сезона, но влезе во последната година од договорот и сака да ја промени средината.

Шампионот во турската лига, екипата на Трабзонспор, го обнови интересот за доведување на македонскиот репрезентативец, Езџан Алиоски.

Турскиот клуб го посакуваше  Алиоски во своите редови и минатото лето, но 30-годишниот фудбалер тогаш се одлучи како слободен играч да замине во Ал Ахли од Саудијска Арабија.

Тимот од Трабзон после 38 годишна пауза, сезонава стана првак на Турција.

Бенфика го следи голманот на Арсенал, Бернд Лено како голема трансфер цел ова лето. Според некои португалски изданија, лондонскиот клуб е подготвен да го продаде германскиот голман пред тој да стане слободен агент во 2023 година.

30-годишниот Лено не сака да се пресели во Њукасл и има намера да се врати во Германија.

Голманот на ПСЖ, Кејлор Навас зборуваше за својата иднина во клубот одговарајќи на најавите дека сака да си замине.

„Имам уште две години од мојот договор со ПСЖ и секако планирам да останам“, изјави Навас.

Во сезоната 2021/22, Навас запиша 26 натпревари за ПСЖ во сите натпреварувања. Неговиот договор со францускиот клуб е до 30 јуни 2024 година.

Енис Барди како што стојат работите ова лето ќе ја промени средината, а последен клуб со кој се поврзува Барди е француски Лион.

Интерес за Барди има од повеќе клубови, а сега во игра влегува и Лион. Барди според информациите е една од желбите на на тренерот Питер Бош за новата сезона. Лион имаше лоша сезона во француското првенство и Барди би бил одлично освежување во средниот ред, сезоната овој клуб ја заврши на осмата позиција и тоа што нема да игра во европските натпреварувања е големо разочарување.

Ќе потсетиме, Барди после поразот на Леванте од Реал Мадрид на социјалните мрежи објави порака во која порача дека ќе се обидат сите заедно веднаш да го вратат Леванте во шпанската елита, но во медиумите се погласно се најавува негово заминување.

Вчера стана јасно дека играчот од средниот ред Иско го напушта Реал Мадрид по завршувањето на сезоната. Договорот на 30-годишниот офанзивен играч за врска со Реал Мадрид истекува на 30 јуни и нема да биде обновен, а разделбата од фудбалерот ја потврди и тренерот Карло Анчелоти.

Во ммоментов останува отворено прашање каде Иско ќе ја продолжи кариерата. Овој играч дојде во реал Мадрид летото 2013 година по трансферот од Малага. Во своите девет години на „Сантијаго Бернабеу“, успеа да освои 18 трофеи – 4 титули во Лигата на шампионите, три титули во Ла Лига, 1 Куп на кралот, 3 шпански Суперкупа, 3 европски Суперкупа и 4 европски купови.

На крајот на месецот може да додаде уште еден – петти трофеј во Лигата на шампионите, доколку во финалето во Париз на 28 мај Реал Мадрид го победи Ливерпул. Тоа за Иско ќе биде 19-ти трофеј како играч на Реал Мадрид.

Виктор Осимен е избран за најдобар млад играч во Серија А.

На едно коло пред крајот Серија А објави кои се наградени за сезоната што се ближи кон крајот. И покрај тоа што Душан Влаховиќ постигна 24 гола, наградата за најдобар млад играч оди кај соиграчот на Елиф Елмас. Осимен сезонава беше главен играч на Наполи со постигнати 14 гола. Според најавите во наредната сезона би можел да направи трансфер во Англија.

Во Наполи пристигна летото 2020 година, кога Италијанците за неговите услуги на Лил му платија над 75 милиони евра. Нигерискиот напаѓач успеа брзо да се адаптира и стана најважниот играч во нападот на тимот.