Фудбалерите на Македонија ЃП, се освојувачи на трофејот во купот на Македонија, откако во финалето беа подобри од Силекс. 

Натпреварот во регуларниот дел од натпреварот заврши без голови и замина во продолженија во кои двете екипи исто така не постигнаа голови.

После изведувањето на пенал серијата, поуспешни беа популарните „лавови“ од Ѓорче, кои славеа со 4:3.

Тотенхем е заинтересиран за дефанзивецот на Барселона, Клемент Ленгле. Тренерот на каталонскиот клуб Чави следната сезона нема да смета на 26-годишниот Французин. Спарс може да го ангажираат играч во летниот преоден рок.

Ленгле игра за Барселона од 2018 година. 26-годишниот дефанзивец оваа сезона забележа 26 настапи во сите натпреварувања, а има договор со Барселона кој истекува на 30 јуни 2026 година.

Настапот на Хари Кејн на неделниот натпревар против Норич е доведено во прашање. Напаѓачот не се чувствува добро и одби да учествува на отворањето на изложбата посветена на неговата кариера во музејот во Лондон.

В недела Тотенхем гостува кај Норич, победа, а веројатно и нерешено ќе им го гарантираат четвртото место и учество во Лигата на шампионите следната сезона. Минатата недела неколку играчи на Тотенхем имаа проблем со стомачен вирус.

Претходно во текот на денешниот ден Гери Линекер сподели сомнежи за труење со храна во тимот, но оваа информација беше демантирана. Ваквите проблеми не му дозволија на Тотенхем учество во Лигата на шампионите во 2006 година.

Легендарниот бразилски фудбалер, Рикардо Кака, планира да започне тренерска кариера. Шпанскиот медиум АС пренесува дека некогашниот освојувач на Златната топка, во Бразил се здоби со тренерска А лиценца, и наскоро се очекува да го преземе водењето на некој тим.

Славниот фудбалер за време на својата играчка кариера имаше од кого да учи, бидејќи негови тренери меѓу останатите беа и трофејните стручњаци, Карло Анчелоти и Жозе Мурињо.

Борусија Дортмунд изненадувачки ја објави разделбата со својот тренер Марко Розе, кој заминува по завршувањето на сезоната во Бундеслигата.

„Борусија Дортмунд и тренерот Марко Розе ја завршуваат својата соработка. По интензивната сесија на анализи во четвртокот, во која бе авклучени Розе, Ватцке, Цорк, Кел и Замер, клубот одлучи да продолжи понатаму без сегашниот тренер и да му посака успех на Марко Розе во неговиот следен потфат“, се вели во соопштението на клубот.

Розе помина само една сезона на кормилото на тимот откако пред една година пристигна од Борусија (Менхенгладбах). Тој ги предводеше „жолто-црните“ до второто место во првенството, но во другите натпреварувања имаше разочарувања. Дортмунд доживеа елиминација во групната фаза од Лигата на шампионите и го продолжи учеството во Лигата на Европа, каде што, сепак, беше елиминиран од Ренџерс. Во Купот на Германија, тимот беше елиминиран од второлигашот Сент Паули во осминафиналната фаза.

Во пресрет на последното коло од Серија А беа избрани најдобрите фудбалери, односно МВП на сезоната.

По традиција се бираат најдобар голман, дефанзивец, играч за врска, напаѓач и најдобар млад фудбалери до 23 години.  За најдобар голман беше избран голманот на Милан, Мајк Мењан, кој успеа 16 пати да ја зачува својота мрежа оваа сезона. Најдобар дефанзивец е Жеилсон Бремер од Торино, кој имаше фантастична сезона, додека наградата за најдобар играч за врска му припадна на Марсело Брозовиќ.

Најдобар напаѓач е избран Чиро Имобиле, а наградата за најдобар млад фудбалер до 23 години му припадна на Виктор Осимен од Наполи.

Фудбалерите наградите ќе ги добијат во недела пред почетокот на натпреварите од последното коло.

Тренерот на Реал Мадрид, Карло Анчелоти, одржа прес-конференција пред последниот натпревар сезонава во Ла Лига на „Лос Бланкос“. Мадрид е домаќин на победникот на Купот – Бетис на „Сантијаго Бернабеу“.

„Расположението е многу позитивно. Сакаме да направиме добар последен натпревар од сезоната пред нашите навивачи. Испраќаме прекрасна сезона и сакаме да им изразиме благодарност на навивачите“, изјави 62-годишниот стручњак.

Тој беше прашан и за претстојното финале во Лигата на шампионите против Ливерпул на 28 мај. 

„Природно е да има некоја нервоза пред финалето на Лигата на шампионите. Ова е огромен натпревар. Мислам дека Ливерпул има потешки недели до финалето од нас, бидејќи се подготвува за голем, важен натпревар овој викенд. Веќе го прославивме триумфот во првенството. Тие го прославија освојувањето на ФА Купот“, изјави Анчелоти.

Македонскиот фудбалски репрезентативец Александар Трајковски успеа да го освои својот прв трофеј во Саудиска Арабија. Тој и неговиот тим Ал Фејха направија огромен успех освојувајќи го Кралскиот куп во Саудиска Арабија. Во финалето во Џеда, Ал Фејха го победи фаворизираниот Ал Хилал на пенали, со 3-1, откако во регуларниот тек, а и по 120 минути, мечот заврши 1-1.

Трајковски беше стартер во тимот на Ал Фејха.

Тренерот на Евертон, Френк Лампард, беше среќен после пресвртот и победата од 3:2 над Кристал Палас, со која тимот од Ливерпул обезбеди опстанок во Премиер лигата.

„Ова е неверојатно. Еден од најголемите моменти во мојата фудбалска кариера. Овај клуб е посебен и многу сум горд што сум тренер на Евертон. Сите видовте колку ни значи оваа победа. Екипата покажа карактер. Навивачите ни дадоа силна поддршка, а играчите заслужуваат голем респект за својата игра“, изјави Лампард.

Френк Лампард кој е на чело на Евертон, по победата над Кристал Палас во одложениот натпревар од 33. коло на Премиерлигата изјави дека е горд што успеаја да се спасат од испаѓање на едно коло пред крајот.

„Ова е еден од најголемите моменти во мојот фудбалски живот и кариера. Во принцип, имав многу среќа што имав прекрасни времиња, особено во Челзи како играч и менаџер. Кога сте блиску до чувството на очај што може да го донесе испаѓањето, тоа е поинаку. Треба да копате во себе. Губиш натпревари, се бориш за нешто, а потоа губиш уште еден натпревар. Овој клуб е посебен и горд сум што вечерва сум менаџер на Евертон“, вели Лампард.