Стивен Џерард уште еднаш потврди дека сака Филипе Кутињо да остане во неговиот тим.

Кутињо oва на позајмица во Вила која има опција да го откупи за 40 милиони евра, а нема сомнеж дека англискиот клуб ќе се обиде да го направи тоа.

„Да, на сите им е јасно дека сакаме Кутињо да остане“, изјави Џерард.

Сепак, проблем за Астон Вила се понудите од другите клубови. Последните информации се дека од Арсенал го сакаат Тотенхем, Њукасл и Арсенал, но засега нема конкретни понуди.

Играчот на Ливерпул и еден од најдобрите одбранбени играчи на светот, Вирџил Ван Дијк, откри дека за него најдобар дефанзивен играч во историјата на фудбалот е Паоло Малдини.

„Имам неверојатно голема почит кон Паоло. Тој е права играчка легенда. Неговиот стил и начин на игра во Милан ме воодушевуваше. За мене Малдини е вистинска инспирација.“, изјави Ван Дијк.

Аргентинската суперѕвезда Лионел Меси постави рекорд во француската Лига 1.

По ремито 2-2 на францускиот шампион Пари Сен Жермен со Троа, 34-годишниот Меси веќе има 10 греди во сезоната 2021/22 во француското првенство. Ниту еден друг фудбалер не го постигнал ова откако се водела статистиката за овој индикатор.

Меси одигра цел натпревар против Троа. Оваа сезона има 4 гола и 13 асистенции на 24 натпревари во Лига 1. На сите турнири Аргентинецот има 9 гола и 13 асистенции на 32 натпревари.

Ѕвездата на Манчестер Јунајтед, Кристијано Роналдо им соопштил на соиграчите дека ќе остане во клубот и следната сезона. Единствен услов за тоа е новиот тренер на екипата, Ерик Тен Хаг да го сака во својот тим.

37-годишниот Португалец има договор со клубот уште една година, но откако Јунајтед не успеа да се пласира во Лигата на шампионите, започнаа шпекулациите дека Роналдо ќе бара преселба во друг клуб наредната сезона.

Сепак, според извор близок до клубот,Роналдо не сака да замине во толку тешко време за Јунајтед и сака да му помогне на тимот да се врати во Лигата на шампионите.

Аргентинскиот напаѓач во дресот на Интер, Лаутаро Мартинез, не планира да го напушти тимот ова лето, но клубот во моментов не може да му даде гаранции дека тој сигурно ќе остане, пишуваат италијанските медиуми. 

Според информациите, Мартинез нема да инсистира на трансфер, но раководството на Интер не ја исклучува можноста да го продаде Аргентинецот доколку добие примамлива финансиска понуда за него.

24-годишниот напаѓач е важен дел од тимот на Интер, и оваа сезона постигна 19 гола на 33 натпревари во Серија А.

Манчестер Јунајтед би можел да се засили со дефанзивниот играч за врска од Ајакс, Едсон Алварез. 

Актуелниот тренер на Ајакс, Ерик тен Хаг од следната сезона ја презема тренерската функција во Јунајтед, и со неговото доаѓање во клубот би можел да го донесе и Мексиканецот Алварез.

24-годишниот фудбалер, пристигна во Ајакс во 2019 година и ужива голема доверба кај тренерот Тен Хаг.

Играчот за врска на Париз Сен Жермен, Марко Верати открива дека неговите соиграчи од тимот се разочарани од фактот што не играат за повеќе трофеи во моментот.

ПСЖ веќе ја обезбеди шампионската титула во Франција, но клубот имаше поголеми амбиции за борба за повеќе трофеи.

Францускиот тим испадна од Лигата на шампионите и Купот на Франција и последните натпревари ги одигрува без натпреварувачко значење.

„Постои одредено незадоволство. Се ближиме до крајот на сезоната и по секој натпревар се чувствуваме помалку разочарани. Мислам дека можевме да освоиме многу повеќе со тимот што го имаме“, изјави Верати.

Легендарниот фудбалер, Дејвид Бекам, се осврна на ситуацијата во Манчестер Јунајтед и за иднината на Кристијано Роналдо кој пред сезоната се врати кај „црвените ѓаволи“ но, не успеа да ги однесе до  врвни резултати.

„Се надевам дека ќе остане во Јунајтед. Сите знаеме што значи Кристијано за фановите. Ова беше тешка сезона со многу подеми и падови. Бев на „Олд Трафорд“ и стадионот беше полн, секое место беше пополнето. Тоа значи дека фановите се уште веруваат во тимот“, вели Бекам.

Манчестер Сити оствари висока победа над тимот на Њукасл совладувајќи ги со резултат 5:0 во натпревар од Премиер лигата. Тренерот на Сити, Пеп Гвардиола даде осврт и на битката за титулата со Ливерпул.

„Сите во оваа земја го поддржуваат Ливерпул, дури и медиумите. Секако, тоа е така затоа што клубот има неверојатна историја на европските турнири. Но, не во Премиер лигата, бидејќи во последните 30 години имаат само една титула. Но, ова не е проблем. Ситуацијата е таква каква што е. Можно е на крајот да решава и гол-разликата, ако ние загубиме натпревар, а Ливерпул победува до крајот. Тие се способни да постигнат многу голови на само еден натпревар, бидејќи има голема класа меѓу напаѓачите“, истакнува Гвардиола.

Тами Абрахам направи вистински потег со трансферот во Рома затоа што ја игра сезоната на кариерата.

Сезонава Абрахам во дресот на Рома постигна 25 гола во сите натпреварувања и со тоа веднаш го привлече интересот на бројни клубови.

Меѓутоа Рома нема лесно да ги откаже и им порача на заинтересираните клубови дека за Абрахам ќе мора да платат 120 милиони евра.

Меѓутоа, италијанските медиуми откриваат дека во договорот на напаѓачот постои клаузула со која Челзи ќе може да го врати на „Стенфорд Бриџ“ за 80 милоини евра.

Со оглед на одличната сезона и фактот дека Лукаку ќе го напушти клубот, Челзи сериозно размислува да ја активира клаузулата.