Џорџо Кјелини налето ќе го напушти Јувентус. Италијанските медиуми се убедени дека Киелини од наредната сезона ќе игра во САД во МЛС лигата. Тренерот на Јувентус, Масимилијано Алегри најави промени за следната сезона. Паоло Дибала ќе биде слободен играч, а се очекува листата на играчи кои ќе го напуштат Јувентус да биде подолга.

Кјелини долги години го носи дресот на Јувентус во одбраната заедно со Леонардо Бонучи. Тешко Јувентус ќе најде замена за еден од најдобрите стопери во последните 15-тина години. За Јувентус Кјелини одигра 556 натпревари што го става на третото место по бројот на настапи во дресот на торинскиот клуб зад Дел Пиеро и Буфон.

Тотенхем е подготвен уште сега да ја плати откупната клаузула за Дејан Кулушевски. Овој фудбалер имзинатото лето беше ангажиран од Јувентус и веднаш стана клучна фигура во играта на Тотенхем со 3 гола и 6 асистенции на 12 натпревари во Премиер лигата.

Ова е причината зошто газдите на клубот се крајно импресионирани од него и веќе размислуваат да го привлечат трајно, пишува „Ивнинг Стандард“.  Тотенхем би можел да ги откупи правата на Кулушевски за 25 милиони фунти по крајот на сезоната 2022/23. Оваа сума може да достигне и до 29 милиони фунти во зависност од перформансите на играчот и дополнителните бонуси што може да ги активира.

Тотенхем планира да плати 25 милиони фунти на крајот на тековната сезона, со што ќе заштеди неколку милиони кои би биле од бонуси. Менаџерот Антонио Конте исто така е многу задоволен од 21-годишниот Кулушевски и дал „зелено светло“ за зделката.

Тренерот на Баерн Минхен, Јулијан Нагелсман, е убеден дека ѕвездата на тимот Роберт Левандовски ќе остане во клубот и следната сезона.

„Леви има договор со нас и останува во клубот“, изјави Нагелсман на средбата со новинарите. 

Договорот на 33-годишниот голгетер со Баварците е до летото 2023 година и зачестија шпекулациите за неговата иднина. Се пишува дека Барселона има сериозен интерес за полскиот фудвалер и сака да го доведе по завршувањето на актуелната сезона. Сепак, челниците на Баерн би требале да го испочитуваат својот тренер и да го задржат Левандовски во клубот.

Пауло Дибала, кој во текот на летото ќе си замине од редовите на Јувентус, објавија денеска медиумите на „Чизмата“.

„Нероаѕурите“ ќе му понудат на Аргентинецот договор за три години со вкупна сума од 21 милион евра плус бонуси.

28-годишниот играч во сезонава се појави на 24 мечеви со ефект од 8 голови и 5 асистенции.

Борусија Дортмунд планира да и понуди нов договор на својата млада ѕвезда Џад Белингем. 18-годишниот талент се наметна како главен играч на „жолто-црните“ и се развива со исклучително брзо темпо. Ова веднаш го привлече вниманието на европските гиганти, но Дортмунд нема намера лесно да го испушти и затоа се надеваат дека ќе го врзат долгорочно, пренесе „Фудбал инсајдер“.

Белингем оваа сезона одигра 40 натпревари, со 6 гола и 13 асистенции. Со добрите настапи стигна до репрезентацијата на Англија, откако веќе забележа 12 натпревари за „Трите лава“.

Ова е причината за огромниот интерес за Белингем, кој го посакуваат Реал Мадрид, Манчестер Јунајтед, Манчестер Сити и Ливерпул. Се зборува дека Белиот балет и тимот од Мерсисајд веќе имаат подготвено дури и понуди за него од 100 милиони евра за лето.

Затоа Борусија бара опција да ги одбие кандидатите за младиот Англичанец. Така, клубот реши да му понуди нов договор со подобри финансиски параметри и подолго траење, иако Белингем повторно потпиша со Дортмунд во летото 2021 година и неговиот актуелен договор е до 2025 година.

Менаџерот на Тотенхем, Антонио Конте сака на лето да го засили тимот со шест нови играчи, пишува „Телеграф“. Тренерот ќе бара нов централен дефанзивец, десен бек, двајца играчи од средниот ред, напаѓач и резервен голман. Покрај тоа, клубот речиси сигурно ќе го привлече и Дејан Кулушевски кој е на позајмица од Јувентус.

Конте веќе има неколку играчи на својот список на желби. Меѓу нив се десниот бек на Нотингем Форес, Џед Спенс, централниот дефанзивец на Торино, Глејсон Бремер, и играчот од средниот ред на Брентфорд, Кристијан Ериксен, кој може да се врати во Тотенхем, каде ги помина најдобрите години во кариерата. Во моментов резервен голман е Пјерлуиџи Голини, кој е позајмен од Аталанта. Сепак, Конте не е особено задоволен од својот сонародник и нема намера трајно да го привлекува. Наместо тоа, тој го насочи своето внимание кон искусниот Сем Џонстон од Вест Бромвич, кој може да биде ангажиран како слободен агент.

Познатиот фудбалски новинар Фабрицио Романо, повикувајќи се на извори од клубот, објавува дека Реал Мадрид во следните неколку недели ќе му понуди нов договор на централниот дефанзивец Едер Милитао.

Договорот со 24-годишниот Бразилец нема да зависи од евентуалното купување на дефанзивецот на Челзи, Антонио Рудигер,кој веќе подолго време е трансфер цел на „кралскиот клуб“.

Милитао има договор со Реал Мадрид до летото 2025 година, и според Романо, раководството на клубот го подготвило својот предлог за нов договор и наскоро се очекува истиот да биде потпишан.

Ромелу Лукаку може да ја продолжи кариерата во италијанската Серија А. Милан е заинтересиран за услугите на 28-годишниот играч, објавија медиумите во Италија.

Од Милан очекуваат Челзи да ја намали цената на играчот поради неговата лоша форма оваа сезона. Исто така постои опција за позајмица на Белгиецот во Милан. Лукаку игра за Челзи од август 2021 година, каде се пресели од Интер за 113 милиони евра.

Договорот на играчот со клубот е до 30 јуни 2026 година. Според Трансфермаркт, пазарната вредност на играчот е 85 милиони евра.Белгискиот напаѓач оваа сезона има 21 настап во англиската Премиер лига, постигна пет гола и една асистенција.

Јувентус започна преговори со крилниот напаѓач на Пари Сен Жермен Анхел ди Марија. Договорот на 34-годишниот Аргентинец истекува на лето и „бјанконерите“ се подготвени да го земат во своите редови како слободен играч, пренесува „Скај Италија“.
Во Јувентус бараат соодветни играчи за да го освежат нападот за новата сезона. Клубот во лицето на Ди Марија гледа добра опција за замена на Пауло Дибала кој е пред заминување. Згора на тоа, привлекувањето на него нема да ги чини ништо. Јуве веќе оствари првични контакти со претставниците на Ди Марија. Тие отидоа во многу позитивен тон и се чини дека играчот е заинтригиран од можноста да го носи дресот на „старата дама“.

Напаѓачот на Ливерпул, Роберто Фирмино ги продолжи тренинзите со екипата и има шанса да настапи на претстојното градско дерби против Евертон во недела. 

30-годишниот Бразилец се повреди во полуфиналето на ФА Купот против Манчестер Сити и го пропушти мечот со Манчестер Јунајтед во првенството.

Тренерот на „црвените“ Јирген Клоп е оптимист околу можноста Фирмињо да настапи на „Мерсисајд“ дербито.

„Немаме други проблеми, а Фирмино се чувствува подобро. Но, треба да се погрижиме да биде подготвен за недела. Тој започна со тренинзи и ако добие дозвола од лекарите, ќе игра. Но, ако се уште има болки, ќе почекаме неколку дена“, изјави Клоп.