Шпанецот Хулен Лопетеги е во преговори со Фудбалскиот сојуз на Белгија за селекторската функција, објавија во неделата белгиските медиуми. Тој е без работа откако го напушти Вест Хем на 8 јануари. Белгискиот фудбалски сојуз минатата недела го отпушти Доменико Тедеско по разочарувачките резултати во последните две сезони.

Лопетеги е едно од имињата кои најчесто се споменуваат како наследник на Тедеско, заедно со Французинот Тиери Анри.

Помеѓу септември 2016 и јуни 2018 година, Лопетеги имаше 20 натпревари без пораз на чело на шпанската репрезентација.

Иако Шпанија под негово водство се квалификуваше за Светското првенство во 2018 година, тој таму не ја водеше Ла Роха. Имено, на неколку дена пред почетокот на турнирот, поради најавата за трансфер во Реал Мадрид по завршувањето на Светското првенство, Лопетеги беше разрешен и на негово место дојде Фернандо Јеро.

Тој по 14 натпревари доби отказ од Реал Мадрид и се врати во Севилја со која ја освои Лигата на Европа 2019/2020 година. Во изминатите две сезони, работеше во Премиер лигата, каде прво беше тренер на Вулверхемптон, а потоа и на Вест Хем.

Фудбалерите на Манчестер сити го совладаа Ипсвич со 0-6 на гости во 22. коло од Премиер лигата и се вратија меѓу првите четири екипи на табелата.

Сити се враќа во препознатливата форма, мечот со Ипсвич беше јасен показател дека тимот на Гвардиола повторно личи на себе.

Ипсвич денеска немаше ниту една шанса.

Три асистенции подели Кевин Де Брујне, два гола постигна Фил Фоден, а блеска на теренот Матео Ковачиќ и Џереми Доку.

Фоден е во добра серија во последните неколку натпревари, постигна пет гола на три меча (Вест Хем, Брентфорд, Ипсвич).

Сити ги реши сите сомнежи за победникот, доколку ги има, во првото полувреме со двата гола на Фоден и голот на Ковачиќ, во интервал од само 15 минути.

Во второто полувреме по гол постигнаа Доку, Халанд и Мекати.

Кандидатурата на Флорентино Перез за нов мандат на функцијата претседател на Реал Мадрид е одобрена од надлежната комисија.

Доколку не се појават други кандидати до крајот на денот, Флорентино ќе победи без избори.

Крајниот рок за пријавување за претседател на клубот е до вечер 23:59 часот. Доколку не се појават други кандидати до крајот на денот, Перез ќе победи без избори – а следната недела во вторник официјално ќе биде прогласен за претседател на Реал Мадрид до 2029 година.

Перез е претседател на Реал Мадрид од 2009 година, кога беше единствениот кандидат. Тој исто така немаше противници во 2013, 2017 и 2021 година.

Англискиот фудбалер Деле Али ќе се обиде да ја оживее кариерата во италијанскиот тим Комо.

Новинарот Фабрицио Романо објави дека Али успешно ја поминал пробата во Комо и ставил потпис на договор со калчолигашот, каде што ќе игра под водство на Сеск Фабрегас.

Англичанецот претходно играше за Милтон кинс, Тотнем, Евертон и Бешикташ, а во Комо доаѓа како слободен фудбалер.

Додека играше за Тотнем, Али важеше за добар фудбалер и му предвидуваа голема кариера, но потоа следеше неочекуван пад.

Арсенал и Астон Вила ремизираа 2-2 во Лондон во возбудливото дерби од 22. коло на англиската Премиер лига.

Менаџерот на Астон Вила, Унаи Емери, повторно беше кобен за својот поранешен клуб, откако минатата сезона буквално ги остави без титула, тогаш со неговиот тим победи во Лондон. Од тој натпревар Манчестер сити го презеде првото место и ја задржа предноста.

Сега тој повторно ги оддалечи „топчиите“ од трофејот што го чекаат од 2004 година, бидејќи Арсенал е на второто место со шест бода помалку и натпревар повеќе од Ливерпул.

Ниту водството од 2:0 во 55. минута, кое го обезбедија Мартинели во 35. и Хаверц во 55.минута, вечерва не му беше доволно на Арсенал.

Тимот на Микел Артета го шокираа Тилеманс во 60. и Воткинс во 68.минута.

По ова реми, Вила е седма на табелата со 36 бодови, но е на само два бода помалку од позицијата која води во Лигата на шампионите.

Фудбалерите на Наполи остварија голема победа во натпреварот од 21. коло на Серија А против Аталанта со 2-3.

Ова беше дуел меѓу првиот и третиот тим во Серија А, а по оваа победа Наполи има седум бода повеќе од тимот од Бергамо.

Избраниците на Антонио Конте ја забележаа шестата победа во низа и сега се на врвот на табелата, а главениот ривал Интер со два натпревари заостанува шест бода зад Наполитанците.

Спектаклот на стадионот во Бергамо го отвори Матео Ретеги со својот гол во 16. минута од натпреварот. Наполи имаше одговор на предноста на Аталанта. Во 27. минута Матео Политано го израмни резултатот.

Целосен пресврт Наполи направи во финишот на првиот дел Скот Мектоминај го совчада Карнесеки.

Драмата продолжи и во второто полувреме. Изедначи најдобриот играч на Аталанта, Адемола Лукман.

Голема шанса потоа имаше Лазар Самарџиќ се најде сам пред Мерет, но голманот на Наполи успеа да одбрани.

Наполи до нова предност, која ја задржа до крајот дојде во 78. минута, кога погоди Лукаку по центаршутот на Ангиса.

Фудбалерите на Хетафе ремизираа 1-1 на домашен терен со Барселона во 20. коло од шпанската Примера.

Избраниците на Ханси Флик поведоа уште во деветтата минута по брилијантната асистенција на Педри, стрелец беше десниот бек, Жил Кунде.

Кунде подоцна можеше да запише асистенција, но по неговото додавање ударот на рафиња заврши крајот голот.

Хетафе изедначи од првата вистинска шанса, во 34. минута стрелец беше Мауро Арамбари.

Овој резултат остана до крајот на натпреварот, иако гостите драстично имаа повеќе посед и многу повеќе удари кон голот.

Каталонците имаа идеална можност, по неочекуваниот пораз на Атлетико Мадрид од Леганес, да се доближат до лидерот во Примера на само три бода. Вака по денешните резултати најмногу причини за задоволство имаат во Реал Мадрид.

Фудбалерите на Борусија Дортмунд продолжија со лошите партии во Бундес-лигата откако загубија на вчерашното гостување кај Ајнтрахт Франкфурт. Нивниот тренер, Нури Сахин, не крие дека е разочаран.

„Во првиот дел заостанувавме зад противникот. Им дозволивме на домаќините лесно да дојдат до ситуација да постигнат погодок.

„Второто полувреме беше многу подобро. Дејствувавме енергично но, за жал, повторно останавме со празни раце“, потенцираше тренерот на „милионерите“.

Шпанската фудбалска федерација се чини дека постигна договор со селекторот на репрезентацијата Луис де ла Фуенте за обновување на неговиот договор, по повеќемесечните шпекулации дека тој не е задоволен од актуелниот договор.

Селекторот ги надмина сите очекувања откако ја презеде „фуријата“ и федерацијата одлучи дека треба да ги задоволи неговите барања и да му понуди нов договор.

Де ла Фуенте ја предводеше Шпанија до триумф на ЕП 2024 и уште тогаш посочи дека е подготвен да го продолжи договорот. Сепак, тоа не можеше да се случи додека не се избере нов претседател. Сега Рафаел Лузан постигна договор со Де ла Фуенте за договор кој ќе биде вреден над 2 милиони евра годишно, вклучувајќи бонуси. Ова е помалку од 3-4 милиони евра на кои се надеваше тренерот, но неговиот договор ќе биде продолжен најмалку до 2028 година, а можеби и подолго, тврди Кадена СЕР.

Се чинеше малку веројатно дека Де ла Фуенте ќе замине на друго место по неговиот успех со Шпанија на 63-годишна возраст, откако помина повеќе од една деценија тренер на различни репрезентации. Сепак, несомнено беше важно за шпанската федерација да го реши овој случај. Се верува дека неговиот нов договор е повеќе од двојно повеќе од она што го заработувал досега.

Бидете информирани следете не на Facebook

Тренерот на Реал Мадрид, Карло Анчелоти зборуваше по победата од 5-2 (2-2) во регуларното време) над Селта во Кралскиот Куп.

„Белиот балет“ имаше два гола предност, но на крајот прими израмнувачки гол. Потоа од трибините се слушнаа свирежи кон играчите на „кралскиот клуб“, а според Анчелоти токму тие му помогнале на неговиот тим да се крене.

„Свирежите од трибините беа како предупредување за нас. Разбирлив е односот на навивачите, особено по поразот од Барселона. Кога „Бернабеу“ почна да не исвиркува, не разбуди. Кога навивачите ни помагаат, тоа е нешто посебно“, изјави Карло Анчелоти.