Челзи се вклучи во трката за потписот на францускиот репрезентативец и ѕвезда на Ајнтрахт, Коло Муани.

Коло Муани игра фантастична сезона во Бундеслигата, а се покажа во одлично светло и на Мундијалот, па го привлече вниманието на многу европски гиганти.

Челзи е во потрага по напаѓач, а поради потешкотиите да дојдат до Виктор Осимен, сега ќе се насочат кон Колу Муани, а покетино верува дека Французинот ќе биде идеален за неговиот тим.

Ајнтрахт сигурно нема лесно да се откаже од Французинот и за неговата слобода бара 100 милиони евра.

После продажбата на неколкуте фудбалери Челзи сега е спремен да тргне во шопинг и нема проблем да ја плати таа сума.

Мауро Икарди имаше одлична сезона во Галатасарај, а по истекот на позајмицата тој ова лето се врати во ПСЖ.

Јасно е дека за него нема повеќе место во Париз и веќе ја започна потрагата по нов клуб, а Ал Шабаб веќе почна преговори за да го убеди Икарди на преселба во Саудиска Арабија.

Ал Шабаб му нуди двегодишен договор тежок неверојатни 80 милиони евра за да го убеди да се пресели во Саудиска Арабија, но има еден важен услов кој нема да и се допадне на неговата сопруга Ванда Нара.

Во понудата има еден услов – заедно со Икарди да не доаѓа и неговата сопруга Ванда Нара. Саудијците вообичаено им нудат максимална комоција на семејствата на фудбалските суперѕвезди, но тоа не е случај и со Ванда, која е позната по животните навики со кои не би се вклопила во животот на жените во оваа држава.

Играчот од средниот ред на Лацио, Сергеј Милинковиќ Савиќ, сепак, може да потпише нов договор со клубот, соопшти „Скај Спорт Италија“. За српскиот интернационалец не е пристигната конкретна понуда, што им дава надеж на „римските орли“ дека евентуалниот предлог за нов договор ќе биде прифатен.

Милинковиќ-Савиќ во моментов има договор со клубот до 2024 година. Лацио му стави цена од 40 милиони евра, но оваа сума изгледа висока на сите заинтересирани.

Тренерот на Флуминенсе, Фернандо Диниз е назначен за селектор на фудбалската репрезентација на Бразил, соопшти локалната фудбалска конференција. Договорот на специјалистот е на една година и ќе стапи на сила од квалификациите за Светското првенство во 2026 година во септември.

Диниз (49) ќе ја продолжи својата работа во Флуминенсе, каде е тренер од 2022 година.

Претседателот на Бразилската фудбалска конфедерација, Едналдо Родригез исто така потврди дека Карло Анчелоти ќе ја преземе репрезентацијата на Бразил по Копа Америка во 2024 година.

Адолф Хитер е нов тренер на француски Монако, потврди клубот од Монте Карло.

53-годишниот тренер беше на чело на Борусија Менхенгладбах во сезоната 2021/22 и направи една година пауза. Претходно работеше и во Ајнтрахт, Јанг Бојс и Салцбург.

Монако заврши на шестото место во француското првенство минатата сезона, па оваа сезона нема да игра во европските натпреварувања.

Милан сака да го засили средниот ред, а една од најголемите желби е Тижани Реиндерс од АЗ Алкмар.

После продажбата на Тонали „росонерите“ го доведоа Лофтус Чик, а сакаат да доведат уште двајца играчи за врска. Милан започна преговори со АЗ Алкмар за Реиндерс, кој одигра одлична сезона и го привлече вниманието на многу клубови.

24-годишниот играч за врска оваа сезона постигна 7 гола и 12 асистенции, па веќе доби повик и од холандската репрезентација.

Милан има договор со играчот и сега преговара со Алкмар, а трансферот би требало да изнесува околу 18 милиони евра.

Шпанскиот шампион Барселона минатата недела го претстави Илкај Гундоган како нов играч на екипата, а од денеска е јасно дека во составот на Чави ќе има уште еден фудбалер.

На социјалните мрежи се појавија фотографии како Ињиго Мартинес снима видео во дресот на Барса што е знак дека останува само прашање на време до официјалната промоција. И досегашниот фудбалер на Атлетико Мадрид во Барселона доаѓа без никаква отштета што е уште еден одличен потег на менаџментот на клубот.

Мартинес веќе ги поминал лекарските прегледи и потпишал договор на две години, па можно е веќе до крајот на денот да биде претставен како нов играч на Барса.

Новиот тренер на Челзи, Маурисио Покетино ги сподели своите впечатоци од почетокот на работата во клубот.

„Мислам дека културата на победа е важна. Во изминатите 10, 12, 15 години, Челзи беше најдобриот тим во Англија. Многу добро ги познавам Премиер лигата и културата на Челзи. Мислам дека нашите навивачи се среќни што се вратија на патот на обидот за победа. Секако дека сме воодушевени. Среќни сме што работиме со многу млад тим, со поинаков пристап од минатото. Но, мислам дека сите разбираме дека треба да работиме многу напорно и да создадеме многу добра атмосфера на тренинзите за да изградиме успех за тимот во следните неколку години. Уште од самиот почеток, сопствениците и спортските директори беа многу јасни за проектот. Среќни сме што му се придружуваме“, изјави Покетино за официјалната веб-страница на лондонскиот клуб.

Потпретседателот на Севиља, Нидо Караско одговори на прашање за евентуален потпис на договор со шпанскиот дефанзивец Серхио Рамос.

„Не, Серхио Рамос не е опција денес. Тој е одличен играч кој израсна во нашата академија, но денес не е опција за Севиља“, изјави Караско за „АС“.

Претходно беше објавено дека Серхио Рамос би можел да ја продолжи кариерата во Интер Мајами, за кој игра напаѓачот Лионел Меси.

Рамос потекнува од Севиља, која ја напушти во 2005 година, преминувајќи во Реал Мадрид. ПСЖ најави заминување на Рамос, кој во клубот е од 2021 година. Шпанецот минатата сезона забележа 45 настапи во сите натпреварувања и постигна четири гола и една асистенција.

ПСЖ се вклучи во траката за потписот на шпанскиот плејмјерк, Габри Веига, пренесуваат француските медиуми.

Овој 21-годишен играч за врска импресионираше оваа сезона со своите настапи за Селта Виго. Шпанските медиуми пренесуваат дека многу европски гиганти се заинтересирани за шпанскиот плејмејкер, особено Манчестер Сити кој го следи подолго време.

Сега ПСЖ сериозно се вклучи во трката за неговиот потпис, бидејќи Веига е голема желба на Луис Енрике.

„Светците“ сакаат да му ја исполнат желбата и се спремни да ја победат конкуренцијата.