Барселона го декласира Реал во Мадрид, со штоо првакот го доживеа првиот пораз во првенството по повеќе од една година. Минатата сезона во септември загубија од Атлетико и потоа нанижаа 42 натпревари без пораз.

Со оваа победа Барселона го сочува рекордот, генерацијата Меси имаше серија од 43 натпревари без пораз во Примера.

„Како го доживувам овој момент? Овде работите не се вртат околу мене. Не сум важен јас, важен е тимот, важен е клубот и навивачите. Многу сме среќни и сега мислиме на навивачите кои го заслужија ова. Денеска направивме голем исчекор, игравме против клуб кој важи за еден од најдобрите во светот и има врвни играчи. Добро се браневме и тоа беше клучот. Покрај тоа, ги искористивме шансите. Не е лесно да се постигнат четири гола во Мадрид, но ние го направивме тоа.

Мора да продолжиме вака, чекор по чекор. Ќе продолжиме како и досега. Следниот натпревар е против Еспањол. Тимот мора добро да се одмори и потоа ќе се подготвиме за тој натпревар. Што им кажав на играчите на полувремето? Моравме да го промениме начинот на кој притискаме. Имавме подобра контрола на топката во вториот дел. Направивме една промена и му кажав на тимот како да се брани“, рече тренерот на Барселона Ханси Флик и потоа го истакна голманот Ињаки Пења кој да пати му одбрани на Мбапе во ситуација „еден на еден“.

„Многу сум среќен за Ињаки Пења, тој го заслужува ова. Важно е за тимот што не прими гол. Мора да им дадеме поголема самодоверба на играчите, видовме за што се способни. Сега тие слават во соблекувалната и тоа е многу убаво да се види“.

Марио Балотели и претставниците на Џенова ги финализираат преговорите, па наскоро „Супермарио“ повторно ќе го видиме на терените во најсилната италијанска лига. Веќе извесно време двете страни се во преговори, а според одредени добро информирани локални медиуми приказната полека привршува и официјализирањето на соработката треба да се случи во следните неколку дена.

Балотели треба да го потпише договорот до крајот на јуни следната година.

Џенова ќе биде неговиот 13 клуб во шарената кариера.

Воедно ова ќе биде негово враќање во најсилната италијанска лига по пет години кога го носеше дресот на Бреша, клубот од неговиот роден град.

Барселона го декласира Реал Мадрид со 0-4 на „Сантијаго Бернабеу“ во првото Ел Класико оваа сезона. Со оваа победа, екипата на Ханси Флик се одвои на врвот на табелата со предност од шест поени пред составот на Карло Анчелоти.

Голманот Ињаки Пења зборуваше за офсајд-стапиците на Барса, кои ги воведе тренерот Флик.

„Тоа е едно од барањата на тренерот. Тој инсистира да не ја спуштаме линијата ниско, особено против екипи со силни и брзи играчи во нападот. Опасно е да се игра вака, но тимската работа најдобро се виде преку бројот на офсајди во кои ги фативме играчите на Реал”, истакна голманот на Барселона.

Актуелниот англиски фудбалски шампион Манчестер сити има 32 натпревари без пораз во Премиер лигата од декември 2023 година.

Ова е најдобрата серија во историјата на клубот.

Во дуел од денешното 9. коло на Англиското фудбалско првенство, избраниците на Пеп Гвардиола го совладаа Саутемптон со 1-0.

Последен пат „граѓаните“ загубија на 6 декември 2023 година од Астон вила (1-0) на гости.

На 2 ноември, Манчестер сити ќе игра против Борнмут во 10. коло од Премиер лигата.

Барселона е најдобра екипа во досегашниот тек на шампионатот во Примера и тоа го потврди и вечерва со доминатна партија против актуелниот првак и лут ривал Реал Мадрид кого го уништи во неговиот дом со 0-4.

Левандовски од 54 до 56 минута постигна два брзи гола за да потоа не реализира два чисти зицери. Потоа му дојде редот на Јамал кој погоди во 77 за да точка во 84 минута стави Рафиња.

Ова за Барселона беше прв триумф над Реал по март 2023 година, триумф со кој отиде на плус шест на табелата во однос на вечерашниот противник.

Арсен Венгер, поранешниот менаџер на Арсенал, застана на страната на Манчестер сити кој се соочува со 115 обвинувања за кршење на правилата на финансискиот фер-плеј ФФП.

Англискиот шампион е обвинет за кршење на ФФП од 2009 до 2018 година, а се очекува во наредните месеци ќе биде познато што ќе се случи со „граѓаните“.

Венгер, кој имаше големи успеси како менаџер на Арсенал, смета дека правилата во Премиер лигата мора да се сменат.

„Чувствувам дека Премиер лигата мора да го смени правилата за ФФП. Сега имаат силна конкуренција во другите првенства кои ги сменија своите правила. Не можете да верувате дека клуб како Манчестер сити е обвинет за 115 различни работи во фудбалот. Не верувам во тоа. Премиер лигата веќе го загуби првиот случај против Сити. Не сакам да судам. Мислам дека дека 115 обвинување против фудбалски клуб делуваат дека сме во меѓународна администрација“, вели Венгер.

Тој смета дека е крајно време да се направи нешто за промена на правилата.

„Правилата на ФФП треба да се променат и поедностават. Лидерите на Сити пристигнаа и тие не се соочија со правила за ФФП, ниту со нив се соочија челниците на Челзи. Да, Челзи купи играчи од мојот Арсенал, тие купуваа она што го сакаа бидејќи тогаш немаше немаше правила за ФФП “, изјави Венгер.

Македонија ЃП и Брегалница остварија нови победи на домашен терен во деветтото коло од Втората фудбалска лига.

„Лавовите“ дома го совладаа Кожуф со 3-0. Алексеј Славков го отвори резултатот, Симеон Христов зголеми на 2-0, а третиот гол беше дело на Софијаноски.

Брегалница во Штип го победи Вардар Неготино со 2-0. Арсими дома одигра 0-0 против Скопје, а тоа го искористи Башкими кој со триумфот над Каменица Саса од 2-1 се искачи на третото место на табелата.

Беласица на стадионот „Благој Истатов“ со 1-0 го победи Осогово, a со истиот резултат Победа го совлада Новаци.

Менаџерот на фудбалерите на Челзи , Енцо Мареска, не крие дека не е задоволен од игрите и улогата на теренот на капитенот, Рис Џејмс.

„Очекувам многу повеќе од него од аспект на лидер во соблекувалната. Понекогаш капитените мислат дека ќе добијат нешто повеќе од менаџерите но, според мене, тие треба да даваат повеќе. Кога немате соодветен лидер, мора да го направите, мислам дека ние сме во таква ситуација“, потенцираше Мареска.

Унаи Емери, изјави дека неговиот сон е да освои трофеј со клубот од Бирмингем, и да ги врати во европските натпреварувања.

Емери ќе дебитира на клупата на Астон Вила на натпреварот против Манчестер Јунајтед на „Вила Парк“ в недела. Ова ќе биде вторпат за 51-годишниот шпански тренер да работи во Премиер – лигата, откако беше тренер на Арсенал од мај 2018 до ноември 2019 година.

„Мојот сон е да освојам трофеј со Астон Вила. Тоа е мојот предизвик на почетокот. Мојот втор сон и цел е да играм во Европа со тимот”, изјави Емери.

Тој се надева дека тоа искуство може да и помогне на Астон Вила, која нема освоено трофеј од триумфот во Лига купот во 1996 година.

Флорентино Перез мора во зимскиот преоден рок да ја засили одбраната. Дани Карвахал поради тешка повреда ја заврши сезоната, а никој во Реал не знае точно да каже кога ќе се врати Давид Алаба. Австриецот не игра од декември минатата година.

Шпанските медиуми тврдат дека Флорентино Перез работи на случајот. Според овие извори Реал сака да го врати во Шпанија, Ајмерик Лапорт.

Францускиот Баск, кој има и шпански пасош е фудбалер на Ал Наср. Лапорт шест години беше играч на Атлетик Билбао. Во 2018 година за 65.000.000 евра се пресели во Манчестер сити, а од пред две сезони е играч на Ал Наср.

Стандарден е член на шпанската репрезентација со која летово стана европски шампион.