Наполи ја заврши потрагата по нов тренер и официјално потврди дека на кормилото ќе седне Руди Гарсија. Спалети оваа сезона го освои Скудетото и реши да го напушти кормилото на Наполи.

Многу тренерски имиња се споменуваа како негови наследници, а денес на големо изненадување претседателот Де Лаурентис го објави името на новиот тренер.

Руди Гарсија до неодамна беше тренер на Ал Наср, каде доби отказ поради лошите резултати.

Претходно со успех ги водеше екипите на Лил и Рома, а сега се враќа во Серија А на кормилото на италијанскиот шампион.

Арсенал понудил 80 милиони фунти плус 10 како дополнителни бонуси за потписот на Деклан Рајс но, челниците на Вест Хем експресно одбиле, наведуваат попладнево медиумите во Англија.

Популарните „чекани“ за одличниот фудбалер бараат најмалку 100 милиони фунти. Познато е дека за англискиот репрезентативец се заинтересирани Челзи и Манчестер Јунајтед а од  денеска и шампионот Манчестер Сити.

Наводно, „граѓаните“  започнале да бараат замени за Илкај Гундоган и Бернардо Силва кои се на излезната врата од стадионот„Етихад“.

Фудбалерот на Тотенхем, Ричарлисон, ги коментираше шпекулациите дека за неговиот потпис е заинтересиран Реал Мадрид кој бара замена на Карим Бензема кој замина во Саудиска Арабија.

„Се разбира, Реал Мадрид е најголемиот клуб во светот. Секој играч сака да го носи тој дрес. Но, имам договор и морам да докажам зошто Тотенхем ме купи по голема цена“, изјави Ричарлисон.

Бразилецот  дојде кај „спарси “ пред една година за големи 60 милиони фунти. Тој во првата сезона во лондонскиот клуб постигна само три гола и направи четири асистенции на 35 натпревари во сите конкуренции.

Екипата на Манчестер Сити, која пред само неколку дена освои историска тројна круна, започнува уште една одбрана на титулата во Премиер лигата со гостувањето кај шампионот од Чемпионшип Барнли, чиј менаџер е поранешниот капитен на „граѓаните“ Винсент Компани. Тимот на Пеп Гвардиола има за цел да стане првиот тим кој ја освоил титулата во Премиер лигата во четири последователни сезони.

Големиот конкурент на „граѓаните“ за првото место минатата сезона – Арсенал, новиот обид за напад на врвот на англиската елита ќе го започне со гостување кај Нотингем Форест. Манчестер Јунајтед, исто така, има за цел да се врати во трката за титулата откако обновениот тим на Ерик тен Хаг ја прекина шестгодишната пауза за трофеи со освојувањето на Карабао купот претходната сезона. Клубот најверојатно наскоро ќе има нови сопственици, па навивачите на „црвените ѓаволи“ со големи надежи ја очекуваат сезоната која ќе започне со меч на „Олд Трафорд“ против Вулверхемптон.

Њукасл се проби во топ 4 и ќе игра во Лигата на шампионите. Достигнувањето е огромно, но сопствениците и менаџерот Еди Хау се стремат уште повисоко. Во својот прв натпревар од новата сезона на „Сент Џејмс Парк“ ќе и гостува Астон Вила, која заврши на седмото место и ќе игра во Конференциската лига.

Фудбалерот на Академија Пандев и повремен македонски репрезентативец Бојан Димоски направи трансфер во Русија.

Димоски беше претставен како нов фудбалер на Акрон Тољати. Димоски потекнува од школата на Тетекс, потоа заигра за Вардар каде што дебитираше во сениорска конкуренција. Најдобрите настапи ги покажа во Академија Пандев каде што во изминатите три сезони беше еден од најважните фудбалери.

Во овој момент Димоски е со репрезентацијата на Македонија и по натпреварот со Англија на 19-ти јуни (понеделник) ќе се придружи на Акрон кој изминатата сезона во Втората лига во Русија заврши на деветтата позиција.

Зад Наполи е историска сезона. Клубот од Неапол на доминантен начин ја освои Серија А и по трет пат стана шампион на Италија, а првпат по ерата на Диего Армандо Марадона.

Спалети го предводеше од клупата до скудетото, но тоа не беше доволно за да му ја спаси работата. Влегол во конфликт со сопственикот, го напуштил тимот и решил да одмори една година и да не работи никаде.

Веќе извесно време се шпекулира кој би можел да го наследи, а утринава, според неколку италијански и француски медиуми, Кристоф Галтие, кој го водеше Пари Сен Жермен, ја освои титулата во Франција, но доби отказ поради неуспех во Лигата на шампионите.

Пред ПСЖ, Галтие раководеше со Сент Етјен, кој го предводеше од 17. до четвртото место, потоа Лил со кој пред две години го освои францускиот шампионат и стави крај на доминацијата на ПСЖ. Од Лил замина во Ница, а минатото лето се пресели во Париз. Заминувањето во Неапол би било негов прв странски ангажман во кариерата.

Арсенал се вклучи во трката за потписот на германскиот репрезентативец, Каи Хаверц, пренесуваат медиумите на Островот. Хаверц веќе го известил Челзи дека сака да игра во Лигата на шампиони и побарал да му биде дозволен трансфер.

За него интерес покажува и Реал Мадрид, но „кралевите“ не се спремни да платат 70 милиони фунти, колку што бара Челзи. Арсенал ова лето нема да штеди пари и сака да донесе големи засилувања, а ќе има и голем буџет за трансфери.

Покрај Деклан Рајс, за кого „топџиите“ се спремни да платат 100 милиони евра, другата голема желба на Артета е токму Каи Хаверц.

Пари Сен Жермен би можел да го ангажира играчот од средниот ред на Атлетико Мадрид, Антоан Гризман, објави „Марка“.

Според изворот, доколку парижаните го продадат напаѓачот Килијан Мбапе во летниот преоден рок, тогаш на негово место може да биде потпишан Антоан Гризман. Во исто време, се забележува дека главниот тренер на Атлетико Диего Симеоне не сака да се раздели со Гризман, самиот играч исто така сака да остане во мадридскиот клуб. Правата на Гризман и припаѓаат на Барселона. Сега играчот игра за Атлетико Мадрид на позајмица.

Претходно беше објавено дека Мбапе испратил официјален допис до ПСЖ, каде што рекол дека во никој случај нема да го продолжи договорот со парижаните до 2025 година. Исто така е јасно дека напаѓачот би можел да го напушти тимот во летниот преоден рок.

Англиските медиуми објавија бомбастична вест и тврдат дека ѕвездата на Интер Николо Барела е пред трансфер во Њукасл.

Барела веќе две сезони е еден од најдобрите играчи за врска во Серија А и го привлече вниманието на многу европски клубови. Интер има финансиски проблеми и е спремен да слушне понуди за некои свои фудбалери, но Барела е еден од најважните фудбалери и клубот тврдеше дека не е на продажба.

Меѓутоа, Њукасл испратил понуда од 50 милиони фунти која Интер ја прифатил и сега трансферот е пред реализација.

„Нероаѕурите“ со продажбата на Барела ќе ги финансираат трансферите на Милинковиќ-Савиќ од Лацио и Давиде Фратези од Сасуоло.

Фудбалерот на Јувентус, Хуан Куадрадо, на крајот на месецот ќе биде слободен играч и веројатно ќе замине во друга земја, најавија денеска медиумите во Италија.

За неговиот потпис се заинтересирани екипите на Валенсија (Шпанија) и турскиот, Фенербахче. 35-годишниот ветеран  во последната сезона кај „старата дама“ имаше 47 мечеви во сите конкуренции со ефект од два гола и четири асистенции.

Репрезентативецот на Колумбија претходно играше и во Челзи, Удинезе, Лече, Фиорентина и Индепендиенте Меделин.