Напаѓачот на Манчестер Јунајтед, Маркус Рашфорд и понатаму е интересен за Барселона. Каталонскиот клуб продолжува да го следи 24-годишниот играч, летото двете страни разговараа за потенцијален трансфер, но зделката не дојде до реализација.

Манчестер Јунајтед има намера да го продолжи договорот со Рашфорд, стравувајќи од негово можно заминување во Барселона.

Напаѓачот на Манчестер Јунајтед, Маркус Рашфорд неодамна беше прогласен за најдобар играч во септември во англиската Премиер лига. 24-годишниот Англичанец на два меча во септември постигна два гола и имаше две асистенции. Рашфорд ја доби наградата по втор пат во кариерата, откако претходно ја доби оваа награда во јануари 2019 година.

Арсен Венгер смета дека „топџиите“ оваа сезона се вториот најдобар тим во Англија зад Манчестер Сити и дека имаат добри шанси за титулата.

Арсенал е на првото место на табелата со 21 бод, еден повеќе од Манчестер Сити. Венгер верува дека оваа година титулата може да заврши на „Емирати“.

„Лично јас би го поставил Арсенал само зад Сити. Но, и вториот најдобар тим во лигата има шанса за титулата. Манчестер Сити во одреден дел од сезоната ќе се фокусираат на Лигата на шампиони. Не ја знаеме вистинската форма на Ливерпул, но тие веќе заостануваат 11 бода. Да си 10 бода зад Сити е како да треба да искачиш планина. Челзи не изгледаат постојано во моментов и не верувам дека ја имаат самодовербата, исто како и Тотенхем“, изјави Венгер.

Луис Суарез на крајот на минатата сезона го напушти Атлетико Мадрид и одлучи да се врати во Уругвај во дресот на Национал.

Меѓутоа, Суарез не е премногу задоволен во Национал и верува дека може уште да игра на високо ниво. Тој е спремен да го раскине договорот кој му истекува на крајот од годината, а наводно веќе нашол нов клуб.

Имено, после Мундијалот Суарез ќе се пресели во МЛС лигата и ќе го облече дресот на Лос Анџелес Галакси.

Претседателот на УЕФА Александар Чеферин му одговори на Флорентино Перез околу обновувањето на идејата за Суперлигата.

Набрзо откако претседателот на Реал Мадрид Флорентино Перез на годишното собрание на мадридскиот клуб порача дека идејата за основање на фудбалска Суперлига не е мртва, Чеферин му испрати јасна порака дека тој нема да дозволи такво натпреварување.

„Веќе предолго зборуваме околу тоа. За мене идејата за Суперлига повеќе не постои. Ми пренесоа што се случувало во неделата и што изјавил Перез. Тој практично бара и ја промовира идејата фудбалот да се затвори и големите клубови да не играат повеќе со мали клубови. Тоа бара  да се промени целиот европски модел. Таквата идеја не заслужува коментар затоа што би предизвикала голема разлика помеѓу сиромашните и богатите клубови што би ја нарушила рамнотежата во фудбалот“, јасно порача Чеферин.

Реал Мадрид планира следното лето да се ослободи од неколку фудбалери, а „Марка“ го објави списокот на тие кои сигурно ќе заминат.

Шпанскиот гигант во претходните месеци потпиша нови договори со најважните фудбалери, а неколку играчи ќе си заминат од клубот.

Нови договори нема да им бидат понудени на Марко Асенсио и Дани Себаљос, кои од 30 јуни ќе бидат слободни играчи, исто како и Маријано Дијаз. Лукас Васкез и Еден Азар се во претпоследната година од договорот, но постои голема веројатност да бидат ставени на трансфер листа.

Европската фудбалска асоцијација соопштува дека покренала дисциплинска постапка против Хрватскиот фудбалски сојуз поради однесувањето на навивачите на натпреварот од Лигата на нации против Австрија во Виена.

УЕФА дисциплинската постапка ја покрена поради неодговорното однесување на дел од хрватските навивачи кои фрлаа предмети на теренот, палеа факели и извикуваа расистичи пароли.

Во соопштението УЕФА наведува дека висината на казната ќе биде соопштена после завршување на постапката.

Лондонскиот Арсенал има намера да го искористи добриот почеток во сезоната 2022/23 за да ги продолжи договорите на своите млади ѕвезди. Станува збор за продолжување на соработката со Букајо Сака, Габриел Мартинели и Вилијам Салиба.

Во Арсенал имаат намера да ангажираат и нов централен играч за врска во зимскиот преоден рок. Клубот сака да создаде поголем ростер на тимот за да остане конкурентен во текот на целата сезона на англиската Премиер лига.

Арсенал моментално води во Премиер лигата со 21 бод од осум натпревари. Манчестер Сити е на второто место со бод помалку. Тотенхем е трет со 17 бода.

Српскиот тренер Дејан Станковиќ е блиску до потпишување договор со Сампдорија, која има празно тренерско место по заминувањето на Марко Џампаоло. Веста ја потврди и италијанскиот новинар, инсајдер, Џанлука Ди Марцио.

Според новинарот, во Милано се одржала двочасовна средба меѓу претставници на Сампдорија и Станковиќ, на која страните се договориле за соработка. Втора опција за клубот беше Клаудио Раниери, но тој ја одбил понудата.

Нотингем Форест кој летово рушеше рекорди и се засили со 22 фудбалери може да го отпушти менаџерот Стив Купер после очајниот старт. За наследник на Купер во овој момент фаворит е Рафа Бенитез.

Нотингем во овој момент е последен тим на табелата со само четири освоени бодови. Тоа е навистина премалку ако се знае дека потрошија 250 милиони евра на засилување. Информациите се дека започнати се преговори со искусниот Бенитез.

Последниот клуб кој Бенитез го водеше во Премиер лигата од каде што си замина лани. Претходно во кариерата работеше во Ливерпул, Челзи, Њукасл, а покрај англиските клубови ги водеше уште Валенсија, Реал Мадрид, Интер, Наполи и кинескиот Далијан Јунајтед.

Италијанскиот спортски новинар Фабрицио Романо тврди дека фудбалерот на Париз Сен Жермен Лионел Меси уште немал одлучено дали на крајот од сезоната ќе се врати во Барселона или ќе го продолжи договорот со клубот од Париз.

Според Романо, Меси нема донесено одлука за својата иднина бидејќи сака да се фокусира на СП во Катар, како и на остатокот од сезоната во француското првенство со ПСЖ.

Фабрицио Романо реагираше на тврдењето од некои аргентински медиуми кои пренесоа вест дека Меси наводно одлучил на крајот од сезоната да се врати во Барселона. Аргентинецот има договор со шампионот на Франција до јуни 2023 година.