Италијанските медиуми пренесуваат дека тренерот на фудбалскиот клуб Рома, Жозе Мурињо, ја одбил богатата понуда од Саудиска Арабија за преземање на екипата на Ал Ахли, и најверојатно ќе остане тренер на Рома.

Информациите велат дека португалскиот стручњак неодамна во Лондон имал состанок со челниците на Ал Ахли кои му понудиле износ од дури 120 милиони евра за две сезони, ако се согласи да ја води оваа екипа во наредниот период. Меѓутоа Мурињо претходно се обврзал дека ќе остане во Рома и ќе ја продолжи својата работа калчолигашот.

Мурињо за тренер на Рома беше назначен во 2021 година, а негови најголеми успеси со овај клуб се освојувањето на Лигата на Конференции во 2022. година.

Оваа година Рома под негово водство играше во финалето од Лига Европа каде беше поразена од шпанска Севиља.

Шкотски Селтик е блиску до договор со Брендан Роџерс кој би можел да ја преземе функцијата менаџер, пренесуваат британските медиуми.

Роџерс Селтик го водеше од 2016-та до 2019-та година и во секоја сезона ја освојуваше шампионската титула, а според информациите од Шкотска 50-годишниот тренер е пред враќање во клубот.

Според информациите од двете страни денес би требало да се одржи нов разговор, а извори блиски на „Скај“ тврдат дека соработката е на повидок.

Поранешниот менаџер на Ливерпул на почетокот на април доби отказ од Лестер по серијата лоши резулати, а „лисиците“ на крајот испаднаа од друштвото на најдобрите.

Дефанзивецот на Интер, Милан Шкрињар, пред натпреварот на репрезентацијата на Словачка против Исланд потврди дека кариерата ќе ја продолжи во Пари Сен Жермен.

На 1 јули му истекува договорот со миланскиот клуб и како слободен играч ќе се пресели на „Паркот на принцовите“.

Според информациите, 28-годишниот дефанзивец потпишал четиригодишен договор со ПСЖ.

„Веќе се чувствувам добро, но без игри не можете да го најдете вашиот ритам. Ако тренерот сака да ме пушти, ќе му помогнам на тимот бидејќи сум подготвен. Да видиме што ќе се случи во Париз, во ПСЖ, но најважно е да се чувствувам добро“, рече Шкрињар на прес-конференцијата во пресрет на европскиот квалификациски натпревар Словачка – Исланд.

Минатата сезона Словакот одигра 31 натпревар за Интер со една асистенција.

Белгискиот напаѓач кој е член на Челзи, а настапуваше со позајмица во Интер, Ромелу Лукаку би можел да се пресели во Ал-Наср.

Според некои медиуми, Лукаку отпатувал во Саудиска Арабија за да преговара со клубот. Напаѓачот доби понуда со плата од 25 милиони евра по сезона. Саудискиот тим нуди двегодишен договор.

Се истакнува дека Лукаку веќе ја одржал првата рунда преговори со Ал-Наср. На Белгиецот му одговараат услови, но тој има договор со Челзи до 2026 година. Лондонскиот клуб планира да добие најмалку 50 милиони евра за трансферот на играчот. Ромелу Лукаку оваа сезона одигра 36 натпревари за Интер во сите натпреварувања, постигнувајќи 14 голови и седум асистенции. Цената на 30-годишен фудбалер, според порталот Трансфермаркт е 40 милиони евра.

Стефан де Врај стави потпис на нов договор со „нероаѕурите“ до 2025 година.

Договорот на Де Вриј со Интер истекуваше овој месец, па иако се очекуваше да си замине како слободен агент, сепак одлучи да остане на „Џузепе Меаца“. После сигурното заминување на Скриниар, Интер не сакаше да остане без уште еден стандарден дефанзивец, па почна преговори со Де Врај.

Двете страни брзо постигнаа договор, па Холанѓанецот и во наредните две години ќе остане во клубот.

Милан е силно заинтересиран за 19-годишниот талент на Челзи, Карни Чуквуемека.

Станува збор за млад англиски репрезентативец со нигериско потекло, кој важи за најголем талент на Островот во моментов. Тој минатото лето пристигна во Челзи од Астон Вила за 18 милиони фунти, но не доби вистинска шанса на „Стенфорд Бриџ“.

Чуквуемека сака да ја промени средината, а Милан и минатото лето беше силно заинтересиран за неговиот потпис.

„Росонерите“ сега гледаат одлична шанса да го агажираат, а „Калчомеркато“ тврди дека Англичанецот може да се пресели на „Сан Сиро“ на позајмица со право на откуп.

Барселона одлучи да ангажира ново засилување за нападот, млад напаѓач кој ќе биде алтернатива за Левандовски.

Каталонските медуми пренесуваат дека Барселона е пред комплетирање на трансферот на големиот бразилски талент Витор Роке. Станува збор за 18-годишен напаѓач на Атлетико Параненсе, кој веќе дебитираше за бразилската репрезентација.

Роке беше на мета на многу европски гиганти, но Барселона ја победи конкуренцијата благодарение на Деко, кој е последник при трансферот.

Според информациите каталонскиот гигант за неговиот потпис ќе плати 40 милиони евра на три рати.

Масимилијано Алегри нема да го напушти Јувентус ниту за милионите од Саудиска Арабија.

Навивачите на „старата дама“ подолг период не се задоволни од работата на Алегри, посебно поради неговиот дефанзивен стил на игра и голем дел од нив бараа негово заминување. Шанса за промена на клупата се појави со понуда од Саудиска Арабија.

Ал-Хилал се обидел со плата четири пати од онаа што ја заработува во Торино да го убеди Алегри да ја напушти Европа, но одоговорот на Италијанецот бил негативен.

Алегри во Јувентус заработува седум милиони евра и имал прилика за многу поголема заработка, меѓутоа одлучил да каже „не“.

Овој втор мандат во Јувентус, Алегри го започна во 2021 година, а сезонава поради казната со одземени 10 бода тимот заврши на седмата позиција и наредната сезона ќе игра во Конференциската лига.

Лионел Меси објави дека нема да игра за Аргентина на следниот Мундијал во 2026 година, ваквата одлука Аргентинецот ја најави и по освоената титула во Катар, а сега само потврди.

На следниот Мундијал Меси ќе има 39 години и смета дека нема да биде подготвен да и помогне на неговата репрезентација.

„Нема да играм на следниот Мундија. Ова беше моето последно Светско првенство, ќе видима каква ќе биде ситуацијата, но не верувам дека нешто ќе се промени“, изјави Меси.

Навивачите на Аргентина сепак и понатаму ќе се надеваат дека Меси може да настапи на турнирот на кој Аргентинците ќе ја бранат титулата освоена во Катар.

Винициус Жуниор, е на врвот на десетте најскапи играчи во Ла Лига, според податоците на веб-страницата Трансфермаркт. Вредноста на 22-годишниот напаѓач веќе изнесува 150 милиони евра. Цената на играчот се зголеми за 30 милиони евра во текот на сезоната, што го направи најскапиот играч во шпанското првенство.

Следни во рангирањето се играчите на Реал Мадрид, Родриго и Федерико Валверде, кои се проценети на 100 милиони евра. Иста е вредноста на Шпанецот Педри, кој настапува за вечниот ривал Барселона.

Веднаш по него е уште еден играч на Барса, а тоа е Гави чија трансфер сума е 90 милиони евра. Шести и седми се играчите на Реал Мадрид – Едуардо Камавинга и Аурелиен Чуамени кои се проценети на 85 милиони евра.

На осмата позиција е Френки де Јонг од Барселона, кој во моментов би можел да биде продаден за 75 милиони евра. Десетте најплатени играчи во Ла Лига повторно ги комплетираат играчи на Каталонците и на „кралевите“, како Едер Милитао од „кралевите“ и Роналд Араухо од Барселона чија цена моментално е 70 милиони евра.