Интер и Милан водат битка за играчот од средниот ред на Верона, Антонин Барак, пренесуваат италијанските медиуми. Барак е еден од најдобрите играчи на Верона оваа сезона и веќе има постигнато 10 гола и 4 асистенции, иако е играч за врска. Чешкиот играч за врска ги воодушеви Инзаги и Пиоли, кои сега го означија како примарна цел за следното лето. Верона е спремна да го пушти на крајот на сезоната и за неговата слобода бара 20 милиони евра.

Миланските гиганти уште сега ги започнаа преговорите и сакаат да ја победат конкуренцијата и да го донесат во своите редови.

Манчестер Сити е фаворит за потписот на Ерлинг Халанд, но очигледно тренерот Пеп Гвардиола ќе мора да бара друг голгетер. Шпанските новинари тврдат дека Норвежанецот ја одбил првата понуда од „граѓаните“. Пред седум дена тие му испратиле понуда од 600.000 евра неделно, но тоа не било доволно.

Халанд им кажал „не“ на „граѓаните“ и тоа покажува дека чека понуда од Реал Мадрид и се надева на преселба во Шпанија. Парите не му биле важни, инаку ќе потпишел договор со Манчестер сити, пишува шпански „АС“.

„АС“ тврди дека не постои откупна клаузула од 75 милиони евра според која Борусија Дортмунд мора да го продаде, иако имаше такви шпекулации во претходните месеци.

Кристиjан Пулишиќ не добива голема минутажа на „Стенфорд Бриџ“ и е спремен да го напушти Челзи. 23-годишниот крилен фудбалер е мета на многу европски клубови, но медиумите пренесуваат дека главната битка за неговиот потпис ќе ја водат Баерн Минхен и Челзи.

Јувентус е силно заинтересиран за Американецот бидејќи приоритет на „бјанконерите“ ќе биде доведување на офанзивен фудбалер како замена за Дибала.

Од друга страна тренерот на Баерн, Нагелсман е голем фан на квалитетите на Пулишиќ и смета дека би бил идеално засилување за неговиот тим.

Лионел Меси најави можност да стави крај на кариерата за „Гаучосите“ и да продолжи да игра само во клупски фудбал.

„Размислувам за она што доаѓа сега, во Еквадор. По Светското првенство ќе треба да преиспитам многу работи“, искрен беше Меси.

Аргентина ја совлада Венецуела со 3-0, но тоа остана во сенка на изјавите на Анхел ди Марија и Меси.

Ди Марија нема дилема дека само што го одигра последниот натпревар во репрезентативниот дрес, постигна гол и забележа асистенција.

„Би сакал само да ви се заблагодарам за големата љубов што ја добив.Отсекогаш сум сонувал за сето она што го поминав низ овие прекрасни ноќи.Ова веројатно беше мојот последен натпревар во овој дрес во Аргентина. Ви благодарам уште илјада пати“, рече Ди Марија.

Барселона е спремна да понуди 50 милиони евра на Баерн Минхен за потписот на Роберт Левандовски, пренесува каталонски „Спорт“. Ако е потребно таа сума ќе достигна до 60 милиони евра, пренесува весникот кој е близок до Барселона. Вчера каталонски „Спорт“ ексклузивно објави дека Левандовски сака да се пресели во Барселона и дека неговиот агент Пини Захави е во постојан контакт со претседателот Жоан Лапорта.

Левандовски на лето влегува во последната година од договорот со Баерн Минхен, а неговиот агент потврди дека нема најави за продолжување на соработката.

Поради тоа големи се шансите полскиот голгетер да ја промени средината на лето, а негов прв избор е Барселона.

Барселона е спремна да понуди 50 милиони евра и се верува дека таа сума ќе ги задоволи финансиските апетити.

Македонската фудбалска репрезентација вчера го одржа првиот тренинг по враќањето од Палермо, а во пресрет на решавачкиот меч со Португалија за пласман на СП во Катар.

По извонредниот настап на средбата во Италија, Висар Муслиу, пред дуелот со Португалците вели:

„Секако е дека емоциите за Италија се завршени. Сега цел поглед ни е кон Португалија. Мора да се потрудиме многу, знаеме дека ова е можеби шанса која ќе ја имаме еднаш во животот. Мора да дадеме максимум и да се потрудиме да победиме, па така ќе испишеме нова историја за нашиот фудбал. Секој нов меч е различен од претходниот, но знаеме дека чека еден многу тежок меч, со многу притисок и на наша и на нивна страна. Тоа мора да го отстраниме со нашата професионалност. Португалија е фаворит на хартија, сите го велат тоа. Но, ние не мислиме така. Знаеме за каков квалитет се говори. Италија исто имаше квалитет како европски првак, па така сметам дека и ние не сме без никакви шанси во финалето“.

Mакедонските репрезентативци Енис Барди и Александар Трајковски, како и селекторот на фудбалската репрезентација Благоја Милевски, ќе добијат дипломатски пасоши од Министерството за надворешни работи, соопшти министерот за надворешни работи Бујар Османи.

„Во Министерството за надворешни работи на Трајковски, Барди и селекторот Милевски ќе им бидат врачени дипломатски пасоши. Тие сега се наши најважни амбасадори и заслужуваат дипломатски пасош. Се надевам ќе продолжат да нè радуваат и во натпреварот со Португалија“, изјави министерот Бујар Османи.

Двајцата фудбалери и селекторот своите дипломатски пасоши ќе ги добијат по брза постапка и веќе од денес ќе ги имаат во своите раце.

Македонија одигра херојски натпревар против Италија во Палермо и со голот токму на Трајковски се избори за финален дуел за пласман на Светското првенство против Португалија, кое ќе го игра во Порто на стадионот „Драгао“ во вторник на 29.март со почеток во 20.45 часот.

Францускиот вицепрвак Париз Сен Жермен во текот на летниот преоден рок размислува да го доведе напаѓачот на Челзи Ромелу Лукаку. 

Според медиумските информации, ПСЖ очекува да се раздели со напаѓачот Килијан Мбапе бидејќи неговиот договор истекува на лето и поради оваа причина Парижаните ќе бараат нов голгетер.

 Белгиецот оваа сезона постигна 12 гола и забележа две асистенции на 34 натпревари во сите натпреварувања. Неговиот договор со Челзи истекува во 2026 година, но на почетокот на сезоната тој јавно објави дека не е среќен во тимот и не е исклучена можноста тој да побара заминување од Лондон.

Холивудската ѕвезда Џорџ Клуни е заинтересиран да го купи англискиот клуб Дерби Каунти. Тимот кој настапува во Чемпионшип е во големи проблеми од самиот старт на првенството кога поради финансиски проблеми им беа одземени 21 бода.

Сепак, екипата предводена од тренерот Вејн Руни е на осум бода од зоната за спас, а до крајот на сезоната остануваат уште седум кола. 

Клуни пред неколку години започна преговори за купување на шпанскиот клуб Малага, но тогаш договорот пропадна.

„Дерби е голем фудбалски клуб кој има фантастична историја и сигурен сум дека ќе има голема иднина. Знам дека во последно време има проблеми, но во овие околности е очигледно дека и играчите на теренот и навивачите ја играат одлично својата улога. Мојот интерес за фудбалот секако порасна во последните години. Пред некое време ме прашаа дали сакам да се приклучам на група која сака да ја купи Малага. Тоа беше возбудлива перспектива, но на крајот пропадна. Можеби поседувањето фудбалски клуб е возбудлива работа и не ја отфрлам можноста да бидам дел од некој клуб во иднина“, изјави Клуни.

Ѕвездата на аргентинскиот и светскиот фудбал, Лионел Меси, најави крај на својата репрезентативна кариера.

Тој во изјава после победата од 3:0 над Венецуела кажа дека многу работи ќе се променат за него после Светското првенство во Катар.

„Не знам што ќе правам по Светското првенство. Размислувам за она што претстои. По Катар ќе треба да проценам многу работи“, изјави Меси.

Запрашан дали ќе продолжи да го носи дресот на својата репрезентација и следната година, Меси рече: „Не знам, вистината е дека не знам. Размислувам за тоа што доаѓа наскоро, натпреварот со Еквадор во вторник и контролите во јуни и септември. Се надевам дека ќе поминат на најдобар начин. Едно е сигурно, по завршувањето на Светското првенство многу работи ќе се променат“, потенцира Меси.