ПСЖ покажува сериозен инетерес за шпанскиот репрезентативец и дефанзивец на Виљареал, Пау Торес.

ПСЖ сака да ја засили одбраната, а Торес е прв на листата желба бидејќи клубот во него гледа идеален наследник на Серхио Рамос. 26-годишниот Шпанец се етаблираше во еден од најдобрите дефанзивци во Примера и го привлече вниманието на многу европски гиганти. Ова лето беше на мета на Манчестер Јунајтед, но сепак остана во Виљареал, а ПСЖ веќе спрема понуда од 50 милиони евра за неговиот потпис.

Торес е спремен да направи чекор напред во кариерата и е отворен за преселба во Париз, тврдат шпанските медиуми.

Франк Кеси ова лето пристигна во Барселона како големо засилување, но само после една сезона ќе го напушти „Камп Ноу“.

Кеси не е задоволен од третманот што го има во Барселона каде добива мала минутажа и главно е на клупата за резерви.

Притоа, клубот побарал да прифати намалување на платата, па откако Кеси одбил и Барселона е спремна да го продаде. Сега во трката за неговиот потпис се приклучи и Јувентус, кој сака да го врати играчот во Серија А.

Барселона за неговата слобода бара 25 милиони евра, а „старата дама“ е спремна да ја плати таа сума.

Томас Тухел неодамна пристигна во Баерн Минхен, а на лето ќе има поддршка да донесе засилувања по своја мерка.

Германските медиуми пренесуваат дека Тухел побарал од раководството две засилувања, едно во нападот и едно во средниот ред. Најголема желба на Германецот е напаѓачот на Наполи, Виктор Осимен, кој оваа сезона е вистински хит во Серија А.

За него интерес покажуваат многу европски гиганти, но Баерн е спремен да ја победи конкуренцијата и нема да жали пари за да го доведе во Минхен.

Другата желба на Тухел е Матео Ковачиќ со кого соработуваше во Челзи. Овој трасфер е полесен за реализација бидејќи „сините“ се спремни да го продадат Хрватот, кој влегува во последната година од договорот.

Нголо Канте на лето најверојатно ќе го напушти Челзи, бидејќи ги прекина преговорите за продолжување на договорот.

Медиумите на Островот пренесуваат дека може кариерата да ја продолжи во големиот ривал на Челзи.

Имено, Арсенал покажува сериозен интерес и испратил понуда до неговиот агент. Артета е во потрага по квалитетен играч за врска и верува дека Канте би бил идеално засилување. Канте влезе во последната година од договорот со Челзи, па иако се чинеше дека „сините“ ќе направат се за да го задржат, сепак Французинот е блиску до заминување.

Канте сака да остане во Премиер лигата, па е спремен да ја прифати понудата на Арсенал.

Ерлинг Халанд го собори рекордот на Мохамед Салах за најмногу голови во сезоната во Премиер лигата со 38 натпревари. Норвежанецот постигна гол во победата од 4-1 над Арсенал и го зголеми својот број на 33 оваа сезона. Египќанецот досега го држеше рекордот со 32 постигнати гола во сезоната 2017/18.

Инаку, Енди Кол и Алан Ширер го држат рекордот за најмногу голови досега во една сезона во Премиер лигата со по 34. Двајцата ист број на голови во сезоните 1993/94 и 1994/95, но разликата е во тоа што одиграа по 42 натпревари во текот на сезоната. До крајот на сезоната остануваат уште само 7 натпревари, па Халанд ќе има можност да ги подобри дури и рекордите на Кол и Ширер. Она што е уште поимпресивно е што Норвежанецот може да го направи тоа во својата прва сезона во Премиер лигата.

Инаку, Халанд има вкупно 49 гола од стартот на сезоната во сите натпреварувања. Тој е и водечки стрелец во сезоната на Лигата на шампионите со 11 голови.

Газета дело Спорт објавува дека напаѓачот на Милан, Португалецот Рафаел Леао ги одби понудите за трансфер од Челзи и Реал, бидејќи сака да ја продолжи соработката со клубот од Италија.

Според информациите, менаџерот на Леао, Жорж Мендеш разговарал со претставниците на Челзи и Реал и им соопштил дека репрезентативецот на Португалија нема желба да го напушти Милан.

Леао со Милан има договор до 30.јуни 2024.година, и според најавите тој ќе ги продолжи преговорите со челниците на „росоњерите“ во врска со продолжување на деоговорот и останување во Милан.

Екипата на Шефилд Јунајтед од наредната сезона повторно ќе игра во Премиер лигата. На две кола пред крајот на Чемпионшип лигата, тимот на Шефилд ја совлада екипата на ВБА со 2:0 со што обезбеди враќање во елитата.

Претходно Барнли на гостински терен со 1:0 го совлада Блекбурн и стана шампион на Чемпионшип со што директно се пласира со Премиер лигата.

За четири места кои водат во баражот за промоција до крајот ќе се борат 8 екипи, бидејќи Лутон и Мидлзборо веќе го осигураја својот настап во бараж.

Екипата на Јанг Бојс е нов шампион на Швајцарија. Тимот од Берн и покрај поразот од Грасхоперерс, успеа на шест кола пред крајот на првенството да стигне до шампионскиот трофеј.

Ова е 16-та титула во историјата на Јанг Бојс, кој во наредната година ќе игра во квалификациите за Лигата на шампиони од првото коло.

Екипата ќе има можност до крајот на сезоната да освои уште еден трофеј, бидејќи во финалето на купот кој се одржува на 4.јуни ќе игра против Лугано.

Фудбалерот на Интер, Николо Барела ќе биде трансферна цел на Ливерпул во текот на летото, најавија дел од медиумите во Италија.

Во исто време и 26-годишниот фудбалер вели дека би сакал да замине на стадионот – „Енфилд“. Неговата цена на трансфер – пазарот е околу 70 милиони евра.

Барела во дресот на „нероаѕурите“ има одиграно 42 меча со ефект од осум голови и седум асистенции.

Емерик Лапорт вели е подготвен да го напушти составот на Манчестер Сити бидејќи не е задоволен од минутажата што ја добива од тренерот, Пеп Гвардиола.

Фудбалерот сака во текот на летото да се пресели во редовите на Барселона и за тоа е подготвен да прифати и намалување на платата.

28-годишниот централен дефанзивец на „граѓаните“ сега заработува по 6,5 милиони евра по сезона.