Голманот на Челзи, Шпанецот Кепа Аризабалага сака да го напушти лондонскиот клуб, бидејќи е незадоволен од статусот во екипата од Стенфорд Бриџ.

27-годишниот Кепа сака да ја промени средината, бидејќи е незадоволен од својата минутажа во Челзи. Тој во лондонскиот клуб пристигна во 2018 година за 80 милиони евра и стана најскап светски голман.

Кепа минатата сезона за Челзи бранеше само на 15 натпревари во сите натпреварувања. Медиумите пренесуваат дека Наполи е заинтересиран за ангажман на шпанскиот голман, и дека италијанскиот клуб е подготвен да го откупи договорот од Челзи или да го доведе Шпанецот на позајмица.

Договорот на Аризабалага со Челзи истекува во јуни 2025 година.

Познатиот новинар Фабрицио Романо пренесува дека украинскиот репрезентативец Олександр Зинченко се договори со Арсенал за трансфер во овој клуб.

25-годишниот актуелен играч на Манчестер Сити се очекува да потпише договор со Арсенал со важност до 2026 година. Медицинските прегледи се очекува да бидат извршени оваа недела.

Манчестер Сити како обештетување од Арсенал за трансферот на Зинченко ќе добие 30 милиони фунти.

Десниот бек од Брегот на Слоновата Коска, Серж Орие е блиску до преминување во Атлетико Мадрид.

Според изданието, играчот, кој е со статус на слободен играч, е сериозно заинтересиран за клубот од Мадрид, кој сака да се договори со играчот во овој актуелен преоден рок.

Минатата сезона Серж Орие имаше 24 настапи за Виљареал во сите натпреварувања и успеа да постигне две асистенции. Порталот Трансфермаркт ја проценува пазарната вредност на 29-годишниот дефанзивец од Брегот на Слоновата Коска на 10 милиони евра.

Серж Орие играше и во француската Лига 1 за Тулуз, кој се врати во првата дивизија на францускиот фудбал на крајот од минатата сезона.

Голманот на Челзи, Кепа Аризабалага би можел да биде позајмен на италијански Наполи, пишуваат медиумите од Апенините.

Шпанскиот репрезентативец стана непожелен на „Стемфорд Бриџ“ откако менаџерот Томас Тухел цврсто го постави Едуард Менди под рамката.

Од доаѓањето на Менди во 2020 година, Аризабалага има само 29 настапи во сите натпреварувања за лондончани.

Кепа Аризабалага бара нов тим кој ќе му даде минутажа за играње додека се обидува да најде место во репрезентацијата на Шпанија за Светското првенство во Катар подоцна оваа година.

Наполи од своја страна бара голман со квалитети по заминувањето на Давид Оспина во насока на саудиски Ал Наср.

Генералниот директор на Баерн Минхен, Оливер Кан, во интервју за германскиот Билд, изјви дека напаѓачот на Тотенхем Хари Кејн е иден сон на баварскиот клуб.

Шампионот на Германија го продаде својот најдобар стрелец Роберт левандовски во Барселона, а Кан верува дека англискиот репрезентативец Хари Кејн во иднина би можел да биде негова идеална замена.

„Кејн има договор со Тотенхем. Апсолутно е точно дека се работи за топ класа, но тој е сон за иднината. Во моментот мораме да го дефинираме тимот за актуелната сезона“, истакнува Кан.

Договорот на Хари Кејн со Тотенхем истекува летото 2024 година.

Ајакс е блиску до потпис со дефанзивецот на шкотски Ренџерс, Калвин Баси.

22-годишниот нигериски интернационалец ќе се пресели во тимот од Амстердам за 22 милиони евра, а планирани се уште 5 во вид на бонуси за учинокот.

Ренџерс, исто така, ќе добие 10 отсто од следната продажба на играчот, кој беше привлечен пред две години од Лестер за скромни 230.000 фунти.

Тоа ќе биде рекорден трансфер во историјата на Ренџерс.

Фудбалерот на Манчестер Јунајтед Кристијано Роналдо ја демантираше веста дека се враќа да игра за Спортинг од Лисабон, клубот каде ја започна својата кариера.

Телевизијата Спорт од Португалија објави вест дека голгетерот преговара со управата на Спортинг за негово враќање во Лисабон. 

Информациите беа базирани на фактот што автомобилот на Роналдо бил виден во близина на стадионот на Спортинг, меѓутоа оваа вест набргу ја демантира и самиот Роналдо кој со коментар на  Инстаграм пост напиша дека веста е лажна.

Шведскиот фудбалер Златан Ибрахимовиќ се согласи да го продолжи договорот со Милан до јуни наредната година.

Италијанските медиуми тврдат дека навивачите на Милан се воодушевени со овај потез на Златан, бидејќи сметаат дека тоа е доказ колку фудбалерот ги почитува росонерите.

Според договорот, Ибрахимовиќ ќе заработува околу 1,5 милиони евра, но ќе има бонуси за одиграни натпревари и постигнати голови.

Шведскиот фудбалер во октомври ќе наполни 41.година, а во моментот се опоравува од операцијата на коленото поради која нема да игра до крајот на годината.

Барселона е еден од најактивните клубови на трансфер пазарот и денес го договори трансферот на Роберт Левандовски од Баерн Минхен.

Каталонците претходно ги донесоа Франк Кеси, Кристенсен и Рафиња, но не мислат да застанат и следен на списокот е Жил Кунде. Тренерот Чави сака да ја засили одбраната со врвен дефанзивец кој ќе биде долгорочен наследник на Жерар Пике, пренесува шпанскиот весник „АС“.

Поради тиа главните финансиски средства во летниот преоден рок Барселона може да ги насочи толку кон Жил Кунде.

Шпанските медиуми пренесуваат дека Барселона испратила понуда од 58 милиони евра плус бонуси, што е приближно на сумата која ја бара Севиља.

Медиумите на Островот тврдат дека 29-годишниот Англичанец Џеси Лингард ќе донесе одлука за својата иднина најдоцна до 22 јули.

Лингард е спремен да одбие понуди од клубови од Премиер лигата и американската МЛС и да се пресели во неименуван клуб во Саудиска Арабија, кој е подготвен да му плаќа 10 милиони фунти годишно.

Лингард стана слободен играч на почетокот на месецот, откако му истече договорот со Манчестер Јунајтед. Минатата сезона сезона тој настапи ан 21 меч на кои постигна 2 гола и запиша една асистенција. Лингард има понуди од неколку клубови од Премиер лигата, па доколку се пресели во Саудиска Арабија ќе биде шокантна одлука.