Напаѓачот на Реал Мадрид, Карим Бензема продолжува да тренира на индивидуална програма пет дена пред осминафиналето од Лигата на шампионите против ПСЖ.

34-годишниот напаѓач заработи повреда на мускулот во осминафиналето од Купот на Шпанија со Елче (2-1), кое се одигра на 20 јануари. Беше објавено дека Бензема ќе отсуствува две недели. Тој веќе пропушти два натпревари за шпанскиот тим и најверојатно нема да настапи на првенствениот меч против Виљареал.

Според изворот, нема гаранција дека Бензема ќе може да се опорави за првиот меч од осминафиналето на Лигата на шампионите со ПСЖ, кој ќе се одржи следниот вторник, на 15 февруари (21:00 часот).

Бензема оваа сезона постигна 24 гола на 28 натпревари во сите натпреварувања.

Астон Вила се обидува да го откупи договорот на офанзивниот играч за врска Филипе Кутињо од Барселона ова лето.

Договорот за закуп меѓу клубовите вклучува откупна опција за 40 милиони евра, но Вила не е подготвена да ја плати оваа сума, па ќе се обиде да издејствува намалување на сумата.

Астон Вила на Бразилецот ќе му понуди долгорочен договор со намалување на платата. Клубот се надева дека Кутињо ќе изврши притисок врз Барселона и ќе помогне да се договори трансфер за помалку од 40 милиони евра.

Од денес се укинуваат дел од итните антивирусни мерки кои во декември беа воведени во Премиер лигата поради бранот заразени со омикрон. Вака одлучија клубовите од Премиер Лигата на денешниот состанок.

Од утре веќе не е задолжително носење маски во затворени простории, се намалува временскиот рок за процедури за опоравување, а задолжителното тестирање на играчите и вработените се намалува на два пати неделно, кое стапува на сила од понеделник. Премиерлигата во официјалното соопштение најави дека редовно ќе се разгледуваат и останатите вонредни мерки, а ставот е дека сите ќе бидат укинати на крајот на месецот.

Од денес се укинуваат дел од итните антивирусни мерки кои во декември беа воведени во Премиер лигата поради бранот заразени со омикрон. Вака одлучија клубовите од Премиер Лигата на денешниот состанок.

Од утре веќе не е задолжително носење маски во затворени простории, се намалува временскиот рок за процедури за опоравување, а задолжителното тестирање на играчите и вработените се намалува на два пати неделно, кое стапува на сила од понеделник. Премиерлигата во официјалното соопштение најави дека редовно ќе се разгледуваат и останатите вонредни мерки, а ставот е дека сите ќе бидат укинати на крајот на месецот.

Премиерот на Обединетото Кралство Борис Џонсон веќе ја објави својата намера да ги отстрани сите ограничувања од почетокот на март. Затоа денес клубовите се собраа за да разговараат како англискиот фудбал ќе продолжи во овие променливи околности.

Премиерот на Обединетото Кралство Борис Џонсон веќе ја објави својата намера да ги отстрани сите ограничувања од почетокот на март. Затоа денес клубовите се собраа за да разговараат како англискиот фудбал ќе продолжи во овие променливи околности.

Синот на Кристијано Роналдо потпиша договор со Манчестер Јунајтед. Роналдо Џуниор ќе го носи бројот 7 како свој татко.

11-годишното момче е дел од Академијата на „Црвените Ѓаволи“ од летото кога Кристијано Роналдо повторно се врати да настапува на Олд Трафорд.

Според новинарот Фабрицио Романо, Баерн Минхен се откажа од намерата да го привлече дефанзивецот на Челзи, Антонио Рудигер.

28-годишниот германски репрезентативец има договор со Челзи до крајот на сезоната и се уште не го обновил.

Баварците искажуваа голем интерес за него и сакаа да го доведат во својот тим, но Рудигер веќе не е опција за нив. Причината е високата плата што ја побарува дефанзивецот. Баерн Минхен отсекогаш водел строга финансиска политика и не планира да отстапи од неа.

Во моментов Челзи сеуште преговара со Рудигер за обнова на неговиот договор. Германскиот репрезентативец сака да добива 200.000 фунти неделно. За него е заинтересиран и Реал Мадрид.

Борусија Дортмунд речиси се договори за трансферот на напаѓачот на  РБ Салцбург, Карим Адејеми.

Преговорите за потпишување на договор со напаѓачот траат од ноември. Клубот е уверен дека ќе постигне целосен договор со Салцбург во наредните недели. Адејеми е главната цел на Борусија по потпишувањето на договорот со Никлас Зуле. Претходно беше објавено дека Барселона понудила 40 милиони евра за напаѓачот на австрискиот клуб, а Борусија пак е подготвена да плати 35 милиони евра плус бонуси за Адејеми и сака да му понуди 5 милиони евра годишно за 5-годишен договор.

Договорот на Адејеми со Салцбург е до 30 јуни 2024 година.

Голема е веројатноста дека тренерот на Лидс Јунајтед, Марсело Биелса ќе го напушти клубот после истекот на неговиот договор ова лето.

По тој повод раководството на Лидс веќе размислува за можни опции со тренерски имиња кои би го замениле легендарниот Биелса.

Како прв фаворит се издвојува поранешниот тренер на Барселона, Ернесто Валверде. 57-годишниот Валверде е најпознат по неговиот тригодишен престој на „Камп Ноу“ во периодот помеѓу 2017 и 2020 година. Под негово водство, Каталонците на два пати ја освоија Ла Лига, и по еднаш Купот на кралот и Шпанскиот Суперкуп. 

Како друга можна опција се споменува и името на Џеси Марш, кој пред неколку месеци доби отказ од тренерското место во бундеслигашот РБ Лајпциг.

Англиските медиуми пренесуваат дека Рој Кин ја одбил можноста повторно да биде тренер на екипата на Сандерленд.

50-годишниот Ирец, изминатиов период водеше разговори со челниците на третолигашот Сандерленд за седнување на тренерската клупа, но на крајот двете страни не постигнаа конечен договор.

Поранешниот капитен на Манчестер Јунајтед, ја водеше екипата на Сандерленд во периодот од 2006 до 2008 година, кога успеа да ги внесе во Премиерлигата.

Нашите најдобри фудбалери останаа на 67. место на новата ранг листа на ФИФА. Македонија во март ја очекува баражот за место на Мундијалот против селекцијата на Италија.

На врвот на ФИФА листата останува Белгија пред Бразил и Франција. Аргентина се проби на четвртото место пред Англија.

Во топ 10 се уште и: Италија, Шпанија, Португалија, Данска и Холандија.

Уште од поодамна е познато дека екипата на Манчестер Јунајтед е во сериозна потрага по играч кој би бил засилување за средината на теренот.

Според информациите, Јунајтед е заинтересиран за англичаните Деклан Рајс и Калвин Филипс кои импресионираат со своите игри во Вест Хем и Лидс Јунајтед. Меѓутоа од Олд Трафорд се загрижени дека нивното доведување ќе претставува проблем поради превисоката цена која нивните клубови ја определија за нивна продажба, посебно за Деклан Рајс која надминува 100 милиони фунти.

Поради овие причини, изгледни се шансите „црвените ѓаволи“ да се насочат кон доведување на играчот за врска на Лестер, Јури Тилеманс, кој според последните изјави е спремен да направи промена во својата кариера.

 Договорот на 24-годишниот Белгиец со „лисиците“ истекува во летото 2023 година, а од Манчестер Јунајтед веруваат дека зделката би можела да биде склучена за околу 40 милиони фунти.