Натпреварот од првенството во Мексико помеѓу екипите на Керетари и Атлас беше прекинат поради тепачка која се случи на трибините, а во која се повредени десеттина навивачи од кои двајца се во критична состојба.

Како што пренесуваат медиумите, прекинот од нередите и тепачката дошол во второто полувреме, односно во 63.минута, кога навивачите втрчале и на теренот како би биле избегнати поголеми немири.

Поради тоа што насилството се пренесе и на теренот, главниот судија одлучи да го прекине натпреварот, при резултат од 1:0 за Атлас.

Весникот Билд ја пренесува информацијата дека Баерн Минхен е заинтересиран за крилниот напаѓач на Ајакс, Антони. Според изворот, баварците подготвуваат понуда за доведување на Бразилецот ова лето.

22-годишниот играч е член на Ајакс од 2020 година каде пристигна од Сао Паоло за 16 милиони евра и брзо успеа да се наметне во тимот предводен од на Ерик тен Хаг.

 Оваа сезона Антони има 11 гола и 9 асистенции на 29 натпревари во сите натпреварувања за Ајакс. Покрај тоа, крилниот напаѓач е репрезентативец на Бразил  со одиграни 7 натпревари и 2 гола.

ПСЖ сака да го подмлади составот и можеби нема да го продолжи договорот со некој од повозрасните фудбалери во тимот.

Поради оваа причина, ПСЖ се двоуми дали да го продолжи договорот со играчот од средниот ред Анхел Ди Марија, а исто така се споменуваат уште неколку играчи кои се на пат да си заминат.

На местото на Ди Марија, ПСЖ може да потпише со играчот од средниот ред на Лион, Лукас Пакета.

Флориан Виртц го привлече вниманието на најголемите клубови на стариот континент.

Барселона, Реал Мадрид и Баерн Минхен веќе подолго време ги следат настапите на Виртц и сакаат да го донесат во своите редови.

Новинарот Фабрицио Романо открива дека по завршување на сезоната ќе има сериозно наддавање за потписот на 18-годишниот талент. Виртц има договор со Леверкузен до 2026 година, па поради тоа „фармацевтите“ не брзаат со продажбата. Меѓутоа, германскиот клуб е спремен да го продаде доколку некој клуб испрати примамлива понуда.

Виртц оваа сезона има 10 гола и 13 асистенции во Бундеслигата и важи за еден од најголемите таленти во Европа.

Андреа Белоти на лето ќе се пресели во екипата на Милан.

Белоти помина пат од човек кој Торино не сакаше да го продаде ниту за цент помалку од 100 милион иевра кога интерес за него покажуваа екипи како Тотенхем и Арсенал до напаѓач кој без оштета ќе го напушти клубот.

Италијанските медиуми пренесуваат дека Белоти и Милан се договориле за соработка и од лето тој ќе биде нов играч на „росонерите“. Белоти во Торино е од 2015 година и прерасна во вистинска легенда клубот. Сезонава имаше проблеми со повреда па одигра само 12 натпревари и постигна четири гола.

УЕФА отвори истрака против шкотски Ренџерс на само неколку дена пред натпреварот во осминафиналето во Лига Европа против Црвена Звезда.

Во натпреварот против Борусија Дортмунд во Глазгов навивачите на Ренџерс влегоа на теренот и го прекинаа мечот. Поради Европската куќа на фудбалот отвори истрага, а од Ренџерс се огласи за овој случај.

„Имаме нулта толеранција кога во прашање е влегувањето на публика на теренот. Родителите кои помагаа на децата да влезат на теренот ќе бидат изложени на дисциплинска постапка од страна на клубот. На играчите ќе им биде забрането да даваат дресови на оние кои влегоа на теренот“, порача од Глазгов Ренџерс.

Една од можните казни за Ренџерс е натпреварот против Звезда на 10 март да го игра пред празни трибини.

Фудбалерот од средниот ред на Манчестер Сити, Бернардо Силва најави дека на крајот од сезоната ќе се сретне со раководството на англискиот клуб.

„На крајот на сезоната ќе се сретнам со раководството на Манчестер Сити и ќе одлучам што е најдобро за двете страни. Сега на средината на сезоната сакаме да освојуваме трофеи. Не е време да зборувам за мојата иднина“, изјави Бернардо Силва.

27-годишниот Силва на 25 натпревари во Премиер лигата оваа сезона постигна седум гола и една асистенција. На шест натпревари од Лигата на шампионите има и два гола и две асистенции.

Италија е подготвена да биде домаќин на остатокот од сезоната на Украинското фудбалско првенство.

Ова го соопшти првиот човек на Италијанската фудбалска федерација (ФИГЦ) Габриеле Гравина.

„ФИГЦ е подготвен да биде домаќин на натпревари од украинскиот шампионат, бидејќи сакаме да им помогнеме. Работиме и на други иницијативи“, рече Гравина во интервју за Кориере дела Сера.

Првенството на Украина беше прекинато на 24 февруари.

Европското првенство во фудбал во 2028 година најверојатно ќе се одржи во Велика Британија и Ирска.

Фудбалските сојузи на Англија, Северна Ирска, Велс, Шкотска и Ирска поднесоа заедничка апликација пред еден месец и, очигледно, ќе победат без противници.

Според весникот Дејли меил, Турција ќе ја повлече својата апликација затоа што загуби на два претходни избори за Евро 2016 и Евро 2024.

Дејли Мејл, исто така, верува дека Русија нема да се квалификува за домаќин на Евро 2028, бидејќи земјата е суспендирана од турнирите на ФИФА и УЕФА.

Француските медиуми пренесуваат дека поранешниот капитен на Реал Мадрид, Серхио Рамос, ќе го напушти тимот на Париз Сен Жермен по завршетокот на сезоната.

Иако минатото лето, 35-годишниот дефанзивец, потпиша две годишен договор со клубот од Париз, многу веројатно е дека тој ќе ја одработи само оваа сезона.

Од самото пристигнување во ПСЖ, Рамос се мачи со повредите и не успеа да се врати во посакуваната форма.