Дефанзивецот на РБ Лајпциг, Јошко Гвардиол може да ја продолжи кариерата во англиската Премиер лига. Лондонскиот Тотенхем е заинтересиран за услугите на 20-годишниот играч, пишува „Дејли Меил“.

Според изворот, Тотенхем очекува да потпишат со хрватскиот фудбалер на лето. Гвардиол игра за РБ Лајпциг од 2021 година, каде се пресели од Динамо Загреб за 18,8 милиони евра. Договорот на играчот со клубот е со важност до 30 јуни 2026 година.

Според „Трансфермаркт“, пазарната вредност на играчот е 25 милиони евра. Гвардиол оваа сезона одигра 22 натпревари во германската Бундес лига, постигна два гола и имаше две асистенции. Исто така играчот има одиграно шест натпревари во актуелната сезона во Лигата на шампионите.

Турски бизнисмен објави дека е многу блиску до комплетирање на зделката за купување на Челзи.

Станува збор за Муслин Бајрак, кој е претседател на AB Group Holding компанијата, која инвестира во многи сфери во енергетиката, градежништвото, туризам и бродоградетелство.

„Преговараме со адвокатите на Роман Абрамович. Веќе сме во фаза каде што недостасуваат уште потписи. Многу скоро ќе го развееме турското знаме во Лондон. Оваа зделка ќе биде многу важна за Турција. Нашите адвокати се во контакт со Абрамович уште од првиот ден кога стана јадно дека ќе го продава клубот“, додаде турскиот бизнисмен.

Компанијата на Бајрак има и други инвестиции во Лондон, како и Италија, Шпанија и Грција.

Напаѓачот на Борусија Дортмунд, Ерлинг Халанд ќе мора да отсуствува од терените уште еден месец, откако се здоби со компликација од повредата на мускулот што го мачи од јануари, пренесува германскиот весник „Билд“.

21-годишниот Норвежанец се повреди за време на натпреварот со Хофенхајм во 20. коло од Бундес лигата. Од Дортмунд се надеваа дека тој ќе се опорави за реваншот со Глазгов Ренџерс во Лигата на Европа, но тоа не се случи. Подоцна се покажа дека проблемот со повредата се искомплицира и сега играчот ќе мора да мирува уште четири недели.

 Се очекува ова да биде негова последна сезона во дресот на Борусија Дортмунд, а европските фудбалски гиганти веќе започнаа битка за неговиот потпис ова лето.

Шпанските медиуми пренесуваат дека Барселона е многу блиску до потпис со талентираниот Пабло Торе, кој настапува за Расинг Сантандер.

18-годишниот Торе е офанзивен играч од средината на теренот и настапува за репрезентацијата на Шпанија до 19 години.

Раководството на каталонскиот клуб веќе постигна начелен договор со фудбалерот  чија цена е десет милиони евра.

За Торе беа заинтересирани и други европски клубови, меѓутоа пресудна улога за неговото пристигнување во Барселона одигра тренерот Чави кој е негов фудбалски идол.

Екипата на Њукасл Јунајтед се вклучува во трката за потписот на ѕвездата на Наполи, Фабијан Руиз. 

Њукасл веќе имаше обид за доведување на шпанскиот репрезентативец во јануарскиот преоден рок, но нивната понуда од 30 милиони фунти беше одбиена од раководството на Наполи.

Сепак, според весникот „Кориере дело Спорт“ популарните страчки ќе испратат нова понуда од 40 милиони фунти за 25-годишниот шпански репрезентативец. 

Њукасл веќе потроши речиси 100 милиони фунти на засилувања во јануари, со кои ќе се обидат да го обезбедат опстанокот во Премиер лигата. Доколку тоа се случи, се очекува тимот да привлече нови засилувања во текот на летниот период.

Манчестер Јунајтед по се изгледа го стави тренерот на Ајакс, Ерик тен Хаг на врвот на листата на потенцијални кандидати за местото менаџер на клубот следната сезона.

Англискиот клуб веќе влегол во контакт со тренерот на Ајакс. Клубот направи анализа на ситуацијата во која сега се наоѓа Тен Хаг и е решен нему прв да му понуди можност да го преземе клубот во јуни.

Претходно беше објавено дека Тен Хаг навистина сака да го води Манчестер Јунајтед, но најпрво сака добро да го научи англискиот јазик.

Првите луѓе на Интер ќе побараат од Аргентинската фудбалска федерација да ги изостави репрезентативците, Лаутаро Мартинез и Хоакин Кореа за квалификациските мечеви против Венецуела (26 март) и Еквадор (30 март).

Италијанците се определија за такво барање бидејќи „гаучосите“ имаат обезбедено место на СП а „нероаѕурите“ ги чека дерби со Јувентус на 3 април веднаш по паузата за репрезентативните активности.

Италијанскиот тим сака Мартинез и Кореја да бидат максимално подготвени за да настапат против „старата дама“. Тоа може да биде решавачки меч за титулата во Серија А.

Дефанзивецот на Манчестер Сити, Рубен Дијаз, поради повреда ќе биде надвор од терените помеѓу четири и шест недели.

Оваа вест ја потврди тренерот на екипата, Пеп Гвардиола, кој истакна дека 24 годишниот Португалец, повредата ја заработи на натпреварот од ФА купот против тимот на Петерборо.

После деталните медицински прегледи стана јасно дека Дијаз го чека подолга пауза. Неговото отсуство ќе претставува голем проблем за актуелниот шампион на Англија, пред наредните дуели во Премиер лигата, особено пред градското дерби со Манчестер Јунајтед кое се игра во недела.

Тренерот на Челзи, Томас Тухел, нема никакви дилеми околу останувањето на тренерската позиција во екипата и покрај желбата на сопственикот Роман Абрамович да го продаде клубот.

Абрамович веќе најави дека си заминува од клубот чиј сопственик е од 2003 година. За купување на Челзи веќе се појавија неколку заинтересирани купувачи, меѓу кои швајцарскиот милијардер Хансјерг Вис и американскиот инвеститор Тод Бели.

„Неколку пати досега истакнав дека обожавам да работам во Премиер лигата. Ја сакам Англија и ја осеќам нејзината фудбалска традиција на секој чекор. Ова е совршено место за мене и посакувам да останам уште многу долго“, изјави Тухел.

Стефан де Врај би можел да ја продолжи кариерата во англиската Премиер лига. Тотенхем е заинтересиран за услугите на 30-годишниот играч и ќе направи се, ова лето да го донесе во Лондон.

Според информациите, англискиот клуб е подготвен да му понуди на играчот 4-годишен договор со плата од 6,5 милиони евра по сезона. Италијанскиот клуб може да го продаде дефанзивецот за сум од 25 до 30 милиони евра.

30-годишниот Де Врај игра во актуелното италијанско првенство од 2018 година, а има договор со „нероаѕурите“ кој му истекува следната година.