Според објавите во англиските медиуми, Кристијано Роналдо побарал од челниците на Манчестер Јунајтед да го напушти клубот доколку пристигне добра понуда. Информациите велат дека за Роналдо постои интерес од неколку екипи, а 37-годишниот Португалец верува дека може да одигра уште три или четири сезони на највисоко ниво.

Како екипи кои се споменуваат дека ќе испратат понуда за негов ангажман се Челзи од каде веќе имале средба со менаџерот на Роналдо, и калчолигашот Рома каде тренер е Жозе Мурињо.

Младинскиот репрезентативец на Македонија, Јован Манев, прави голем чекор во својата кариера бидејќи го очекува трансфер во турскиот клуб Аданаспор.

21-годишниот дефанзивец со одличните игри кои ги прикажа настапувајќи за фудбалскиот клуб Брегалница, го привлече вниманието од повеќе европски екипи а најконкретни за негов ангажман беа од турскиот прволигаш Адана.

Главен тренер во новиот клуб на Манев е легендарниот Винченцо Монтела, а негов нов соиграч ќе биде популарниот Марио Балотели.

Фудбалскиот клуб Монца се пласира во Серија А, а нејзинот сопственик Силвио Берлускони има високи амбиции за наредните години.

Според објавите на познатиот италијански новинар Џанлука ди Марцио, Берлускони и неговиот долгогодишен соработник, Галијани, сакаат во своите редови да ги доведат двата аргентински фудбалери, Мауро Икарди и Пауло Дибала.

Иако оваа трансфер операција на прв поглед изгледа невозможна, кога се во прашање Берлускони и Галијани секогаш постои шанса за изненадувања.

Мауро Икарди од поодамна не е во планот на Париз Сен Жермен, но има висока плата од 10 милиони евра, па доколку би пристигнал во Монца ќе треба да се постигне некаков договор за поделба на платата. Дибала е слободен играч ова лето, и тој во моментот води преговори со Милан и Интер, меѓутоа доколку играчот не постигне договор со овие гиганти, тогаш Берлускони ја гледа својата шанса да го ангажира Дибала во Монца.

Рома синоќа и официјално потврди дека потпиша договор со голманот на екипата на Бенфика, Миле Свилар.

22-годишниот Свилар дојде во Рим како слободен фудбалер и потпиша договор со „волчицата“ до 30 јуни 2027 година и го одбра дресот со бројот 99.

Десниот бек Алесандро Флоренци ја напушти Рома, откако Милан го купи по истекот на закупот. „Росонерите“ потпишаа договор со него до летото 2025 година.

Ерменскиот фудбалер Хенрик Михтарјан и официјално е нов играч на Интер. Тој со клубот потпиша двегодишен договор.

33-годишниот фудбалер стана играч на Интер веднаш откако му истече договорот со неговиот досегашен клуб Рома.

Михтарјан кој е некогашен играч на Манчестер Јунајтед и Арсенал, претодните три сезони ги помина во Рома за која одигра 117 натпревари и постигна 29 голови и 28 асистенции.

Фудбалскиот клуб Шкендија и официјално го потврди доаѓањето на чешкиот интернационалец Јан Вондра. Тој настапува на позицијата лев бек и се очекува да биде солидно појачување за тој дел од екипата.

„Среќен сум што пристигнав во Тетово и што ќе играм за Шкендија. Се надевам дека ќе прикажам добри игри на почетокот на Конференциската лига и пред стартот на новата сезона во македонската фудбалска лига“, изјави Вондра по потписот на договорот со Шкендија.

Италијанскиот вицешампион откако го ангажираше Ромелу Лукаку денес го претстави и голманот Андре Онана.

Трансферот на Онана од поодамна беше договорен, а сега Камерунецот пристигна во Милано каде што беше претставен. Во Интер Онана пристигнува како слободен играч.

Во Интер Онана ќе го преземе местото на Самир Хандановиќ. Во минатото Онана беше дел и од младинската школа на Барселона.

Вчера беше објавен датумот и местото каде ќе се одигра италијанскиот Суперкуп помеѓу Милан и Интер.

Милан како актуелен шампион ќе ги одмори силите со Интер како освојувач на Купот во дуел за Суперкуп во Саудиска Арабија.

Миланските гиганти ќе играат за трифејот на 18 јануари во Ријад, а сатницата ќе биде позната во подоцна фаза.

Интер минатата година го освои Суперкупот, а Милан последно овој трофеј го освои во 2016 година.

Фудбалерот од средината на теренот во Манчестер Јунајтед, Бруно Фернандеш, изјави дека неговиот сонародник Кристијано Роналдо ќе остане во клубот од Олд Трафорд.

Некои спортски медиуми пишуваа дека Роналдо е незадоволен во Манчестер и се споменуваше негово заминување во Баерн Минхен или Рома, но Фернандеш тврди дека Кристијано нема да го промени клубот.

„Со Роналдо ќе се видиме на стартот од подготовките. Не очекувам ништо поинаку. Секој води сметка за својата иднина, но не верувам дека клубот е спремен да изгуби толку важна фигура како Роналдо“, изјави Фернандеш за португалските медиуми.

Бруно Фернандеш пристигна во Манчестер Јунајтед во јануари 2020 година од Спортинг Лисабон за 63 милиони евра.

Хорхе Сампаоили не е повеќе тренер на Олимпик Марсеј , соопштуваат од францускиот клуб. 

62-годишниот аргентински тренер на клупата на Марсеј пристигна во февруари минатата година и успеа да ја доведе екипата до второто место во францускиот шампионат со што обезбеди директен пласман во Лигата на шампионите.

Сампаоли не открива дали ќе прави тренерска пауза или веднаш ќе започне со водење на друг тим.