Њукасл би можел сериозно да се засили летово, а според последните информации ово клуб е сериозно заинтересиран за дефанзивецот Аке од Манчестер Сити.

Еди Хау го преземе Њукасл откако Саудијците влегоа во клубот и со фантастичен втор дел од сезоната со засилувањата кои пристигнаа во јануари Њукасл најави одлична наредна сезона. Ќе се работи и во текот на летото кога се очекува да пристигнат енкои нови имиња. „Дејли Мејл“ пренесува дека Њукасл за Аке може да плати 55 милиони евра и дека платата на фудбалерот не е проблем.

Во Манчестер Сити Аке заработува околу 80.000 фунти и таква плата може да очекува и на „Сент Џејмс Парк“. Аке пристигна во Сити пред две години од Борнмаут за 45 милиони евра. За тимот на Гвардиола има само 40 настапи, а „Дејли Мејл“ тврди дека и за самиот Аке Њукасл е интересна опција.

Новиот тренер на Манчестер Јунајтед, Ерик тен Хег имал средба со играчот од средниот ред на англискиот клуб Дони ван де Бек.

Холандскиот стручњак го уверил играчот дека смета на него следната сезона. Ова го објави новинарот Фабрицио Романо на својот Твитер профил. Во зимскиот преоден рок минатата сезона, играчот од средниот ред се пресели на позајмица во Евертон. Холанѓанецот не сакаше да се врати во Манчестер Јунајтед доколку не дојде до промени во стручниот штаб.

Минатата сезона Дони ван де Бек имаше 7 настапи за Евертон во англиската Премиер лига и постигна еден гол. 25-годишниот играч од средниот ред има договор со Манчестер Јунајтед до 2025 година. Порталот Трансфермаркт ја проценува пазарната вредност на холандскиот играч на 25 милиони евра.

Шпанска „Марка“ известува дека калчолигашот Наполи се вклучил во трката за доведување на играчот од средниот ред на Валенсија, Карлос Солер.

За 25-годишниот Солер интерес пројавуваат и екипите на Барселона и Атлетико Мадрид, но според информациите, фудбалерот не ја исклучува можноста да заигра надвор од Ла лига.

Минатата сезона Солер за Валенсија постигна 11 гола на 32 натпревари.

Нема интерес од Реал Мадрид за крилниот напаѓач на Баерн Минхен, Серж Гнабри и покрај тоа што неговиот договор со клубот од Минхен истекува следното лето.

Раководството на Реал Мадрид смета дека десното крило од нападот го затвораат Родриго и Марко Асенсио. Бразилецот, кој поради присуството на Винисиус Жуниор не може да игра на левото крило, се преквалификува и се прилагодува на играњето десно. Под овие услови Реал Мадрид не покажа интерес за Гнабри.

Минатата сезона Германецот на 45 натпревари во сите натпреварувања постигна 17 голови и имаше 7 асистенции.

Алваро Мората би можел да се врати во Премиер лигата. Шпанскиот фудбалер кој претходно настапуваше за Челзи е интересен за Њукасл, објави „Калчомеркато“.

Сезоната 2021/2022, 29-годишниот Мората ја мина на позајмица во Јувентус, во која учествуваше на 48 натпревари, на кои постигна 12 гола и даде девет асистенции. Италијанскиот клуб одлучи да не ја искористи опцијата за купување на напаѓачот за 35 милиони евра.

Договорот меѓу Мората и Атлетико истекува на крајот од сезоната 2022/2023. Од јули 2017 до јануари 2019 година, Алваро Мората играше во Премиер лигата за лондонски Челзи.

Баерн ja испратил првата понуда за Мане и таа изнесувала околу 25 милиони евра, но Ливерпул веднаш ја одбил.

„Тајмс“ објави дека Баварците понудиле 25 милиони евра, плус бонуси за Мане, кои Ливерпул би ги добил кога Сенегалецот со Баерн ќе ја освои Лигата на шампионите. На „Енфилд“ воопшто не биле задоволни да влегуваат во сериозни разговори за оваа понуда затоа што сметаат дека Мане вреди многу повеќе.

Договорот на Мане со Ливерпул истекува по следната сезона, а ова лето е последна прилика за „црвените“ да заработат од неговото заминување.

Мане со изјавите во јавноста не потврдил дека сака да замине, меѓутоа на големо се најавува дека тоа и ќе го направи. Наводно Сенегалецот после времето поминато во Ливерпул сака нов предизвик. Во таборот на „црвените“ пристигна во 2016 година и на 269 натпревари постигна 120 голови.

Џејмс Милнер е подготвен да ја намали платата за да остане во Ливерпул, објавија медиумите во Англија.

Според изворот, новиот договор ќе трае уште една година. Девете страни веќе ги започнале преговорите. Претходно, Милнер го доби Орденот на британската империја за заслуги во фудбалот и добротворни цели, соопшти прес-службата на Ливерпул. Награден е за долга професионална кариера и за основање на добротворна фондација за промовирање здрава рекреација за младите во Обединетото Кралство.

Милнер дојде во Ливерпул во 2015 година со слободен трансфер. Тој оваа сезона настапи на 35 натпревари во сите натпреварувања, со три асистенции. Актуелниот договор на англискиот играч за врска истекува на крајот од сезоната.

Фудбалската репрезентација на Велс, успеа да се пласира на Светското првенство во Катар. Велшаните во финалниот бараж одигран во Кардиф ја совладаа Украина со резултат 1:0.

Ова за Велс е прво учество на едно Светско фудбалско првенство после 64 години. Единствениот погодок на натпреварот беше забележан во 34.минута од средбата кога украинскиот фудбалер Андреј Јармоленко си постигна автогол после одбиената топка од слободниот удар изведен од Герет Бејл.

Селекцијата на Велс на СП во Катар ќе биде во групата Б каде ќе се сретне со репрезентациите на Англија, САД и Иран.

По поразот на домашен терен од Грузија, падна првата селекторска „жртва“ во новото издание на Лигата на нации. Нашиот прв противник во Лига Ц, репрезентацијата на Бугарија беше убедливо поразена од Грузија со 2-5 и веднаш остана без селектор.

Јасен Петров веднаш по натпреварот си поднесе неотповиклива оставка, а ја соопшти на официјалната прес-конференција по натпреварот во Разград.

„Благодарност до навивачите и големо извинување, бидејќи не го заслужија ова понижување. Немам морално право да останам и ја преземам целата одговорност за овој срам. Ќе дојде друг тренер, кој подобро ќе ги мотивира репрезентативците за следните натпревари“, рече Петров.

Бугарија сега ја очекува гостување кај Гибралтар, а потоа ќе играат во Тбилиси кај Грузија со што ќе го финишираат овој јунски дел од Лигата на нации.

Бившиот тренер на Норвич, Даниел Фарке е нов тренер на Борусија од Менхенгладбах.

45-годишниот германски стручњак според договорот ќе остане да го води тимот од Менхенгладбах до 2025 година.

Фарке претходно пет години беше тренер на Норвич Сити, од каде после отказот кој го доби замина во Русија и екипата на Краснодар, но поради ситуацијата со Украина тој одлучи да ја прекине соработката и да го напушти клубот.